Սկանդալ ԱՄՆ-ում. Սպիտակ տունը պատահաբար լրագրողին ներառել է խիստ գաղտնի տեղեկություններով խմբային չաթում

ԱՄՆ վարչակազմի անդամները քննարկել են հութիներին հարվածելու ծրագրերը մեսենջերում՝ պատահաբար չաթում լրագրող ներառելով. սա մեկնաբանությունների, մեղադրանքների և հիմնավորումների փոթորիկ է առաջացրել Վաշինգտոնում:

Թրամփի վարչակազմի հակառակորդները և փորձագետները պնդում են, որ անվտանգության կանոնները կոպտորեն խախտվել են: Կողմնակիցներն արձագանքել են, որ, համենայնդեպս, բոլորը տեսել են, թե ինչպես է աշխատում նոր ղեկավարությունը։

Այս սկանդալի հետ կապված շատ քաղաքական գործիչներ և լրագրողներ հիշում են Հիլարի Քլինթոնի հասցեին հնչող մեղադրանքները, որոնք Դոնալդ Թրամփը ակտիվորեն շահագործում էր իր առաջին նախագահական ընտրություններում նրա հետ պայքարում։

Քլինթոնին մեղադրանքում էին այն բանի համար, որ նա պետքարտուղարի պաշտոնը զբաղեցրել է իր տնային էլփոստի հաշվից, որը տեղակայված է մասնավոր սերվերում: Հետաքննությունների դաշնային բյուրոյի հետաքննությունը պարզել է, որ Քլինթոնի դեմ պաշտոնական մեղադրանքներ ներկայացնելու հիմքեր չկան, սակայն Թրամփը, ինչպես հետաքննության ընթացքում, այնպես էլ ավելի ուշ, բարձրաձայն և բազմիցս կոչ է արել բանտարկել իր մրցակցին։

Այժմ Հիլարի Քլինթոնը The Atlantic հոդվածի հղումը տեղադրելուց հետո այն ուղեկցել է «շատ զարմացած» էմոջիով և «Դուք կատակում եք» արտահայտությամբ (You have got to be kidding me!):

Դեմոկրատները պահանջում են պատժել մեղավորներին

Սենատի դեմոկրատ առաջնորդը կոչ է արել իր հանրապետական գործընկերներին պաշտոնական, երկկուսակցական հետաքննություն սկսել միջադեպի վերաբերյալ, գրում է BBC-ն՝ ներկայացնելով կարծիքները:

«Երբ Փիթ Հեգսեթը եկավ Սենատի՝ որպես պաշտպանության նախարարի թեկնածու, դեմոկրատները նախազգուշացրին, որ նման բան կարող է տեղի ունենալ: Այս մարդիկ ակնհայտորեն պիտանի չեն նման աշխատանքի համար: Այս մարդիկ ակնհայտորեն պիտանի չեն նման աշխատանքի համար: Մենք զգուշացրել էինք, որ վտանգավոր է նրանց թեկնածությունները հաստատելը, որ նրանք իրենց անպատասխանատու են պահում։ Ցավոք, մենք իրավացի էինք»,- ասել է Շումերը։

«Մեր ազգային անվտանգությունը լիակատար սիրողականների ձեռքում է: Ի՞նչ այլ զգայուն ազգային անվտանգության հարցեր են քննարկվում խմբային զրույցներում: Այնտեղ էլ պատահական մարդիկ կա՞ն ավելացված», - սոցցանցերում Շումերին աջակցել է դեմոկրատ մեկ այլ սենատոր՝ Էլիզաբեթ Ուորենը:

Դեմոկրատ կոնգրեսական Ջիմ Հայմսն ասել է, որ ցածր մակարդակի ցանկացած պաշտոնյա, հավանաբար, կչեղարկեր իր անվտանգության վկայականը և դրա համար քրեական պատասխանատվության կենթարկվեր:

Վարչակազմի անդամները քննադատության են ենթարկվել, թեև ավելի զուսպ, ոչ միայն ընդդիմադիր դեմոկրատների, այլև որոշ հանրապետականների կողմից:

Հանրապետական պատգամավոր Դոն Բեկոնը գաղտնի հաղորդագրություններն անվանել է «անխոհեմ», մինչդեռ Ալյասկայի սենատոր Լիզա Մուրկովսկին մտավախություն է հայտնել, թե արդյո՞ք որևէ մեկին կազատեն աշխատանքից դրա համար և ասել, որ հանրապետականները կհչեցնեին բոլոր զանգերը, եթե դա տեղի ունենար Ջո Բայդենի օրոք:

Պաշտպանության երկու ուղղություն

Թրամփի վարչակազմի խոսնակները հայտարարություններ են տարածել, որոնք հետևում են մեկ պաշտպանության գծին:

Այո, Atlantic-ի գլխավոր խմբագրին չաթում ներառելու հետ կապված սխալներ են եղել, բայց դա նորմալ է, գլխավորն այն է, որ մարդիկ տեսան, թե ինչպես են Թրամփի թիմի անդամները աշխատում և հաջողությամբ իրականացնում Թրամփի արտաքին քաղաքականությունը, նշել են նրանք:

«Սա կարծես հաղորդագրությունների իսկական շղթա է, և մենք հետաքննում ենք, թե ինչպես է պատահական մարդ ավելացվել այս խմբին», - ասել է Ազգային անվտանգության խորհրդի խոսնակ Բրայան Հյուզը:

«Այս թեման ցույց է տալիս խորը և մտածված համակարգումը բարձրաստիճան պաշտոնյաների միջև: Հութիների դեմ շարունակվող օպերացիան ցույց է տալիս, որ զորքերին կամ ազգային անվտանգությանը վտանգ չկա»,- ասել է Սպիտակ տան մամուլի քարտուղար Քերոլայն Լևիթը և ընդգծել, թե Թրամփի վարչակազմը հաջող գործողություններ է ձեռնարկել հութիների դեմ:

Նրա խոսքով, նախագահ Թրամփը շարունակում է լիակատար վստահություն ունենալ ազգային անվտանգության իր թիմի նկատմամբ:

Ներկայացուցիչների պալատի խոսնակ, հանրապետական Մայք Ջոնսոնը նկարագրել է իրավիճակը գրեթե նույն բառերով, ինչ Բրայան Հյուզը. նա նշել է, թե պատահաբար ավելացվել է կողմնակի թիվ, բայց ամեն ինչ կարգին է, վարչակազմն ընդունել է սխալը, հետաքննում է, թե ինչպես է դա տեղի ունեցել, և դա այլևս չի կրկնվի:

«Այն, ինչ դուք իրականում տեսաք՝ բարձրաստիճան պաշտոնյաներն էին աշխատում և լավ աշխատում», - շարունակել է Ջոնսոնը:

Այդ զրույցի գլխավոր խաղացողներից մեկը՝ պաշտպանության նախարար Փիթ Հեգսեթը, սակայն, այլ գիծ է որդեգրել՝ հարձակվելով Atlantic-ի և նրա գլխավոր խմբագրի վրա:

Ինչպես հաղորդում են BBC-ի թղթակիցները, երբ լրագրողներին հարցրել են այս միջադեպի մասին, Հեգսեթը հայտարարել է, որ Ջեֆրի Գոլդբերգը «դուրս է տվել բոլոր տեսակի անհեթեթություններ»։

«Այսպիսով, մենք խոսում ենք ստախոս և ամբողջությամբ վարկաբեկված, այսպես կոչված լրագրողի մասին», - ասել է Հեգսեթը ՝ անդրադառնալով այն բանին, թե որքան հաջող է ընթանում հութիների դեմ գործողությունը:

«Սիգնալ» չաթում կատարվածի մասին հարցին պաշտպանության նախարարը պատասխանել է. «Ռազմական ծրագրերի մասին ոչ ոք չի գրել, և ես միայն այս մասին կարող եմ ասել»։

Դոնալդ Թրամփը, երկուշաբթի օրը բոլորովին այլ պատճառով կարճ ժամանակով հայտնվելով Սպիտակ տանը լրագրողների առջև, պատասխանել է սկանդալի մասին հարցին՝ ասելով, որ ոչինչ չգիտի այդ մասին, իսկ հետո խոսակցությունը արագ շուռ է տվել ու նշել իր հակակրանքը Atlantic ամսագրի նկատմամբ:

Ֆորմալ խախտումներ

BBC-ին հարցազրույց  տված փորձագետներն ասել են, որ Signal չաթի մասնակիցները խախտել են գաղտնի տեղեկատվության հետ աշխատելու պաշտոնական կանոնները:

Նման խոսակցությունները պետք է տեղի ունենան հատուկ սենյակներում, որոնք պաշտպանված են գաղտնալսումից, ասել է քաղաքագիտության և իրավունքի պրոֆեսոր Սամար Ալին, ով ինքն էլ մասնակցել է նման սենյակում բանակցություններին՝ աշխատելով նախագահ Բարաք Օբամայի վարչակազմում։

Ավելին, ինչպես նշում են փորձագետները, նույնիսկ նման թեմաներով և այս մակարդակի մարդկանց էլեկտրոնային հաղորդագրությունները, ըստ ամերիկյան օրենքների, պետք է արխիվացվեն և պահվեն հատուկ տվյալների բազայում։ Այնուամենայնիվ, Ազգային անվտանգության հարցերով խորհրդական Մայքլ Վալցը, ինչպես Ջեֆրի Գոլդբերգն է հայտնել իր հոդվածում, սահմանել է, որ այդ չաթում հաղորդագրություններն ավտոմատ ջնջվեն մեկ շաբաթ անց։