«Արարատը» խաբեց ֆուտբոլիստներին. ղեկավարությունը հարկերից խուսափելու մեխանիզմ ունի

28/10/2016 schedule12:29

«Արարատ» ֆուտբոլային ակումբին հաջողվեց թիմի 2 ֆուտբոլիստին չվճարել նրանց հասանելիք աշխատավարձը: Մեր տեղեկություններով՝ ակումբի ղեկավարությունը, ի դեմս գործադիր տնօրեն Արթուր Մինասյանի, Ումարու Կաինային եւ Կիրիան Նվաբուեզեին համոզել է 6000 ԱՄՆ դոլարի փոխարեն վերցնել 3000 դոլար ու հեռանալ:

Պայմանագիր կնքելիս ակումբի ղեկավարությունը կամերունցի Կաինային եւ ամերիկացի Նվաբուեզեին խոստացել է վճարել ամսական 1500 դոլար, սակայն նրանք 4 ամիս է, ինչ աշխատավարձ չեն ստանում: 2016-2017 մրցաշրջանի սկզբում՝ այն բանից հետո, երբ թիմը գլխավորել է լեգենդար Արկադի Անդրեասյանը, նրանց ու մի քանի այլ ֆուտբոլիստների պարտադրել է համաձայնվել խաղալ 600 դոլարով եւ ասել, որ ովքեր դեմ են, կարող են հեռանալ:

Կաինան ու Նվաբուեզեն որոշել են հեռանալ, իսկ ակումբի ղեկավարությունը՝ օգտվել ստեղծված իրավիճակից եւ չվճարել նրանց հասանելիք գումարը: Բանն այն է, որ այս իրավիճակում Կաինային ու Նվաբուեզեին այլ բան չէր էլ մնում անել, քան ընդունել «Արարատի» ղեկավարության առաջարկը՝ վերցնել գումարի կեսը, քանի որ ակումբի ղեկավարությունը խարդախության մեխանիզմ ունի: Ֆուտբոլիստների հետ պայմանագիր կնքելիս ղեկավարները համոզում են, որ ավելի ճիշտ կլինի պայմանագրում գրել քիչ գումար, Հայաստանի Հանրապետությանը քիչ հարկեր վճարելու համար, իսկ բանավոր խաղացողների հետ պայմանավորվում է վճարել ավելի շատ: Մասնավորապես, Կաինայի ու Նվաբուեզեի դեպքում նրանց պայմանագրում նշված է 160 դոլարի համարժեք դրամ, իսկ բանավոր պայմանավորվել են, որ նրանք կստանան 1500-ական դոլար:

Հաշվի առնելով ստեղծված պայմանները՝ այս 2 ֆուտբոլիստը երկար չէին կարող մնալ Հայաստանում: Նրանք ուշ թե շուտ պետք է ընդունեին ակումբի ղեկավարության ցանկացած առաջարկ, քանի որ նրանց աշխատավարձ չեն վճարում, նրանք չունեն իրենց բնակարանը, Արկադի Անդրեասյանը, խախտելով ՖԻՖԱ-ի օրենքները, թույլ չի տալիս մարզվել թիմի հետ, նա նաեւ թույլ չի տալիս նրանց սնվել ակումբի սեփականատերերին պատկանող «Արարատ Հոլ» ռեստորանում:

Լուսանկարում ձախից՝ Ումարու Կաինա, Կիրիան Նվաբուեզե

Նմանատիպ իրավիճակում են նաեւ մի քանի այլ ֆուտբոլիստներ: Նույն պատճառով՝ Անդրեասյանի առաջարկած ցածր աշխատավարձը մերժելու պատճառով, նրա կողմից թիմից հեռացվել են նաեւ պաշտպաններ Սուլեյման Կոնեն (Կոտ դ’Իվուար), Նորայր Գրիգորյանը, Գորիկ Խաչատրյանը, Վահե Մարտիրոսյանը եւ հարձակվող Գեւորգ Նռանյանը:

Ավելի վաղ, armtimes.com-ի հետ զրույցում Արթուր Մինասյանը վստահեցրել էր, որ իրենք չեն նեղացնի իրենց ֆուտբոլիստներին:

Մեր տեղեկություններով՝ ակումբում այս իրավիճակը ստեղծվել է այն բանից հետո, երբ թիմը գլխավորել է Արկադի Անդրեասյանը: Մինչեւ այդ աշխատավարձի հետ կապված նման խնդիրներ ֆուտբոլիստները չեն ունեցել:

Տպել
1881 դիտում

Ոստիկանին սպանելու մեջ կասկածվող անչափահասը հակասոցիալական վարքով երեխաների դպրոցի սան է. նա 10 օր է՝ դասի չէր գնում

Ձորաղբյուրում երեկվանից այրվող տան հրդեհը այսօր դեռ չի մարվել. բնակչի կրած վնասը անցնում է 7 մլն դրամը (լուսանկարներ)

Պուտինի հրավերով Թուրքիայի նախագահը կմեկնի Ռուսաստանի Դաշնություն

Սեռական բնույթի ձայնագրություններ չհրապարակելու, արատավոր տեղեկություններ չտարածելու համար գումարներ է գանձել

Կապանում սողանքից փլուզված տան փլատակների տակից եւս մեկ դի է դուրս բերվել

Մայր Աթոռի և Ճապոնիայի դեսպանատան միջև ձևավորվել է սերտ գործակցություն. հանդիպում Գարեգին Բ-ի հետ

Հայբիզնեսբանկի 24/7 ռեժիմով գործող Հեռախոսազանգերի կենտրոնն ունի նաև Viber և WhatsApp հավելվածներ

Ես զինվորական եմ, ո՞նց կարող եմ համաձայնել կամ չհամաձայնել գալ նիստերին․ Արշակ Կարապետյանն ԱԺ քննիչ հանձնաժողովում է

ԱԱԾ են կանչվել Սահմանադրական դատարանի նախագահ Հրայր Թովմասյանի 75-ամյա հայրը և երկու դուստրերը

Ծառայողական պարտականությունները կատարելու ընթացքում զոհված ոստիկանը պարգևատրվել է Արիության մեդալով

Խախտումներ հայտնաբերվել են Արտաշատում ստուգված բոլոր դպրոցներում. ՍԱՊԾ

Հարկային համակարգի բարեփոխումների երկարաժամկետ հանգրվանը պետք է լինի ՊԵԿ-ի՝ որպես կառույց վերացումը. Մ. Առաքելյան

Վանաձորում խողովակներով բարձված КамАЗ է վթարի ենթարկվել (լուսանկարներ)

Կապանում փլուզված երկհարկանի տան փլատակների տակից 69-ամյա կնոջ դի է դուրս բերվել

Պարոն Էրդողան, հիմար մի՛ եղեք. հրապարակվել է Թրամփի նամակը Էրդողանին (լուսանկար)

Արծվանիկի պոչամբարում տեղի ունեցած վթարը վերացվել է. Տեսչական մարմին

ՊՆ մարդու իրավունքների եւ բարեվարքության կենտրոնի պետը հանդիպել է կին զինծառայողների հետ

Լեգենդար դարպասապահ Իկեր Կասիլյասը սրտի կաթվածից հետո կրկին մարզվում է

«Նուբարաշեն» եւ «Արմավիր» ՔԿՀ-ներում ներդրված փորձնական սննդի ծրագրից օգտվող կալանավորները մեծ թիվ են կազմում. նախարար

Ինչքան հրավիրյալների թոփ տասնյակին մոտենանք, այնքան վախերը դեպի հարգարժան գեներալներ շատ են ուղղվելու․ Անդրանիկ Քոչարյան