Մեր տարածքը կորցնե՞նք, ինչի՞ դիմաց. ԼՂՀ-ն դժգոհ է Լավրովի, Քերիի, Էյրոնի հայտարարությունից

09/12/2016 schedule14:50

Համբուրգում կայացած ԵԱՀԿ արտգործնախարարների հանդիպման եւ ԼՂ հակամարտության վերաբերյալ Մինկի խմբի համանախագահող երկրների ներկայացուցիչների հայտարարության մասին Armtimes.com-ը զրուցել է ԼՂՀ նախագահի մամուլի խոսնակ Դավիթ Բաբայանի հետ.

- Պարոն Բաբայան, ինչո՞ւ Համբուրգում չկայացավ Նալբանդյան-Մամեդարյով հանդիպումը, հայկական կո՞ղմն է հրաժարվել հանդիպումից:

- Հայկական կողմը երբեւիցե չի հրաժարվել որեւէ կառուցողական երկխոսությունից, եթե այդ հանդիպումը տեղի չի ունեցել, արտառոց դեպք չէ: Ընդհանրապես, ԼՂ հակամարտության կարգավորման վերաբերյալ հանդիպումները նախօրոք են ծրագրվում, եւ դրա մասին հայտարարվում է եւ ունենում է առարկայական քննարկումների տեսք: Համբուրգյան հանդիպումն արտգործնախարարների հանդիպում էր, ուրիշ ենթատեքստ ունի: Ադրբեջանի պահվածքը տանում է նրան, որ այդ հանդիպումները դառնում են ավելի հազվադեպ, եւ սրա մեղքը միմիայն Բաքվինն է, որովհետեւ չի կարելի գալ համաձայնության՝ այս կամ այն քայլը կատարելու, հետո կոպտորեն խախտել այն, հերոսացնել մարդասպաններին, հայտարարել, որ Երեւանն էլ է ադրբեջանական քաղաք:

- Ադրբեջանի արտգործնախարարը նախապես համաձայնություն էր տվել 3+2 ձեւաչափով հանդիպմանը, եւ երեկ հանդիպման չկայանալու համար մեղադրում էր հայկական կողմին, ի՞նչ կասեք այս մասին:

- Եթե Ադրբեջանն ինչ-որ բան հայտարարում է, դա չի նշանակում, որ այն ճիշտ է: Հայտարարում են նաեւ, որ Երեւանն էլ է ադրբեջանական, ի՞նչ է, ասենք՝ այդպե՞ս է: Ամեն ինչ կախված է նրանից, թե ինչքան ենք լուրջ վերաբերվում այդ պետությանը... Ինչ բացասական խոչընդոտ կա, միմիայն Բաքվի կողմից է, սա փաստ է:

- Համբուրգյան հանդիպումից հետո Մինսկի խմբի համանախագող երկրների ներկայացուցիչները հայտարարությամբ են հանդես եկել՝ կոչ անելով, որ Հայաստանի եւ Ադրբեջանի նախագահները ճկունություն ցուցաբերեն եւ վերադառնան բանակցությունների սեղանին: Հայտարարության մեջ նաեւ ասվում է, որ բանակցություններում առաջընթաց չարձանագրվելու դեպքում, բախումների հավանականությունը շարունակելու է աճել, եւ կողմերը կրելու են դրա ամբողջ պատասխանատվությունը: Սրանով չե՞ն ակնարկում, որ էսկալացիայի դեպքում իրենք որեւէ պատասխանատվություն չեն կրելու եւ միակ մեղավորները լինելու են երկու կողմը:

- Հասկանալի է նման հայտարարությունների դիվանագիտության տրամաբանությունը. կոչ են անում բոլորին, բայց պարզ է, որ ագրեսիայի հետեւում կանգնած է Ադրբեջանը, եւ այն մեսիջ է Ադրբեջանին, բայց մյուս կողմից հավասարության նշան դնելու ժամանակն արդեն սպառվել է: Չի աշխատում էֆեկտիվորեն, պետք է հասցեական եւ կոշտ հայտարարություններով հանդես գան: Եթե Ադրբեջանն է մեղավոր, Ադրբեջանին դիմեն, եթե հայկական կողմերն են մեղավոր, հայկական կողմերին մեղադրեն, բայց չի կարելի հավասարության նշան դնել, եթե մի պետությունում զինծառայողի գլուխ են կտրում, եւ ցույց են տալիս ամբողջ հեռուսատեսությամբ, նշանակում է՝ ինչ-որ ձեւով արդարացվում, ներվում է նման պահվածքը. ժամանակն է, որ ավելի հասցեական հնչեն կոչերը:

- Ի դեպ, հայտարարության մեջ նաեւ «խոստորեն դատապարտում են ապրիլին մարտում տեղի ունեցած վայրագությունները», սա կարծես առաջին նման խիստ դատապարտող կոչն էր ապրիլյան պատերազմից հետո, քանի որ ԵԱՀԿ դեսպանները հայտարարում էին, որ իրենց մանդատը չի ենթադրում կողմերից մեկին դատապարտել, նման հայտարարությունն ինչո՞վ եք պայմանավորում:

- Մի կողմից դրական զարգացում է, որ դատապարտում են, մյուս կողմից էլ ոչ հասցեական է, ո՞ւմ են դատապարտում, որտե՞ղ է մեղավորը, չէ որ մենք ամեն ինչ ներկայացրել ենք, եթե կոշտ դատապարտումը կա, բայց հասցեական չէ, արդեն խնդիրներ են առաջանում: Հիմա ուժով չեն ուզում վերցնել Երեւանը, այլ խաղաղ կերպով, շատ շնորհակալություն, միգուցե այդ դատապարտման շնորհիվ է նման պատկերը:

- Պարոն Բաբայան, կարգավորման մասին խոսելիս անդրադարձ կա նաեւ համանախագահողների առաջարկած տարբերակին, որտեղ խոսվում է ԼՂ միջանկյալ կարգավիճակի մասին, որն ապահովելու է անվտանգության ու ինքնակառավարման երաշխիքներ, միջանցք, որը կմիացնի Հայաստանը Լեռնային Ղարաբաղի հետ, ինչպես նաեւ տեղահանվածների ու փախստականների վերադարձի մասին է խոսվում: Ե՞րբ կարող է այդ տարբերակն իրականանալ, ինչո՞ւ ժամկետներ չեն նշվում:

- Չեն էլ կարող նշել: Խնդիրն այն է, որ այս մոտեցումը կողմերի պատկերացումների հավաքական մոտեցումն է, բայց չի կարող լինել վերադարձ անցյալին. մի պետություն, որը հերոսացնում է գլուխ կտրող մարդասպաններին...Մենք չենք ասում, որ պատրաստ չենք խաղաղ կարգավորմանը, բայց այն պետք է լինի այնպիսին, որ մեր անվտանգությունն ապահովվի: Ինչ վերաբերում է տարածքներին, էդ տարածքները Ադրբեջանի ներկայիս տարածքի նույնիսկ 10 տոկոսը չեն կազմում, իսկ Արցախի հանրապետության կտրվածքով 60-70 տոկոսն են, բա համարժե՞ք է: Իրենք ուզում են իրենց տարածքը 5-10 տոկոսով ավելացնեն մեր 60-70 տոկոսի հաշվին, մենք էլ պետք է կորցնե՞նք, ինչի՞ դիմաց, որ շարունակի՞ հարձակումներն ու մարդասպանությունը:

- Ինչ կանխատեսումներ ունեք, դեռ որքա՞ն կարող է Սարգսյան-Ալիեւ հանդիպում չլինել ու այն ի՞նչ  հետեւանքներ կարող է ունենալ:

- Հանդիպումների քանակից չի որոշվում արդյունավետությունը, իհարկե, կլինեն հանդիպումներ, ուշ թե շուտ լինելու են, բայց երբ կոչ են անում ճկունություն ցուցաբերեն նախագահները, պետք է ասեն, որ Ալիեւը պետք է ձերբազատվի ֆաշիզմից, երբ ձերբազատվի, ավելի հաճախակի կարող են լինել հանդիպումները:

Հարցազրույցը պատրաստ էր, երբ հայտնի դարձավ, որ 3+2 ձեւաչափով հանդիպում երեկ, այդուամենայնիվ, տեղի է ունեցել: Մինչդեռ Ադրբեջանի արտգործնախարարության խոսնակը բոլորովին այլ բան էր հայտարարում:

Տպել
9996 դիտում

Հայաստանում կայացած ԼՂ ԱԺ նիստի «մութ կողմերը», ինչո՞ւ է այն անցել փակ, ի՞նչ է ծրագրվում. Դավիթ Ստեփանյանի դիտարկումները

Կոտայքում մեքենաներ են բախվել. մայրն ու 2 անչափահաս երեխաները տեղափոխվել են հիվանդանոց

ԵՄ-ն Հայաստանում կուժեղացնի քաղաքացիական առաքելությունն ու կընդլայնի կազմը

Միրզոյանը Կոլոննային է ներկայացրել հայ-ադրբեջանական հարաբերությունների կարգավորման գործընթացի վերջին զարգացումները

«Լիստ.ամ»-ի հայտարարությամբ որպես գնորդ ներկայացած քաղաքացին փախցրել է վաճառվող մեքենան

Արկադյա Հարությունյանը որոնվում է որպես անհետ կորած

Աշտարակի տրանսպորտային հանգույցում աղմկոտ գոտիներ են տեղակայվել

Մեր արտաքին քաղաքականությունը միշտ այսպես է եղել՝ «այնպես չանենք՝ վնաս տա ԼՂ-ին», ինչը ՀՀ-ն քանդել է ներսից. քաղաքագետ

Ucom-ը և Smartcom-ը «ՔՈԱՖ ՍՄԱՐԹ»-ի երեխաներին նվիրել են խելացի ժամացույցներ և uKid-ից անվճար օգտվելու հնարավորություն

Բրյուսելում հանդիպել են ՀՀ և Հունաստանի արտաքին գործերի նախարարները

Ստեփանակերտի մոտակայքում ռուս խաղաղապահների զրահամեքենան ձորն է ընկել. զոհ ու վիրավորներ կան (լուսանկար)

Ստամբուլում 7 մագնիտուդ ուժգնությամբ երկրաշարժ կարող է լինել

Միրզոյանը Լատվիայի ԱԳ նախարարին է ներկայացրել հայ-ադրբեջանական հարաբերությունների կարգավորման վերաբերյալ ՀՀ-ի մոտեցումը

Գագիկ Խաչատրյանը վատառողջ լինելու ձևականացման միջոցով խոչընդոտում է դատաքննությունը. դատախազ

Համար 94 մանկապարտեզի միջադեպի պատասխանատուներն ազատվել են աշխատանքից. Կոստանյանը հայտնել է՝ ովքեր են նրանք

Մետրոպոլիտենի երթևեկելի գիծ է դուրս բերվել ևս մեկ 3 վագոնանի շարժակազմ

ԵՊՀ 4 կրթական ծրագիր առաջին անգամ միջազգային հավատարմագրում է ստացել

Բրյուսելում քննարկվել են Բաքու-Երևան խաղաղության գործընթացի հեռանկարները. Բայրամովը գրառում է արել

Ողբերգական դեպք Երևանում. Կիևյան փողոցի կանգառներից մեկի մոտ տղամարդու դի է հայտնաբերվել

Դատախազությունն ընթացք է տվել Գյումրիում ՌԴ քաղաքացուն 102-րդ ռազմաբազայի ՌՈ ծառայողների կողմից ձերբակալելու ահազանգին

Խոշտանգումներ, մարմինների անարգում, անդամախեղում. ՄԻՊ-ը Բերտրան Բուիքսին է ներկայացրել ԼՂ-ի փաստահավաք աշխատանքը

Գյումրու դրամատիկականում մեծ պրեմիերա էր՝ «Ինկած բերդի իշխանուհին» բացեց վարագույրը

Գագիկ Խաչատրյանը դատական նիստին ներկայացել է շտապօգնության ուղեկցությամբ

Օդի ջերմաստիճանը չի փոխվի. վաղվանից տեղումներ կլինեն

Հայրը որդու միջոցով իր մոտ ապօրինի պահվող թմրանյութը պարբերաբար փոխանցել ու իրացրել է Երևանի մեկ այլ բնակչի և իր սանիկին

Վահագն Խաչատուրյանը մասնակցել է Արգենտինայի նախագահի երդմնակալության արարողությանը (լուսանկարներ)

Այսօրվանից ընդունվում են ԼՂ-ից բռնի տեղահանված անձանց կեսաթոշակների նշանակման դիմումները

Ինչ փոփոխություններ է արձանագրել տարադրամի շուկան այսօր

Արարատ Միրզոյանը մասնակցել է ԵՄ արտաքին գործերի նախարարների խորհրդի հանդիպմանը, ներկայացրել «Խաղաղության խաչմերուկ»-ը

Ֆրանսիան այս դժվարին պահին Հայաստանի կողքին է. Ալեն Սիմոնյանն ընդունել է Բերտրան Բուիքսին

«Գիտեմ քո մարդ տեսակը»․ Վարդան Մինասյանն իր աջակցությունն է հայտնել Արաս Օզբիլիզին ՀՖՖ նախագահի ընտրություններում

ԿԸՀ-ն պատգամավորի թեկնածուի գրանցումն ուժը կորցրած է ճանաչել

«Քաղաքացիական պայմանագիր»-ը Գյումրիում դիրքավորվում է որպես 11 մանդատ ունեցող խմբակցություն. ինչու խզվեց հուշագիրը

Հայաստանը վերածվում է տեխնոլոգիական հզոր կենտրոնի, սովետական համակարգիչներից դեպի «Սիլիկոնյան լեռներ». Forbes

Իրանը ողջունում է Ադրբեջանի և Հայաստանի համատեղ հայտարարությունը՝ այն համարելով դրական քայլ

Հայաստանի և Հունաստանի ԱԳ նախարարները Բրյուսելում կարճատև հանդիպում են ունեցել

Փարաքարցի երիտասարդը, բացելով մեքենայի դուռը, կրակել է 28-ամյա վարորդի ոտքերին. մանրամասներ

Խաչատուր Սուքիասյանը ցանկանում է գնե՞լ «Զվարթնոց» օդանավակայանը. խոսնակը պարզաբանում է

Ալեն Սիմոնյանի կարգադրությամբ ԱԺ-ում պարգևատրումներ են եղել

Կարևոր քայլ՝ «Խաղաղության խաչմերուկ»-ի իրագործման ճանապարհին. Արշակյանը՝ Հնդկաստանի հետ համաձայնագրի մասին