Երևան
12 °C
«Փորձանք բդի չգա։ Ես էս հարցը շատ խիստ դրել եմ։ Ուրդեղ մե մեխմ է պետք, ես 3-ը կխփեմ։ Ապահովությունն առաջնային է»:
Մեծ, մի փոքր սառը ու ամենատարբեր գործիքներով, պարագաներով, մուրճեր, սղոցներ, մեխերով, շինանյութով, հնարավոր ու անհնար իրերով լցված սենյակում գտնվողները վարպետ Մարտունի այս պահանջը շատ լավ գիտեն։ Գիտեն նաև պահանջը խախտելու հետևանքները բոլոր։
Թատրոնի արհեստանոցի վարիչն է վարպետը։ Աշխատակիցներին ամեն վայրկյան է հիշեցնում՝ դերասանի անվտանգությունն իրենց պատասխանատվությունն է։ Այս անխախտ սկզբունքը Մարտունին դեռ տարիներ առաջ թատրոնի բեմադրական մասի և արհեստանոցի վարիչ Նուբար Քեշիշյանն է փոխանցել։
«Դերասանի անվտանգությունը մեր ուսերին է, հանկարծ դերասանն ընկավ, կամ ինչ-որ բան կոտրվեց, կամ դեկորն ընկավ դերասանի վրա, ոչ թե անթույլատրելի է, այլ աններելի։ Էդպիսի բան, փառք Աստծո, դեռ չի եղել»,- «Հայկական ժամանակ»-ի հետ զրույցում ասում է նա:
Վարպետին բոլորն են վստահում։ 2 տասնամյակից ավել նա է շունչ ու կենդանություն տալիս Գյումրու դրամատիկականի բոլոր ներկայացումների դեկորներին։
Նախ դեկորը պատրաստողին բդի դուր գա, հետո՝ նոր հանդիսատեսին
«Հայաստանում բոլոր թատրոններից ամենալավը մեր դեկորներ են պատրաստվում: Ու երբ վարագույրը բացվում է, հանդիսատեսն առաջինը դեկորն է տեսնում։ Առաջին էդ արձագանքից հասկանում ես՝ դուր եկա՞վ, թե՞ չէ։ Բայց երբ որ դերասանը սկսեց խաղալ, արդեն դեկորին չի նայում հանդիսատեսը, այլ՝ դերասանի խաղին։ Դեկորին հետևողը մենք ենք մնում»,- նկատում է նա:
Ինչպես Մարտունը մտավ թատրոն
«Ես մինչև թատրոն գալն ուրիշ տեղ եմ եմ աշխատել՝ մանկավարժության ասպարեզում, էնտեղից քիչ բան չբերեցի թատրոն: Որ եկա, ստեղ շինարարություն էր, Պողոսյան Էդիկը տեսավ (նկատի ունի դրամատիկականի նախկին տնօրենին) ու ըսեց՝ դու պետք ես մեր թատրոնին։ Ու ես զգացի իմ պետք լինելս: Ընթացքում ես շատ բան սովորեցի թատրոնից ու մեր մեծերից, տեսնելն էլ էր հերիք՝ սովորելու համար։ Մարդը բդի տեսնելով գողանա վարպետից»,- համոզված է նա:
Սաղ կձգտեն չփոշոտվին, կամպյուտորի դեմը նստին, հանգիստ, մաքուր մնան
Մարտունը եկել ու մնացել է դրամատիկականում։ Գնալու միտք չունի, բայց անհանգիստ է. սերնդափոխություն չկա արհեստանոցում։ Ասում է՝ երիտասարդներին ծուխն ու փոշին չի ձգում, գալիս, 1-2 օր մնում, հեռանում են։
«Դժվար է սերնդափոխությունը, գալիս են, բայց 7-8 ժամ չես կարող էսօրվա երիտասարդին պահել: Փոշոտ, մրոտ գործ, սվառկա, փայտը, փոշին տեսնում են՝ էլ չեն մնում։ Մեկը կարող է սիրով գա, բայց ընդհանրապես շատ դժվար է, չեն գալիս հիմնականում, որովհետև էսօր երիտասարդները սաղ կձգտեն չփոշոտվին, կամպյուտրի դեմը նստին, հանգիստ, մաքուր մնան։ Բայց գան, հեչ որ չէ, իրանց տան համար էլ պիտանի բաներ կսորվին։ Շատ դժվար է էս հարցը, շատ»,- ափսոսանք է հայտնում նա:
Վարպետն ասում է՝ ոչ միայն թատրոնի արհեստանոցում աշխատել չեն ուզում, այլ ընդհանրապես արհեստին տիրապետելու ցանկություն ունեցողների թիվն է պակասել։ Նախկինում արհեստագործական ուսումնարանում է աշխատել։ Պատմում է՝ տարեցտարի ուսանողների թիվը պակասել է, նախկին 40 հոգանոց կուրսերից այսօր գրեթե ոչինչ չի մնացել։ Կեսն էլ լինի՝ լավ է։
Մարդը եթե սիրեց թատրոնը, կմնա, կաշխատի, եթե զոռով բդի գործի գաս, լավ է՝ չգաս
Թատրոն է մտել սիրելով, բայց չի պատկերացրել, որ այդ սերն այնքան կմեծանա, որ իրեն մշտապես այս հարկի տակ կպահի։
Վարպետ Մարտունը կուլիսների այն կարևոր մարդկանցից է, որը երբեք չի երևում, բայց ներկա է յուրաքանչյուր վայրկյանին իր դեկորներով։ Նրան հանդիսատեսը չի ճանաչում, բայց երբ վարագույրը բացվելուց հետո գոհունակ շշուկներ են տարածվում դահլիճում, նա իր գնահատված լինելը առավել շոշափելի է զգում։
«Մարդը եթե սիրեց թատրոնը, կմնա, կաշխատի: Սիրով բդի գաս գործի։ Եթե մարդը զոռով եկավ գործի, լավ է՝ չգա։ Ես սիրով ամեն առավոտ ժամանակին ստեղ եմ: Էղել է, որ մինչև իրիկուն մնացել ենք, ազատ օրերին ենք աշխատել։ Ես կսիրեմ ժամանակից առաջ ընկնել, գործը շուտ հանձնել»,- ընդգծում է նա:
Զրույցի ավարտին մի գաղտնիք է բացում վարպետ Մարտունը, ասում է՝ հենց զանգերը հնչեցին, վարագույրը բացվեց, ինքը կուլիսներում լարված կանգնած է։ Անկախ հանգամանքից, որ վստահում է ինքն իրեն ու իր աշխատանքին, միևնույն է, դերասանի ամեն շարժմանը, իր պատրաստած աստիճաններով բարձրանալ-իջնելուն, աթոռին նստել-վեր կենալուն ակնդետ է հետևում, ավարտին՝ շունչ քաշում, խիղճն ու սիրտը հանգիստ՝ գործընկերների հետ սպասում հաջորդ ներկայացումներին։
«Հայկական Ժամանակ»-ը Telegram-ում
Դատախազը Գագիկ Ծառուկյանի նկատմամբ քրհետապնդում հարուցելու համաձայնություն ստանալու դիմում է ներկայացրել ԿԸՀ
Բլոգեր Արամ Ավետիսյանը բռնության է ենթարկվել. հարվածողի նկատմամբ հայտարարվել է հետախուզում. ՆԳՆ
ԱԽ քարտուղար Արմեն Գրիգորյանը մասնակցել է Ուկրաինայի վերականգնման համաժողովին
Կանդազի խափանման միջոցը փոխվել է
Դատախազությունը կբողոքարկի Աջապահյանի խափանման միջոցի փոփոխության որոշումը
ՄԹ թագավոր Չարլզ III-ի հրավերով ՇՄ նախարարը Սենթ Ջեյմսի պալատում բարձր մակարդակի ընդունելության է մասնակցել
«Apple» ընկերությունը առանց նախազգուշացման «App Store»-ից հեռացրել է «VK» խմբի հավելվածները
Միքայել Աջապահյանի նկատմամբ կիրառված տնային կալանքը վերացվել է
Շարունակում եմ ներկայացնել «Կրթվելը նորաձև է» շարժման ռազմավարական ծրագիրը. Աննա Հակոբյան
ՆԳ նախարարը պարգևներ է հանձնել Վահե Մելքոնյանին և Փամբակում որոնողական աշխատանքներ իրականացրած ջրասուզակներին
Անգրավ բիզնես վարկ՝ մինչև 15 մլն դրամ
Պետք է սովորենք՝ մենք պետք է գնանք Թուրքիա, իրենք գան Հայաստան. Փաշինյան
Գյումրու ավագանու «Քաղաքացիական պայմանագիր» խմբակցությունը չի մասնակցել ավագանու նիստին՝ հայտնելով պատճառը
Գլենդելի պատմության մեջ առաջին անգամ հայազգի ոստիկանապետ է նշանակվել
Ինչպիսին են ՀՀ տնտեսական ակտիվության ցուցանիշները նախորդ տարվա նույն ժամանակահատվածի համեմատ
Ղարաբաղից տեղահանված ընտանիքների բնակապահովման պետական ծրագրում փոփոխություններ են կատարվել. մանրամասներ
Երևանում և Արմավիրում ուժգին քամին ծառեր է տապալել, տանիքների թիթեղներ պոկել
Բջջային հեռախոսների շուկան ամենաստվերայինն է. մենք կատաղում ենք, թռնում վերև, իջնում ցած, իրենք շարունակում են
Ցանկանում եմ շարունակել ղեկավարել Առողջապահության նախարարությունը. Անահիտ Ավանեսյան
Առողջության ապահովագրության համակարգի գործունեությունը գնահատում եմ լավ. Փաշինյան
Վարչապետը հայտնել է՝ սպասվո՞ւմ են Կառավարության կազմում փոփոխություններ
Այսօր պարզ կլինի՝ ով է լինելու Ազգային ժողովի նախագահը. փակ, գաղտնի քվեարկությամբ կընտրենք. Փաշինյան
ԵԱՏՄ-ն պետք է ասի՝ ինքը կա՞, թե՞ չկա. եթե կա, ուրեմն թյուրիմացություն է եղել, եթե չկա, ի՞նչ կարող ենք անել
Գյումրու ավագանու անդամ Կարեն Սիմոնյանի տանը խուզարկություն է իրականացվել
Մեկնարկել են Ցեղասպանության զոհերի հուշահամալիրի բարեկարգման երկրորդ փուլի աշխատանքները․ հետևել է նախարարը
Ինտենսիվ այգեգործության զարգացման ծրագրի շահառուներին մայր գումարի մարման արտոնյալ ժամկետ կտրամադրվի. Պապոյան
Ելակը անսովոր բարձր գին ունի. թանկացել են նաև կեռասը, ծիրանը, սա ի՞նչ է նշանակում. Փաշինյանը՝ Պապոյանին
Արարատ Միրզոյանը երկշաբաթյա արձակուրդ է մեկնում
«Էս գեղում քո հարցը լուրջ ա», «Ինձ ով ինչ խոստացել ա, անի, ծով ա», «ես անեմ, դուք չերևաք». ձայնագրություններ
Սիսիան համայնքի «Մայիսի 28» զբոսայգում գտնվող չորրորդ հողամասը վերադարձվել է համայնքի տիրապետմանը
Ճապոնիայի հյուսիսում 7,2 մագնիտուդ ուժգնությամբ երկրաշարժ է տեղի ունեցել
Պապոյանը հրավեր է ստացել ռուս գործընկերոջից՝ մասնակցելու Եկատերինբուրգում կայանալիք առևտրատնտեսական ֆորումին
Մոսկվան սպասում է, որ Երևանը որոշում կայացնի ՀԱՊԿ-ին իր մասնակցության վերաբերյալ. Ռուսաստանի ներկայացուցիչ
Գազամատակարարման դադարեցումներ կլինեն Լոռու և Արարատի մարզերի մի շարք հասցեներում
Հաստատված մեղադրական եզրակացությամբ դատարան են հանձնվել Կարապետ Գուլոյանի վերաբերյալ քրվարույթի նյութերը
ԱՄՆ-ի վարչակազմը դիտարկում է Թուրքիային F-35 կnրծանիչներ փոխանցելու հնարավորությունը. Վենս
Ինչ փաստաթղթեր են անհրաժեշտ ԱՄՆ-ում մշակութային կամ մարզական միջոցառման մասնակցի վիզայի համար
Հզոր երկրաշարժեր Վենեսուելայում. զոհերի թիվը կարող է հասնել տասնյակ հազարների
Երևանի Վարդաշենի շենքերից մեկից ընտանիք է տեղափոխվել հիվանդանոց. ինչն է պատճառը
Գյումրուն հստակ կառավարում է պետք․ կվերցնի՞ պատգամավորական մանդատը Շիրակի մարզպետը, թե՞ ոչ․ տեսանյութ
