«Առաջարկեցին, ես էլ հո չէի՞ հրաժարվի». փողոց ու դպրոց՝ գործող գյուղապետի անունով

12/06/2015 schedule19:40

Պարզվում է, Կոտայքի մարզի Նոր Գեղի գյուղի կենտրոնական փողոցը 2 ամիս առաջ անվանակոչվել է գործող գյուղապետ Ֆրոնտիկ Թեւոսյանի անունով: Պարզվում է նաեւ, որ այդ գյուղի երաժշտական դպրոցը եւս Նոր Գեղիի գյուղապետ Ֆրոնտիկ Թեւոսյանի անունն է կրում: Բայց ինչո՞ւ: Բացատրեց ինքը՝ Թեւոսյանը:

- Պարոն Թեւոսյան, ինչո՞ւ է ձեր գյուղի կենտրոնական փողոցը ձեր անունը կրում:

- Դե, ես 30 տարվա աշխատանքային ստաժ ունեմ: 85 թվականից մինչեւ հիմա այդ գյուղի ղեկավարն եմ եւ մարտի 25-ին էլ 70-ամյակս էր, ինձ ժամանակին Անդրանիկ Մարգարյանն էլ է տվել հուշամեդալ, Ազգային ժողովը տվել է, հիմա սպասում եմ՝ նախագահը տա, իսկ ավագանին էլ որոշեց Երեւանյան փողոցը անվանակոչել Թեւոսյանի անունով: Ավագանու որոշում է:

- Բայց նաեւ երաժշտական դպրոցն է ձեր անունով:

- Հա, դա շուտ է եղել: Դա էլ երեւի 65-ամյակիս է եղել:

- Փաստորեն, ձեր կլոր «ամյակներին» ձեր գյուղում մի բան ձեր անունով է անվանակոչվում:

- Դե, ամեն ինչ հաշվի է առնվում, հիմա էլ եկեղեցի է կառուցվում, եկեղեցին հարմար չի լինի, դե, շատ լավ մշակույթի տուն ունենք: Ես չեմ իմանում դուք ինչ կարծիքի եք, ես բանկերում համարյա մեկ միլիոն դոլարի վարկեր ունեմ, չորս հատ տղա ունեմ, վերջը, ավագանին տենց է գտել, տենց է արել:

- Կարո՞ղ է այդ մշակույթի տունն էլ ձեր 75-ամյակին ձեր անունով անվանակոչեն:

- Չէ, մշակույթի տունը, զանգեցին, ասացին, որ կենդանի մարդու անունով չեն նշում, ես էլ ասացի՝ դե, մեզ մոտ ճանաչված Խաչատրյան Ցոլակ կար, ինքը կառուցել էր այդ մշակույթի տունը, կիսակառույց էր, բայց կռիշ-մռիշ չկար, Ռոբերտ Քոչարյանի հետ հանդիպման ժամանակ Քոչարյանն ասաց՝ գյուղապետը մտածված բերել է ստեղ, էս կիսաքանդ շենքի մոտ, որ ես ավարտեմ, ներդրումներով եւ գյուղապետարանի միջոցներով շատ լավ մշակույթի տուն եղավ, դա կոչել ենք Ցոլակ Խաչատրյանի անունով: Ինքն էլ շատ լավ ստաժ ուներ, այստեղ այգիներ է հիմնել եւ այլն, ու որ հենց ինքն էր կառուցել, թաղամասն էլ ենք անվանակոչել նրա անունով, ուզում եմ ասել՝ տեղից է գալիս, սկզբում իրա համար ենք արել, հետո էլ ավագանին որոշումը տենց է գտել, ի՞նչ ասեմ: Ես մի քանի անգամ պատգամավորության թեկնածու եմ եղել, մի անգամ Այվազյան Վարդանի հետ, բայց ալիքները խառնվեցին եւ այլն, մի անգամ էլ առաջադրվեցի, չկարողացա պատգամավոր ընտրվել:

- Պարզապես՝ շատ մեծ վաստակ ունեցող մշակույթի գործիչների կամ անձանց անունով են փողոցներ անվանակոչում:

- Դե, Երեւանյան էր, հիմա ի՞նչ է խանգարում, որ Թեւոսյանի անունով լինի: Մարդուն նման բաները դուր են գալիս: Դե, առաջարկեցին, ես էլ հո չէի՞ հրաժարվի:

- Եկեղեցու անունը ի՞նչ է լինելու:

- Սուրբ Հովհաննես եկեղեցի է, դա էլ իր պատմական նշանակությունը ունի, Ղալթախչիում մատուռ կա՝ սուրբ Հովհաննես, 60 թվից գնում, գալիս էինք, ոտքով հազիվ են գնում, գրած էր՝ Ծառուկյանից Հովհաննեսին: Ծառուկյանը 4 հատ աղջիկ ուներ, այդտեղ գնալուց հետո տղա է ունեցել, դրա համար այդ մեծ խաչքարը դրա կապակցությամբ դրել էր: Իսկ իմն էլ իմ ու քրոջս արանքում 2 եղբայր է մահացել եւ մի քույր, հայրս այն ժամանակ ուժեղ կոմունիստ էր, չէր հավատում ոչ մի բանի, մերս գողտու գնում է թուղթ նայողների մոտ, ասում են՝ պիտի տունը փոխեք եւ գնաք սուրբ Հովհաննեսում մատաղ անեք: Գնացինք, եղբայրս ծնվեց, անունը դրեցինք Հովհաննես: Ցոլակ Խաչատրյանը եկեղեցու մակետ ուներ, չհասցրեց կառուցել, էդ մակետը հասավ գյուղապետարանին, ես էլ որոշեցի՝ լավ, էս մակետը որ կա, մի հատ եկեղեցի կառուցենք:

- Ձեր միջոցներո՞վ եք կառուցում:

- Ցեմենտն ամբողջությամբ Ծառուկյանն է տվել, կողքից էլ մի թեթեւ աջակցել են, նու, 80 տոկոսով իմ հովանավորությամբ: Պատմություն է, էլի:

- Հիմա այդ եկեղեցին Ծառուկյանի տղայի անունո՞վ է Հովհաննես:

- Չէ, սուրբ Հովհաննես Լեննականի մոտի մատուռի, սուրբ Հովհաննեսի գերեզմանն էլ այնտեղ է, գերեզմանի մոտից հողերը բերել ենք: Դա ոչ մեկի անունով էլ չի, սրբի անունով է:

- Այսինքն՝ Ծառուկյանն էլ է իր տղայի անունը այդ սրբի անունով դրել:

- Հա, որ գնացել է այնտեղ, եկել է, տղան ծնվել է, անունը դրել է Հովհաննես:

- Երբ գյուղի կենտրոնական փողոցն անվանակոչվեց ձեր անունով, բնակիչներն ինչպե՞ս ընդունեցին:

- Դե, դուք պիտի գաք, հարցնեք: Իմ կարծիքով, հնարավոր չէ, որ դժգոհներ չլինեն, բայց մեծամասնությունը ... մի քիչ առաջ ասացի, ինչքան կարողացել, օգնել եմ ժողովրդին, իմ հնարավորության սահմաններում, դրա համար էլ ընկել ենք վարկերի տակ:

Տպել
6118 դիտում

Երևանի Երզնկյան փողոցի և Բաղրամյան պողոտայի խաչմերուկում քաղաքացին վրաերթի է ենթարկվել

Արմեն Սարգսյանը ուղերձ է հղել Ադրբեջանական ԽՍՀ-ում կազմակերպված ջարդերի զոհերի հիշատակի օրվա առթիվ

Իրանցի վարորդները բեռնատարները կդատարկեն «Ագարակ տերմինալ»-ի պահեստում՝ չխորանալով ՀՀ-ի տարածքի մեջ. ՊԵԿ

ՀՀ տարածքում կան փակ և դժվարանցանելի ճանապարհներ. ռուսական կողմում կուտակված 400 բեռնատար կա

Դավթաշեն 2-րդ թաղամասում էլեկտրական սյունն ընկել էր ճանապարհի երթևեկելի գոտի

Հրդեհ Հովտաշեն գյուղում. այրվել է մոտ 300 հակ անասնակեր

Վրաստանում կորոնավիրուսի առաջին դեպքը, «դատարկված» սուպերմարկետներն ու դեղատները

Վիրուսին ձեռ չի տալիս, որ սպանի իր տիրոջը, իրեն ձեռք է տալիս, որ ապրի այդ օրգանիզմում. բժիշկը՝ կորոնավիրուսի մասին

Տավուշի մարզպետարանը եւ Teach For Armenia կրթական հիմնադրամը համագործակցության հուշագիր են ստորագրել

ՀՀ հպարտ քաղաքացու անձնագիր. Նիկոլ Փաշինյանը հրապարակել է «Այո» քարոզչության բուկլետը

Արտաշատի ԲԿ-ում ավելի քան 500 աշխատակիցների աշխատավարձը բարձրացվել է

Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում ձնահոսքի բարձր ռիսկ կա

Գյումրիում կատարված դանակահարությունը բացահայտվել է. 46-ամյա տղամարդուն դանակահարել է 39-ամյա եղբայրը

Արագածոտնի մարզպետը 7 ընտանիքի բնակարանի գնման վկայագրեր է հանձնել

Եվրամիությունն ընդլայնում է Թուրքիայի դեմ պատժամիջոցները

Գյումրի է վերադարձել հետախուզման մեջ գտնվող Վերա Ա.-ն. նա մեղադրվում է ՀՀ ՔՕ 119-րդ (Խոշտանգումը) և 133-րդ հոդվածներով

Սումգայիթի ջարդերի 32-րդ տարելիցն է. ստահոդ քարոզչությունը տարածվում է ռուսական կայքերով

ՃՈ ուժեղացված ծառայություն Երևանում․ պահպանվող հատուկ տարածք է տեղափոխվել 11 մեքենա (տեսանյութ)

Օղակաձեւ զբոսայգում այս տարվա կեսերին հանրային սքեյթ-պարկ կունենանք. Հակոբ Կարապետյան

Երևանի բնակչին մեղադրանք է առաջադրվել՝ փաստաթղթեր կեղծելու և առանձնապես խոշոր չափերով խարդախություն կատարելու համար. ՔԿ