Սակավամարդության պատճառով փողոցները փակում են հանրային գույքով՝ կոտրելով ու փչացնելով այն. Երևանի ավագանու անդամ

Երեւանի ավագանու «Իմ քայլը» խմբակցության անդամ Նուարդ Վարդանյանի համոզմամբ՝ այսօր փողոցում տեղի ունեցող գործողությունների եւ 2018 թվականին տեղի ունեցած հեղափոխության միջեւ զուգահեռներ տանելը, մեղմ ասած, ճիշտ չէ, քանի որ երկու տարբեր արժեհամակարգերի մասին է խոսքը:

«Ընդդիմության պայքարի կոնտեքստը ես չեմ հասկանում: Ժամանակին մենք կանգնել ենք ամիսներով, տարիներով, որովհետեւ եղել է գաղափար, կոնկրետ նպատակ, եւ դա բոլորը գիտեն: Իսկ այն ամենը, ինչ կատարվում է այսօր, անլուրջ է, եւ, բնականաբար, շատ արագ էլ մարելու է: Չեն կարող անվերջ գումար բաժանել և ժողովուրդ հավաքել: Իսկ ովքեր մասնակցում են առանց գումարի (ես վստահ եմ, որ կան նաեւ այդպիսինները), պետք է մի քանի տարով հետ գնան ու հարց տան իրենք իրենց՝ արդյոք ուզո՞ւմ են նորից բռնապետական երկրում ապրել»,- «Հայկական ժամանակ»-ի հետ զրույցում ասում է ավագանու անդամը:

Վարդանյանի խոսքով՝ ընդդիմությունը սակավամարդության պատճառով փողոցները փորձում է փակել համայնքային սեփականություն հանդիսացող գույքով՝ փչացնելով այն, ինչը խստորեն դատապարտելի է. «Ինձ համար անընկալելի է, թե ինչպես կարելի է անփութորեն վերաբերվել մայրաքաղաքի գույքին, նույնն է, որ փչացնես տանդ գույքը, իսկ Երևանը մեր բոլորի տունն է: Ցավոք, այս ակցիաներից առաջ էլ նման դեպքեր արձանագրվում էին: Մեր կողքին նաեւ մարդիկ են ապրում, որոնք շատ հանգիստ կարողանում են այրել աղբամանները, կոտրել նստարանները»:

Ավագանու անդամը միևնույն ժամանակ արձանագրում է՝ քաղաքացիները իրավունք ունեն անհնազանդության եւ ցանկացած տեսակի անհամաձայնության գործողություններ իրականացնելու, անկախ նրանից՝ դա որևէ մեկին ցանկալի՞ է, թե՞ ոչ, սակայն, Վարդանյանի խոսքով, այդ գործողությունները չպետք է դուրս գան օրենքի շրջանակներից և վերածվեն խուլիգանական արարքների:

Վերջինս նաեւ նկատում է՝ այս օրերին քաղաքը է՛լ ավելի է աղտոտվել, դա էլ պայմանավորում է հանրահավաքներով. «Երբ մենք էինք անհնազանդության գործողություններ իրականացնում, պարտադիր մեր հետևից մաքրում էին քաղաքը: Այսօր, ցավոք, մի փոքր այլ է: Այնուամենայնիվ, կարծում եմ՝ ինչքան էլ այդ մարդիկ եւ զբոսաշրջիկները աղտոտեն, քաղաքը մաքրելը քաղաքային իշխանության պարտականությունն է: Այն պիտի պատշաճ մաքրվի՝ անկախ նրանից, թե ովքեր են աղտոտում»:

Ավագանու անդամի կարծիքով՝ այս գործողությունների հետեւանքով ստեղծված խառն իրադրությունը առաջին հերթին բացասաբար կանդրադառնա զբոսաշրջության վրա. «Երբ ԱԱԾ-ն հայտարարություն է տարածում, որ ինչ-որ խմբեր պատրաստվում են սադրիչ գործողություններ իրականացնել, դա չի կարող դրական անդրադառնալ տուրիզմի վրա: Կամ երբ իր սեփական քաղաքում հարձակման է ենթարկվում հայտնի դերասան Սոս Ջանիբեկյանը, որը այլակարծիք է, եւ ունի դրա բոլոր իրավունքները»:

Նուարդ Վարդանյանը նշում է, որ երբ իրենք ընդդիմություն էին, և գործողություններ էին իրականացնում, ոստիկանությունը մի քանի անգամ ավելի կոպիտ էր, այսօր լրիվ այլ է: Վերջինս շեշտում է՝ օրվա իշխանությունն էլ շատ լավ գիտի ե՛ւ ջրցան մեքենաների տեղը, ե՛ւ այն մյուս գործիքների, որոնցով կարելի է ուժ կիրառել, սակայն 2018 թվականից հետո ժողովուրդն ու նրա բերած իշխանությունը մերժել են հին բարքերը, մասնավորապես՝ բռնությունը:

«Այս քաղաքական ուժը երբեք չի շեղվել իր բռնած ճանապարհից, եւ ուզում եմ շնորհակալություն հայտնել մեր ոստիկանության աշխատակիցներին՝ վերջին օրերին եւ առհասարակ իրենց կատարած աշխատանքի համար: Կարծում եմ՝ ժողովրդի մոտ դեռ թարմ են այն հիշողությունները, երբ նախկինում անհնազանդությունների ժամանակ ասում էինք՝ «ոստիկանը մերն է», ժպտալով ու ծափողջույններով էինք դիմավորում նրանց, իսկ ի՞նչ է անում այսօր ընդդիմությունը՝ հայհոյում ու վիրավորում է, պիտակավորում ամենանողկալի բառերով: Հորդորում և կոչ եմ անում յուրաքանչյուր ոստիկանի նկատմամբ նմանատիպ վերաբերմունքը դատապարտել օրենքի ողջ խստությամբ»,- նշում է Վարդանյանը:

Անդրադառնալով ընդդիմադիրների տեսակետները չկիսող քաղաքացիների հասցեին հնչող պիտակավորումներին՝ ավագանու անդամը շեշտում է, որ ցանկացած պարագայում ագրեսիան թույլ մարդու վարքագիծ է՝ դա կլինի խոսքո՞վ, թե՞ գործողություններով կամ ուժի կիրառմամբ, որեւէ նշանակություն չունի:

«Եվ հարց է առաջանում՝ արդյոք այս մարդիկ իսկապես սիրե՞լ են իրենց ժողովրդին: Այլ ասպեկտներին չեմ էլ անդրադառնում, հարցս ուղիղ դրա մասին է: Արդյոք իրենք հասկանո՞ւմ են մարդկության հանդեպ սերն ինչ է: Գոնե ինձ համար դա մեծ հարցական է»,- ասում է նա:

Անդրադառնալով ներքաղաքական իրավիճակի հնարավոր հանգուցալուծմանը՝ Վարդանյանն նշում է՝ այնքան անլուրջ վերաբերմունք ունի կատարվողի նկատմամբ, որ մինչ օրս չէր էլ անդրադարձել:

Աղունիկ Հովհաննիսյան

Տպել
4823 դիտում

Վաղաշեն գյուղի ՃՏՊ-ի հետևանքով կան տուժածներ և մեկ զոհ

Կապույտ վառելիքը հասել է Մեղրի, սակայն դրանից օգտվելու ցանկություն քչերն ունեն

Նախադպրոցական կրթության ոլորտում էական ազդեցություն ունեցող մի քանի բովանդակային գործընթացներ են մեկնարկել․ Անդրեասյան

Արտակարգ պատահար Երևանում․ Կոտայքի բնակիչը «Մեգա մոլ»-ի դիմաց վրաերթի է ենթարկել հետիոտնին

Երևանում՝ «Վստրեչի» կամրջի մոտակայքում, մեքենաներ են բախվել․ կան տուժածներ

«Տաբուրետկաների» համար կռիվ տալն ինձ համար չէ, ում ուզում են, թող իմ փոխարեն նշանակեն, բացի Մամեդյարովից. Դավիթ Բաբայան

Արարատ Միրզոյանը Լոձում շեշտել է ՀՀ ինքնիշխան տարածքից ադրբեջանական ԶՈՒ-ի անվերապահ դուրսբերման հրամայականը

Ֆրանսիայի Ազգային ժողովը միաձայն ընդունել է Հայաստանին աջակցող և Ադրբեջանի նկատմամբ պատժամիջոցներ առաջարկող բանաձև

ԱԱ-2022. D խմբի հանդիպումներն ավարտվեցին

Երևանի քաղաքապետը մասնակցել է «Համայնքային զարգացման նորարարություններ» ֆորումին (տեսանյութ)

Համընդհանուր հայտարարագրման համակարգի ներդրումը ունենալու է էական հակակոռուպցիոն էֆեկտ․ Նիկոլ Փաշինյան

«Գրանդ Հոթելից»՝ մինչև ԱԺ, փողոց, ապա՝ տուն. Քոչարյանին իշխանության բերելու նպատակով ստեղծված պլատֆորմը քայքայվում է

Ադրբեջանի պաշտպանության նախարարության տարածած հաղորդագրությունն ապատեղեկատվություն է․ ՊՆ

Բազմապատիկ պատասխանատվությամբ շարունակելու եմ ծառայությունս պետական կառավարման համակարգում․ Դավիթ Գրիգորյան

Սուրեն Պապիկյանը հետևել է բնագծերում իրականացվող ամրաշինական, կահավորման և ինժեներական աշխատանքներին

Գորիսում, Սարավանի և Մեղրիի լեռնանցքներում ձյուն է տեղում, Նոյեմբերյանի, Դիլիջանի հատվածներում մառախուղ է

Երբեմն լավ չեն վերաբերվում, ուսուցիչը լիարժեք անդամ չի համարում. ՀՀ-ում ներառական կրթությունը, խնդիրներն ու բացերը

23 տոննա դիզելով բեռնված ավտոցիստեռնը շրջվել է․ իրանի քաղաքացի վարորդը հոսպիտալացվել է

Տիգրան Մանսուրյանը պարգևատրվել է ԵՊՀ ոսկե մեդալով (տեսանյութ)

Հայ խորհրդարանականները Լեհաստանում ընդգծել են Ադրբեջանում գտնվող հայ ռազմագերիների և այլ պահվող անձանց վերադարձի խնդիրը

Տեսչական մարմինների հետ կապված որոշակի գործընթացներ են մեկնարկել․ Արայիկ Հարությունյանը մասնակցել է ԲԸՏՄ խորհրդի նիստին

Արտակարգ դեպք Աշտարակում. թափառող շները հարձակվել են տարեց կնոջ վրա, նա հոսպիտալացվել է

ՀՀ փոխվարչապետը բարձր է գնահատել ՎԶԵԲ-ի աջակցությամբ Հայաստանում գործող ներդրումային խորհրդի ձևաչափը

Հրազդանի շենքերից մեկում բռնկված հրդեհը մարվել է

«Շուշանիկի նամակը՝ Վարպետին»․ պատմությանն անհայտ նամակն այսօրվանից գտնվում է Գյումրու Իսահակյանի տուն-թանգարանում

Մղարթ և Արդվի գյուղերում 43 տարի անլուծելի համարվող խմելու ջրի կենսական խնդիրը կմնա անցյալում․ Արեն Մկրտչյան

Անասունները տեղում մորթել, վաճառել են․ սպանդանոցների կեղծ փաստաթղթերի փաստով 10-ից ավելի քրեական վարույթ է նախաձեռնվել

Աշխատանքային այցով Գյումրիում է եղել ՀՀ առողջապահության նախարար Անահիտ Ավանեսյանը

Առաջիկա օրերին սպասվում է առանց տեղումների եղանակ, օդի ջերմաստիճանը 5-7 աստիճանով կնվազի

«Քաղաքացիական պայմանագիրը» կմասնակցի «Հայաստան» խմբակցության նախաձեռնած արտահերթ նիստին. Աղաջանյան

Երևանում վտանգավոր սննդամթերքի թողարկումը կասեցվել է

Ադրբեջանի պաշտպանության նախարարությունը շարունակում է ապատեղեկատվություն տարածել․ ՊԲ

Էդմոն Մարուքյանն արձագանքել է Ադրբեջանի արտաքին գործերի նախարարության հայտարարությանը

Ծխելու դեմ պայքարը՝ ավելի քիչ ռիսկային ճանապարհով

ԶՊՄԿ-ն հերքում է պոչամբարում վթարի մասին մամուլի հրապարակումները

Հերքում

Լեոնիդ Ազգալդյանի հուշարձանը վնասելու դեպքի նախաքննությունն ավարտվել է, գործը մտնում է դատական փուլ

Հայաստանում ռուսաստանցիների ժամանակավոր գրանցումների թիվը քառապատկվել է

ՀՀ մի շարք հատվածներում ձյան տեղումներ են, Սյունիքում՝ մառախուղ, կան փակ ճանապարհներ

Փոխվել են Հայոց ցեղասպանության թանգարանի աշխատանքային ժամերը