Երևան
15 °C
ՀՀ կրթության, գիտության, մշակույթի և սպորտի նախարար Վահրամ Դումանյանն այսօր ընդունել է ըմբշամարտի աշխարհի Մ23 տարեկանների և բռնցքամարտի կանանց Եվրոպայի մեծահասակների առաջնություններում մեդալներ նվաճած մարզիկներին:
Հանդիպմանը ներկա են եղել ԿԳՄՍ նախարարի տեղակալ Կարեն Գիլոյանը, Հայաստանի ըմբշամարտի և բռնցքամարտի ֆեդերացիաների ներկայացուցիչներ, մարզիչներ և մարզիկներ՝ բռնցքամարտի Եվրոպայի կանանց առաջին չեմպիոն Անի Հովսեփյանը, բրոնզե մեդալակիր Սոնա Հարությունյանը, ըմբշամարտի Մ23 տարեկանների աշխարհի չեմպիոններ Արսեն Հարությունյանը, Վազգեն Թևանյանը, փոխչեմպիոն Գևորգ Թադևոսյանը, բրոնզե մեդալակիրներ Արման Ավագյանը, Հրաչյա Պողոսյանը և այլք:
Ողջունելով մարզիկներին և մարզիչներին՝ Վահրամ Դումանյանը նրանց շնորհավորել և շնորհակալություն է հայտնել քրտնաջան աշխատանքի համար:
«Ուրախ եմ ձեզ այստեղ տեսնելու և ձեր հաջողությունների մասին լսելու համար: Հույս ունեմ և վստահ եմ, որ հաղթանակների շարքը պետք է շարունակվի մինչև օլիմպիական բարձունքներ: Այս դժվարին ժամանակներում ձեր հաղթանակները ոգևորում են մեր ժողովրդին: Հպարտ եմ ձեզանով և շատ շնորհակալ եմ նվիրված աշխատանքի համար: Վստա՛հ եղեք, որ մեր հնարավորությունների սահմանում, իսկ այդ հնարավորությունները տարեցտարի ավելանում են, ձեզ համար կարվի առավելագույնը: Վստա՛հ եղեք, որ ձեր կատարած աշխատանքը գնահատվում է, և դուք մշտապես պետության ուշադրության կենտրոնում եք»,- ասել է Վահրամ Դումանյանը:
ԿԳՄՍ նախարարի տեղակալ Կարեն Գիլոյանը ևս բարձր է գնահատել մարզիկների ելույթներն ու նրանց գրանցած արդյունքները. «Վստահ եմ՝ ապագայում հաղթանակներն ավելի ծանրակշիռ են լինելու, քանի որ դրա համար թե՛ մարզիչների ու մարզիկների, թե՛ պետության կողմից արվում է առավելագույնը: Առաջիկայում օլիմպիական խաղերն են, ու սպասելիքները շատ մեծ են»:
Հանդիպման ընթացքում մեդալակիր մարզիկներն ու մարզիչները ամփոփել են իրենց ելույթներն ու խոսել տպավորությունների մասին:
Մասնավորապես, բռնցքամարտի կանանց հավաքականի գլխավոր մարզիչ Ռաֆայել Մեհրաբյանն ընդգծել է՝ տարիներ շարունակ երազել է, որ հայ մարզուհիներից մեկը կանգնի պատվո հարթակի վերին աստիճանին. «Սա տարիների քրտնաջան աշխատանքի արդյունք է: Աշխարհի առաջնությունից հետո աղջիկներին ասացի, որ եթե հաջորդ մրցմանը ձախողվեն ու մեդալ չնվաճեն, կհեռանամ հավաքականից: Աղջիկները սկսեցին լաց լինել, ես ևս չկարողացա զսպել հուզմունքս: Շատ ուրախ եմ այս արդյունքի համար ու շնորհակալ եմ մեր մարզուհիներին: Հիմա արդեն նպատակը Փարիզի օլիմպիական խաղերին ու մեդալային պայքարին մասնակցելն է: Ոչինչ չենք խնայի և կանենք ամեն բան, որպեսզի հասնենք մեր նպատակին»: Անի Հովսեփյանի հավաստմամբ՝ դեռ չի հավատում, որ Եվրոպայի առաջնության չեմպիոն է հռչակվել. «Շատ երկար էի սպասել մեդալին: Անբացատրելի զգացողություններ ունեցա, երբ ձեռքիս մեջ շոշափեցի ոսկե մեդալը: Շատ ուրախ և հպարտ եմ, բայց դեռ չեմ հավատում, որ Եվրոպայի չեմպիոն եմ»:
Ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանն ամփոփել է աշխարհի Մ23 տարեկանների առաջնությունը, որտեղ իր մարզիկները 2 ոսկե և 1 բրոնզե մեդալ են նվաճել. «Կասկածից վեր էր, որ չեմպիոնները հենց Արսեն Հարությունյանն ու Վազգեն Թևանյանն էին լինելու: Այս առաջնությունում նրանց կարգն ու մյուս մասնակիցների նկատմամբ առավելությունը շատ մեծ էր, ու անպայման պետք է հաղթեին: Նրանք ոչ միայն Մ23 տարեկանների, այլև մեծահասակների մակարդակում շատ լուրջ մրցակից են ցանկացածի համար: Արման Ավագյանը լավ հանդես եկավ և բրոնզե մեդալի համար գոտեմարտում հաղթեց Եվրոպայի մեծահասակների գործող չեմպիոնին: Մեր թիմի մյուս ներկայացուցիչներն էլ կարող էին մեդալներ նվաճել, բայց ունենք այն, ինչ ունենք: Այս արդյունքը ևս գոհացնող է»:
Հունահռոմեական ոճի ըմբշամարտի հավաքականի գլխավոր մարզիչ Արմեն Բաբալարյանը, ամփոփելով Մ23 տարեկանների աշխարհի առաջնության արդյունքները, նշել է. «Թիմային պայքարում 7-րդն էինք աշխարհում, բայց մեր սպասելիքներն ավելի բարձր էին: Բավարարվեցինք 3 մեդալով՝ 1 ոսկե, 1 արծաթե և 1 բրոնզե: Շնորհակալ ենք ընդունելության և այս հանդիպման համար: Կարևոր է զգալ, որ պետությունը և ղեկավարությունը կանգնած են մարզիկների թիկունքին»:
Ազատ ոճի ըմբիշ Արսեն Հարությունյանը, ով կարիերայում երկրորդ անգամ է հռչակվել Մ23 տարեկանների աշխարհի չեմպիոն, շեշտել է, որ իրենց հաղթանակները պայմանավորված են մարզիչների աշխատանքով. «Շնորհակալ եմ իմ մարզիչներին՝ իմ կողքին լինելու համար: Դեռ շատ երկար ճանապարհ ունենք միասին անցնելու: Ես մինչև վերջ կհավատամ իմ մարզիչներին և ուզում եմ, որ իրենք էլ ինձ հավատան, ու մենք կարողանանք իրականացնել մեր երազանքները»:
ԿԳՄՍ նախարար Վահրամ Դումանյանը տեղեկացրել է, որ վերջին տարիների պատմության մեջ առավելագույն թվով մեդալներ ունեցել ենք 2019 թվականին, երբ մեր պատանի, երիտասարդ և մեծահասակ մարզիկներն աշխարհի, Եվրոպայի առաջնություններում և միջազգային մրցաշարերում ընդհանուր առմամբ նվաճել են 222 մեդալ: 2022 թվականի ընթացքում ՀՀ մարզիկները մինչ այս պահն արդեն իսկ 285 մեդալ են նվաճել, որոնցից 100-ը՝ ոսկե. «Այս ռեկորդները ձերն են: Այս տարվա սպասելիքները դեռ մեծ են: Շնորհակալ եմ ձեր ջանքերի համար»,- ամփոփել է ԿԳՄՍ նախարարը:
Վահրամ Դումանյանը կարևորել է նաև ՀՀ կառավարության՝ մասսայական սպորտի զարգացմանն ուղղված ջանքերը՝ ընդգծելով, որ այդպիսի մրցաշարերում լավագույնը ճանաչված մարզիկները հետագայում կարող են համալրել նաև մեծ սպորտը:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ