Ամերիաբանկը՝ DigiTec-ում. A Space ամենամեծ տաղավարը, ֆինթեքին նվիրված A Talks-երն ու գրավիչ մրցանակներով մրցույթները

Ներս մտիր: Կանգ առ: Նայիր առաջ ու ընդամենը 5 րոպե հատկացրու՝ հասկանալու՝ ո՞րն է մեկնարկի քո A կետը, հենման կետը: Այս հարցի պատասխանը գտնելու, մոտիվացվելու ու ոգեշնչվելու համար անհրաժեշտ է պարզապես այցելել DigiTec-ում Ամերիաբանկի A Space տիեզերական և գունեղ տաղավար, որն այս տարի ամենամեծն է ցուցահանդեսում: Այստեղ մարտի 10-12-ը Բանկն իր այցելուների համար մի շարք անակնկալներ, ինչպես նաև անմոռանալի փորձառություն է պատրաստել՝ փաթեթավորելով այդ ամենը վառ ու տարբերվող ֆինքեթ միջավայրում։ Յուրահատուկ «Մենք ենք մեր A կետը» հատվածում կգտնեք նաև այն հարցի պատասխանը, թե որն է Ամերիայի մշակույթի, գենի, արժեքների ու ժառանգության, մեկ մեծ երազանքի ու մտքի թռիչքի A կետը: 

Իր A Space-ում Ամերիաբանկը շեշտը դրել է մարդակենտրոնության վրա՝ շարունակելով ուշադրության կենտրոնում պահել մարդուն՝ հաճախորդին, աշխատակցին: 

Հագեցած եռօրյա ծրագրի շրջանակում էքսպոյի այցելուները կարող են մասնակցել միանգամից երկու խաղարկության, մի կարևոր կորպորատիվ սոցիալական պատասխանատվության ծրագրի մաս դառնալ, բացի այդ՝ նոր բազում գիտելիքներ ձեռք բերել՝ Ամերիաբանկի հմուտ մասնագետների A Talks-երը լսելով ու ամենատարբեր թեմաների շուրջ իրենց հուզող և հետաքրքրող հարցերը տեղում նրանց ուղղելով: Տաղավարում Բանկն այս տարի ցուցադրում է ոչ միայն իր տարատեսակ պրոդուկտները, այլև ներկայացնում է բրենդն ու դրա արժեքները: 

Եվ այսպես, A Space-ի A Talks հատվածի կիզակետում մարդիկ են, որոնք էքսպոյի ընթացքում ֆինթեքի թեմաներով տարատեսակ զրույցներ ու քննարկումներ են անցկացնում, թեմայի շուրջ տարբեր բացահայտումներ անում: UX դիզայնից մինչև թվային տրանսֆորմացիա, թեք գիտելիքից մինչև երջանկության ինդեքս ու արհեստական բանականություն: Ինչպես Ամերիաբանկի հմուտ մասնագետները, այնպես էլ գործընկերներն այստեղ կիսվում են իրենց փորձով, պատմում Բանկի թվային պրոդուկտների և ծառայությունների մասին, բացահայտում ֆինթեքի հնարավորություններն ու անհրաժեշտ խորհրդատվություն տրամադրում: 

Հետաքրքիր քննարկումների ու հիշվող փորձառությունների հետ մեկտեղ Ամերիաբանկը DigiTec-ի շրջանակում անակնկալներ է մատուցում մրցույթների ու թվային նվերների տեսքով, որոնք երկուսն են: 

Առաջին անակնկալը նախատեսված է MyAmeria-ի օգտատերերի համար։ Էքսպոյի այն այցելուները, որոնք մարտի 3-ից 25-ը ներառյալ MyAmeria-ով առնվազն մեկ գործարք կկատարեն, կկարողանան մասնակցել iPhone 14 Pro Max սմարթֆոնի խաղարկությանը։ Դրա համար անհրաժեշտ է մոտենալ էքսպոյում Ամերիաբանկի տաղավար, տեղում սքանավորել QR կոդն ու գրանցել կոնտակտային տվյալները: Դրանից հետո մրցույթի մասնակիցներն իրենց էլեկտրոնային հասցեին կստանան անհատականացված QR կոդեր՝ վիճակահանությանը մասնակցելու համար: Հաղթողն ընտրվելու է պատահականության սկզբունքով՝ մինչև ապրիլի 30-ը ներառյալ, Ամերիաբանկի ֆեյսբուքյան էջում ուղիղ եթերի ընթացքում: Վիճակահանության ուղիղ հեռարձակման հստակ օրվա և ժամի մասին տեղեկատվությունը մասնակիցներն ավելի ուշ կստանան իրենց էլ.փոստին, վերջինիս բացակայության դեպքում՝ Բանկում գրանցված բջջային հեռախոսահամարին: 

Մյուս՝ «Ես A Space-ում» խաղարկության մրցանակը 8-րդ սերնդի Apple Watch-ն է: Պայմանները պարզից էլ պարզ են. անհրաժեշտ է մինչև մարտի 12-ը ներառյալ այցելել DigiTec-ում Ամերիաբանկի տաղավար, լուսանկարվել դրա ցանկացած հատվածում, հրապարակել ֆոտոն Instagram-ի Story բաժնում՝ նշելով @Ameriabank և @AmeriaSpace էջերն ու #Aspace հեշթեգը։ Ֆոտոմրցույթի արդյունքներն ամփոփվելու են մարտի 21-ին՝ ժամը 17:00-ին, Ամերիաբանկի ֆեյսբուքյան էջում ուղիղ եթերի ընթացքում: 

Այս ամենը և դեռ ավելին սպասում է ձեզ DigiTec-ում Ամերիայի տաղավարում, այնպես որ, շտապեք այցելել էքսպո՝ բաց չթողնելու հնարավորությունն առնչվելու Բանկի թվային մշակույթին, ինչպես նաև մասնակցելու խաղարկություններին ու արժեքավոր նվերներ ստանալու: