Գեներալիտետի ճոխ կյանքը հիշելու ժամանակացույց. հաջորդ փուլը` հաջորդ պատերազմին

Զոհված կամ հաշմանդամ դարձած զինծառայողների ընտանիքների հատուցման մասին օրենքի նախագծի քննարկումն ապրիլյան պատերազմից հետո երկրորդն էր, որի ժամանակ խորհրդարանում բարձրացվեց զինված ուժերում կոռուպցիայի խնդիրը:

Պատերազմի օրերին քառօրյա նիստեր էին: Այն ժամանակ էլ հանրային դժգոհության մեծ ալիք էր բարձրացել՝ կապված այն բանի հետ, որ որոշ գեներալներ բանակի փողերը թալանելով՝ թանկարժեք մեքենաներ են վարում, ապարանքներում են ապրում, մինչդեռ մեր զինվորները սահմանին 80-ականների զենքով են կանգնած, անհրաժեշտ քանակությամբ փամփուշտ չունեն, կապի միջոց չունեն եւ այլն:

Այն ժամանակ էլ ֆեյսբուքում ակտիվ երիտասարդները տարածում էին մի քանի գեներալների ջիպերի, ՀՀ պետական բարձրաստիճան պաշտոնյաների դղյակների կոնտրաստային նկարները համեստ հանդերձանքով զինվորների ֆոնին: Այս տրամադրությունները փոխանցվեցին խորհրդարան, պատգամավորները բոցաշունչ ելույթներ ունեցան արդարության վերականգնման եւ այդ օրերին մեկ մարդու պես ռազմաճակատ շտապող ժողովրդին արժանին մատուցելու մասին:

Եվ ինչ եղավ այս ամենի արդյունքում: Արդյունքում ՊՆ չորս վարչությունների պետեր պաշտոնանկ արվեցին, քրեական գործ հարուցվեց, որից մինչեւ հիմա լուր չկա, հզոր շքերթ եղավ, Հանրապետության հրապարակով «Իսկանդերն» անցավ, ՊՆ նոր նախարար նշանակվեց եւ առաջ քաշեց ազգ-բանակ գաղափարախոսությունը: Տարբեր հեղինակավոր աղբյուրներից-անձանցից ստացվող տեղեկությունների համաձայն՝ նաեւ առաջնագծում լայնածավալ ինժեներատեխնիկական աշխատանքներ կատարվեցին եւ լուծվեց զինվորների պատշաճ հանդերձավորման խնդիրը:

Միեւնույն ժամանակ` բոլորը մոռացան բանակը թալանող գեներալներին, բյուջեն թալանող պաշտոնյաներին, նրանց մեքենաներն ու դղյակները եւ անցան իրենց սովորական առօրյա կյանքին: Տպավորություն ստեղծվեց, որ պատերազմից հետո կատարված վերոնշյալ քայլերը բավարարել են մարդկանց:

Յոթ ամիս անց, սակայն պարզվեց, որ այդ տպավորությունը խաբուսիկ է: Անցյալ շաբաթ պաշտպանության նախարարը կառավարությանը ներկայացրեց զոհված կամ հաշմանդամ դարձած զինծառայողների փոխհատուցման օրենքի նախագիծը, որով յուրաքանչյուր աշխատողից պետք է գանձվի 1000 դրամ:

Բոլորը կրկին հիշեցին բանակը թալանող գեներալներին, նրանց մեքենաներն ու դղյակները: Ֆեյսբուքում հայտնվեցին ջիպերի կոնտրաստային նկարներ` 1000 դրամանոց թղթադրամների ֆոնին: Հանրային մեծ դժգոհություն առաջացավ, որն էլ այս օրերին տեղափոխվեց խորհրդարան: Եվ կրկին որոշ պատգամավորներ բոցաշունչ ելույթներ ունեցան արդարությունը վերականգնելու, ժողովրդին չթալանելու եւ նրա հետ արժանի վարվելու մասին:

Այսօր օրինագիծը կընդունվի: Գուցե մինչեւ այս շաբաթվա վերջ գեներալների մեքենաները դեռ հիշողներ լինեն, բայց հաջորդ շաբաթվանից ամեն ինչ կմոռացվի ու բոլորը կանցնեն իրենց առօրյա գործերին: Առաջիկայում բարդ ժամանակներ են, չի բացառվում, որ պատերազմական գործողությունները կրկնվեն: Եվ եթե նման բան լինի, մենք արդեն երրորդ փուլով կտեսնենք բանակը թալանած գեներալների տների ու մեքենաների նկարները ու կլսենք պատգամավորների ելույթները, որ չի կարելի ծաղրել ժողովրդին:

ԱԺ նիստերի դահլիճում այս օրենքի նախագծի քննարկման ժամանակ պայքար էր ընթանում նախագահությունում նստածների եւ ոչ իշխանական պատգամավորների միջեւ: Նախագահությունն ասում էր՝ թալանողների անուններն ասեք, փաստերը ներկայացրեք, օդում մեղադրանքներ մի հնչեցրեք: Ոչ իշխանականներն ասում էին` ո՞վ չգիտի թալանչիներին, հատ-հատ բոլորին գիտենք, անուն առ անուն, հասցե առ հասցե:

Մեկն առաջարկում էր դահլիճից ուղիղ գնալ գեներալների տները: Մյուսն ասում էր անորսալի Ջո մի դարձրեք, բոլորս էլ գիտենք նրանց, գնացեք Վահագնի թաղամաս: Երրորդ ասում էր, ինչու եք ժողովրդին գործ տվող սարքում, ինքներդ հայտնաբերեք թալանչիներին: Չորրորդն էլ ասում էր` նույնիսկ դատախազությունը ռիսկ չի անում անուններ տալ, ինքը ոնց տա եւ, ընդհանրապես, հորդորում էր հանգիստ թողնել բանակը թալանողներին, որովհետեւ Աստված նրանց կպատժի: Եվ ոչ մի կոնկրետություն: Այս պայքարն այդպես էլ մնաց տղայական «ձեռքերս բռնեք, թե չէ հեսա կխփեմ» ձեւաչափում:

Ցավոք, խորհրդարանից դուրս էլ որեւէ այլ պրոցես չսկսվեց: ԱԺ-ի մոտ բողոքի ակցիա կազմակերպած իրավապաշտպան Արթուր Սաքունցը հայտարարեց, որ եթե օրինագիծն ընդունվի, իրենք թալանչիների ցուցակ են կազմելու եւ ներկայացնեն դատախազություն: Զարմանալի է, որ նման ցուցակ մինչեւ հիմա չի կազմվել: Պարզ է, որ հավանականությունը փոքր է, որ դատախազությունն ընթացք կտա այդ ցուցակին:

Նաեւ ռեալ չէ, որ ոչ իշխանական պատգամավորները երբեւէ թալանչի պետական պաշտոնյաների կամ գեներալների անուններ կհնչեցնեն: Այն պարզ պատճառով, որ նրանք այդ նույն պաշտոնյաներին կամ գեներալներին տարբեր ժամանակներում հազարումի անձնական հարցով դիմած կլինեն` եղբոր որդուն բանակում լավ տեղ գցելուց սկսած, աղջկա փոքրիկ բիզնեսին աջակցելով վերջացրած:

Հենց սրանում է անորսալի Ջոյի գաղտնիքը. 131 պատգամավորի մեջ քանի՞ հոգի կա, որ կարող է ինչ-որ մարդկանց անուն հնչեցնել, թալանչիներին պատասխանատվության կանչել: Ելույթ ունենալու հարցում` լալահառաչ, թե՝ խրոխտ, իհարկե, բոլորն են լավ:

Եվ հարց է առաջանում, ովքե՞ր եւ ինչպե՞ս պետք է ճեղքեն վերոնշյալ փակ շղթան: Կամ արդյոք պե՞տք է ճեղքել, թե պետք է սպասել հաջորդ առիթին եւ հերթական մեծ աղմուկը բարձրացնել:       

«Հայկական Ժամանակ»-ը Telegram-ում
Տպել
21365 դիտում

Պայմանավորվածություն է ձեռք բերվել տեսակապի միջոցով սպասարկել սահմանափակ կարողություններ ունեցող անձանց

Հայաստանը բարձր է գնահատում Թուրքմենստանի հետ հաստատված քաղաքական երկխոսությունը. նախագահին հրավեր է փոխանցվել

5 տարի ժամկետով ազատազրկում՝ դանակի գործադրմամբ անչափահասի առողջությանը ծանր վնաս պատճառելու համար

Սերժի «Պատիվ ունեմ»-ի շտաբի պետերից մեկը ընտրակաշառք է բաժանել, բռնվել և դատվել. Վահագն Մկրտչյանը՝ Գրիգորյանին

Հայտնի է վարչապետ Նիկոլ Փաշինյանի՝ թուրքական լրատվամիջոցներին տված հարցազրույցի եթեր հեռարձակման ժամը

Խաղաղության համաձայնագիրը պատրաստ է ստորագրման. ԱԳՆ

Նարեկ Մկրտչյանը ելույթ է ունեցել ՄԱԿ-ի կանանց կարգավիճակի հանձնաժողովի 69-րդ նստաշրջանի ընթացքում

Տեղաշարժման դժվարություններ ունեցող ընտրողները կարող են փոխել իրենց քվեարկության վայրը. ԿԸՀ

Քննարկվել է Հայաստան-Ղազախստան ուղիղ չվերթերի վերականգնման հնարավորությունը

Տներից մեկի հողամասում հրդեհը մարելուց հետո հրշեջները մոխրացած դի են հայտնաբերել

Մահացել է ԳԱԱ ակադեմիկոս, պրոֆեսոր Ալբերտ Ղուլյանը

Ռուբեն Վարդանյանը դադարեցնում է հացադուլը

Անկում տարադրամի շուկայում. ինչ փոփոխություններ են արձանագրվել մարտի 13-ին

Կայացել է թուրքական 10 լրատվամիջոցի ներկայացուցիչների մասնակցությամբ մեդիատուրը. ինչ հանդիպումներ են եղել

Հայաստան-Վրաստան խաղի տոմսերը սպառված են

Թաթերը՝ վնասված, ատամները՝ կոտրված. կարմիրգրքյան գորշ արջին պահել են ավտոմեքենաների վերանորոգման կետում

Եվրախորհրդարանն ընդունեց Բաքվում պահվող հայ գերիների վերաբերյալ հրատապ բանաձևը՝ պահանջելով անհապաղ արձակում

Միֆ է, թե հրազենով հանցագործությունները հիմնականում անօրինական զենքերով են կատարվում. Սարգսյան

Կոնվերս Բանկը կրկին լավագույնն է ճանաչվել առևտրի ֆինանսավորման ոլորտում

Զախարովան Կուրսկում և Բելգորոդում զոհված և վիրավորված երեխաների թվերը հայտնելիս հուզվել է. տեսանյութ

Երբ մարդն անհրաժեշտություն է ունենալու վիրահատության, հետազոտության, փաթեթը բազային կարիքը հոգալու է. նախարար

Բացառվում է որևէ հրահանգ, ուղղորդում բուժաշխատողներին, դրա կարիքը չկա. Ավանեսյան

Ալիևը համոզված է՝ Հայաստանում ԵՄ դիտորդական առաքելությունը հետախուզական է

Հաջիևը կրկնել է ՀՀ Սահմանադրությունը փոխելու մասին ծեծված թեզը

Ինչպիսի եղանակ է սպասվում հանրապետությունում

Գյումրեցիները կատակում են՝ «Լեննական «Պեպսի»-ն որ բացում ես, պռոպկի տակ Քոչարյանի նկարն է». Հարությունյան

Ալիևի օգնականն անդրադարձել է Բաքվում պահվող հայերի դատավարություններին

Բնակարանային գողության համար հետախուզվողը հայտնաբերվել է նոր գողության ժամանակ

Հարավային Կովկասում պետք է խաղաղություն հաստատվի. Ալիև

Եկամուտների հայտարարագրման համակարգի կիրառությունը չեղարկելու լուրը չի համապատասխանում իրականությանը

Այդքան երիտասարդների կյանքի կորստի հեռանկարը սարսափելի է, անկախ նրանից՝ ուկրաինացի են, թե ռուս. Մայքլ Մարտին

Ձեր աչքը չի՞ ծակում, թե ոնց կարող է ՀՀ-ում 100 դրամով հող վաճառվել, արգելեք, պարզ է. վարչապետ

Գազը չի կարող կարևոր լինել մարդու իրավունքներից. ԵԽ-ում քննարկվել է Բաքվում պահվող հայերի մասին բանաձևը

Ընդդիմադիրներին պետք է՝ մարդիկ մնան ցեխի մեջ, որ «երկնային» գրավիլը, բրինձը թափվի․ վարչապետ

Տեղեր կան՝ կարկուտ է գալիս, հատուկ ինչ-որ բան են ցանում այդտեղ, որ ապահովագրություն ստանան. Փաշինյան

Ոստիկանները վնասազերծել են նռնակներով սպառնացող երիտասարդին. տեսանյութ

Կառավարությունը մերժեց հայտարարագրման համակարգի չեղարկման՝ ընդդիմության առաջարկը

Ես չեմ կարող ամեն օր զանգել, ասել՝ որ հանձնարարեցի, արվո՞ւմ է, թե՞ չէ. վարչապետ

Թրամփը Սպիտակ տանը մեղադրել է Իռլանդիայի վարչապետին ու ԵՄ-ին ԱՄՆ-ին «տարիներով օգտագործելու» համար

Իրական Հայաստանի գաղափարախոսության նախագծի քննարկում. լուսանկարներ