Ինչու են ՀՀԿ-ականները ձեռնունայն մնում Կարեն Կարապետյանի գալուց հետո

Վարչապետ Կարեն Կարապետյանը նախօրեին լրատվամիջոցների ղեկավարների հետ հանդիպման ժամանակ մի քանի հետաքրքիր հայտարարություններ է արել, որոնք ուղղակի, թե անուղղակի կերպով վերաբերում են իշխանություններին ու հատկապես Հանրապետական կուսակցությանը:

Պատասխանելով այն դիտարկմանը, որ նախարարների կամ այլ պաշտոնների է նշանակել «Գազպրոմ-Արմենիա» ընկերության իր նախկին գործընկերներին կամ ընդհանրապես իր ընկերներին՝ նա հայտարարել է, որ թիմ ընտրելու ժամանակ որոշակի խնդիր է ունեցել: «Թիմն ընտրելիս, ես ընտրում եմ այնպիսի մարդկանց, որոնք ինձ հետ ճանապարհ են անցել: Թիմն ընտրելիս՝ ես շատ խնդիրներ եմ ունեցել, կան մարդիկ, որոնց որոշակի ավանսով եմ նշանակել, որովհետեւ այդ պահին ավելի լավ թեկնածու չեմ ունեցել: Ցավոք սրտի, պետք է ֆիքսենք, որ մեր կադրերի պահեստային հարթակը այնքան էլ մեծ չէ»,- ասել է Կարապետյանը:

Վարչապետի այս հայտարարությունն ուշագրավ է այնքանով, որ Հանրապետական կուսակցությունը, որին վերջերս անդամակցեց նաեւ ինքը, ըստ ՀՀԿ ղեկավար կազմի ներկայացուցիչների, ունի 150-160 հազար անդամ: Եվ ՀՀԿ ներկայացուցիչները բազմիցս են հպարտանում, որ ցանկացած ոլորտի համար իրենք ունեն կադրեր, ու ընդհանրապես կադրային խնդիր չունեն: Մինչդեռ Կարեն Կարապետյանը լրագրողներին է ասում՝ «եթե ունեք լավ կադրեր, որոնց տեսնում եք ու կարող են որոշակի ոլորտներ կառավարել, միայն շնորհակալ կլինեմ, որ ինձ այդ տվյալները տաք»: Այս եւ ՀՀԿ-ին վերաբերող վարչապետի մի քանի հայտարարությունների շուրջ զրուցեցինք Հանրապետական խմբակցության ղեկավար Վահրամ Բաղդասարյանի հետ:

- Պարոն Բաղդասարյան, փաստորեն ՀՀԿ-ն որակյալ կադրերի խնդիր ունի, դրա համար էլ Կարեն Կարապետյանը «Գազպրոմ-Արմենիայից», իր ընկերների շրջանակներից է մարդիկ բերում ու պաշտոնների նշանակում:

- Դուք նորից ցանկանում եք մի փոքր աղավաղել վարչապետի ասածները: ՀՀԿ-ում շատ վստահելի կադրեր կան, բայց նրանք վարչապետի հետ միասնական աշխատանք չեն ունեցել: Իսկ վստահելու համար նաեւ միասնական աշխատանք է անհրաժեշտ, միասին անցած ճանապարհ: Բնականաբար, սկզբնական վարչապետին վստահվել է, ինքն էլ իր գործողությունները պետք է ուսումնասիրած կադրերին վստահի: Իսկ ընդհանրապես թե նախարարների, թե այլ պոստերում ճնշող մեծամասնությունը հանրապետականներ են: Մյուս կողմից էլ՝ ո՞վ է ասել, որ պետք է միայն հանրապետական լինեն, որ կառավարության ծրագրերն իրականացնեն:

- Բայց չէ՞ որ ձեր երիտասարդ կուսակցականները, պատգամավորները տարիներ շարունակ պայքարում են ՀՀԿ-ի հաջողության համար եւ զուգահեռաբար հույսեր փայփայում, որ մի օր էլ իրենք գործադիրում պաշտոններ, նախարարական պորտֆելներ կստանան: Մինչդեռ Կարապետյանն իր թիմակիցներին է բերում, եւ ձեր կուսակցականները ձեռնունայն են մնում:

- Եթե դուք ուշադիր հետեւեք, կուսակցությունից բավականին շատ երիտասարդներ այսօր ընդգրկվել են տարբեր օղակներում աշխատելու: Եվ եթե համեմատության դաշտում վերցնեք, տոկոսային հարաբերությամբ նույնիսկ անհամեմատելի է կուսակցականի եւ անկուսակցականի քանակը: Իսկ մենք որեւէ նման չափորոշիչ չենք դրել, որ պետք է լինի միայն ՀՀԿ անդամ, սա, բնականաբար, թիմի գաղափարն է: Բայց պետք է լինի թիմի անդամ: Եթե կան ցանկացողներ, որոնք համապատասխան հնարավորություններ ու ունակություններ են ունենում, պարտադիր չէ, որ նա լինի ՀՀԿ անդամ: Եվ վարչապետն իր ընտրությունները կատարում է այդ սկզբունքով:

- Այնուամենայնիվ, դուք էլ կադրերի խնդիր ունեցաք, որ վարչապետի պաշտոնում ոչ թե ձեր կուսակցության որեւէ անդամի, այլ Կարեն Կարապետյանին նշանակեցիք, որը հետո անդամագրվեց ձեր կուսակցությանը:

- Իսկ ով է ասել, որ Կարեն Կարապետյանը մեզանից օտարված մարդ է եղել, ժամանակին մեր կողմից նրան վստահվել է Երեւանի քաղաքապետի պաշտոնը: Ինչ պարտադիր էր, որ վարչապետը լիներ մեր կուսակցության անդամը: Ժամանակին անկուսակցական է եղել նաեւ Ռոբերտ Քոչարյանը, անկուսակցական այլ վարչապետներ էլ ենք ունեցել: Կուսակցական պատկանելությունը դոգմա չէ:

- Կարեն Կարապետյանը նաեւ համաձայնեց այն դիտարկման հետ, որ ՀՀԿ մտնելով՝ իր վարկանիշն ընկել է:

- Եթե նա անկուսակցական է լինում, այլ քաղաքական ուժերը նրա հետ ավելի մեծ հույսեր են կապում: Բայց եթե մեկը անդամակցում է որեւէ կուսակցության, հնարավոր է նրա նկատմամբ, օրինակ, այլ կուսակցության անդամների մոտ թերահավատություն առաջանա, քանի որ վարչապետը տվյալ դեպքում պետք է նաեւ կուսակցական գործունեություն իրականացնի: Մեր իրականության մեջ անկուսակցականը կարող է ինչ-որ չափով ավելի մեծ վստահություն ունենա:

- Gallup-ն էլ հայտարարեց, թե սոցհարցումներով նա ավելի բարձր վարկանիշ ունի, քան Սերժ Սարգսյանը:

- Ժողովուրդը միշտ էլ նոր մարդու կարիք ունի, եւ նոր մարդու նկատմամբ միշտ էլ ավելի մեծ վստահություն է լինում: Մենք շատ ուրախ կլինենք, որ հանրության մոտ ապագայի նկատմամբ ձեւավորված վստահությունը պահպանվի: Իսկ դա կարող է պահպանվել աշխատանքի արդյունքում:

- Ի դեպ, «Դաշնակցություն» խմբակցության ղեկավար Արմեն Ռուստամյանն էլ ամիսներ առաջ հայտարարեց, թե «մենք տեսնում ենք, որ իշխանությունները հեղինակազրկված են, ո՞ւմ հայտնի չէ, մենք մտնում ենք կոալիցիա, որ իշխանության որակը փոխվի»:

- Այդ դեպքում ինչու էին մտնում, անձնազոհությա՞ն էին գնում մեզ համար, որ գան մեզ ուժեղացնե՞ն: Եթե ընդդիմադիր դաշտում են լինում, իշխանական դաշտ գնալու ժամանակ բնականաբար բոլորը վարկանիշի որոշակի անկում են ունենում այն առումով, որ իշխանական ձայները բուն իշխանությանն են, բայց իրենք կորցնում են ընդդիմադիր ձայները: Նույն կերպ այսօր եթե ՀՀԿ-ն ընդդիմություն դառնա, անկում կունենա, քանի որ կկորցնի իշխանական ձայները: Այսինքն ընդդիմությունից իշխանություն կամ հակառակը գնալը միշտ անկման է բերում:

- Կարապետյանը նաեւ հայտարարեց, որ եթե իր կառավարությունը, թիմը էֆեկտիվ աշխատի, եւ եթե պահանջված լինի, 2018-ից հետո էլ իրեն վարչապետի պաշտոնում է տեսնում: Փաստորեն նա լինելու է նաեւ խորհրդարանական կառավարման համակարգի վարչապետի կամ երկրի ղեկավարի ձեր թեկնածո՞ւն:

- Սկզբում ողջ մամուլը գրում էր, թե նա ընդամենը երկու-երեք ամսով է նշանակվել: Այն հայտարարությունը, որ ՀՀ նախագահը բարձրացրեց համագումարի ժամանակ, այդ բոլոր հարցերի պատասխանն էր: Այսինքն, եթե ժողովուրդն իր քվեն կտա ՀՀԿ-ին, 2017թ. մեր վարչապետը կլինի Կ. Կարապետյանը: Իսկ մեկ-երկու տարվա համար մենք կանխորոշենք, թե ով կլինի մեր վարչապետի թեկնածուն, բնականաբար, եթե այս կառավարությունն իր առաջ դրված խնդիրները լուծի, պետք է շարունակի իր աշխատանքը:

Տպել
2698 դիտում

Իրանի հետ հաղորդակցությունը 2 շաբաթով դադարեցվում է. արգելվում է նաեւ Մեղրիով մուտքը Հայաստան. վարչապետ

Թուրքիան ու Աֆղանստանը փակել են Իրանի հետ սահմանը՝ կորոնավիրուսի ներթափանցումը կանխելու նպատակով

Կոտայքի մարզի Մեղրաձոր գյուղում 18-ամյա ուսանողը դանակահարել է իր հասակակցին

Գարուն Երեւան. վարչապետը նոր լուսանկար է հրապարակել

ԵԽԽՎ համազեկուցողներն անհանգստություն են հայտնել Ադրբեջանում խաղաղ բողոքի ակցիաների ցրման առնչությամբ

Հրդեհ Տաշիր քաղաքում. այրվել է կուտակված անասնակեր

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր

Հրդեհ Խաշթառակ գյուղում. այրվել է մոտ 5000 քմ բուսածածկույթ

Իրանում ՀՀ դեսպանատունը ժամանակավորապես դադարեցնում է հյուպատոսական բաժնի աշխատանքը