Շնչառական վարակներով հիվանդների 94 տոկոսը երեխաներ են. արդյոք ԱՆ-ն դիմե՞լ է ԿԳՄՍՆ-ին՝ ուսումը հեռավար անցկացնելու համար

Հայաստանում սուր շնչառական հիվանդությունների շրջանը դեռևս շարունակվում է, թիրախն էլ հիմնականում երեխաներն են:

«Հիվանդությունների վերահսկման և կանխարգելման ազգային կենտրոն»-ի վարակիչ և ոչ վարակիչ հիվանդությունների վարչության բաժնի բժիշկ, համաճարակաբան Եվգենյա Խաչատրյանը «Հայկական ժամանակ»-ի հետ զրույցում պարզաբանեց՝ այս պահի դրությամբ ՍՎՇ-ի դեմ ստացիոնար բուժում է ստանում 400 հիվանդ, որից 378-ը՝ 0-18 տարեկան երեխաներն են: Այսինքն՝ երեխաները կազմում են հիվանդացածների 94,5 տոկոսը:

«Համաճարակային շեմից հիվանդացությունը 2.2 անգամ բարձր է: Պոլիկլինիկա կազմակերպություններ դիմելիությունը նույնպես աճել է: Վերակենդանացման բաժանմունքում այս պահին ընդհանուր առմամբ բուժում է ստանում 21 երեխա, որից 16-ը՝ 0-14 տարեկան, 10-ը՝ 0-4 տարեկան»,- ասաց Խաչատրյանը:

Սուր շնչառական հիվանդությամբ պայմանավորված՝ աճել են նաև շտապօգնության կանչերը, իսկ պոլիկլինիկա կազմակերպություններ դիմելիությունն աճել է 3 անգամ, ինչը նախորդ տարվա համեմատ բարձր է 1.5 անգամ: Մասնագետն ընդգծեց՝ ՍՎՇ հիվանդությունների աճին նպաստում է նաև կորոնավիրուսը, քանի որ այն նույնպես համարվում է սուր շնչառական վարակ:

Հիվանդացածների շարքում մեծ թիվ են կազմում երեխաները, քանի որ նրանք հաճախ գտնվում են փակ տարածքներում, օրինակ՝ դպրոցներում:

«Սեզոնը հիվանդությունների սկսվում է հոկտեմբեր ամսից և վերջանում հաջորդ տարվա մայիս ամսին: Պոլիկլինիկա դիմածների 67 տոկոսը կազմում են 0-18 տարեկան երեխաները, ընդ որում, հոսպիտալացվածների 94,5 տոկոսն էլ են 0-18 տարեկանները: Սա կապված է երեխաների ակտիվ շփման հետ, դպրոց հաճախելու և փակ տարածություններում ավելի սերտ շփվելու հետ, որը նպաստավոր պայմաններ է ստեղծում վարակի տարածման համար»,- նշեց Խաչատրյանը:

Համեմատել սուր շնչառական վարակների տարածումն ու աճը 2021 թվականի հետ, Եվգենյա Խաչատրյանի խոսքով, այդքան էլ ճիշտ չէ, քանի որ այդ ժամանակ գործող լոքդաունների պատճառով մարդիկ երբեմն բժշկական հաստատություններ չեն դիմել: Հիմա էլ, սակայն, հիվանդանալու պարագայում մասնագետին դիմելը մեր հասարակության մեջ արմատացած չէ: Համաճարակաբանն ընդգծեց՝ հատկապես երեխաների դեպքում երկու օր հետո, եթե նրանց վիճակը չի կայունանում, ապա պետք է շտապ դիմել համապատասխան մասնագետի:

ՍՎՇ բնորոշ ախտանշանները շատ են և տարբեր՝ քթահոսությունից մինչև հազ, կոկորդի ցավ, ջերմություն, ընդհանուր մարմնի ցավ: Հիվանդության խորանալու դեպքում՝ բրոնխների ախտահարում, թոքաբորբ:

Համաճարակաբանական իրավիճակով պայմանավորված՝ օրերս մամուլում շրջանառվում էր իբրև թե ԿԳՄՍ նախարարի հաստատած հրաման, որի համաձայն՝ փետրվարի 7-ից բոլոր դասերն ընթանալու են հեռավար: Նախարարությունն արձագանքել էր շրջանառվող այդ լուրերին՝ ընդգծելով՝ տեղեկությունը չի համապատասխանում իրականությանը։ ԿԳՄՍ փոխնախարար Ժաննա Անդրեասյանն էլ անդրադառնալով տարածվող կեղծիքին՝ նշել էր՝ գործում է իրավիճակային մոտեցում՝ ըստ ուսումնական հաստատությունում դեպքերի թվի:

Արդյոք առողջապահության նախարարությունը պատրաստվո՞ւմ է դիմել ՀՀ կրթության, գիտության, մշակույթի, սպորտի նախարարություն՝ դասերն իրականացնելու հեռավար ուսուցմամբ:

«Հայկական ժամանակ»-ի հետ զրույցում առողջապահության նախարարի մամուլի խոսնակ Հռիփսիմե Խաչատրյանն ասաց. «Այս պահին այն դպրոցում և դասարանում, որտեղ հիվանդացությունը հատել է 10 տոկոսի շեմը, անցնում են հեռավարի։ Ընդհանուր հեռավարի անցնելու առաջարկ այս պահին չկա։ Առողջապահության նախարարությունը կարձագանքի՝ ըստ իրավիճակի»,- ասաց Խաչատրյանը:

Կորոնավիրուսային հիվանդությամբ պայմանավորված՝ այս պահին քանի՞ դպրոց է դասերն իրականացնում հեռավար ուսուցմամբ:

ԿԳՄՍ նախարարությունից մեզ փոխանցեցին՝ այս պահին ամբողջությամբ հեռավար կրթության է անցել Գալուստ Գյուլբենկյանի անվան թիվ 190 ավագ դպրոցը, Մանուել Քաջունու անվան թիվ 54 ավագ դպրոցը, ԵՊԲՀ «Հերացի» ավագ դպրոցը: ՀՊՄՀ թիվ 57 հիմնական դպրոցն էլ մասնակի է անցել հեռավարի:

Քովիդի ցուցանիշը դպրոցներում պետք է 10 տոկոսից բարձր լինի, որպեսզի դպրոցն ամբողջությամբ անցնի հեռավար ուսուցման: Սակայն կան դպրոցներ, որտեղ եթե աշակերտների կամ անձնակազմի թիվը մեծ է, կարիք չկա սպասելու 10 տոկոսին: Այդ դեպքում դպրոցը, հակահամաճարակային իրավիճակից ելնելով, անցնում է հեռավարի:

Դպրոցները պաշտոնապես տեղեկացնում են ԿԳՄՍ նախարարություն, թե քանի մարդ է վարակված տվյալ դպրոցում, ըստ վարակվածության ցուցանիշի՝ այդ դպրոցը որոշ ժամանակով անցնում է հեռավարի: Եթե դեպքերը ծանրանում են կամ շարունակվում, այդ ժամանակ նույնպես տեղեկացնում են, և հեռավար ուսուցման ժամկետը երկարացվում է: Նաև կան դպրոցներ, որ միայն առանձին դասարաններն են անցնում հեռավարի:

Մերի Խաչատրյան

«Հայկական Ժամանակ»-ը Telegram-ում
Տպել
3709 դիտում

Անցել ենք «նոր մակարդակի». Իսրայելի վարչապետը հայտարարել է Գազայի հատվածում նոր տարածքներ գրավելու մասին

Իրանը փակում է իր օդային տարածքը և բանակը բերում մարտական պատրաստության վիճակի

Ինչ է կատարվել Երևանում. ՆԳՆ-ից պարզաբանել են աղմուկի պատճառ դարձած տեսանյութի իրադարձությունները

Լեռնային Ղարաբաղի հակամարտությունը մնում է չլուծված․ Կանադայի Արտաքին գործերի նախարար

ՔՊ-ն կարող է հնարամիտ վարվի և այնպես անի, որ Վարդան Ղուկասյանը չկարողանա դառնալ քաղաքապետ. Քոչինյան. տեսանյութ

Մյանմարի ափերի մոտ կրկին երկրաշարժ է տեղի ունեցել, ևս մեկ ուժգին ցնցում էլ՝ Ճապոնիայի մոտակայքում

Իրկուտսկի մարզում ռմբակոծիչ է կործանվել. օդաչուն մահացել է

ՆԳՆ շրջիկ սպասարկման գրասենյակները շարունակում են հանրային ծառայությունների մատուցումը ՀՀ մարզերում

ՔՊ Արմավիրի գրասենյակում կայացել է կուսակցության նախաձեռնող խմբի հերթական նիստը

Սենատը հաստատել է Մեթ Ուիթաքերին ՆԱՏՕ-ում ԱՄՆ-ի դեսպանի պաշտոնում

Երևանում բախվել են «Ֆորդ»-ն ու շտապօգնության մեքենան. տուժել է բժիշկը

ԱՄՆ-ը Ռուսաստանի դեմ նոր պատժամիջոցներ է սահմանել

Գյումրիի ընտրության պատկերով ուրախ եմ, քաղաքացին կհասկանա՝ ինչ խաղեր են տալիս՝ լափամանի գալու համար. տեսանյութ

Փամփուշտներ, սվին-դանակներ, զինվորական ռադիոհեռախոսներ. Լոռիում ապօրինի զենք-զինամթերք է առգրավվել

Արդյունավետ և կառուցողական. Բոլատ Իմանբաևը՝ ՀՀ-Ղազախստան ոլորտային համագործակցության մասին

Դադարեցնել քաղաքական հետապնդումները. Եվրոպայի խորհուրդը դիտորդական առաքելություն կուղարկի Թուրքիա

Բախվել են «ԳԱԶել»-ը և «Մերսեդես»-ը, կա 4 տուժած, այդ թվում՝ անչափահաս

Դավիթ Խուդաթյանը KFW պաշտոնյայի հետ քննարկել է Կապսի ջրամբարի ծրագրի իրականացման ընթացքի խնդիրները

«Ես ձեզ նման չեմ, ձեզնից մեկն եմ»․ «Իմ ուղին» կենտրոնում նշել են Աուտիզմի իրազեկման օրը

Գյումրու և Փարաքարի ԸԸՀ-ներում վերահաշվարկի արդյունքում որևէ ուժի քվեների էական փոփոխություն չի եղել

Վարչապետը ներկա է գտնվել Ուռուցքաբանության կենտրոնի նոր Բարձր տեխնոլոգիական ռադիոթերապևտիկ մասնաշենքի բացմանը

Աննա Հակոբյանը ներկա է գտնվել «Աուտիզմ ազգային հիմնադրամի» կազմակերպած ցուցահանդեսին և համերգին. տեսանյութ

Վարչապետի գլխավորությամբ քննարկվել են կոռուպցիայի կանխարգելման ոլորտում իրականացված աշխատանքները

Պարզաբանումներ և վիճաբանություն «Յանս» ակումբի մոտ. կա վիրավոր

Միլիարդների գույք և դրամական միջոց. Գագիկ Խաչատրյանը ապօրինի գույքի գործով հաշտության առաջարկ է արել. Լուրեր

Ադրբեջանը շարունակում է ամենօրյա ապատեղեկատվությունների շարքը. ՊՆ-ն հերթականն է հերքել

Երևանում պարեկները ծառայություն կիրականացնեն տեխնիկապես հագեցած, նոր էլեկտրամոբիլներով. վարչապետ

Մհեր Գրիգորյանը Վիետնամի գործընկերոջ հետ քննարկել է ազատ առևտրի համաձայնագրի կիրարկման հնարավորությունը

2024-ին դատարաններում քննվել և ավարտվել է 2023-ի համեմատ գրեթե 93,5 տոկոսով ավելի քրեական գործ

Հայաստանի հետ խաղաղության պայմանագիրը կազմված է 17 պարբերությունից. Ալիևը նշել է այն կնքելու պայմանները

Վիետնամի ԱԺ խոսնակը շրջայց է կատարել Պատմության թանգարանի ցուցադրությունների սրահներում

Երկու երկրի միջև հարաբերությունները պատմական և բարեկամական են. Կիպրոսի դեսպանը՝ Խանդանյանին

Շնորհակալ ենք մեր հանդեպ Հայաստանի վստահության համար. ԵՄ առաքելություն

Քույրը դանակով հարվածել է տնակը հրկիզելու փորձ կատարած եղբորը

Հասարակությունը պետք է մերժի կանանց նկատմամբ ատելության խոսքը․ ՀԿ-ները՝ Վարդան Ղուկասյանի խոսքերի մասին

Մեքենան բախվել է եզրաքարին, հողաթմբին և գլխիվայր ընկել մայթին. վարորդն ու անչափահաս ուղևորը հիվանդանոցում են

Կյանքից հեռացել է ՀՀ արվեստի վաստակավոր գործիչ Ռաֆայել Գրիգորյանը

Ինձ համար պրոբլեմ չէ լինել պոպուլիստ, եթե դա միտված է խաղաղությանը, սարսափելի բառ չէ, չվախենանք. Խանդանյան

Ընդգծվել է ՀՀ-ի կողմից Եվրոպոլում կապի սպայի նշանակման կարևորությունը. Ղազարյանն ընդունել է Իլզե Յակոբսենին

Վիլեն Գաբրիելյանը դիմել է Ազգային ժողովի պատգամավորներին