Գոնե մոտները 3000 դրամ չլինի՝ ջուր խմի, պեռաշկի ուտի. ինչու է ձերբակալվել ԼՂ տեղահանված անձը (ձայնագրություն)

Քննչական Կոմիտեն հայտնել էր, որ Վարդենիսից մի խումբ անձանց մայիսի 26-ին կայանալիք հավաքին մասնակցելուն նյութապես շահագրգռելու կասկածանքով ձերբակալվել է Գեղարքունիքի մարզի մի բնակիչ։ Ըստ ՔԿ հաղորդագրության, ՀՀ ոստիկանությունից ստացվել է պատշաճ հաղորդում այն մասին, որ համացանցի տելեգրամյան «New Armenia Blog» ալիքում տարածվել է «Ղարաբաղցիները փողի դիմաց մարդ են հավաքագրում՝ մայիսի 26-ի հանրահավաքին մասնակցելու համար» վերտառությամբ հեռախոսային խոսակցության ձայնագրություն, որտեղ երկու անձինք քննարկում են հավաքին մասնակցելու նպատակով այլ անձանց նյութապես շահագրգռելու վերաբերյալ հարցեր։

ՔԿ-ն նաև հրապարակել է ձայնագրությունը։

Ստորև՝ ձայնագրության սղագրությունը։ 

Հայկ - Կարեն, հարմարա՞ տեղդ։

Կարեն - Դու վաղը կասե՞ս քանի ավտոյա լինելու ու ըսենց ասեմ, քանի հոգի են կարողանալու գալ, որովհետև ամսի 26-ին որ գա, այնտեղ կարող է լինեն մարդիկ, որ ցանկանան մնալ: Նրանց ուտելու հարցերն էլ եմ կարգավորելու: Դու ինձ վաղը կասես, քանի ավտոմեքենա են լինելու դրանց վառելիքի հարցերը լուծվելու են, ես պետք է իմանամ քանակը, որպեսզի հայտ ներկայացնեմ, այդ ամենը հայտով է, ես պետք է հայտ ներկայացնեմ և ասեմ, որ այսքան մարդ է գալիս Վարդենիսից, ասքան ավոտ և այլն:

Հայկ - Իսկ ես մի բան հարցնեմ, ես իրանց բոլորին իրար կողք հավաքված պահե՞մ, թե՞ թողնեմ ցվրված:

Կարեն -  Դա էական չէ, բայց լավ կլինի միասին լինեն, քանի որ մի տեղից են գալիս և ուտելը, և մնացած հարցերը միասին կարգավորեն:

Հայկ - Լինում են դեպքեր, որ մեկը չի ուզում, որ մյուսները իմանան իր ներկա գտնվելու մասին, քանի որ աշխատում են որևէ տեղ, դրա համար առանձին են կանգնում:

Կարեն -  Ինձ պետք է դու ինձ ասես, օրինակ մեկ ավտոբուս է գալիս այսքան մարդ, օրինակ 15 հոգի, որ գալիս են, այսքան վառելիք է պետք լինելու դրանց ուտելիքի հարցը, մնալու, իսկ արդեն նրանց ինչ ուտելիք պետք լինի բերելու են տան:

Հայկ - Ես քեզ հասկացա, վաղը այդ թվաբանությունը կանեմ և քեզ կասեմ:

Կարեն -  Մարդկանց խնդրել եմ, որ առավոտյան կլինեմ Վարդենիսի երթուղայինի մոտ, ձեր հարցերը լուծելու եմ, դուք ուզում եք հաջորդ օրը եկեք, երբ ուզում եք էկեք, ջուրը, հացը լինելու են, բայց գնալու համար էլ նույն կարգավիճակով օգնելու եմ, որ գնաք, հավաքվեք, հասկանաք որը որից հետո է, բայց պետք է ընենց անել, որ այդ մարդկանց մոտ ջրի, պեռաշկիի համար գումար լինի մոտները: Ես ինձանով եմ անում այդ ամենը, ուրիշ ձև չեմ կարողանում:

Հայկ - Սպասիր տեսնեմ ոնց է դառնում, ես այնտեղ ասել եմ միայն վառելիքի և ուտելիքի պահով, հեսա մի հատ թող տեսնեմ ինչ կարող ենք անել:

Կարեն -  Դե նայիր, եթե չլինի էլ ես կարող եմ շատ-շատ մարդիք կրճատել:

Հայկ - Չէ սպասի, ես քեզ ասել եմ մի քիչ հետո, երեկոյան խաբար եմ ասելու:

Կարեն - Դե ծրագիրը այդպես է գնում ամեն դեպքում,

Հայկ - Էն <<Բանը>> մեկա ունեմ ես, ոչինչ կտանք գնան:

-------------------------

Հայկ - Հա Կարեն:

Կարեն - Բարև հարմարա տեղդ:

Հայկ - Հա ասա:

Կարեն -  Էն ժողովրդին էն ինչը <<Բան եմ անում>>, անում եմ երթուղայինի հաշվարկով, հասկացար, որովհետև այդ տեղ արդեն էն մարդը /անունը չեմ տալիս/ ասել էր ինձ երթուղային ունեմ, կարող եք զբաղեցնել և այլն, ես էլ 1500-ով կբերեմ, մեկ էլ էսօր հետա կանգնել ասածից:

Հայկ - Դու հասկացար ինձ:

Կարեն - Մի խոսքով նախկինում 8 է եղել, ըտենց եմ ասում, որ ոչմեկ չհասկանա, հիմա զոռով բերել հասցրել եմ 6-ի՝ 3-ը գնալու համար, մի խոքով:

Հայկ - Հասկացա:

Կարեն - Այդպես է էլի, հիմա մի 20-ից ավել հոգի կողմ են ասել, ես դրանց երթուղայինով կճանապարհեմ: Դա հաստատ է:

Հայկ - Լավ:

Կարեն - Դե ըտենցա, իսկ եթե չէ, դրանից ավել ես չեմ կարող խոսել, այստեղ կնգնեմ բանի տակ:

Հայկ - Չէ պետք չի, դու քեզ էլ մի դիր հարվածի տակ, հարկավոր չէ, մեկա մարդիք տրամադրված են:

Կարեն - Ես քեզ հասկանում եմ, մեկա էտ մարդիք, որ տրամադրվել են թող գան այդտեղ, էլի իմ հետ միշտ կապի մեջ են լինելու, բայց առաջին օրվա համար, երբ էտ մարդիք այստեղից գան այդտեղ գոնե մոտները 3.000 դրամ չլինի՝ ջուր խմի, պեռաշկի ուտի:

Հայկ - Ես հասկացա քեզ:

Կարեն - Ես առաջ գնալ-գալու համար 5 էի տալիս, հիմա չեմ կարողանում եղբայր, ես իմ հաշվարկը այդպես եմ արել:

Հայկ - Լավ հասկացա:

Ձայնագրությունը՝ ստորև։