Երևան
12 °C
Հուլիսի 4-12-ը Երևանում կկայանա բասկետբոլի Եվրոպայի մինչև 16 տարեկանների C դիվիզիոնի առաջնությունը՝ ՀՀ կրթության, գիտության, մշակույթի և սպորտի նախարարության աջակցությամբ և Հայաստանի բասկետբոլի ֆեդերացիայի և մի շարք գործընկեր կազմակերպությունների համագործակցությամբ։
Ինչպես հայտնել է ԿԳՄՍՆ-ն, Հայաստանն առաջին անգամ է հյուրընկալում այս տարիքային խմբի առաջնությունը: Եվրոպայի C դիվիզիոնում Հայաստանի Մ16 տարեկանների հավաքականն ընդգրկվել է B խմբում, որտեղ կմրցի Ջիբրալթարի, Մալթայի, Անդորրայի և Մոնակոյի հավաքականների դեմ:
ԿԳՄՍՆ սպորտի քաղաքականության վարչության պետ Նարինե Շահբազյանն այսօր հրավիրված մամուլի ասուլիսում ընդգծել է, որ խաղային մարզաձևերի զարգացման պետական քաղաքականությունն ամրագրված է ՀՀ ֆիզիկական կուլտուրայի և սպորտի ոլորտների 2024-2030 թվականների զարգացման ռազմավարությամբ։
«Նախորդ տարի Երևանում անցկացվել է մինչև 20 տարեկանների Եվրոպայի առաջնության B դիվիզիոնի մրցաշարը: Նմանօրինակ միջոցառումները նպաստում են մարզական ենթակառուցվածքների զարգացմանը, միջազգային փորձի կուտակմանը և Հայաստանի հեղինակության բարձրացմանը՝ որպես խոշոր մրցաշարեր ընդունող երկրի։ Ակնկալում ենք, որ Հայաստանի հավաքականը կկարողանա բարձրանալ B դիվիզիոն։ Դա լուրջ խթան կլինի պատանեկան բասկետբոլի զարգացման համար, որը մեզ համար կարևոր ուղղություն է»,- նշել է Նարինե Շահբազյանը՝ ընդգծելով նաև Հայաստանի բասկետբոլի ֆեդերացիայի և ԿԳՄՍ նախարարության արդյունավետ համագործակցությունը:
Նրա խոսքով՝ Եվրոպայի բասկետբոլի ֆեդերացիայի (FIBA Europe) կողմից Հայաստանի նկատմամբ ցուցաբերվող բարձր վստահությունը, ինչպես նաև պետության որդեգրած քաղաքականությունը հնարավորություն են տալիս երկրում շարունակաբար հյուրընկալել միջազգային մրցաշարեր։ Մինչև 16 տարեկանների Եվրոպայի առաջնության C դիվիզիոնի ավարտից հետո կքննարկվեն հաջորդ ամառվա ծրագրերը, որոնց շրջանակում հնարավոր է դիտարկել Երևանում կանանց տարիքային խմբերից մեկի Եվրոպայի առաջնության անցկացման հնարավորությունը։
«Մեզ համար շատ կարևոր է, որ կանանց բասկետբոլը նույնպես ունենա զարգացման նույն հնարավորությունները և առաջընթացը, ուստի այդ ուղղությամբ աշխատանքները ևս օրակարգում են»,- ասել է ԿԳՄՍՆ սպորտի քաղաքականության վարչության պետը:
Հայաստանի բասկետբոլի ֆեդերացիայի գլխավոր քարտուղար Արթուր Նազարյանի խոսքով՝ առաջնության անցկացման համար հիմք է հանդիսացել նախորդ տարվա հաջող փորձը: Նրա խոսքով՝ առաջնությունից առաջ ԿԳՄՍ նախարարությունն անհրաժեշտ ներդրումներ է կատարել՝ բարելավելով Սպորտի կառավարման կենտրոնի ենթակառուցվածքները։
«Փորձը ցույց տվեց, որ նման միջոցառումները դրական ազդեցություն են ունենում ոչ միայն բասկետբոլի զարգացման, այլև երկրի տնտեսության, զբոսաշրջության և Հայաստանի միջազգային հեղինակության վրա, ուստի փորձում ենք պահպանել ձևավորված տեմպը»,- նշել է Արթուր Նազարյանը:
Նրա տեղեկացմամբ՝ հավաքականում ընդգրկված են մինչև 16 տարեկան մի շարք տաղանդավոր բասկետբոլիստներ Հայաստանից, ԱՄՆ-ից և Ռուսաստանից։ Մարզչական շտաբը երկար ժամանակ հետևել է թեկնածուներին և ընտրել լավագույններին։
«Անցյալ տարի մինչև 16 տարեկանների հավաքականը Եվրոպայի C դիվիզիոնի առաջնությունում զբաղեցրեց երրորդ տեղը և շատ մոտ էր եզրափակիչ դուրս գալուն։ Այս տարի հույս ունենք ավելի հաջող հանդես գալ և պայքարել չեմպիոնության համար, առավել ևս, որ խաղալու ենք սեփական երկրպագուների աջակցությամբ։ Սա շատ կարևոր տարիքային փուլ է, քանի որ բասկետբոլիստների առաջին պաշտոնական միջազգային փորձը սկսվում է մինչև 16 տարեկանների հավաքականից»,- ներկայացրել է Արթուր Նազարյանը՝ հավելելով, որ ձևավորվել է բավական մրցունակ թիմ։
Ֆեդերացիայի գլխավոր քարտուղարն անդրադարձել է նաև հավաքականի գլխավոր մարզիչ Նարեկ Կապուշյանին, որն աշխատում է ԱՄՆ-ում, ունի պատանեկան բասկետբոլում աշխատանքի մեծ փորձ և հաջող արդյունքներ։ Նա վստահություն է հայտնել՝ Կապուշյանի փորձը կօգնի նաև Հայաստանի հավաքականին։
Ասուլիսում անդրադարձ է կատարվել նաև մարզաձևի մասսայականացմանը՝ կարևորելով վարչապետի հովանու ներքո անցկացվող «Դպրոցակաների բասկետբոլի լիգա» մրցաշարը, որին նախորդ տարի հազարավոր երեխաներ են մասնակցել:
Եվրոպայի C դիվիզիոնի առաջնության շրջանակում ընդհանուր առմամբ կանցկացվի 24 հանդիպում: Բոլոր խաղերը տեղի կունենան Սպորտի կառավարման կենտրոնի ենթակայությամբ գործող մարզահամալիրում (հասցե՝ Մանանդյան 41): Մուտքն ազատ է:
Հայաստանի Մ16 հավաքականը խմբային փուլի շրջանակում հուլիսի 4-ին կմրցի Անդորրայի, հուլիսի 5-ին՝ Ջիբրալթարի, հուլիսի 8-ին՝ Մալթայի, իսկ հուլիսի 9-ին՝ Մոնակոյի Մ16 տարեկանների հավաքականների հետ: Բոլոր խաղերը կմեկնարկեն ժամը 19:00-ին։ Առաջնության եզրափակիչը նախատեսված է հուլիսի 12-ին:
Հիշեցնենք՝ Հայաստանի Մ16 հավաքականը նախորդ երկու տարիներին դարձել է Եվրոպայի C դիվիզիոնի առաջնության բրոնզե մեդալակիր։
«Հայկական Ժամանակ»-ը Telegram-ում
Վանաձորի գազալցակայաններից մեկում պայթյուն է եղել․ կա տուժած
Սևանի գերեզմանատանը մեքենայում երիտասարդ տղայի դի է հայտնաբերվել
Դավիթ Խուդաթյանը մասնակցել է Չարենցավանի «Ծիծեռնակ» մանկապարտեզի հիմնանորոգված մասնաշենքի բացմանը
Մեռելոց օրերը լինելու են աշխատանքային․ պարզաբանում
«ԱԼԵՔՍ 33» ՍՊԸ-ն թերլիցքավորման համար տուգանվել է
Հայաստանն առաջին անգամ կընդունի բասկետբոլի Եվրոպայի մինչև 16 տարեկանների C դիվիզիոնի առաջնությունը
Օդի ջերմաստիճանը կնվազի 5-7 աստիճանով․ առանձին հատվածներում հորդառատ անձրևներ կլինեն
Լավագույն պայմաններ մեր զինծառայողների համար․ Պապիկյանը լուսանկարներ է հրապարակել
Դոլարն էժանացել է. ինչ փոփոխություններ է արձանագրել տարադրամի շուկան հուլիսի 3-ին
Վարչապետը մասնակցել է Ալի Խամենեիի հրաժեշտի պաշտոնական արարողությանը
Համաձայնագիրը կնպաստի Հայաստան-Ղազախստան երկկողմ քաղաքական երկխոսությանը և համագործակցության խորացմանը
Սպանվելուց 4 ամիս անց կհուղարկավորեն Ալի Խամենեիին. որտեղ և ինչպես է պահպանվել մարմինը, ովքեր են մեկնել Իրան
Աննա Հակոբյանն ու «Libra Group»-ի գործադիր նախագահը քննարկել են համագործակցության հնարավորությունները
Մեռելոցի օրերը կմնան աշխատանքային. տոնացույցում ավելացել են Մաշտոցի օրը, Նավասարդն ու մարզերի օրերը
ԱԺ պատգամավորների երդման տեքստը փոխվեց. նոր խորհրդարանում այլ տողերով կերդվեն
ՀՀ բոլոր բնակավայրերի մուտքի մոտ Հայաստանի դրոշներ կտեղադրվեն
ՎԶԵԲ-ը Հայաստանում տեղաբաշխում է 5 մլրդ դրամի լողացող արժեկտրոնով պարտատոմսեր
Դե ինչ, պատմություն կերտեցինք միասին. Ալեն Սիմոնյանի վերջին ելույթը ԱԺ նախագահի պաշտոնում
ԱԺ-ն ընդունել է ՀՀ-ից տևական ժամանակ բացակայած քաղաքացիների ընտրական իրավունքը սահմանափակող օրինագիծը
Վենեսուելայում երկրաշարժերի զոհերի թիվը հասել է 2595-ի. հայտնի է ավելի քան 12 հազար տուժածի մասին
Ռուսաստանից Ադրբեջանի տարածքով Հայաստան է ուղարկվել 14 վագոն ցորեն
Հիմա պատեհ չէ, ժամանակը չէ. Ռուբինյանը՝ ԱԺ աշխատակազմում փոփոխություններ անելու մասին
Ես Թուրքիայում համալսարան չեմ գնացել, թուրքական դիպլոմ չունեմ, չկա մարդ, որ ինձ այնտեղ դաս է տվել. Ռուբինյան
Բարձր ենք գնահատում դժվարին իրավիճակում Իրանի նկատմամբ ՀՀ կառավարության դիրքորոշումը, աջակցությունը. Փեզեշքիան
ԱԺ նախագահ ընտրվելու դեպքում ակնհայտորեն չեմ շարունակի Թուրքիայի հետ բանակցությունների ՀՀ ներկայացուցիչը լինել
Պետք է հորդորեն էս աննորմալին դնել մանդատն ու չգալ ԱԺ. Ռուբինյանը՝ զինվորներին մահ մաղթող Ղազարյանի մասին
Նոր շունչ Կասկադին՝ մայրաքաղաքի մշակութային սրտին. «Ռենշին»-ը և GTB-ն՝ հանուն Կասկադի և Երևանի ապագայի
Մոլդովայի վարչապետը հայտարարել է հրաժարականի մասին
Ձերբակալվել է երկու անձ․ հայտնաբերվել է մարիխուանայի 30 փաթեթ
ՀՀ վարչապետը հանդիպում է ունեցել Իրանի նախագահի հետ. լուսանկարներ
Ընդունվել են օրենսդրական փոփոխություններ՝ առցանց խաղային գործունեության և ֆինանսական հաշիվների վերաբերյալ
Դատախազական համակարգի գործառույթը գնալով պետք է ամրապնդվի. Աննա Վարդապետյանն ամփոփել է միջազգային համաժողովը
Հուլիսի 6-ից քաղաքացիները կարող են դիմել վարելու իրավունքի վերականգնման համար․ ՆԳ նախարար
Արմեն Աշոտյանի կալանքը երկարաձգվել է
Հո ճիժ չե՞նք, ես եկել, 7 տարի սռոկ եմ էթում, ամեն ինչ խառն ա. սաղին կասեմ՝ 80 ա էս ամիս. նոր ձայնագրություններ
Քրեական աստիճանակարգության կարգավիճակ ունեցող եզդի Ջնդին ստանձնել է մեծ պարտքի ստացումը. նախաքննության ավարտ
Թեհրանում ՀՀ վարչապետին դիմավորել է Իրանի փոխնախագահը. լուսանկարներ
ՀՀ վարչապետը ժամանել է Իրան
Նյու Յորքում Առաջին տիկնանց և պարոնների գլոբալ ակադեմիայի դասընթացն ավարտվել է. մասնակցում էր Աննա Հակոբյանը
Այսօր սպասվում է ամենաշոգ օրը. հուլիսի 4-ից ջերմաստիճանը հանրապետության ողջ տարածքում կնվազի 5-7 աստիճանով
