Խուժան չենք՝ գողանանք. Գեղասահքի ֆեդերացիայի նախագահին մեղադրում են յուրացման համար, պատգամավորը դիմել է ոստիկանություն

Օրերս ՀՀ Ազգային Ժողովի «Քաղաքացիական խմբակցության» պատգամավոր, Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Սիսակ Գաբրիելյանը դիմել է ոստիկանություն և հայտնել, որ Հայաստանի գեղասահքի ֆեդերացիայի նախագահ Մելանյա Ստեփանյանը, իր պաշտոնական դիրքն օգտագործելով, ֆեդերացիայի տարեկան հաշվետվության պետական բյուջեից, որպես պատրվակ օգտագործելով մարզական հավաքը, 2020 թվականին յուրացրել է խոշոր չափի գումար՝ մոտ 3 մլն դրամ:

«Հայկական ժամանակի» հետ զրույցում Գաբրիելյանը, անդրադառնալով հարցին, ասում է՝ հանձնաժողովը, որն ինքն է նախագահում, պարբերաբար ստացել է դիմում-բողոքներ կամ դժգոհություններ՝ կապված ֆեդերացիայի և Մելանյա Ստեփանյանի աշխատանքի հետ: Բողոքողները եղել են Երևանի գեղասահքի և հոկեյի մարզադպրոցի սաների ծնողները: Գաբրիելյանի խոսքով՝ գաղտնիք չէ նաև, որ դպրոցում անհատույց կերպով ֆեդերացիային հատկացվել է մարզումների ժամեր:

«Դժգոհությունները կամ բողոքները կապված էին տեխնիկական և կազմակերպչական հարցերի հետ: Այդ դժգոհություններում, իմ պատկերացմամբ, կային նաև այլ խնդիրներ, և ինձ ոչինչ չէր մնում, քան դիմել ոստիկանություն: Դրանց մի մասի վերաբերյալ, բնականաբար, փորձել ենք ՀՀ ԿԳՄՍ նախարարության հետ լուծումներ տալ, ինչից հետո որոշ հարցեր կարգավորվեցին: Այդ բողոք-դիմումների մի մասում էլ կասկածելի գործընթացներ էին ներկայացնում ծնողները: Ես որևէ մեկին չեմ մեղադրում, պարզապես եղել են դիմումներ, որտեղ ծնողները ներկայացնում էին հակաօրինական գործողությունների մասին, ինչն էլ հիմք դարձավ, որ դիմեմ իրավապահ մարմիններին»,- ասում է պատգամավորը:

Կասկածելի դեպքերից, օրինակ, ծնողները նշել են դպրոցում կազմակերպված դրամահավաքները. նրանցից գումար է հավաքվել՝ դրսից հրավիրված մարզչի կազմակերպած վարժանքների համար՝ 15 րոպեն մինչև 100-150 դոլար, հետո պարզվել է, որ մարզիչի աշխատանքները պետք է անցկացվեին անվճար:

«Ծնողների մոտ անհասկանալի էր, թե ինչի համար են գումարներ գանձվում, երբ նրանց թուղթ են տվել, որտեղ նշված է, որ այդ մարզումները դրսի մարզիչի հետ անվճար են: Վարժանքների տեսակներ կային, որ 15 րոպեն արժեր 50 դոլար: Սա առերևույթ ապօրինի ձեռնարկատիրական գործունեություն է: Հիմա պետք է հասկանանք՝ նման բան իսկապե՞ս եղել է, և եթե այդ գումարները 100 ծնողից են գանձվել, դա արդեն մի քանի միլիոնի մասին է խոսում: Պետք է հասկանանք՝ այդ գումարները ինչի՞ վրա են ծախսվել: Կան դժգոհություններ նաև գործողումների վերաբերյալ, այսինքն՝ պետական բյուջեի միջոցների հաշվին՝ արտասահմանյան մրցումների հետ կապված: Ըստ ծնողների՝ եղել են դեպքեր, երբ տվյալ երկիր իրենց հետ մեկնել են մարդիկ, որոնք ֆեդերացիայի կամ սպորտի հետ որևէ կապ չեն ունեցել: Սա էլ լուրջ մեղադրանք է»,- նկատում է Գաբրիելյանը:

Ըստ ԱԺ ԿԳՄՍ մշտական հանձնաժողովի նախագահի՝ ծնողների դիմում-բողոքները կապված էին նաև դպրոցի հետ: Գաբրիելյանը այս հարցով էլ դիմել է Երևանի ավագանու «Իմ քայլ» խմբակցության ղեկավարին, կրթության հարցով պատասխանատու Երևանի փոխքաղաքապետին և կրթության մասով քաղաքապետարանի համապատասխան հանձնաժողովի նախագահին:

«Հիմա սպասում եմ իրենց արձագանքին: Այդ դիմումները այնպիսի դիմումներ չեն, որոնք կասկածելի են, և այդ մասով ևս արժե դիմել ոստիկանություն: Հիմնականում նշում էին, որ ժամերի հետ են կապված, հանրային տրանսպորտը Երևանի ոչ բոլոր ուղղություններով է գնում: Տրանսպորտի մասով մեզ արդեն տեղեկացրել են, որ տեխնիկական բնույթի խնդիրներ կան, ու մոտ ժամանակներս դրանք կկարգավորվեն: Մեր բոլորի նպատակը ՀՀ-ում սպորտի զարգացմանը նպաստելն է. օբյեկտիվ քննության արդյունքում կպարզվի՝ ո՞վ է մեղավոր, ո՞վ՝ ոչ»,- հավելում է իշխող ուժի անդամը:

Երևանի գեղասահքի և հոկեյի մարզադպրոցի ծնողներից մեկը՝ Մարինե Բայրամյանն էլ «Հայկական ժամանակի» հետ զրույցում ասում է՝ իր դժգոհությունը ֆեդերացիայի նախագահից կապված է երեխաների նկատմամբ ոչ սիրալիր վերաբերմունքի հետ: Վերջինիս խոսքով՝ ֆեդերացիայի նախագահը կեղծ էջերով տարածում է մարզումների ժամանակ արված իր երեխայի տեսանյութերը և ոչ հարիր կերպով մեկնաբանում դրանք:

«Իմ երեխաները իր խմբի անդամ էին. Ստեփանյանը և՛ ֆեդերացիայի նախագահն է, և՛ նաև մարզիչը: Ինձ ասաց՝ երեխաները ուշ տարիքում են ընդունվել դպրոց և սահելու ժամանակ թռիչքներ չեն կարող անել: Փոխեցի երեխաներիս մարզիչին, հիմա նրանք նույնիսկ եռակի պտույտներ են անում: Այդ օրվանից սկսած՝ իմ երեխաների հանդեպ նա փորձում է խոչընդոտներ ստեղծել: Երեխայիս նկարում է վիդեոտարբերակով և տարածում ֆեյսբուքյան կեղծ էջով: Գրում է՝ «այս երեխան խայտառակելու է, և կխայտառակի ՀՀ-ն»: Աղջիկներիցս մեկը պետք է օլիմպիական օրերին Հայաստանը ներկայացներ, բայց մրցումներից մի շաբաթ առաջ Ստեփանյանը մոտենում է մեր վարորդին և ասում՝ ծնողներին փոխանցեք՝ իրենց երեխան չի կարող մասնակցել մրցումներին: Ամեն տարի իմ երեխաները իր պատճառով մրցումների չեն կարողանում մասնակցել»,- դժգոհում է ծնողը:

Ըստ նրա՝ խնդրի վերաբերյալ դիմել է ԿԳՄՍ նախարարներին և փոխնախարարներին: Վերջերս էլ նույն հարցով դիմել է ԿԳՄՍ սպորտի գծով փոխնախարար Կարեն Գիլոյանին, որը խոստացել է խնդրին լուծում տալ:

Ծնողներից Արփինեի խոսքով էլ՝ իր խնդիրը կապված է ցուցակները խախտելու և տարբեր տարիքային խմբի երեխաներին նույն խմբում ընդգրկելու հետ:

«Իմ երեխաների խմբում ընդունել են իրենց ծանոթ երեխաներին, որոնք տարիքով չեն համապատասխանում երեխաներիս խմբին: Իրենք գիտեն, որ իմ երեխան ինչ մրցույթի մասնակցում է, առաջին տեղն է ընկնում: Նպատակը իրենց երեխաներին հովանավորելն է և արհեստական առաջընթաց ապահովելը: Ինչ վերաբերում է դպրոցում դրամահավաքների հարցին, այո՛, լսել եմ, որ որոշ ծնողներից գումարներ են հավաքել, հետո պարզվել է՝ ինչի համար հավաքել էին, իրականում դա անվճար է եղել»,- ասում է ծնողը:

Հայաստանի գեղասահքի ֆեդերացիայի նախագահ Մելանյա Ստեփանյանն էլ, որը, ի դեպ, երգչուհի Սոնա Ռուբենյանի սկեսուրն է, «Հայկական ժամանակի» հետ զրույցում անդրադառնալով իր հասցեին հնչող մեղադրանքներին, դրանք համարում է զրպարտանքներ: Նրա հավաստմամբ՝ ներկայացել է ոստիկանություն, բացատրագիր գրել, ներկայացրել բոլոր անհրաժեշտ փաստաթղթերը:

«Չեմ հասկանում՝ այդ տեղեկությունը, թե իբր ես 3 միլիոն եմ յուրացրել, որտեղի՞ց են վերցրել: Խուժան չենք, որ 3 միլիոն պետությունից գողանանք: Իմ ամբողջ կյանքում սոված չեմ եղել, որ այդ գումարն էլ յուրացնեմ: Մի քանի ծնող առանց փաստարկների ինչ ցանկանա, դա էլ կարող է ասել, բայց դրանք դեռ պետք է ապացուցվի»,- ասում է Ստեփանյանը:

Նրա խոսքով՝ 12 տարի է, ինչ ֆեդերացիայի նախագահի պաշտոնում է, և սա իր անձի շուրջ առաջին խոսակցություններն են: Իր համար անհասկանալի են ծնողների և Գաբրիելյանի կողմից իրեն վերագրվող մեղադրանքները: Պնդում է՝ դեռևս չի եղել այնպիսի դեպք, երբ որևէ մեկը դիմի ֆեդերացիային, և ֆեդերացիան իր լիազորությունների շրջանակներում չաջակցի այդ մարդուն:

Մերի Խաչատրյան

Տպել
26608 դիտում

«Կալաշնիկովի» ինքնաձիգների կամավոր հանձնման դեպքեր Արմավիրի մարզային վարչության բաժիններում

Շիրակի մարզի բոլոր համայնքներում 2022 թվականի սուբվենցիոն ծրագրերով կիրականացվեն բնակավայրի փողոցաշինական աշխատանքներ

Այս Սահմանադրությունը չի ապահովում դատարանների անկախությունը, այն փոխելով՝ կվերանան նաև կլանային համակարգերը. Սաքունց

Հունիսի 25-ից ՀՀ քաղաքացիություն ստանալու դիմումները կքննարկվեն 90 աշխատանքային օրում՝ նախկին 6 ամսյա ժամկետի փոխարեն

Մոսկվայում սպանվել է Վանաձորում հայտնի 44-ամյա Վարդան Փ-ն. տեսախցիկն արձանագրել է սպանության պահը (տեսանյութ)

Որքան մարդ է մասնակցել ընդդիմության այսօր հրավիրած հանրահավաքին և երթին

Երեւանի կենդանաբանական այգին նոր կենդանիներով կհամալրվի. ինչ խնդիրներ կան այսօր այնտեղ

Լենա Նանուշյանը և ՀՀ-ում ԵՄ դեսպան Անդրեա Վիկտորինը «Քովիդ-19»-ի դեմ խթանիչ դեղաչափ են ստացել

100 պատանի հնարավորություն է ստացել մասնակցելու «Տիեզերական ճամբար 2022»-ին

Բարդ ժամանակահատվածում ՊՊԾ-ն իր առջև դրված խնդիրը կատարել է, ինչն արժանի է գնահատանքի. Նիկոլ Փաշինյան

Հայ 3 ըմբիշ ազատ ոճի ըմբշամարտի Եվրոպայի երիտասարդական առաջնության եզրափակչում է

Նիկոլ Փաշինյանը Սամվել Կարապետյանի հետ քննարկել է «Տաշիր» ընկերությունների խմբի ներդրումային ծրագրերի ընթացքը

Ընդմիշտ կհրաժարվենք «պոլիկլինիկա» նեգատիվ բառից․ առաջնային օղակում նոր բարեփոխումներ են սպասվում

Արտակ Ջումայանը հանդիպել է Վիենի քաղաքապետի հետ, եղել Լիոնի հիվանդանոցում

Վիեննայում կողմերը կրկին ընդգծել են պայմանավորվածությունը՝ շարունակելու կարգավորման գործընթացն առանց նախապայմանների

Դեսպան Տիգրան Մկրտչյանն ու Հունաստանի ՄԻՊ-ը անդրադարձել են Հունաստանում բնակվող ՀՀ քաղաքացիների իրավունքներին

ՄԱԿ-ում ՏԿԵ փոխնախարարը ներկայացրել է Հայաստանի ճանապարհային անվտանգության ոլորտում առկա մարտահրավերները

Վարչապետ Նիկոլ Փաշինյանի գլխավորությամբ տեղի է ունեցել Անվտանգության խորհրդի նիստ

Տնտեսվարողներին տրամադրվող օժանդակության ժամկետը կերկարաձգվի

Վարչապետն ընդունել է Գերմանիայի տնտեսական համագործակցության և զարգացման դաշնային նախարարին

Շիրակի մարզում փրկարարները մարել են պատշգամբում բռնկված հրդեհը

Պետք է բոլորս Արթուր Վանեցյանից հետո հրաժարվեինք պատգամավորական մանդատից. Թագուհի Թովմասյանը պաշտոնից հրաժարական չի տա

Ազգային ժողովը պարզաբանել է, թե ինչու է հանվել ԱԺ շենքի ՀՀ պետական զինանշանը

Սյունիքում ազատել են ցանկապատի մեջ արգելափակված արջի քոթոթին

Դոլարն ու եվրոն երկար անկումից հետո աճել են. ՀՀ կենտրոնական բանկը հրապարակել է նոր փոխարժեքներ

Ընտրել ենք ժողովրդավարության ուղեգիծը, ինչը բացառում է իրավական արկածախնդրությունը. Արթուր Դավթյան

Մեկնարկել է Հայաստանի և Թուրքիայի հատուկ ներկայացուցիչների հանդիպումը

Գագիկ Ջհանգիրյանը հրաժարական է տվել ԲԴԽ անդամի պաշտոնից

Ամփոփվել է «Դասարան+Դասական» թատերական կրթական ծրագրի հերթական փուլը

Իրազեկման այց զորակոչային և զորահավաքային համալրման ծառայության տարածքային ստորաբաժանում

Հայկ Մամիջանյանը, Թադևոս Ավետիսյանը և Արթուր Խաչատրյանը ԱԺ հանձնաժողովների փոխնախագահի պաշտոններից հրաժարվել են

ՇՄ նախարարը մասնակցել է «Ջանքերի միավորում՝ հանուն Սևանա լճի էկոհամակարգի պահպանման» միջազգային համաժողովին

Անձը ոչ սթափ վիճակում կոտրել է ԵՊՀ ֆակուլտետներից մեկի մուտքի դռան և մոտակայքում տեղադրված սուրճի ապարատի ապակիները

Մեկնարկում է անկանխիկ գործարքների դեպքում կենսաթոշակի և նպաստի 10% հետվճարի ծրագիրը

Կեսօրից հետո առանձին շրջաններում կդիտվի կարճատև անձրև. ինչ եղանակ է սպասվում առաջիկայում

Արցախում նշվում է Քննչական կոմիտեի ծառայողի մասնագիտական տոնը (լուսանկարներ)

Կյանքիս ամենահուզիչ շնորհավորանքը․ Հարութ Փամբուկչյանը «Զինվորի տան» տղաների հետ փչում է ծննդյան մոմերը (տեսանյութ)

Քաջարանի համայնքապետ Մանվել Փարամազյանը մասնակցելու է առաջիկա ընտրություններին

Հայաստանի բասկետբոլի տղամարդկանց հավաքականը կիսաեզրափակչում է

Դատախազությունը վերջապես ունեցավ իր թանգարանը, շնորհավորում եմ պատմությունը կերտած աշխատակիցներին. Գոռ Աբրահամյան