Երևան
12 °C
«ՀՀ 5 հեռուստաընկերությունների հեռարձակումն առաջիկայում դադարեցնելու պատճառը միայն ընկերությունների կուտակած պարտքերն են»։
Այս մասին այսօր ԱԺ-ում հեռուստատեսության և ռադիոյի հանձնաժողովի 2022 թվականի գործունեության եւ տեսալսողական մեդիայի ոլորտում տեղեկատվության ազատության վիճակի մասին տարեկան հաղորդման քննարկման ընթացքում ասաց հեռուստատեսության և ռադիոյի հանձնաժողովի նախագահ Տիգրան Հակոբյանը՝ պատասխանելով ՀՀ ԱԺ «Քաղաքացիական պայմանագիր» խմբակցության պատգամավոր Արուսյակ Մանավազյանի հարցին, թե արդյոք հեռուստաընկերությունների հեռարձակումը դադարեցնելու որոշման պատճառը միայն պարտքե՞րն են։
«Այո՛, մենք «Հայաստանի հեռուստատեսային և ռադիոհաղորդիչ ցանց» ընկերությունից ստացել ենք նամակը, որով պատրաստվում են դադարեցնել քանի հեռուստաընկերությունների հեռարձակումը ցերեկային ժամերին, այն էլ՝ երկու ժամով։ Պատճառը պարտքերի կուտակած քանակն է։ Այս հարցը միշտ հետաձգում էինք, ընկերությունը մեզ հետ խոհրդակցում էր, և մենք փորձում էինք հետաձգել, բայց որպեսզի կայանը կարողանա հանրությանը որակյալ ծառայություններ մատուցել և պահել այդ մեծ գումարներ պահանջող համակարգը, պետք է գումարներ ստանա այդ պարտքերի ինչ-որ քանակից ավելին, որն արդեն տևում է մի քանի ամիս»,- ասաց Հակոբյանը:
Ըստ նրա՝ այս որոշումը, սակայն, իրենց կարծիքով, բավարար լուծում չէ, քանի որ ինքն անձամբ մտավախություն ունի՝ ի՞նչ կլինի, եթե հեռուստաընկերությունները չվճարեն պարտքերը․ «Նրանք պետք է փակվե՞ն, հետ դարձնեն լիցենզիա՞ն։ Ես այս մասով խոսել եմ հանձնաժողովի անդամների հետ։ Ունենք համակարգային ճգնաժամ, որը պետք է ինչ-որ ձևով լուծում ստանա։ Պետք է հասկանանք, որ հանրային մուլտիպլեքսը կոմերցիոն պարզ հարթակ չէ։ Չի կարող մեկին, որը չի կարողանում վճարել հարկերը, փոխարինի մյուսը։ Շատ երկրներում դա անխափան գործունեություն է և երաշխիքներ ունի, բայց այն երկրներում, որոնք նպաստում են, որ հեռուստաընկերությունները նման ֆինանսական ճգնաժամ չունենան։ Դա համակարգային խնդիր է, որի լուծումները ես էլ չգիտեմ»:
Տիգրան Հակոբյանի կարծիքով՝ հեռուստաընկերությունների հեռարձակումը դադարեցնելու հարցում նաև անարդար մոտեցում կա:
«Չասեմ հեռուստաընկերությունների անունները, բայց մեկը ունի 150 մլն դրամի պարտք, մյուսը՝ 40 մլն, ու երկուսն էլ նույն ժամկետով են դադարեցվելու։ Այսինքն՝ պետք է պատժամիջոցները կիրառելիս ունենանք համաչափություն։ Սա մեզ համար մտահոգիչ է, բայց լուծումները մեր ձեռքին չեն, քանի որ խոսքը երկու սուբյեկտների ու նրանց միջև եղած պայմանագրային հարաբերությունների մասին է, որոնք խախտվում են»,- ընդգծեց ՀՌՀ նախագահը։
Արձագանքելով նաև Մանավազյանի այն հարցին, թե նման նախադեպ՝ կապված հեռուստաընկերությունների հեռարձակման դադարեցման հետ, նախկինում եղե՞լ է Հայաստանում, թե՞ ոչ, Հակոբյանը շեշտեց, որ սա առաջին դեպքն է, երբևէ չի եղել դեպք, որ հեռուստաընկերություններն այսքան պարտքեր կուտակած լինեն, որը, նրա խոսքով, ֆինանսական մուտքերի էականորեն կրճատման հետևանք է։ Միևնույն ժամանակ վերջինս նշեց, որ տվյալ հեռուստաընկերությունները դեռ ժամանակ ունեն և կարող են այս ընթացքում վճարել պարտքերն ու դուրս մնալ պատժամիջոցներից։
Հիշեցնենք՝ ավելի վաղ «Հայաստանի հեռուստատեսային և ռադիոհաղորդիչ ցանց» փակ բաժնետիրական ընկերության տնօրեն Մուշեղ Միլիտոնյանը «Հայկական ժամանակ»-ի հետ զրույցում նշել էր, որ կուտակված պարտքերի պատճառով առաջիկայում դադարեցվելու է «Շանթ», «ATV», «Freenews», «Դար 21», «Ֆորտունա» հեռուստաընկերությունների հեռարձակումը։ Դադարեցումը նախատեսվում է ապրիլի 18-ից՝ ցերեկային ժամերին երկու ժամով։
Մանրամասները՝ տեսանյութում:
«Հայկական Ժամանակ»-ը Telegram-ում
Թուրքիայում ՆԱՏՕ-ի գագաթնաժողովից առաջ արգելվել է հավաքվել, տոնել, բողոքել, նկարահանել. կան ձերբակալվածներ
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
Ինքնասպանություն Գյումրիում. տղամարդը վերջ է տվել կյանքին՝ ձեռքում նռնակը պայթեցնելով
Օգոստոսի 1-ից «ՀՀ սպորտի վարպետ» և «ՀՀ միջազգային կարգի սպորտի վարպետ» կոչումների համար նոր չափանիշներ կլինեն
Երևանի հանրակացարաններից մեկում հայտնաբերվել է Եգիպտոսի քաղաքացու մարմին. կա սպանության վարկած
Վարչապետը Մալաթիա-Սեբաստիայի Սուրբ երրորդություն եկեղեցում մասնակցել է սուրբ պատարագի. տեսանյութ
Պարզվել է Փամբակ գետից դուրս բերված և որոնվող ջրահեղձ եղած տղամարդկանց ինքնությունը
Պատմական շոգ Եվրոպայում․ Գերմանիան, Չեխիան և Դանիան նոր եղանակային ռեկորդներ են սահմանել
Օդի ջերմաստիճանն աստիճանաբար կբարձրանա 5-7 աստիճանով
Արուսյակ Ջուլհակյանն ու Արման Եղոյանն առաջադրվել են որպես ԱԺ փոխնախագահի թեկնածուներ
Վարդենիկ գյուղում իր դռներն է բացել «Կրթվելը նորաձև է» շարժման աջակից ծրագրի կանանց 5-րդ ակումբը. տեսանյութ
Սևանա լճի մակարդակը շարունակում է բարձրանալ՝ հավասարվելով 13 տարի առաջ գրանցված ցուցանիշին
Բագրատաշենի մաքսային կետում մաքսային ձևակերպումներ չիրականացնելու մասին պնդումները սուտ են. ՊԵԿ
Սահմանադրական դատարանը շարունակում է քննել ԱԺ ընտրությունների արդյունքները վիճարկելու դիմումները
Իսրայելի կառավարությունը միաձայն ճանաչել է Հայոց ցեղաuպանությունը
«Փաստաբանություն» Մեդվեդևի կողմից. ՌԴ ԱԽ քարտուղարը հանդես է եկել Ծառուկյանի պաշտպանությամբ
Ռուսաստանի հետ հարաբերությունների խզումը ծանր հետևանքներ կունենա Հայաստանի քաղաքացիների համար. Մեդվեդև
Վթարային ջրանջատում Կենտրոն վարչական շրջանի որոշ հասցեներում
Վրաերթ Երևանում. տուժածը նախկին ոստիկանապետ Վլադիմիր Գասպարյանի թոռն է
Էապես աճել են կենսաթոշակները, ներդրվել նոր աջակցության մեխանիզմներ. առանցքային փաստերը՝ գրաֆիկական պատկերներով
Ադրբեջանի տարածքով ՌԴ-ից Հայաստան է տեղափոխվել 770 տոննա ցորեն
Երևանի քաղաքապետարանը պարգևատրել է 2026 թ. աշխարհի գավաթների առաջնություններում մեդալակիրներին ու մարզիչներին
Հրազդանում «Օպել»-ը բախվել է բաժանարար գոտու բետոնե արգելապատնեշին․ կա վիրավոր
Ուկրաինան հարվածել է ՌԴ Կուբանի Սլավյանսկ քաղաքի նավթավերամշակման գործարանին
Խոշոր ավտովթար Գեղամավանի մոտակայքում․ 9 վիրավորից 2-ն անչափահաս են
Քաջարանի թունելի կառուցման ծրագիրը թևակոխել է նոր՝ շինարարության փուլ. ինչ է նախատեսվում
Փամբակ գետում վերսկսվել են մեքենայով ջուրն ընկած քաղաքացիներից մեկի որոնողական աշխատանքները
Հրդեհ՝ Թաիրով բնակավայրում կառուցվող շինության շինհրապարակում
Հայաստանը միացել է ՄԱԿ-ի կանոնադրության 81-ամյակի խորհրդանշական ստորագրմանը
Եկեղեցու ներսում՝ կուսակրոն սեռական մոլագարներ, սիրուհիներ ու սիրեկաններ. «շեֆին» քծնելու անվերապահ լռություն
ՀՑԹԻ-ին է հանձնվել բացառիկ հուշագրություն՝ Մուսա լեռան հերոսամարտի մասնակցի հայատառ թուրքերեն ձեռագիրը
Ռաիսա Մկրտչյանի արգասաբեր գործունեությունը խորհրդանշում է մի ողջ ժամանակաշրջան․ վարչապետի ցավակցական ուղերձը
Նոր Հաճնի կամրջից քաղաքացու ինքնասպանությունը կանխվել է
Կարապետյանների ուժեղ հավաքն է, գոնե մի կրկեսի շենք մարդ չեք կարողանում հավաքել․ Հակոբյան․ լուսանկար
Տրվել է Քաջարանի 7.2 կմ երկարությամբ թունելի շինարարության մեկնարկը․ Դավիթ Խուդաթյանը տեսանյութ է հրապարակել
Ուզում ենք օգնել, որ նոր հեռանկարներ բացվեն ձեզ համար․ վարչապետն այցելել է «Կոնդ»․ լուսանկարներ, տեսանյութ
Գագիկ Սուրենյանը եղանակի վերաբերյալ նոր տեսանյութ է հրապարակել
Իշխան Զաքարյանի հետ հաշտության համաձայնություն է կնքվել․ ՀՀ-ին կվերադարձվի շուրջ 305 միլիոն դրամ
Իսրայելի և Լիբանանի միջև ձեռք է բերվել հրադադարի շրջանակային համաձայնություն․ Ռուբիո
Ուկրաինան հրթիռներ է արձակել Վոլգոգրադի ուղղությամբ․ Զելենսկին հրապարակել է հարվածի պահը․ տեսանյութ
