Նա կարողացավ բոլորին համոզել, որ գեղեցիկը փարթամ մարմինն է. լույս է տեսել Քիմ Քարդաշյանի մասին գրքի հայերեն տարբերակը

Երեկ՝ դեկտեմբերի 8-ին, «Բեսթ Վեսթերն Կոնգրես» հյուրանոցում տեղի ունեցավ Քիմ Քարդաշյանի մասին պատմող՝ «Նյումեգ» հրատարակչության կողմից հայերեն թարգմանված գրքի շնորհանդեսը: «Քիմ. Մերկ ճշմարտություն» գործի հեղինակը բրիտանացի աշխարհահռչակ կենսագիր Շոն Սմիթն է: Գրքում հեղինակը ներկայացրել է Քիմ Քարդաշյանի կենսագրության մութ պատմությունները, անհայտ փաստերը, մեգաաստղի հաղթահարած դժվարություններն ու հաջողության գրավականները: Մանրակրկիտ անդրադարձ կա նաև Քիմի հայաստանյան այցին:

Թարգմանությունն անգլերենից կատարել է Լիլիթ Գրիգորյանը, խմբագիրը Տաթևիկ Նալբանդյանն է:

«Նյումեգ» հրատարակչության ղեկավար Արտակ Ալեքսանյանի խոսքով՝ «Քիմ․ մերկ ճշմարտություն» գիրքն այն մասին է, որ մարդկանց չպետք է դատել՝ ըստ իրենց ինստագրամյան էջերի: «Նրանք շատ ավելի խորն են, ավելի խելացի ու աշխատասեր, քան կարող է թվալ»,- ասում է նա:

Գրքի խմբագիր Տաթևիկ Նալբանդյանի համոզմամբ էլ՝ ամենօրյա մակերեսային տեղեկությունների ու պատմությունների մեջ ուշադրություն չենք դարձնում Քիմի տեսակին: Գրքում նրա մարդ տեսակն է ի հայտ գալիս:

«Նա անհատ է, կարողացավ ստեղծել իր մարմինը՝ գեղեցիկի մասին իր պատկերացմամբ, և բոլորին համոզել, որ դա է իրական գեղեցկությունը: Ժամանակին մի անեկդոտ կար, ասում էին՝ ֆրանսուհիները ծուռ ոտքեր ունեն և կարողացան բոլորին համոզել, որ գեղեցիկը հենց ծուռ ոտքերն են: Հիմա Քիմը կարողացավ բոլորին համոզել, որ գեղեցիկը փարթամ մարմնաձևն է: Նա կատարելության է հասնել և դրանով շարժել շատերի նախանձը: Գիրքը կարդալուց հետո համակրանքով ես լցվում նրա հանդեպ: Ես գրքի վրա աշխատելու ընթացքում հասցրի Քիմին շատ սիրել, կարծում եմ՝ ընթերցողն էլ կսիրի»,- «Հայկական ժամանակ»-ի հետ զրույցում ասում է Տաթևիկ Նալբանդյանը:

MyCollages - 2022-12-09T165043.215.jpg (61 KB)

Փաստաբան Ռոբերտ Քարդաշյանի դուստրը հայտնի է ռեալիթի շոուներին մասնակցելով, բազմաթիվ սկանդալների կիզակետում հայտնվելով, հազարավոր սելֆիներով, սիրավեպերով ու աշխարհահռչակ ռեփեր Քանյե Ուեսթի հետ ամուսնությամբ: Քիմ Քարդաշյանին սոցցանցերում հետևում է 400 միլիոնից ավելի մարդ։ Այժմ նա աշխարհի ամենաազդեցիկ միլիարդատիրուհիներից մեկն է։ Ու թեև Քիմն իր բոլոր գործողություններն արել է բացեիբաց, այնուամենայնիվ, գրքի խմբագրի խոսքով, գրքում նրա մասին շատ նոր բացահայտումներ կան:

«Քիմը շատ ասպարեզներում է իրեն փորձել և ձախողել է: Այն էլ՝ ինչ ձախողումներ, որ մեկ ուրիշին կարող էր գետնին տապալել, բայց նա երբեք չի հանձնվել: Ինչքան էլ զարմանալի է, այդքան պլաստիկ կազմվածքի տեր կինը, պարզվում է, դժվարացել է պարել: Չի կարողացել նույնիսկ տարական պարային շարժումներ կատարել: Բոլոր ձախողումներից հետո սկսել է ինչ-որ մեկի զգեստապահարանը կարգի բերել, և պարզվել է, որ շատ լավ ճաշակ ունի: Հետո ստեղծել է իր կերպարը, որն այսօր կանացիության օրինակ է ամբողջ աշխարհում»,- նկատում է Տաթևիկ Նալբանդյանը:

Գրքի խմբագրի համոզմամբ՝ Քիմ Քարդաշյանը բնությունից օժտված է լինել բոլորի ուշադրության կենտրոնում և ամեն ինչ անում է՝ այդ ուշադրությունը ստանալու համար. «Այն սկանդալները, որ նա ստեղծում էր, հազարապատիկ մեծացնում էր հետաքրքրությունն իր և իր ընտանիքի հանդեպ: Հոր սիրուհիներ, մոր սիրեկաններ, բարդ ընտանեկան բախումներ: Սպանություններ, հոր դատապաշտպանությունները. գրքում ամերիկյան հասարակության տխուր բարքերն են ներկայացված: Սկանդալները երբեմն նաև սարքվել են՝ իր շուրջ հետաքրքրությունը և ինստագրամյան բանակը մեծացնելու նպատակով»:

Երեկոյի ընթացքում տեղի ունեցավ նաև Քիմ Քարդաշյանի մասին պատմող ֆիլմի պրեմիերան, այնուհետև անցկացվեց «Քիմ. նոր ստանդարտներ» պանելային քննարկումը։

MyCollages - 2022-12-09T164417.511.jpg (150 KB)

Ոճաբան Արմեն Գալյանը նկատում է՝ աշխարհում շատ քիչ մարդիկ կան, որ կարող են ամբողջությամբ սև հագած և անգամ դեմքը փակ դուրս գալ և բոլորը ճանաչեն, թե ով է նա. «Քիմը հասել է այդ կետին: Նորաձևության Met Gala ամենամյա հանդիսության 2021 թվականի նրա հանդերձանքը լայն քննարկման առարկա դարձավ: Նրա ցանկացած «լուք» շատ արտահայտիչ է ու խոսուն, թեև եղել են նաև անհաջող հանդերձանք: Այդուհանդերձ, այսօր բոլոր կանայք՝ Հնդկաստանից մինչև Մեքսիկա, ուզում են նմանվել հայուհի Քիմին»:

Դիմահարդար Հրանուշ Եղոյանը երբեք Քիմի երկրպագուն չի եղել, մինչև որ 2015 թվականին Հայաստան կատարած նրա այցի ժամանակ անձամբ է հանդիպել մեգաաստղի հետ:

«Այդ 3 րոպեանոց հանդիպումը այնքան տպավորեց ինձ: Նախ ինչ-որ սպասում էի, տեսա նույնի ճիշտ հակառակը: Տեսա իդեալական, փոքրամարմին, համեստ և շատ նուրբ մի կնոջ, որն այնքան հղկված խոսքի արվեստ ուներ: Զրույցի ժամանակ աչքերով միայն քեզ հետ է ու նվիրում է հիանալի ժպիտներ, և իր այդ հիպնոտիկ նուրբ ու փափուկ հայացքով քեզ կարողանում է իրենով անել: Շատ ջերմ է ու շատ մարդկային»,- ասում է Հրանուշ Եղոյանը:

Դիմահարդարը նաև ժպիտով ու ուրախությամբ է հիշում այն, որ ծանոթացել է Քիմի անձնական դիմահարդարի հետ. «Երբ իմացավ, որ ես էլ եմ աստղային դիմահարդար, ասաց՝ օ՜, զարմանալի է, որ դիմահարդար ես, դու ես աստղի նման: Այդ փոքր կոմպլիմենտը այնքա՜ն տպավորիչ էր ու այնքա՜ն ջերմություն թողեց»:  

Ինֆլյուենսեր Մադոննա Հարությունյանն էլ մեջբերում է, որ Քիմին չսիրողները շատ են սիրում նրան անտաղանդ անվանել և զարմանում են, թե ո՞րն է նրա ֆենոմենը, որ, չունենալով արտահայտիչ տաղանդ, ունի հաջողություն, հարստություն ու հանրաճանաչություն. «Հաջողությունը հեշտ չի տրվում: Քիմը սոցցանցերն օգտագործել է որպես գործիք՝ իր անձնական բրենդը ստեղծելու համար: Կարծում եմ՝ Քիմի տաղանդը հենց նրանում է, որ իր աշխատասիրության շնորհիվ կարողանում է անընդհատ վերելքներ ապահովել, և այդ ճանապարհորդությունը երբեք կանգ չի առնում: Սա վառ օրինակ է, որ կարևոր չէ, թե որքան դանդաղ ես գնում, այլ կարևոր է կանգ չառնելը՝ միշտ առաջ շարժվելը»:

Հերմինե Կարապետյան

Տպել
1687 դիտում

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը