Երևանի քաղաքապետի տեղակալ Գևորգ Սիմոնյանը և ևս 10 անձ ձերբակալվել են

Ձերբակալվել է 11 անձ, այդ թվում՝ Երևանի փոխքաղաքապետ Գևորգ Սիմոնյանը։ Այս մասին հաղորդագրություն է տարածել ՀՀ հակակոռուպցիոն կոմիտեն, որում ասված է․

«ՀՀ հակակոռուպցիոն կոմիտեում քննվող քրեական վարույթով կատարված նախաքննությամբ փաստական տվյալներ են ձեռք բերվել այն մասին, որ Երևանի փոխքաղաքապետ Գ. Սիմոնյանը, 2020-2022թթ. ընթացքում զբաղեցնելով ՀՀ առողջապահության նախարարի տեղակալի պաշտոնը, անձնական շահագրգռվածությունից ելնելով՝ չի կատարել իր ծառայողական պարտականությունները, որի հետևանքով էական վնաս է պատճառվել պետության օրինական շահերին:

Ըստ քրեական վարույթով ձեռք բերված տվյալների՝ «ՀՀ-ում նոր կորոնավիրուսային վարակի (Covid-19) կանխարգելման, վերահսկման, բուժման այլ համալիր միջոցառումների» իրականացման ծրագրով ՀՀ կառավարությունը հատկացրել է ավելի քան 26 մլրդ ՀՀ դրամ, որն ամբողջությամբ ֆինանսավորվել է ՀՀ կառավարության պահուստային ֆոնդից: Հիշյալ ծրագրի շրջանակում ՀՀ առողջապահության նախարարի 2020թ. հրամանով հաստատվել է կորոնավիրուսային հիվանդության «CՕVID-19»-ի ախտորոշման և բուժման դիմաց պետական բյուջեից փոխհատուցում ստացող՝ բժշկական օգնություն և սպասարկում իրականացնող բժշկական կազմակերպությունների ցանկը, որում ներառվել է նաև «Մեդլայն Կլինիկ» ՍՊ ընկերությունը:

Առողջապահության նախարարի հրամանի համաձայն՝ նախարարի տեղակալ Գ. Սիմոնյանին հանձնարարվել է իրականացնել կորոնավիրուսային հիվանդության համար անհրաժեշտ բժշկական օգնության և սպասարկման ծառայությունների, ներառյալ՝ ֆինանսավորման համակարգումը, իսկ ՀՀ ԱՆ թոքաբանության և տուբերկուլոզի գծով խորհրդատու, ՀՀ ԱՆ «Թոքաբանության ազգային կենտրոն» ՓԲ ընկերության դեղակայուն բաժանմունքի վարիչ Լ. Ե.-ն նշանակվել է COVID 19 հիվանդությամբ հաստատված պացիենտների տեսակավորման և հիվանդանոցային պայմաններում բուժում ստացող և դուրսգրման ենթակա պացիենտների տրիաժի (Դուրսգրման տրիաժ խմբերի) պատասխանատու։

Քրեական վարույթով կատարված նախաքննությամբ պարզվել է, որ վերը նշված ծրագրի շրջանակում «Մեդլայն Կլինիկ» ՍՊ ընկերության հիմնադիր տնօրեն Բ. Շ.-ն կազմակերպել է նույն ընկերության բժիշկների կողմից պաշտոնական փաստաթուղթ հանդիսացող հիվանդության պատմություններում ակնհայտ կեղծ տեղեկություններ ներառելը և իրացնելը, ինչպես նաև նույն անձանց հետ նախնական համաձայնությամբ հափշտակել է առանձնապես խոշոր չափերի գումար։

Մասնավորապես՝ Բ. Շ.-ի կազմակերպմամբ բժշկական կազմակերպության բժիշկներից առնվազն 8-ը սոմատիկ բաժանմունքում 2020թ. հուլիսից 2021թ. դեկտեմբերն ընկած ժամանակահատվածում ստացիոնար բուժում ստացած 385 պացիենտի հիվանդության պատմագրերում կեղծ տեղեկություններ են ներառել, թե իբր հիշյալ պացիենտները բուժում են ստացել վերակենդանացման բաժանմունքում, որի վերաբերյալ այնուհետև կեղծ հաշվետվություններ են ներկայացրել ՀՀ առողջապահության նախարարություն։

Ներկայացված կեղծ հաշվետվությունների հիման վրա «ՀՀ-ում նոր կորոնավիրուսային վարակի (Covid-19) կանխարգելման, վերահսկման, բուժման այլ համալիր միջոցառումների» ծրագրի ֆինանսական միջոցներից «Մեդլայն Կլինիկ» ՍՊ ընկերությանը անհիմն, փաստացի չմատուցված ծառայությունների դիմաց փոխանցվել է առանձնապես խոշոր չափերի՝ 119.005.000 ՀՀ դրամ:

Առողջապահության նախարարի տեղակալ Գ. Սիմոնյանը, նախարարի հրամանով պատասխանատու լինելով վերը նշված ծրագրի ֆինանսավորման համակարգման համար, ինչպես նաև պարտավոր լինելով իրականացնել կորոնավիրուսային հիվանդությամբ պացիենտների դուրսգրման գործառույթների նկատմամբ հսկողություն, «Մեդլայն կլինիկ» ՍՊ ընկերության հիմնադիր տնօրեն Բ. Շ.-ի հետ քավորսանիկական, ինչպես նաև նախկինում ունեցած գործնական հարաբերությունները չվատթարացնելու անձնական շահագրգռվածությունից ելնելով՝ դիտավորությամբ չի կատարել իր վրա դրված պարտականությունները, այն է՝ հսկողություն չի իրականացրել դուրսգրման տրիաժ խմբի պատասխանատու Լ. Ե.-ի և խմբի անդամների նկատմամբ, որի հետևանքով հիշյալ խմբի անդամները, այցելելով «Մեդլայն կլինիկ» ՍՊ ընկերություն, ստացիոնար բուժում ստացող անձանց հիվանդության պատմագրերում առկա կեղծ տվյալները չեն համադրել բուժառուների փաստացի առողջական վիճակի հետ և չեն արձանագրել այդ անհամապատասխանությունները:

Գ. Սիմոնյանի հիշյալ գործողությունների արդյունքում «Մեդլայն կլինիկ» ՍՊ ընկերության տնօրեն Բ. Շ.-ն հնարավորություն է ստացել նախնական համաձայնությամբ խարդախության եղանակով հափշտակել առանձնապես խոշոր չափերի՝ 119.005.000 ՀՀ դրամ:

Նկատի ունենալով, որ առկա են հանցանքի կատարումը վկայող փաստեր, վարույթն իրականացնող ՀՀ հակակոռուպցիոն կոմիտեի քննիչը 2023 թվականի մարտի 9-ին Գ. Սիմոնյանի նկատմամբ արարքը կատարելու պահին գործող ՀՀ քրեական օրենսգրքի 308-րդ հոդվածի 2-րդ մասով հանրային քրեական հետապնդում հարուցելու համար միջնորդություն է ներկայացրել հսկող դատախազին: Միջնորդությունը բավարարվել է, և քննիչի կողմից որոշում է կայացվել ազատության մեջ գտնվող մեղադրյալ Գ. Սիմոնյանի նկատմամբ կալանքը որպես խափանման միջոց ընտրելու համար նրան դատարան ներկայացնելու նպատակով ձերբակալելու մասին:

Քրեական վարույթի շրջանակում մարտի 10-ին ձերբակալվել են ինչպես Գ. Սիմոնյանը, այնպես էլ «Մեդլայն կլինիկ» ՍՊ ընկերության տնօրեն Բ. Շ.-ն, ՀՀ ԱՆ «Թոքաբանության ազգային կենտրոն» ՓԲ ընկերության դեղակայուն բաժանմունքի վարիչ Լ. Ե.-ն ու ևս 8 անձ:

Նախաքննությունը շարունակվում է»:

Ավելի վաղ տեղեկացրել էինք, որ, «Հայկական ժամանակ»-ի տեղեկություններով, Երևանի քաղաքապետի տեղակալ Գևորգ Սիմոնյանը բերման է ենթարկվել:

Քիչ առաջ Երևանքի քաղաքապետարանը հաղորդագրություն էր տարածել՝ նշելով, որ Սիմոնյանն իր աշխատասենյակում խուզարկություն իրականացրած Հակակոռուպցիոն կոմիտեի աշխատակիցների հրավերով է գնացել կոմիտե՝ բացատրություններ տալու:

Հիշեցնենք, որ այսօր Ազգային անվտանգության ծառայությունը խուզարկություն էր իրականացրել Երևանի քաղաքապետի տեղակալ Գևորգ Սիմոնյանի աշխատասենյակում:

«Հայկական Ժամանակ»-ը Telegram-ում
Տպել
26873 դիտում

Քրեական վարույթի շրջանակներում որոնվում է տեսագրության մեջ պատկերված անձը

ՀՀ-ն նոր դեսպաններ ունի. նախագահը հրամանագրեր է ստորագրել

Այն վարորդները, որոնք դեմ կլինեն որոշմանը՝ այլևս չեն շարունակի իրենց աշխատանքը. Սարիկ Մինասյան. տեսանյութ

Ռումինիայի նախագահը հերքել է իր վաղաժամկետ հրաժարականի մասին լուրերը

«5-րդ շարասյան» ինչքան թույն ու թարախ կա, գրոհել է, ԱՄՆ-ն ՀՀ-ում հեղաշրջումը կանխեց. Սուքիասյան

Թուրքիան և Սիրիան կարող են ռազմական համագործակցության համաձայնագիր կնքել

Այս փոքրիկ լույսով պետք է ապրենք. ծնվել է 44-օրյա պատերազմում անմահացած Յուրի Գևորգյանի եղբայրը. տեսանյութ

Հայրը և որդիները քաշքշել, հայհոյել, մսի վաճառակետից դուրս են հանել ՍԱՏՄ ներկայացուցիչներին. կան ձերբակալվածներ

Ասում են՝ փող չունի, ավտոբուս է նստում, սա պիտի փոխվի, տեսնենք տարբեր խավերի մարդկանց. Խաչատրյան. տեսանյութ

Սերբիայի նախագահը ուսանող ցուցարարներին հրավիրել է փետրվարի 5-ին բանակցություններ սկսել

Դադարեցվել են դատավոր Էդուարդ Ամալյանի լիազորությունները. ԲԴԽ նախագահը որոշում է ստորագրել

Վրաստանը ԵԽԽՎ-ից հետ է կանչել իր պատվիրակությանը

Այս մեքենայի գինն այժմ 1.460.000 դրամ է, աճուրդը 2 օրից է. Պետգույքի կառավարման կոմիտեն նոր կայք է գործարկել

Մանուկ Բարսեղյանը ընտրվել է Ճարտարապետության և շինարարության Հայաստանի ազգային համալսարանի ռեկտոր

Թալանել են գյուղերից մեկի մթերային խանութը, տարել են ծխախոտներ, տեսաձայնագրող սարքը և գումար

IDBank-ի նոր մասնաճյուղը՝ Արմավիր քաղաքում

«Երևանի ավտոբուս» ՓԲԸ-ի տնօրենը վարորդներին չի սպառնացել, ուղևորներին չտեղափոխելու հրահանգ չի տվել. խոսնակ

ՆԳՆ ոստիկանությունն ամփոփել է 2024 թվականի օպերատիվ-ծառայողական գործունեության արդյունքները

Պնդումը, թե ավտոբուսների վարորդները հավելավճար չեն ստանում, բացարձակապես սուտ է. Ասատրյան

Պատրաստ եմ մի քիչ ավել վճարելու, որ կոմֆորտով գնամ աշխատանքի. քաղաքացին՝ Գառնիկ Դանիելյանին. տեսանյութ

Կյանքից հեռացել է դերասան Արսեն Պետրոսյանը. որտեղ է նա գտնվել մահվան պահին

Ակնկալում ենք ՀՀ-Բելգիա բարձր մակարդակի քաղաքական երկխոսության ամրապնդում. Փաշինյանը՝ նորընտիր վարչապետին

Դավիթ Խուդաթյանը և Պետր Պիրունչիկը քննարկել են Երևան-Պրահա ուղիղ չվերթեր սկսելու անհրաժեշտությունը

Համահայկական ձմեռային խաղերում առաջին բուժօգնության ծառայությունն իրականացնում է Հանրապետական շտապօգնությունը

2024-ին հայտարարագիր է ներկայացրել 59 հզր 31 անձ, շուրջ 340 մլն դրամ եկամտահարկ է փոխհատուցվել

Դեսպան Հակոբյանն ու ԻԻՀ նախագահի տեղակալը երկկողմ օրակարգին առնչվող հարցեր են քննարկել

Կարևոր իրազեկում անհուսալի վարկեր ունեցողների համար. ովքեր կարող են ընդգրկվել ՄՍԾ-ի կողմից կազմվող ցուցակում

Գազալցակայաններից մեկում հայտնաբերվել է 35-ամյա լիցքավորողի դին

Դոլարն էժանացել է. ինչ փոփոխություններ է արձանագրել տարադրամի շուկան փետրվարի 3-ին

Պապիկյանն ու ՀՀ-ում Իտալիայի դեսպանը քննարկել են տարածաշրջանային ու միջազգային անվտանգությանն առնչվող հարցեր

Վճարի՛ր IDBank-ի Mastercard-ով և ստացի՛ր 5% idcoin

Ամերիաբանկը Եվրոպական ներդրումային բանկից ներգրավել է 105 մլն եվրոյի վարկ՝ ֆինանսավորելու Հայաստանի ՓՄՁ-ները

Ֆինանսների նախարարության՝ պետբյուջեի կատարման հսկողության գործառույթը կվերապահվի ՊՎԾ-ին. նախագիծ

ՔՊ խմբակցության պատգամավորները կհանդիպեն ՊԵԿ նախագահի հետ՝ քննարկելու հայտարարագրմանը վերաբերող հարցեր

Վաշինգտոնում փակվել է ԱՄՆ Միջազգային զարգացման գործակալության կենտրոնակայանը

Ինչպես ձեռք բերել տոմսային փաթեթները. մանրամասներ

«Արբատ» հայկական գումարտակի հիմնադիր Արմեն Սարգսյանը, գիտակցության չգալով, մահացել է. ԶԼՄ-ներ

Մեզ համար շատ կարևոր է Ադրբեջանի և Հայաստանի անվտանգությունը. Իրանի ԱԳՆ խոսնակ

Վարչապետը ինձ տվել է լիարժեք կանաչ լույս՝ ցանկացած օբյեկտում հսկողություն կատարելու համար․ Պետրոսյան

Համահայկական ձմեռային երկրորդ խաղեր. առաջին չեմպիոններն Աշոցքից են