Լուգանսկի, Դոնեցկի, Խերսոնի և Զապորոժիեի բնակիչների գերակշիռ մեծամասնությունը կողմ է ՌԴ կազմի մեջ մտնելու որոշմանը

Ինչպես հայտնի է, Դոնբասի Հանրապետության, ինչպես նաև ռուս զինվորականների կողմից վերահսկվող Խերսոնի և Զապորոժիեի շրջանների իշխանությունները հանրաքվե են անցկացրել Ռուսաստանին միանալու վերաբերյալ։ 

Քվեարկություններն ավարտվել են, հայտնի են բոլոր շրջաններում ընտրության արդյունքները:

Դոնեցկի, Լուգանսկի, Խերսոնի և Զապորոժիեի շրջանների՝ Ռուսաստանի կողմից վերահսկվող տարածքների՝ ՌԴ-ին միանալու վերաբերյալ հանրաքվեն բոլոր այս մարզերում մեկնարկել էր սեպտեմբերի 23-ին միաժամանակ։ Երեկ՝ սեպտեմբերի 27-ին՝ Մոսկվայի ժամանակով ժամը 16:00-ին, ավարտվել է այն: Ընտրական հանձնաժողովների արդյունքները ցույց են տալիս, որ բնակիչների ճնշող մեծամասնությունը կողմ է ՌԴ կազմին անդամակցությանը։

Ռուսաստանի նախագահ Վլադիմիր Պուտինը սեպտեմբերի 21-ին հայտարարել է, որ Ռուսաստանը կաջակցի «իր ապագայի վերաբերյալ որոշումը, որը կկայացնի Դոնեցկի և Լուգանսկի Ժողովրդական Հանրապետությունների, Զապորոժյեի և Խերսոնի շրջանների բնակիչների մեծամասնությունը»։

Մոսկվայի ժամանակով ժամը 08:00-ի դրությամբ քվեարկության արդյունքների վերաբերյալ վերջին տեղեկատվությունն այսպիսի տեսք ունի.

1. Ընտրական հանձնաժողովների տրամադրած տվյալները՝

Լուգանսկում Ռուսաստանին միանալու օգտին քվեարկել է ընտրողների 98,42%-ը (արձանագրությունների 100%-ը մշակվել է).

Խերսոնի շրջան՝ 87,05% (արձանագրությունների 100% մշակված).

Զապորոժիեի մարզ՝ 93,1% (արձանագրությունների 100% մշակված).

Դոնեցկ՝ 99,23%-ը (100% արձանագրությունների մշակված):

2. Տվյալներ այն կայքերից, որոնք տեղակայված են եղել Ռուսաստանի տարածքում 

Խերսոնի մարզ - Ռուսաստանին միանալու օգտին քվեարկել է ընտրողների 96,75%-ը,  Զապորոժիեի շրջանում՝ 97,81%-ը, Լուգանսկում՝ 97,93%-ը, Դենցկում՝ 98,69%-ը:

Դոնեցկի Ժողովրդական Հանրապետության ղեկավար Դենիս Պուշիլինը հայտարարել է, որ հանրաքվեից հետո հաջորդ քայլը լինելու է Ռուսաստանի Դաշնության հետ համաձայնագրի ստորագրումը, դրա համար ինքը շատ շուտով «ճանապարհ կընկնի»։

Զապորոժիեի շրջանի ռազմական-քաղաքացիական վարչակազմի ղեկավար Եվգենի Բալիցկին շնորհակալություն է հայտնել տարածաշրջանային ընտրական հանձնաժողովի անդամներին, որոնք կազմակերպել են հանրաքվեն՝ չնայած Կիևի սպառնալիքներին։

Խերսոնի շրջանի ռազմական-քաղաքացիական վարչակազմի ղեկավարի տեղակալ Կիրիլ Ստրեմուսովն ասել է, որ հանրաքվեն առաջին պլեբիսցիտն էր տարածաշրջանում, երբ մարդիկ իսկապես ընտրության հնարավորություն ունեին և կատարեցին այն:

Դոնեցկի Ժողովրդական Հանրապետության հանրային պալատի նախագահ Ալեքսանդր Կոֆմանը Ռուսաստանին միանալու հանրաքվեում քվեարկած բնակիչներին հերոսներ է անվանել՝ նշելով, որ նրանք ընտրություն են կատարել Ուկրաինայի զինված ուժերի գնդակոծության տակ։

Լեոնիդ Պասեչնիկն ասել է, որ ինքը արդեն սկսել է փաստաթուղթ նախապատրաստել, որով Պուտինին խնդրելու է հանրաքվեի արդյունքների հիմքով Լուգանսկը ներառել Ռուսաստանի Դաշնության կազմում:

ՌԴ Պետդումայի նախագահ Վյաչեսլավ Վոլոդինն էլ հայտարարել է, որ Դոնեցկի և Լուգանսկի Ժողովրդական Հանրապետությունների, Զապորոժիեի և Խերսոնի շրջանների հանրաքվեներում Ռուսաստանին միանալու մասին որոշումները միլիոնավոր մարդկանց փրկելու են ցեղասպանությունից։