Մեր ժողովրդի վերաբերմունքից և սպասարկումից հիացած են. որ ուղղություններն են նախընտրում ՀՀ ժամանած զբոսաշրջիկները

Այս տարի մեր երկրում զբոսաշրջության առումով բավականին մեծ ակտիվություն է նկատվում: Պատերազմական իրավիճակով պայմանավորված՝ ամիսներ առաջ Հայաստան ժամանած Ռուսաստանի Դաշնության մեծ թվով քաղաքացիներին, որոնք այդպես էլ չեն լքել մեր երկիրը միացել են նաեւ այլ երկրներից ժամանած զբոսաշրջիկներ:

Ակտիվ զբոսաշրջության մասին են փաստում նաեւ ներգնա տուրեր իրականացնող մի շարք տուրիստական կազմակերպություններ: Զբոսաշրջիկները տարբեր ուղղություններով ներգնա տուրերի են մասնակցում, այցելում ՀՀ պատմամշակութային ու տեսարժան վայրեր:

Հայաստանում ներգնա տուրեր իրականացնող կազմակերպությունները «Հայկական ժամանակին» են փոխանցել, թե որ վայրերն են մեր երկրում նախընտրելի ուղղությունների թոփ տասնյակում:

«Ուան Վեյ» ներգնա եւ արտագնա տուրեր իրականացնող տուրիստական ընկերությունից «Հայկական ժամանակին» հայտնում են՝ այս տարի զբոսաշրջիկների մեծ հոսք կա հիմնականում դեպի հետեւյալ ուղղություններ՝ Սեւան, Դիլիջան, Գառնի- Գեղարդ, Ջերմուկ, Խոր վիրապ վանական համալիր: «Ռուս -Ուկրաինական պատերազմից հետո այդ երկրներից զբոսաշրջության մեծ հոսք ունենք: Քիչ չէ նաեւ այլ երկրներից Հայաստան ժամանողների թիվը: Նախորդ տարիների համեմատ բավականին մեծ ակտիվություն է նկատվում»,-փոխանցում են «Ուան Վեյ» կազմակերպությունից:

«Երանի թրավել» տուրիստական ընկերությունից էլ հայտնում են՝ ամենաշատ պահանջարկ ունեցող ուղղություններն են՝ Տաթեւ-Տաթեւեր, Սեւան, Դիլիջան, Գառնի-Գեղարդ, Էջմիածին, Ամբերդ, Խոր Վիրապ եւ Նորավանք վանական համալիրները: «Այս տարի բավականին մեծ ակտիվություն ենք նկատում: Զբոսաշրջիկներ ունենք ինչպես ՌԴ-ից, այնպես էլ աշխարհի տարբեր ծայրերից: Բոլորը միանշանակ գոհ են հեռանում, թե սպասարկման որակից ու սննդից, թե մեր գեղատեսիլ վայրերից: Ասում են՝ հիացած են մեր ժողովրդի վերաբերմունքից. բոլորն այստեղ ջերմություն են զգում»,-փոխանցեցին «Երանի թրավել»-ից:

«Պոզիտիվ դեյ» տուրիստական կազմակերպությունից էլ փոխանցում են՝ հիմնական ակտիվ ուղղություններն են՝ Գյումրի, Տաթեւ, Խնձորեսկ, Դսեղ, Արեւածագի ձոր եւ Դենդրոպարկ:

«Այդի տուր»-ից փոխանցում են՝ միջոցով ամրագրվող հիմնական ուղղություններն են՝ Ծաղկաձոր, Աղվերան, Սեւան, Դիլիջան:

«Հյուր սերվիս» տուրիստական ընկերության փոխանցմամբ եւս այս տարի գրեթե բոլոր ուղղություններով էլ ակտիվ ամրագրումներ են իրականացվում: Այս ընկերությունն առանձնացնում է հատկապես՝ Տաթեւ, Սեւան, Դիլիջան, Գառնի Գեղարդ, Խոր վիրապ ուղղությունները:

Զբոսավարների Ասոցիացիայի նախագահ Յաշա Սոլոմոնյանն էլ նկատում է՝ Հայաստան այցելող օտարերկրյա զբոսաշրջիկների համար վերջին տարիներին գրեթե չի փոխվում նախընտրելի վայրերի ցանկը: Ինչպես նախկինում, այսօր եւս՝ Գառնի- Գեղարդը, Խոր Վիրապը, Նորավանքը, Տաթեւն ու Էջմիածինը շարունակում են մնալ թոփ ամենավաճառվող ուղղությունները:

«Հայկական ժամանակի» հետ զրույցում Սոլոմոնյանն ասում է՝ մինչեւ կորոնավիրուսի տարածումը բավականին ակտիվ զարգանում էին արշավական ուղիները. «բարեբախտաբար այս տարի էլ ավանդույթը կամաց -կամաց վերսկսվել է՝ արշավներ են իրականացվում հիմնականում դեպի Սյունիք, Տավուշ, Վայոց ձորն ու Լոռին Արագածոտնի մարզեր եւ Արագած լեռ»:

Նրա փոխանցմամբ՝ թոփ ուղղությունների թվում շարունակում է մնալ Սեւանա լիճ, Սեւանա վանք, Հաղարծին փաթեթը: «Հատկապես ռուսական շուկայում սա ամենաակտիվ ուղղություններից մեկն է: Ռուսալեզու բազմաթիվ հրապարակումներ ենք տեսնում, որտեղ Սեւանա լիճն առաջարկվում է ծովին այլընտրանք, սակայն, ասել՝ լիճը լուրջ զբոսաշրջային ցուցանիշ կարող է ցույց տալ՝ ցավոք՝ չենք կարող: Կլիման, էկոլոգիական վիճակն ու այն ենթակառուցվածքը, որում Սեւանա լիճն է՝ այսօր դա հնարավոր չէ»,-նկատում է Յաշա Սոլոմոնյանը:

Վերջինիս խոսքով՝ այդպես էլ չի ստացվում Սեւանա լճի ավազանում ունենալ նորմալ ենթակառուցվածքներ. խոսքը ոչ միայն վատ որակի հյուրանոցների ու սննդի օբյեկտների մասին է, այլ, առհասարակ, լճի ընդհանուր ներկայանալիության «Պետական մակարդակով քայլեր է պետք ձեռնարկել, որպեսզի լիճը բերվի այնպիսի տեսքի, որ զբոսաշրջություն կարողանա ապահովել: Պարզ է, որ լիճը շատ գրավիչ է, բայց այդ տարածքում պատշաճ հանգիստ կազմակերպելու համար դա բավարար չէ»,-նկատում է զբոսավարը:

Հարցադրմանը, թե ինչ տպավորություններով են հիմնականում կիսվում զբոսաշրջիկները մեր երկրից հեռանալիս, Սոլոմոնյանն ասում է. «Մեզ մոտ շատ տեղեր բավականին բարձր մակարդակի ու որակի ծառայություն է մատուցվում՝ զբոսավար, մեքենաներ, տուր օպերատորներ եւ այլն: Մեր հյուրերը Հայաստանից հեռանում են միշտ բարձր տրամադրությամբ եւ շատ տպավորված: Շատ հաճախ ինքներս փորձում ենք ամեն ինչ անել, որպեսզի մաքսիմալ մեղմվեն այն տհաճ իրավիճակներն ու խնդիրները, որոնք զբոսաշրջիկը կարող էր նկատել: Օրինակ՝ աղբը, որը գրեթե ամենուր ոտքի հետ գնում է՝ զբոսավարներն ամեն ինչ անում են՝ երգում, պարում ծափահարում, որ շեղեն զբոսաշրջիկի ուշադրությունն աղբակույտերից»:

Վերջինս նաեւ նկատում է՝ աղբի կուտակումը համատարած խնդիր է մեր երկրում: «Ես չեմ ասում, թե սա միայն մեր երկրում է, բայց կցանկանայի, որ դրականորեն տարբերվեինք աշխարհի մյուս երկրներից մեր մաքրասիրությամբ, ինչը, ցավոք, վերջին տասնամյակներում միայն խոսքի, մաղթանքի մակարդակում է մնում եւ բան չի փոխվում»,-շեշտում է Սոլոմոնյանը:

Նրա փոխանցմամբ՝ ընդհանուր առմամբ, զբոսաշրջիկը մեր երկրից հեռանում է՝ տպավորված տեղի լանդշաֆտով, մշակույթով, խոհանոցով, բնական եւ մշակութային հուշարձաններով: Սոլոմոնյանը նաեւ նկատում է, չնայած դրան մենք հուշարձանների տարածքում ունենք խնդիրներ: Վերհիշելով Նորավանքի տարածքում տեղի ունեցած դեպքը, երբ ՌԴ-ից ժամանած զբոսաշրջիկը ընկել էր Նորավանք վանական համալիրի Բուրդելաշեն եկեղեցու աստիճաններից եւ վնասվածքներ ստացել, հայտնում է՝ Բուրդելաշենի աղոթասրահ տանող ճանապարհը փակվել է:

«Ցավոք նմանատիպ խնդիրները շատ -շատ են, եւ եղածներին նորերն են ավելանում, հիմա էլ Հատիս լեռն է դարձել խնդիր, որով մենք զբաղվում ենք: Այդ անհասկանալի նախագիծը Քրիստոսի արձանի հետ կապված. մի բան, որն ընդհանրապես աղերս չունի մեր մշակութային, կրոնական եւ իհարկե՝ եկեղեցական տեսակետների հետ: Հատիսը շատ ակտիվ եւ պահանջված արշավական ուղղություն էր, որը փաստացի կորցնելու ենք: Անհասկանալի պրոցեսներ են ընթանում: Փորձ է արվում այդ ամենը գեղեցիկ կերպով փաթեթավորել զբոսաշրջություն անվան տակ եւ վաճառել ժողովրդին, առանց այդ հասարակության պատասխանատու ու կոմպետենտ շերտի կարծիքը հաշվի առնելու»,-կարծիք է հայտնում զբոսավարը:

Տպել
4260 դիտում

Քննարկվում է Հայաստանում և Ադրբեջանում ՀԱՊԿ դիտորդներին օգտագործելու հնարավորությունը. Լավրով

Վարչապետի որոշմամբ Գեղամ Շախբազյանն ազատվել է պաշտոնից

Քննարկվել է Հա­յաս­տա­նի շեն­քե­րի էներ­գիա­յի սպառման և ջերմոցային գազերի ար­տա­նե­տում­նե­րի կրճատման ծրագիրը

Տրանսպորտային ուղիների ապաշրջափակումը միանշանակ դրական կլինի բոլոր կողմերի համար. Օվերչուկ

Նախաձեռնվել է քրեական վարույթ հակառակորդի կողմից երեք զինծառայողի սպանության դեպքի առթիվ. ՔԿ

Վարչապետի որոշմամբ՝ նշանակվել է Կադաստրի կոմիտեի ղեկավարի տեղակալ

Մի քանի ժամով լույս չի լինի Երևանի և 5 մարզերի մի մասում

Հայաստանի, Ռուսաստանի և Ադրբեջանի փոխվարչապետներն «արտատարածքային միջանցքի» հարց չեն քննարկում. Օվերչուկ

Մոլորեցրել են հակառակորդին ու դուրս եկել շրջափակումից, ոչնչացրել են թշնամու մեծաթիվ ուժեր. նոր հերոսական դրվագներ

Այս տարի «ՀԱՅ ՖԵՍՏ»-ը կանցկացվի «Հաջորդ 20 տարիները կլինեն ավելի լավը» խորագրի ներքո. ԿԳՄՍՆ

Ժնևում տեղի կունենա Հայաստանի և Ադրբեջանի արտաքին գործերի նախարարների հանդիպումը

Խարդախությամբ կատարված հափշտակության դեպքերը կտրուկ աճել են. դատախազությունը հորդորում է չփոխանցել անձնական տվյալներ

Վայոց ձորի մարզի Շատին գյուղում սողանք է ակտիվացել

Պատահականություն, դիտավորություն կամ դիվերսիա. ինչ է հայտնի «Հյուսիսային հոսք» գազատարի ստորջրյա պայթյունների մասին

Երևան-Մեղրի ավտոճանապարհին մեքենան ընկել է Դարբ գետը. վարորդն ու 3 ուղևորները տեղափոխվել են հիվանդանոց

Հայ-ադրբեջանական սահմանին իրավիճակը հարաբերականորեն կայուն է. ՊՆ

Պուտինը ճանաչել է Խերսոնի և Զապորոժիեի շրջանների «անկախությունը». ինչու էր դա անհրաժեշտ, և ինչ է սպասվում հետո

Ինչու են պատերազմական իրավիճակում գտնվող երկրում քննարկվում տնտեսական և ֆինանսական հարցեր․ Բաբկեն Թունյան

Արմեն Գրիգորյանը հանդիպումներ է ունեցել ԱՄՆ Կենտրոնական հետախուզական գործակալությունում

«Կապիտուլյացիոն փաստաթո՞ւղթ», թե՞ ելույթներ. «Կիկոսի մահը» հեքիաթի մոտիվներով

Լեռնանիստ գյուղի դաշտերն այրվել են

Ադրբեջանի ԶՈՒ-ն դաժանաբար սպանել է վիրավոր հայ զինծառայողներին, վայրագ կերպով վարվել զոհերի մարմինների հետ․ Մարտիկյան

Ժամը 22:00-ի դրությամբ հայ-ադրբեջանական սահմանին իրադրության փոփոխություն չի արձանագրվել

Սյունիքում իրավիճակը շարունակում է մնալ հարաբերականորեն հանգիստ․ Դավիթ Դանիելյան

Կարևոր է՝ ռուս-թուրք-ադրբեջանական թակարդից դուրս գալով՝ այժմ էլ չընկնենք Արևմուտք-Ադրբեջան հյուսած ծուղակը. Բաբաջանյան

Հայկական կողմը գիտի, թե որտեղ քանի դի կա, սակայն դուրս բերելու փորձերը հանդիպել են Ադրբեջանի ԶՈՒ ուժեղ կրակին․ Մարտիկյան

Հոխիկյանը, ԵՊՀ-ին մեղադրելով քաղաքական պատվեր կատարելու մեջ, ինքն է քաղաքականացման առերևույթ քայլ կատարում. Գրիգորյան

Ծաղկունք գյուղում տնակ է հրդեհվել

Հայկական ԶՈՒ-ն սպասում է հակառակորդին դիմակայելու և ջախջախելու․ Առաքել Մարտիկյան

ՌԴ-ից մեծ թվով անձանց ներհոսքն ինչ ազդեցություն կունենա Հայաստանում ժողովրդագրական աճի վրա

Հայաստանն Ադրբեջանին մի քանի անգամ արդեն առաջարկել է զորքերի հայելային հետքաշում

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ԳՇ պետի տեղակալ

Հայաստանը ՀԱՊԿ զորավարժություններին ուժեր չի ուղարկելու․ ՌԴ ԱԳՆ-ն արձագանքել է այս որոշմանը

ՀԱՊԿ-ում մնալով՝ նշանակում է տալ այն, ինչը պահանջում է Ադրբեջանը՝ սկսած «Զանգեզուրի միջանցքից» և անկլավներից. քաղաքագետ

ՀՀ ՄԻՊ-ը Լեյլա Կայաչիկին է ներկայացրել այս օրերին տեղահանված 7600 անձի կենսապայմանների ապահովման անհրաժեշտությունը

Քննարկվել են Ներքին գործերի նախարարության ֆունկցիոնալ և ռեսուրսների կառավարմանն առնչվող հարցեր

Գեղարքունիքի մարզի Ծաղկաշեն գյուղին հարակից սարերում այրվել է խոտածածկույթ

Վահրամ Դումանյանը մասնակցել է ՅՈՒՆԵՍԿՕ-ի «Մշակութային քաղաքականության և կայուն զարգացման համաշխարհային համաժողովին»

Խորհրդակցություններ Հայաստանի և Չեխիայի ԱԳՆ-ների միջև. քննարկվել են երկկողմ օրակարգին առնչվող հարցեր

ՊԵԿ նախագահը և ԱՄՀ պատվիրակության ղեկավարը քննարկել են համագործակցությանն առնչվող հարցեր