Երբ կստեղծվի ջրային պարեկային ծառայությունը, որքան աշխատավարձ կստանան պարեկները և ինչ գործառույթ են կատարելու

Արդարադատության նախարարությունը քննարկում է ջրային պարեկային ծառայություն ստեղծելու գաղափարը: Փոխնախարարի խոսքով՝ պարեկները հնարավորություն կունենան Սևանա լճի մակերևույթին իրականացնել համապատասխան ծառայություն:

Ջրային պարեկային ծառայության ստեղծման մասին «Հայկական ժամանակ» զրուցել է արդարադատության փոխնախարար Արփինե Սարգսյանի հետ:

- Տիկին Սարգսյան, ջրային պարեկային ծառայություն ստեղծելու գաղափարն ինչպե՞ս է առաջացել, ի՞նչ հատկանիշներով պետք է ջրային պարեկները տարբերվեն մյուս պարեկներից:

- Ջրային պարեկային ծառայության ստեղծման գաղափարի հիմքում ընկած է այն հանգամանքը, որ Պարեկային ծառայության գործունեությունը չի կարող սահմանափակվել միայն ցամաքային հատվածում իրավակարգի ապահովմամբ։ Հանրապետությունում մենք ունենք նաև ջրային ծածկույթներ, որոնց վրա և որոնց շրջապատող հատվածներում պարեկի ներկայությունն օբյեկտիվ անհրաժեշտություն է։ Խոսքը հատկապես Սևանա լճին է վերաբերում։ Հենց վերջինիս դեպքում մեծ է ապօրինի ձկնորսության ռիսկը, բացի այդ, կարևոր են նաև Սևանա լիճը նախընտրող մեր հայրենակիցների և զբոսաշրջիկների անվտանգության ապահովման հարցը և այլ հիմնախնդիրների հասցեագրումը։

Ըստ այդմ՝ ոստիկանության գործընկերների հետ համատեղ մշակել ենք Սևանա լճում ջրային պարեկային ծառայության ներդրման հայեցակարգը և դրա իրականացման գործողությունների ծրագիրը։

Բնականաբար, ջրային ծածկույթում գործունեություն ծավալող պարեկին անհրաժեշտ են այդպիսի տարածքին համապատասխան համազգեստ, ջրային տրանսպորտային փոխադրամիջոց, ջրակայուն ռադիոկապ, հատուկ հարմարեցված հենակետեր, այլ անձանց կողմից վարվող ջրային տրանսպորտային փոխադրամիջոցները տեղափոխելու համար հատուկ պահպանվող տարածք, առաջին փրկարարական օգնության ցուցաբերման համար նախատեսված և այլ աջակցող պարագաներ։ Հենց այս կերպ զինված պարեկին էլ մեր քաղաքացիները կտարբերեն։

Բայցև կարևոր է, որ ջրային պարեկները լինելու են ունիվերսալ ծառայություն իրականացնողներ։ Ջրային պարեկությունը լինելու է «դասական» պարեկի լրացուցիչ ֆունկցիան։ Այսինքն՝ մասնագիտացված պարեկների թիմում ընդգրկված պարեկները, ըստ անհրաժեշտության, իրականացնելու են ցամաքային հատվածում Գեղարքունիքի Պարեկային ծառայությանը վերապահված այլ գործառույթները։

- Իսկ ե՞րբ է հիմնվելու:

- Ջրային պարեկային մասնագիտացման ապահովումը ենթադրում է գործողությունների համալիրի իրականացում՝ տեղանքում հենակետերի որոշումից մինչև ջրային տրանսպորտային փոխադրամիջոցների ձեռքբերում, պարեկների ընտրությունից մինչև նրանց պատշաճ վերապատրաստում։

Գործընթացը լավագույնս կազմակերպելու համար մշակված գործողությունների ծրագրի համաձայն՝ արդեն 2023 թվականի երկրորդ կիսամյակում Գեղարքունիքի Պարեկային ծառայության կազմում արդեն իսկ կգործի մասնագիտացված պարեկների թիմ, որը կկարողանա ջրային պարեկություն իրականացնել։

- Որքա՞ն աշխատավարձ են ստանալու ջրային պարեկները, և արդյոք լինելո՞ւ է սեռային տարբերություն:

- Ջրային պարեկները ստանալու են այն աշխատավարձը, ինչ այս պահին գործող մեր պարեկները։ Ինչ վերաբերում է սեռերին, մենք ջրային պարեկային ծառայությունում հրավիրում ենք ընդգրկվելու թե՛ տղամարդ, թե՛ կին պարեկներին։

- Եթե աշխատանքը լինելու է Սևանում, ապա ի՞նչ միջոցներ են նախատեսվում պարեկների կեցությունը և այլ հարցերը կազմակերպելու համար:

- Իհարկե, տրամաբանական է այս հատվածում ծառայության ընդգրկել հենց Գեղարքունիքի մարզից պարեկների, բայց դաշտը բաց է մեր մյուս մարզերի և Երևանի պարեկների համար։ Հետևապես, կեցության տեսանկյունից սկզբունքը նույնը կլինի, ինչ ոստիկանության մյուս ստորաբաժանումների ծառայողների համար․ համապատասխան պահանջների բավարարման դեպքում պետությունը տրամադրելու է համապատասխան փոխհատուցում։

- Կատարվե՞լ են ուսումնասիրություններ՝ պարզելու, թե ՀՀ-ն ունի՞ այդքան մարդկային ռեսուրս, որոնք կարող են ջրային պայմաններում աշխատանք կատարել: Մասնավորապես քանի՞ հոգի եք պատրաստվում ներառել ջրային պարեկների ստորաբաժանման կազմում:

- Բնականաբար, այս գաղափարի կյանքի կոչման համար կարևոր ելման կետը ջրային տարածությունում պրոֆեսիոնալ գործող ջրային պարեկն է։

Հայեցակարգի և գործողությունների պլանի մշակումից հետո մենք ձեռնամուխ եղանք իրազեկման աշխատանքների իրականացմանը, որպեսզի թե՛ այս պահին ոստիկանության կրթահամալիրում Տավուշի, Գեղարքունիքի, Կոտայքի և Արագածոտնի մարզերի պարեկային ծառայությունում աշխատանքի անցնելու համար ուսումնառություն անցնող ապագա պարեկները, թե՛ գործող պարեկները հնարավորություն ունենան դիմել և անցնել համապատասխան վերապատրաստում։

Որքան էլ գրավիչ և ինչ-որ տեղ էքստրիմալ լինի հանրապետությունում ջրային պարեկ ունենալու գաղափարը, բայցև փորձագիտական կարծիքն այն է, որ այսպիսի ծառայությունը մեկ մակարդակ ավելի վտանգավոր ծառայություն է ենթադրում: Ուստի մենք պետք է դիմորդներից ընտրենք միայն նրանց, որոնք ունեն լողալու, ինքնափրկվելու, սառը և տաք ջրերում լողալու կարողություն, ինչպես նաև փորձված են արտաքին ծառայություն իրականացնելու գործում։ Մեր դիմորդները փոքր ստուգում կանցնեն՝ այս կարողությունները պարզելու համար, որից հետո, նախնական պլանավորմամբ, գարնանը կանցնենք վերապատրաստումներին։

Իրազեկման արշավի շրջանակներում մենք արդեն բավական մեծ դիմումների թիվ ունենք։ Սկզբնական փուլում մեզ մոտ եղած դիմումների թիվը 17 էր, իրազեկման հանդիպումներից հետո ունենք 33 դիմում: Իհարկե, այս թիվը կավելանա, քանի որ հանդիպումները շարունակվում են, և վերջնաժամկետը սահմանված է մինչև դեկտեմբերի 3-ը:

Ծառայությունը կգործարկվի 30-35 պարեկային ծառայողով՝ հաշվի առնելով այն, որ Սևանա լճի տարածքում, ըստ ռիկային գոտիների, կառանձնացվեն երկու հենակետեր, այն հետագայում, ըստ անհրաժեշտության, կընդլայնվի, և կվերապատրասվեն համապատասխան թվաքանակով ջրային պարեկներ:

- Սևանից հետո ո՞ր տարածքներում է նախատեսվում:

- Սևանա լճում ջրային պարեկների գործունեության ծավալումից հետո մենք կվերագնահատենք հանրապետության այլ ջրային ծածկույթների կարիքները ևս և կհասկանանք դրանցում ջրային պարեկների ներգրավվածության անհրաժեշտությունը, հնարավորությունն ու ձևաչափը։

Տպել
937 դիտում

Հայ 4 վազորդ Բելգրադում կմասնակցի միջազգային մրցաշարի

Արցախի արտգործնախարար Սերգեյ Ղազարյանը ցավակցական նամակ է ուղարկել Հայաստանում Սիրիայի դեսպանին

«Միայն քաղաքական ապուշը կարող է բացասական ընկալել». քաղաքագետը՝ Թուրքիա և Սիրիա մարդասիրական օգնություն ուղարկելու մասին

Նախկինում կառուցված շենք-շինությունների սեյսմիկ հզորությունը և հետագա ուսումնասիրությունները չեն համընկնում․ Սանոսյան

Ստեփանակերտ-Գորիս ճանապարհով անխոչընդոտ շարժը վերսկսելու վերաբերյալ բանակցությունները շարունակվում են․ ՌԴ ՊՆ

Տիգրանաշենի ոլորանները դժվարանցանելի են, Գորիսի տարածաշրջանում խիտ մառախուղ է

Ադրբեջանը հերթական սուտն է տարածում, թե ՀՀ-ն ու Իրանը պատրաստվում են գրոհել արդեն 60 օր արգելափակված Լաչին․ Մարուքյան

Իսկենդերուն բեռնարկղային նավահանգստում բռնկված հրդեհը մարվել է․ Ստամբուլի քաղաքապետ

Սիրիայում ահավոր վիճակի է, բժշկական սարքավորումների խիստ անհրաժեշտություն կա. «Գանձասար» պարբերականի խմբագիր

Հայաստանից ժամանած փրկարարական խումբը Թուրքիայում սկսել է աշխատանքը․ Կարո Փայլան (լուսանկարներ)

Բանակցային գործընթացը կանգ չի առել, և՛ մեկնաբանությունները, և՛ առաջարկները շարունակվել են փոխանակվել․ Արարատ Միրզոյան

2022-ին ՊԵԿ 89 ծառայող ենթարկվել է կարգապահական պատասխանատվության, 5-ը՝ ազատվել աշխատանքից (տեսանյութ)

ՀՀ ՊՆ-ն ու ԱԱԾ-ն հերքել են Լաչինի և Կուբաթլուի ուղղությամբ հարձակումների մասին ադրբեջանական հերթական ապատեղեկատվությունը

Արմավիրի մարզում հայտնաբերվել է հերթական ապօրինի ընդերքօգտագործման դեպքը․ նյութերն ուղարկվել են իրավապահ մարմիններին

Արայիկ Հարությունյանը ներկայացրել է ՍԱՏՄ նորանշանակ ղեկավարին

ՀԿԵ-ի 2023 թվականի ներդրումային ծրագիրը կգերազանցի 2 մլրդ դրամը

ՀՀ նախագահն ընդունել է «Հայաստանի փոքրիկ երգիչներ» երգչախմբի հիմնադիր ղեկավար մաեստրո Տիգրան Հեքեքյանին

Եթե կա հետընթաց, ուրեմն մի բան սխալ է գնացել. վարչապետը մտահոգված է կոռուպցիայի ընկալման ինդեքսում Հայաստանի նահանջով

Բոլոր այն մարզիկները, որոնք կդառնան Օլիմպիական չեմպիոն, Հայաստանում նրանց անունով մարզադպրոց կհիմնվի. վարչապետ

Ամերիաբանկն ամփոփեց Visa-ի հետ համատեղ արշավը. հայտնի է Volkswagen ID.4 էլեկտրամոբիլի հաղթողը (տեսանյութ)

Արժևորում ենք Խորվաթիայի հետ մեր հարաբերությունները և պատրաստակամ ենք դրանք որակապես նոր մակարդակի հասցնելու․ Միրզոյան

Հայ-խորվաթական կապերն ունեն առաջընթացի մեծ ներուժ․ վարչապետն ընդունել է Խորվաթիայի ԱԳ նախարարի գլխավորած պատվիրակությանը

Ադրբեջանն ու Թուրքիան գիտեն, որ ճանապարհների բացման կարիքը հենց ՀՀ-ն ունի և փորձում են բացելու գինը ավելացնել․ վարչապետ

Եվրամիության կողմից հայ-ադրբեջանական սահմանին դիտորդներ կտեղակայվեն այլ պատճառով․ վարչապետը մանրամասնել է՝ ինչու ոչ ՀԱՊԿ

Սկանդալի փնտրտուքն այստեղ անպտուղ զբաղմունք է․ Աղաջանյանը՝ իր հրաժարականի ու Խանդանյանի առաջադրման հանգամանքի մասին

Պատրաստակամութիւն կը յայտնէմ օգնութեան ձեռք երկարելու Սուրիոյ ժողովուրդին․ Արամ Ա կաթողիկոսը ցավակցագիր է հղել

Օղի է խնդրել, մերժում ստանալով՝ հայհոյել է․ Արմավիրի մարզի 65-ամյա բնակչի սպանության դեպքի առթիվ նախաձեռնվել է քրվարույթ

2022թ. հայրենադարձության 8000 դիմում է ստացվել․ վարչապետն այցելել է Սփյուռքի գործերի գլխավոր հանձնակատարի գրասենյակ

Արցախում կրկին գազ չկա. Ադրբեջանը խափանել է գազատարի աշխատանքը

Սեյրան Օհանյանն այլևս անձեռնմխելի չէ

Տոյվո Կլաարն առաջարկել է Հայաստանի և Ադրբեջանի ԱԳ նախարարների հանդիպում կազմակերպել Թբիլիսիում

ԱԺ արտաքին հարաբերությունների հանձնաժողովի նախագահի թեկնածուն Սարգիս Խանդանյանն է

ՔԿ-ն՝ ամիսներ առաջ Դավթաշենի կամրջից նետված 16 և 21 տարեկան երիտասարդների գործի ընթացքի մասին

ՀՀ և Խորվաթիայի ԱԳ նախարարները դիվանագիտական կրթության և վերապատրաստման վերաբերյալ հուշագիր են կնքել

Հրդեհավտանգ համարվող առաջնային խախտումները վերացվել են. «Մալաթիա» տոնավաճառի գործունեությունը թույլատրվել է

Հալեպի նահանգապետն ընդունել է Սիրիայում ՀՀ դեսպանին ու հայկական պատվիրակությանը

«Մալաթիա» տոնավաճառի տնօրինությունը դիմել է դատարան. բողոքարկում են տեսչական մարմնի որոշումը

Ջերմուկի խաչմերուկից մինչև Սիսիան ճանապարհահատվածը դժվարանցանելի է

Ինձ և հանրությանը հետաքրքրում է, թե ով է տվել պատվերը. Թորոսյանը՝ Վարդապետյանին

Էրդողանի ինքնաթիռը վայրէջք է կատարել երկրաշարժի էպիկենտրոն Ղահրամանմարաշում. նա կայցելի վրանային ավան