Մեկ առարկան սովորելու համար՝ 200 հազար դրամ. ԵՊՀ-ում մեկնարկում են նախապատրաստական դասընթացները

ՀՀ-ում ընդունված է, որ դիմորդը բուհ ընդունվելու համար գիտելիքը համալրի կրկնուսույցի մոտ պարապմունքների հաճախելով: Եվ չնայած դրա համար բավականին գումար է պետք, այնուամենայնիվ, դիմորդներն ու նրանց ծնողները վստահ են՝ առանց կրկնուսույցի չեն կարող հանձնել ընդունելության քննությունները:

Արդեն մի քանի տարի է՝ Երևանի պետական համալսարանի «Նախապատրաստական դասընթացներ» բաժինը մինչ քննությունները՝ 8 ամիս, ևս համալրում է դիմորդների գիտելիքը: 

Մայր բուհի ընդունելության և դիմորդների հետ տարվող աշխատանքային կենտրոնի նախապատրաստական բաժնի վարիչ, բ.գ.թ., դոցենտ Արշալույս Գալստյանը «Հայկական Ժամանակի» հետ զրույցում ասում է, որ տվյալ դասընթացները ՀՀ հանրակրթական հաստատությունների (դպրոցներ, քոլեջներ, վարժարաններ, նախնական մասնագիտական հաստատություններ) ավարտական դասարանների աշակերտների և սովորողների՝ բուհ ընդունվելու նախապատրաստումն է, ինչպես նաև ուսումն այնտեղ շարունակելու համար ամուր հիմքերի ստեղծումը:

«Մեր բաժինն ավելի շատ հայտնի է 0 կուրս անվանումով, բայց այդ կարգավիճակը չունի: Մեզ մոտ պարզապես դասընթացներ են կազմակերպվում, այսինքն՝ ապագա դիմորդները գալիս են այն առարկանների պարապմունքներին, որոնց համար հաճախում են կրկնուսույցի մոտ, ընդ որում՝ բարձր գներով: Նա դասերին հաճախում է համալսարան, առարկանները դասավանդում են շտեմարաններում ներգրավված, դիմորդների հետ փորձ ունեցող դասախոսները»,- մանրամասնում է Գալստյանը:

Բուհում մեկ առարկայի դասընթացի գինը 8 ամսվա համար 200 հազար դրամ է, սակայն, զրուցակցի համոզմամբ, համեմատած կրկնուսույցների վերցրած գումարի, սա ավելի մատչելի է: Ուսումը կազմակերպվում է ԵՊՀ հայ-բանասիրության ֆակուլտետի մասնաշենքում: Շաբաթական երկու օր՝ ժամը 15:00-18:00, ապագա դիմորդները ուսումնասիրում են իրենց ընտրած առարկան կամ առարկանները:

Պարապմունքները անցկացվում են առկա, իսկ հեռավոր շրջանների դիմորդների համար՝ նաև հեռավար ձևաչափով:

«Ժամային գոտին այնպես ենք հարմարացրել, որ թե՛ մարզերում, թե՛ մայրաքաղաքի  դպրոցներում սովորողները կարողանան դասերից հետո գալ պարապմունքներին, անցնել բոլոր հանրակրթական առարկանները, որոնք անհրաժեշտ են մասնագիտական քննությունների համար: Դասընթացները սկսվում են հոկտեմբերի 1-ից և ավարտվում մայիսի 31-ին: Խմբերը բաղկացած են լինում առավելագույնը 8 հոգուց, որ ուսուցումը լինի ավելի արդյունավետ ու նպատակային»,- ընդգծում է բաժնի վարիչը:

Ապագա դիմորդները նախապես ենթարկվում են որոշակի թեստավորման, որի նպատակը համարժեք գիտելիքներ ունեցող անդամներով խմբերի ձևավորումն է: Խմբերը կազմվում են այնպես, որ յուրաքանչյուրում լինեն հավասարազոր կարողություն ունեցողներ: Բացի դրանից՝ պարբերաբար անցկացվում են ընթացիկ և կիսամյակային ամփոփիչ ստուգումներ, որոնց արդյունքների հիման վրա դասախոսների ու դիմորդների ծնողների միջև քննարկում է ծավալվում:

Արշալույս Գալստյանի խոսքով՝ ապագա դիմորդները հիմնականում շարունակում են հետաքրքրված լինել իրավագիտություն, ինֆորմատիկա և կիրառական մաթեմատիկա, տնտեսագիտական ոլորտին առնչվող առարկաներով և ֆակուլտետներով: Քիչ չէ նաև այն դիմորդների թիվը, որոնք հետաքրքրված են հումանիտար առարկաներով՝ լեզուներ և հոգեբանություն:

Զրուցակցի խոսքով՝ դասընթացներ են կազմակերպվում նաև օտարերկրյա քաղաքացիների համար:

«Օտարերկրացների դեպքում առավոտյան ժամերին է դասընթացը կազմակերպվում: Նրանք գալիս են Հայաստան և գրանցվում ԿԳՄՍՆ-ի սփյուռքի բաժնում, այսինքն՝ հրամանագրվում են որպես նախապատրաստական բաժնի ուսանող: Վերջիններս նախ լեզվի թեստավորում են անցնում, որից հետո բաժանվում են երեք խմբի՝ հայոց լեզվին չտիրապետողներ, մասամբ և լիարժեք տիրապետողներ: Մոտավորապես 3 ամիս ինտենսիվ հայոց լեզու ուսումնասիրելուց հետո սկսվում է այլ առարկաների ուսուցանումը»,- նշում է նա:

Ըստ Գալստյանի՝ դրսից եկածների մեջ մեծ թիվ են կազմում հատկապես Ջավախքից և Ռուսաստանի Դաշնությունից ժամանած մեր հայրենակիցները: Այս տարի դասընթացներն ավարտել և բուհ են ընդունվել նաև Չինաստանից, Ճապոնիայից, Իրանից, Իտալիայից, Ինգուշիայից ժամանածները:

Ընդհանուր առմամբ 2021 թվականին ավարտած դիմորդների 70-ից ավելին եղել են տեղացիներ, 27-ը՝ այլազգիներ: Օտարերկրացիների մի մասը բակալավրի տարբեր բաժիններ է ընդունվել, երկու չինացի ուսանող ուսումը շարունակում է ԵՊՀ մագիստրատուրայում:  

«Օտարերկրացիները բաժանվում են երկու խմբի. կան, որ իրենց երկրների բուհերից ուղղորդված են գալիս՝ հայերեն ուսումնասիրելու, և կան, որ կամավոր ցանկությամբ են գալիս»,- մանրամասնում է Գալստյանը:

Դասընթացի գները օտարերկրացի և տեղի ապագա դիմորդների համար տարբեր են. Ջավախքի, Սիրիայի, ՌԴ-ից եկած ուսանողների համար պարապմունքներն անցկացվում են 600 հազար դրամ վարձավճարով:

Նախապատրաստական դասընթացների բաժնի վարիչը պարզաբանում է՝ օտարերկրյա քաղաքացիների դեպքում գները տարբերակված են, քանի որ նրանք պարապում են բոլոր առարկաները: Այսինքն՝ եթե հայաստանյան ապագա դիմորդները մեկ կամ երկու առարկա են ուսումնասիրում, օտարերկրացիները միանգամից անցնում են բոլոր այն առարկաները, որոնք անհրաժեշտ են միասնական քննությունների համար:

Նախապատրաստական դասընթացներին գրանցվելու և մասնակցելու համար սովորողը անհրաժեշտ փաստաթղթերը ներկայացնում է հայ-բանասիրության ֆակուլտետ, ընդ որում՝ չնայած դասընթացները մեկնարկում են հոկտեմբեր ամսվա սկզբին, սակայն դիմումները ընդունվում են մինչև այս՝ հունիս, ամսվա վերջ:

Սովորողը հնարավորություն ունի գումարը վճարել սկզբում ամբողջությամբ կամ կիսամյակի ընթացքում կամ էլ յուրաքանչյուր ամիս՝ մաս-մաս:

 

Տպել
5055 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում