Բաժնի պետերը սկսել են լքել Գյումրու քաղաքապետարանը. մեկ բաժին էլ փակվելու է

Armtimes.com-ին հայտնի դարձավ, որ Գյումրու քաղաքապետ Սամվել Բալասանյանի թիմում չեն շարունակի աշխատել Գյումրու քաղաքապետարանի աշխատակազմի համատիրությունների մոնիտորինգի ու մշակույթի եւ երիտասարդության հարցերի բաժնի պետերը:

Համատիրությունների մոնիտորինգի բաժնի պետ Շիրակ Շահնազարյանը Գյումրու քաղաքապետարանում սկսել է աշխատել 2012 թվականից, երբ քաղաքապետի պաշտոնը ստանձնեց Սամվել Բալասանյանը:

Քաղաքապետարանի աշխատակազմի քարտուղար Ռոբերտ Ասատրյանը եւս չհերքեց, որ Շիրակ Շահնազարյանը չի շարունակելու աշխատել Գյումրու քաղաքապետարանում:

«Նա ազատվել է իր դիմումի համաձայն, երեւի ցանկանում է իր սեփական բիզնեսով զբաղվել: Նրան փոխարինում է բաժնի գլխավոր մասնագետ Շողիկ Անտոնյանը»,- ասաց Ռոբերտ Ասատրյանը եւ միանգամից հերքեց այն լուրը, որ Արտուշ Մկրտչյանը եւս ազատվելու է:

Մշակույթի եւ երիտասարդության հարցերի բաժնի պետ Արտուշ Մկրտչյանը 2014 թվականից է աշխատում այս պաշտոնում: Նա փոխարինել էր Արտաշես Կարապետյանին: Վերջինիս աշխատանքի ազատման պատճառը եղել էր այն, որ Արտաշես Կարապետյանը գովել էր Վարդան Ղուկասյանին, ինչն անչափ զայրացրել էր Սամվել Բալասանյանին:

Գյումրու քաղաքապետարանի մեր աղբյուրների փոխանցած տեղեկությունների համաձայն, այս երկու բաժինը չկա օպտիմալացման ցուցակում: Սամվել Բալասանյանը պարզապես չի ցանկանում նրանց հետ աշխատել:

Պարզաբանումներ ստանալու նպատակով զանգահարեցինք նշյալ երկու բաժնի պետերին: Նրանց աշխատանքային եւ բջջային հեռախոսահամարները այդպես էլ չպատասխանեցին:

Անդրադառնալով կրճատվող հաստիքներին, նշենք, որ դեռ նոյեմբերի 10-ի՝ Գյումրու ավագանու հերթական նիստով ընդունվեց մի նախագիծ, որի համաձայն օպտիմալացվելու է քաղաքապետարանի աշխատակազմը: Սակայն այդպես էլ պարզ չդարձավ, թե ովքեր են 38 կրճատվող աշխատակիցները:

Ռոբերտ Ասատրյանը հստակ նշեց, որ փակվելու է վերահսկողության բաժինը: Այն միանալու է ներքին աուդիտի բաժնին:

«Մենք դեռ չենք որոշել, թե ովքեր են այդ 17 համայնքային եւ մնացած տեխնիկական աշխատողները, որ ազատվելու են»,- պարզաբանեց աշխատակազմի ղեկավարը եւ ավելացրեց՝ նոր աշխատողներ եւս ընդունվելու են քաղաքապետարան:

Ավագանու չորս խմբակցության՝ «Բալասանյան» դաշինքի, ԳԱԼԱ, «Բարգավաճ Հայաստան» եւ «Հայկական Վերածնունդ» կուսակցությունների համար, աշխատանքի կընդունվի 8 գործավար: Նրանց աշխատավարձի դրույքաչափը դեռ պարզ չէ:

Ավելի վաղ armtimes.com-ը տեղեկացրել էր, որ Գյումրու քաղաքապետարանում տեղի ունեցող մասսայական կրճատումների պատճառը 2016 թվականի ՏԻՄ ընտրություններն են: Որոշ բաժնի պետեր եւ աշխատակիցներ Սամվել Բալասանյանին սատարելու փոխարեն՝ ձայներ էին հավաքել «Հայկական Վերածնունդ» կուսակցության համար:

Տպել
1812 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը