Ընդմիշտ կհրաժարվենք «պոլիկլինիկա» նեգատիվ բառից․ առաջնային օղակում նոր բարեփոխումներ են սպասվում

Երևանում գործող պոլիկլինիկաների հանդեպ քաղաքացիների վստահությունը վերջին տարիներին կտրուկ նվազել է։ Չվստահելով առաջնային օղակի՝ բժշկական ծառայություների մատուցմանը՝ անձը նախընտրում է առողջական որևէ խնդրի դեպքում անմիջապես դիմել բժշկական կազմակերպություն։ Պոլիկլինիկաներին չվստահելու հիմնական գործոններից են նաև դեռ սովետական տարիներից մնացած սարքավորումները։ Այդ պատճառով «պոլիկլինիկա» բառը երևանաբնակների շրջանում նեգատիվորեն է ընկալվում։

Այս ֆոնին առողջապահության նախարարությունը, այդ թվում՝ Երևանի քաղաքապետարանի առողջապահության համապատասխան բաժինը, պոլիկլինիկաների բարելավման և բարեփոխման ծրագրեր է իրականացնում։ Նպատակը՝ վերականգնել քաղաքացիների վստահությունը պոլիկլինիկաների հանդեպ և նվազեցնել բժշկական կենտրոնների ծանրաբեռնվածությունը։

Մասնավորապես՝ քաղաքապետարանը նախատեսում է ընթացիկ տարում ավարտին հասցնել 7 պոլիկլինիկայի խոշորացման և առողջացման գործընթացը, քաղաքային բյուջեի հաշվից դրանց հատկացնել շուրջ 237 մլն դրամի ժամանակակից բժշկական սարքավորումներ:

Երևանի փոխքաղաքապետ Գևորգ Սիմոնյանը այսօր հրավիրված մամուլի ասուլիսում պարզաբանեց՝ քաղաքապետարանը առաջնային օղակի բարելավման գործընթացի շրջանակներում, օրինակ, որոշում է կայացրել Երևանի 7 պոլիկլինիկաները միացնել մոտակա ավելի խոշոր պոլիկլինիկաներին։ Այսինքն՝ այդ պոլիկլինիկաները մնալու են նույն վայրում, պարզապես վերածվելու են մեկ խոշորագույն իրավական ֆինանսական միավորի։

Խոսքը Սարի թաղի, Նուբարաշենի, Նորագավթի, Նորք-Մարաշի պոլիկլինիկաների մասին է։

«Պոլիկլինիկաները իրենց աշխարհագրական դիրքը պահպանելու են, և ծառայության տեղափոխում չի քննարկվում: Ավելին՝ այս տարի Նորք-Մարաշ վարչական շրջանի պոլիկլինիկայում, որը միացավ 4-րդ պոլիկլինիկային, կսկսենք հիմնանորոգման աշխատանքները, հետագայում նաև ամբողջությամբ կվերազինվի: Այսինքն՝ բնակիչները, որտեղ որ սովոր են, նույն տեղն էլ այցելելու են: Թիվ 1 և «Արաբկիր» մանկական պոլիկլինիկաների առումով հաշվի առնելով շենքային պայմանները՝ կա քննարկում՝ ծառայությունը մեկ այլ վայր տեղափոխելու համար: Բայց դա որոշում կդառնա այն դեպքում, եթե մենք թե՛ գործող պոլիկլինիկայի սպասարկած բնակչությանը, թե՛ բուժանձնակազմին ավելի լավ պայմաններ առաջարկենք մեկ այլ տեղում»,- մանրամասնեց Սիմոնյանը:

Ըստ նրա՝ պոլիկլինիկաների փակվող շենքերի հետագա կարգավիճակի մասին քաղաքացիները կտեղեկացվեն, և որևէ ծածուկ քննարկում չի արվելու․ «Շենքերի «ճակատագիրը» գտնվում է ավագանու լիազորությունների շրջանակում: Եթե դրանց շուրջ ծավալվի որևէ քննարկում, ապա ցանկացած որոշում հաստատվելու է ավագանու որոշմամբ: Մտավախությունը, թե ծածուկ կամ ստվերային գործարք կարող է լինել, ես բացառում եմ»։

Մյուս պոլիկլինիկաների առումով փոխքաղաքապետը նշեց՝ մեկ-երկու խոշորացում հնարավոր է, բայց որոշումը դեռ վերջնական չէ։

Միավորման հետևանքով բուժաշխատողների կրճատում չի լինի, ընդգծեց նա: Քաղաքապետարանը մտադիր է առողջապահության նախարարության հետ քննարկել նաև բուժաշխատողների աշխատավարձի դրույքաչափերի փոփոխությունը:

Անդրադառնալով ընդհանուր կադրային քաղաքականությանն ու վերջերս Կառլեն Եսայանի անվան պոլիկլինիկայի տնօրենի ազատմանը՝ Գևորգ Սիմոնյանը նշեց. «Կարծում ենք, որ նույն մարդը նույն տեղում պետք է երկար չկառավարի, որովհետև դա բերում է մի շարք օբյեկտիվ բացասական հետևանքների: Այդ իսկ պատճառով պոլիկլինիկայի տնօրենին առաջարկվել է մեկ այլ աշխատանք, ինչից նա հրաժարվել է, և աշխատանքային պայմանագիրը խզվել է»:

Իսկ թե ինչո՞ւ են ընտրել նշված 7 պոլիկլինիկաները, փոխքաղաքապետը պարզաբանեց՝ հիմնական խնդիրը դրանց շենքային պայմաներն են, պոլիկլինիկաների ֆինանսական խնդիրները, որոնք աշխատավարձերը վճարելու մասով նույնիսկ ունեն որոշակի պարտքեր։ Այս միավորման արդյունքում առաջնային օղակի աշխատակիցները պահպանելու են նաև իրենց աշխատանքը, սակայն Սիմոնյանը ընդգծեց՝ խոշորացված կոլեկտիվում իրեն լավ որակներով դրսևորած աշխատակիցը կխրախուսվի, չարդարացրած աշխատակցի հետ էլ կվերանայվեն աշխատանքային հարաբերությունները։

Ընթացիկ տարում Երևանի քաղաքապետարանը նախատեսում է մեկնարկել Երևանի Ավան և Նորք-Մարաշ վարչական շրջանների պոլիկլինկաների կապիտալ վերանորոգման և բարեկարգման աշխատանքները, ինչի համար քաղաքապետարանի բյուջեից կհատկացվի շուրջ 500 մլն դրամ։ 2023թ-ին նախատեսվում է սկսել ևս 5 պոլիկլինիկաների կապիտալ վերանորոգման և բարեկարգման աշխատանքներ։ Նաև որոշակի վերլուծություններ են արվում, քննարկվում այլ պոլիկլինիկաների խոշորացման հարցը։

«Այս տարի նախատեսում ենք պոլիկլինիկաները համալրել շուրջ 237 մլն դրամի ժամանակակից բժշկական սարքավորումներով, ինչի արդյունքում չենք ունենա սովետական միությունից ժառանգած, օրինակ, հին ռենտգեն սարքերը։ Մինչև տարեվերջ բոլոր չափիչ սարքավորումները, օրինակ՝ ջերմաչափ, կշեռք, կփոխարինվեն թվային նոր ժամանակակից սարքավորումներով, և սովետական ժառանգություն ստացած հին սարքավորումներից կազատվենք»,- ասաց նա։

Սիմոնյանի խոսքով՝ նաև աշխատանքներ են տարվում՝ պոլիկլինիկաներում վերջ դնելու թղթային գործողություններին՝ բոլոր գործընթացները դարձնելով թվային։ Փոխքաղաքապետը նշեց՝ առողջապահության նախարարության գործընկերների հետ քննարկում են 2023թ-ից պոլիկլինիկաների և Շտապօգնության ծառայության ֆինանսավորման մեխանիզմների և գործակիցների վերանայման հարցը, որը կբերի բուժաշխատողների աշխատավարձերի բարձրացմանը։ Պոլիկլինիկաներում հերթերի նվազեցման համար սկսվել է նաև թվայնացման գործընթաց։

«Պոլիկլինիկայում ցանկացած գործընթաց պետք է լինի թվային. թղթի շարժը պետք է մինիմալի հասցնենք։ Ընթացիկ տարվա ընթացքում նախատեսում ենք շուրջ 600 համակարգիչների ձեռք բերում, ինչպես նաև հերթերի նվազմանը կնպաստի նոր սարքավորումների ձեռք բերումը»,- հավելեց նա՝ շեշտելով՝ պոլիկլինիկաները պատրաստ են արդեն նաև հուլիսի 1-ից սահմանված կարգով ուժի մեջ մտած անկանխիկ գործարքներով սպասարկմանը։

Սիմոնյանի խոսքով՝ քաղաքապետարանի ռազմավարության վերջնական նպատակը հետևյալն է՝ քաղաքացիների շրջանում առաջնային օղակի հանդեպ վստահության վերականգնում, բժշկական որակյալ ծառայությունների մատուցում։ Ըստ նրա՝ այս ծավալի կապիտալ ներդրումներ քաղաքի առողջապահության համակարգում չեն եղել:

Փոխքաղաքապետի վստահեցմամբ՝ Երևանը առաջիկայում կունենա ամբողջությամբ վերազինված ու նոր բրենդի տեսքով հանդես եկող պոլիկլինիկաներ։ Այժմ քաղաքապետարանը բրենդինգային կազմակերպությունների հետ է աշխատանք տանում, և չի բացառվում պոլիկլինիկաների անվանափոխությունը՝ պոլիկլինիկա բառից հրաժարվելը․ այն նեգատիվ տարրեր է պարունակում։

Մերի Խաչատրյան

Տպել
822 դիտում

Ստամբուլում կանցկացվի հոգեհանգստյան կարգ՝ ի հիշատակ «Սուրմալու» առևտրի կենտրոնի զոհերի

Ողբերգական դեպք՝ Երևանում․ 21-ամյա աղջիկն ինքնասպանություն է գործել

«Սուրմալու»-ում որոնողական աշխատանքները ժամանակավորապես դադարեցվել են․ տեղում իրականացվում է հերթապահություն (թարմացված)

Կարող էի իմ հարսանյաց հանդեսին հրավառություն կազմակերպել, բայց չեմ արել, կողմ եմ դրանց սահմանափակմանը. Խաժակյան

Ֆրանսիայի ԱԳՆ-ն ցավակցություն է հայտնել «Սուրմալու» առևտրի կենտրոնում տեղի ունեցած պայթյունի կապակցությամբ

Ֆրանսիահայ համայնքը մշտապես աչքի է ընկել հայրենիքի և պետականության պահպանմանը միտված ծրագրերի իրագործմամբ․ Սինանյան

«Ռիո Մոլ»-ից դեպի Սարալանջ տանող ավտոճանապարհի բենզալցակայանի տարածքում ծուխ է նկատվել

Բոլոր եկեղեցիներում կկատարվի հոգեհանգստյան կարգ` «Սուրմալուի» անմեղ զոհերի հոգիների համար

Մահափորձ՝ Գարո Փայլանի դեմ․ Թուրքիայի խորհրդարանի հայազգի պատգամավորը դիմել է իրավապահներին

Սա մեր փնթիության հերթական հետեւանքն է, ընդհանուր անկրթության վիճակից է. Մարտիրոսյանը՝ «Սուրմալուի» պայթյունի մասին

«Երկիր մեդիա»-ն և «Ֆրի նյուզ»-ը տուգանվել են

Նիկոլ Փաշինյանը հեռախոսազրույց է ունեցել Միխայիլ Միշուստինի հետ

Ժամը 19։30-ի դրությամբ որոնողափրկարարական աշխատանքները շարունակվում են․ կորած է համարվում 2 քաղաքացի

Եղվարդում երկհարկանի տուն է այրվել

Խորապես ցավակցում եմ․ Երևանի քաղաքապետի գրառումը՝ ուղղված «Սուրմալուի» ողբերգության զոհերի ընտանիքներին

Կրակոցներ՝ Աշտարակ քաղաքում. հայր ու որդի կասկածվում են նախկին ոստիկանին ծեծի ենթարկելու համար

«Հայաստան» հիմնադրամը բժշկական նշանակության ապրանքներ է տրամադրել ԱԻՆ-ին

«Սուրմալու»-ի պայթյունի ազդեցության գնահատման համար օգոստոսի 15-16-ը լրացուցիչ նմուշառումներ են իրականացվել. ՇՄՆ

Տեղի ունեցած ողբերգությունը առիթ էր մտածելու մեր կենցաղում հրավառություն օգտագործելու նպատակահարմարության մասին. Ավինյան

«Սուրմալու»-ի շենքի հարակից տարածքն ամբողջությամբ մաքրված է, աշխատանքներ են տարվում բուն պայթյունի հատվածում. ԱԻՆ խոսնակ

Զորամիավորումում բացվել է Փառքի սրահ

«Սուրմալու» առևտրի կենտրոնի տնօրինությունն ու անձնակազմը ցավակցություն են հայտնում պայթյունի կապակցությամբ

Եվրոյի եւ ռուբլու փոխարժեքներն աճել են. ՀՀ կենտրոնական բանկը հրապարակել է նոր փոխարժեքներ

Վնասի նվազեցման լրացուցիչ արդյունավետ լուծումներ ծխողների համար

Շառլ Միշելը ցավակցական ուղերձ է հղել ՀՀ վարչապետին

Ահազանգողների գործողությունները հակապետական են և հասարակության դեմ ուղղված. Շիրակի մարզպետ

39-ամյա բնակիչը աշխատավայրում կանեփ էր աճեցրել. նախաձեռնվել է քրեական վարույթ (տեսանյութ)

Վաղը ժամանակավորապես կդադարեցվի Դդմաշեն գյուղի մի հատվածի գազամատակարարումը

ՔԿ-ն հորդորում է «Սուրմալու» առևտրի կենտրոնից ձեռք բերված հրավառության նյութերը ներկայացնել Ոստիկանություն

54-ամյա Խաչատուր Սարգսյանը որոնվում է որպես անհետ կորած

Արցախի «Աշտարակ» կոչվող ջրամբարում 16-ամյա երեխա է խեղդվել

Մարզիկ-զինծառայողները միջազգային մրցումներում գրանցել են բարձր արդյունքներ

Օդի ջերմաստիճանը ցերեկային ժամերին կհասնի +39․․․+41 աստիճանի. ինչ եղանակ է սպասվում առաջիկայում

«Շիրակ» օդանավակայանում եւ Գյումրիի երկաթգծի կայարանում ռումբ չի հայտնաբերվել

Հայաստանում Վրաստանի դեսպանությունը ցավակցություն է հայտնել «Սուրմալու»-ում տեղի ունեցած պայթյունի կապակցությամբ

Քաղաքացիները ծաղիկներ, մոմեր ու խաղալիքներ են տանում պայթյունի վայր

Ջրափրկարարները Սևանա լճում թեքված հեծանվանավակի մեջ գտնվող քաղաքացիներին օգնել են վերադառնալ ափ

Ի հիշատակ «Սուրմալու» առևտրի կենրոնում զոհված քաղաքացիների՝ ԵՄ պատվիրակությունը կիսով չափ իջեցրել է դրոշը

Լևոն Մինասյանը նշանակվել է Դոնի Ռոստովում ՀՀ գլխավոր հյուպատոս

Ղազախստանի նախագահը ցավակցական հեռագիր է հղել Նիկոլ Փաշինյանին «Սուրմալուի» պայթյունի առնչությամբ