Երևան
12 °C
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր այցելել է Հայաստանի գիտությունների ազգային ակադեմիա, հանդիպել նախագահության անդամների և գիտական ինստիտուտների և ստորաբաժանումների ղեկավարների և հետ:
Այս մասին տեղեկացնում է ԿԳՄՍՆ-ն։
Հանդիպմանը ներկա են եղել ՀՀ ԳԱԱ նախագահ, ակադեմիկոս Աշոտ Սաղյանը, ԿԳՄՍՆ գիտության կոմիտեի նախագահ Սարգիս Հայոցյանը:
ՀՀ ԳԱԱ նախագահ Աշոտ Սաղյանը, շնորհակալություն հայտնելով հանդիպման համար, ներկայացրել է ակադեմիայի գործունեության կարևոր ուղղությունները, ինչպես նաև անդրադարձել ոլորտային խնդիրներին: Աշոտ Սաղյանի խոսքով՝ սկսվել են բարեփոխումների լայնածավալ ծրագրեր, որով նպատակադրվել են բարելավել թե՛ ենթակառուցվածքային պայմանները, թե՛ կապը ինստիտուտների հետ՝ վերականգնելով ակադեմիայի երբեմնի հեղինակությունն ու դերը հասարակության մեջ:
ՀՀ կրթության, գիտության, մշակույթի և սպորտի նախարար Ժաննա Անդրեասյանի խոսքով՝ հանդիպման նպատակը օրակարգային հարցերի վերաբերյալ աշխատանքային դրական միջավայրի ձևավորումն է. «Սպասված փոփոխություններն իրականացնելու համար ունենք դրական մթնոլորտի կարիքը: Պետք է լսենք երկուստեք փաստարկներն ու պարզաբանումները՝ չմոռանալով, որ փոփոխություններն անհրաժեշտ են գիտության ոլորտի զարգացման համար, որը մեր օրակարգի շատ կարևոր մասն է: Կառավարության ծրագիրը շատ ուղիղ թիրախներ է սահմանում գիտության զարգացման համար՝ թե՛ ոլորտի ֆինանսավորման էական ավելացումների, թե՛ երիտասարդ գիտնականների խրախուսման և թե՛ ոլորտի միջազգայնացման առումով: Կարծում եմ՝ սա շատ կարևոր քաղաքականություն է, որտեղ ՀՀ ԳԱԱ-ն ունի իր կարևոր դերն ու անելիքը՝ ինստիտուտների հետ համատեղ»:
Ժաննա Անդրեասյանի խոսքով՝ կարևորագույն սկզբունքը բարձրագույն կրթության և գիտության ոլորտում միասնական քաղաքականություն ունենալն է: Նախարարի գնահատմամբ՝ այսօր մեր բոլոր համալսարաններում գիտահետազոտական բաղադրիչի ուժեղացման կարիք կա և այս համատեքստում շատ կարևոր են համատեղ ծրագրերը բուհերի և գիտական ինստիտուտների միջև:
Հայաստանի գիտությունների ազգային ակադեմիայի նախագահության անդամները և գիտական ինստիտուտների ղեկավարները ԿԳՄՍ նախարարի հետ հանդիպման ընթացքում բարձրացրել են իրենց հուզող հարցերը, որոնք, մասնավորապես վերաբերել են սպասվող բարեփոխումներին, որոշումների կայացման գործընթացում մասնակցայնության ապահովմանը և գիտության զարգացման ընթացիկ խնդիրներին: Նրանք հանդես են եկել նաև մի քանի առաջարկներով, որոնք նախարարի խոսքով՝ կդիտարկվեն շարունակական քննարկումների շրջանակում:
«Մենք բոլորս հասկանում ենք, որ փոփոխության կարիք կա: Հնչած բոլոր կարծիքներում փոփոխությունների անհրաժեշտությունը հարցականի տակ չի դրվում: Մեր խնդիրն է քննարկել, թե որն է դա անելու ճիշտ ձևը: Հասկանում ենք, որ գործ ունենք բազմաշերտ իրողությունների հետ, և փոփոխությունները պահանջում են բազում վերլուծություններ, փաստական տվյալների պաշար: Քննարկումները լավ են և պետք է լինեն մասնակցային, քանի որ որոշումների որակը կախված է դրանից, բայց կարևոր է հասկանալ, որ այս գործընթացը չի կարող ավարտվել առանց որոշման կայացման»,- նշել է Ժաննա Անդրեասյանը:
ԿԳՄՍ նախարարն անդրադարձել է նաև տարատեսակ շահարկումների և մտահոգությունների պատճառ դարձած բուհերի և ակադեմիական ինստիտուների հնարավոր միավորմանը՝ ընդգծելով, որ սա առանձին գործընթաց է.
«Բարձրագույն կրթության և գիտության բարեփոխման գործընթացի առաջնային նպատակը համակարգի արդյունավետության բարձրացմանն է միտված: Այս տեսանկյունից ՀՀ կրթության՝ մինչև 2030 թվականը զարգացման պետական ծրագիրը սահմանել է հստակ թիրախներ: Նախորդ տարվա աշնանը ձևավորված է աշխատանքային խմբի հիմնական խնդիրն էր պատրաստել վերլուծական տեղեկանք, որում պետք է ներառված լինեն թիրախին հասնելու տարբեր մոտեցումներ, ճանապարհներ և սցենարներ՝ իրենց դրական ու բացասական կողմերով: Պետք է տրվեր նաև որոշակի տեղեկատվություն, որը հետագա քննարկումների և որոշման կայացման համար պետք է հիմք հանդիսանար: Համապատասխան վերլուծական տեղեկանքն այժմ մշակման փուլում է»,- նշել է Ժաննա Անդրեասյանը:
ԿԳՄՍ նախարարը ընգծել է, որ աշխատանքի մեթոդները փոխելու, ճկունությունը մեծացնելու, գիտության և բարձրագույն կրթության ոլորտում առկա ռեսուրսը համատեղ օգտագործելու խնդիր ունենք, իսկ թե որն է դրա լավագույն ձևը, կորոշվի քննարկումների և վերլուծությունների արդյունքում:
Անդրադարձ է կատարվել նաև գիտության ոլորտում պետական պատվերի համակարգ ներդնելու գաղափարին, ինչին ի պատասխան` ԿԳՄՍ նախարար Ժաննա Անդրեասյանը նշել է, որ այժմ աշխատանքներ են իրականացվում «Բարձրագույն կրթության և գիտության օրենքի» նախագծի լրամշակման ուղղությամբ:
Ժաննա Անդրեասյանը տեղեկացրել է՝ «Հայաստանի Հանրապետության կրթության` մինչև 2030 թվականը զարգացման պետական ծրագրի կենտրոնում մարդն է, իսկ նրա կարողությունների ընդլայնումը՝ մարդկային կապիտալը զարգացնելու և իրացնելու միջոց։ Ըստ նրա՝ կրթության զարգացման տեսլականն այն է, որ յուրաքանչյուր ոք օժտված է որոշակի տաղանդով, և կրթության համակարգի առաքելությունն է բացահայտել և հնարավորինս զարգացնել յուրաքանչյուրի տաղանդները՝ ընդլայնելով իր երկրում սեփական բարեկեցությունն ապահովելու անհատի հնարավորությունները: Նախարարի տեղեկացմամբ՝ այժմ մշակման փուլում է ծրագրի իրականացման գործողությունների պլանը։
Հանդիպման ընթացքում անդրադարձ է կատարվել նաև գիտության և բարձրագույն կրթության պետական քաղաքականության բարելավմանը վերաբերող մի շարք այլ հարցերի:
«Հայկական Ժամանակ»-ը Telegram-ում
Պատռում են իրենց գրած ծրագիրը, հետն էլ պատռում են Հայաստանի քարտեզը․ բա սա գժանոց չէ՞․ Սաֆարյան
Ռուսաստանը հայկական գյուղատնտեսական արտադրանքը կփոխարինի ադրբեջանականով․ Տիտով
«Ուժեղ Հայաստանի» հավաքին մասնակցող անձի մոտ հայտնաբերվել է դանակ. նա ձերբակալվել է
Քոչարյանը թալանել է ընտանիքիս. ծախվելը պոռնկություն է, Պուտինն ուզում է մեզ կապել իր դռանը. տեսանյութ
Մեկ բանավեճում 104 անգամ Ալիև, Ադրբեջան ասողները մեզ մեղադրում են Ադրբեջանի շահերը սպասարկելու մեջ․ Թորոսյան
Միջազգային բազմաթիվ գործընկերներ, ԵՄ, ԱՄԷ, Թուրքիա, հետաքրքրված են մեր արտադրողների հետ համագործակցությամբ
Իշխանությունը բոքսի տանձիկի պես դմփացնում է ընդդիմությանը. աղբակույտի դեմը առնել է պետք. Մեհրաբյան. տեսանյութ
Այս ընտրություններն առաջինն են մեր պատմության մեջ, որոնք տեղի են ունենում խաղաղության պայմաններում․ Միրզոյան
«Ուժեղ Հայաստանի» հավաքին պատռել են ՀՀ քարտեզը, վանկարկել «Սամ-վել, Սամ-վել»․ տեսանյութ
«Ուժեղ Հայաստան»-ի հանրահավաքին գնացած քաղաքացիները կարճ ժամանակ անց լքում են Հանրապետության հրապարակը
Սամվել Կարապետյանի հավաքի ընթացքում Հանրապետության հրապարակում ադրբեջաներեն հոլովակ է միացվել․ տեսանյութ
«Ուժեղ Հայաստան»-ի հանրահավաքին վեճ է եղել․ մեկ անձ հեռացվել է տարածքից
Նորատուսի միջազգային ռադիոցանցերը այլևս Սերժ Սարգսյանի փեսա Միշիկի սեփականությունը չեն. Փաշինյան․ տեսանյութ
Ընթանում է «Ուժեղ Հայաստան» կուսակցության ամփոփիչ հանրահավաքը․ լուսանկար
Կսուբսիդավորվի ջերմատնային ապրանքի արտահանումը, կվերադարձվի ԵՄ արտահանվող պտուղ-բանջարեղենի, ծաղկի մաքսատուրքը
Հայաստանի ոչ նյութական մշակութային ժառանգության ցանկը համալրվել է 12 նոր արժեքով
Ազատությունից զրկված անձանց և նրանց իրավունքների առնչությամբ առկա կարծրատիպերը պետք է հաղթահարվեն․ ՄԻՊ
Քաղաքական ենթատեքստով սպառնալից հեռախոսազանգեր, նամակներ են ստանում քաղաքացիները․ ՆԳՆ ոստիկանություն
Տելեգրամյան հավելվածով ապօրինի թմրաշրջանառության դեպք է բացահայտվել․ ամուսնական զույգեր են ձերբակալվել
Ընտրակաշառքը հանցագործություն է, պատիժը ռեալ ազատազրկման ձևով է և անխուսափելի. Կոլեգիայի նիստ է տեղի ունեցել
Բացատրեք ձեր ընտանիքների երիտասարդներին խաղաղության արժեքը, հիշեցրեք՝ ինչ էր կատարվում ՀՀ-ում 2018-ից առաջ
Ռուսաստանի նախագահի հետ պայմանավորվել ենք, ընտրություններից հետո կհանդիպենք, բոլոր ընթացիկ հարցերը կլուծենք
Բլոգեր Միկա Բադալյանը ՌԴ-ում բնակվող ՀՀ քաղաքացիներին ընտրակաշառք է բաժանել․ նախաձեռնվել է քրեական վարույթ
Միջանցքի թեման հորինել է լրտեսական ընդդիմությունը. ՔՊ-ն Գեղարքունիքում շարունակում է քարոզարշավը․ տեսանյութ
Արթիկում քաղաքական ուժերի աջակիցների միջև տեղի ունեցած միջադեպի առթիվ նախաձեռնվել է քրեական վարույթ
ՀԾԿՀ-ն գազամատակարարման ոլորտում նոր կարգավորում անելու որոշում է ընդունել
Դատական ակտերը բեկանվել են․ ընտրություններին մասնակցելու ընտրական իրավունք ունեն միայն ՀՀ քաղաքացիները
Ամիօ բանկը նվազեցրել է ՓՄՁ հաճախորդների գործող վարկերի և լիզինգների տոկոսադրույքները
Մինչ մեր երեխաները զոհվել են, եռագլուխ կուսակցության անդամները միլիարդներ են կուտակել. Փաշինյան
3 ուժն էլ՝ Քոչարյան, Դոդ, Տաշիր, միանալու են, բայց հմի կռիվ կեթա, ինչի՞ հմար՝ լիդերի կռիվ. նոր ձայնագրություն
Ռազմական արդյունաբերությունը դառնում է Հայաստանի տնտեսության շարժիչ ուժ. ԲՏԱ նախարար
Միջանցքի թեմա չի էլ եղել, լրտեսներն են այդ թեման մտցրել. վարչապետը՝ ընդդիմության մեղադրանքների մասին
ՎՏԲ-Հայաստան Բանկը զարգացնում է տելեմարքեթինգը՝ որպես հեռավար սպասարկման ժամանակակից ուղի
Սա աթոռի կռիվ չէ, սա պայքար է հանուն պետության, անկախության, ապագայի և խաղաղության. Փաշինյան
3 ուժն էլ՝ Քոչարյան, Դոդ, Տաշիր, միանալու են իրար, հիմի իրանց մեջ լիդերի կռիվ կերթա. նոր ձայնագրություն
Ես ունեմ բավարար լծակներ, կգնամ ԵԱՏՄ և տեղում հարցերը կլուծեմ, բարեկամական հարաբերությունները կմնան. Փաշինյան
Միջադեպ Արթիկում քաղաքական ուժերի աջակիցների միջև
Ռուս պաշտոնյաները իրար հերթ չտալով «գուժում» են վատատեսական սցենարներ. «մատ թափ տալու» երթը շարունակվում է
Գրիգորյանն ու Իրանի դեսպանը կարևորել են էներգետիկ, լոգիստիկ և առևտրատնտեսական ոլորտներում համագործակցությունը
Քոչարյանին թույլ չեն տալիս լքել քաղաքականությունը, ինքը մինչև քոք մաշվելու է ու հայտնվի բանտում. վարչապետ
