ՀՀ ձյուդոյի հավաքականում ուզում են գնալ Բաքու. պատրաստ են ուղարկել Եվրոպայի չեմպիոնին

Հայաստանի ձյուդոյի ազգային հավաքականում Բաքվում կայանալիք աշխարհի 2018 թ. առաջնությանը մասնակցելու մեծ ցանկություն ունեն: Մրցաշարը կայանալու է սեպտեմբերի 20-27-ը: Սեպտեմբերի 5-ին ՀՀ սպորտի եւ երիտասարդության հարցերի նախարարությունը տեղեկացրեց, որ հայկական պատվիրակությունը չի մեկնելու, քանի որ հարեւան երկիրը հրաժարվել է ապահովել անվտանգությունը: Այդ լուրից կարճ ժամանակ անց, Ադրբեջանի սպորտի նախարարությունը հայտարարեց, որ իրենք պատրաստ են ապահովել հայերի անվտանգությունը: «Հայկական ժամանակ»-ի հետ զրույցում ՀՀ ընտրանու գլխավոր մարզիչ Արմեն Նազարյանը նշեց, որ փաստաթղթային առումով դեռ անելիքներ կան, ու եթե հարցը լուծվի, ՀՀ-ն անպայման ներկայացված կլինի ստուգատեսում:  

«Մինչեւ սեպտեմբերի 5-ը Բաքուն մեզ չէր տրամադրում անվտանգության երաշխիքներ: Տրամադրում էր ընդհանուր անվտանգություն, բայց Հայաստանի ազգային օլիմպիական կոմիտեն ու արտաքին գործերի նախարարությունը ցանկանում էին, որ անհատական անվտանգություն ապահովեն: Նրանք դա չէին անում: Իմ տեղեկություններով՝ սեպտեմբերի 5-ին միջազգային եւ Եվրոպայի ֆեդերացիաների նախագահների ու նրանց սպորտի նախարարի միջեւ բանակցություն է եղել, ու սեպտեմբերի 6-ի առավոտյան Ադրբեջանի սպորտի նախարարը հայտարարություն արեց, որ անհատական անվտանգությունը կապահովեն, ու կարող ենք մեկնել Բաքու՝ աշխարհի առաջնության: Եթե նրանք անվտանգության առումով ՀՀ ազգային օլիմպիական կոմիտեին ու նախարարությանը երաշխիքներ տան, մենք որոշված է՝ մեկնում ենք»,- ասաց Նազարյանը:

Եթե հայկական կողմի հետ համապատասխան պայմանավորվածությունները ձեռք չբերվեն ու երկիրը բաց թողնի առաջնությունը, միջազգային ֆեդերացիայի հետ խնդիրներ չի ունենա: Նազարյանն ընդգծում է, որ այնտեղ 2 երկրների միջեւ եղած հարաբերություններից տեղյակ են ու պատժամիջոցներ չեն կիրառի: Ամեն դեպքում դա ընտրանու համար անհետեւանք չի մնա: Աշխարհի առաջնությունը վարկանիշային է 2020 թ. Տոկիոյում կայանալիք օլիմպիական խաղերի համար, եւ այդ միավորների համար պայքարելու հնարավորությունից հայերը կզրկվեն:

«Վարկանիշային միավորներ, այո՛, կկորցնենք: Ամենաբարձր վարկանիշային միավորները աշխարհի առաջնությունն է տալիս, բայց մյուս տարի էլ բավականին մրցաշարեր կան»,- ասաց Նազարյանը:

Աշխարհի 2018 թ. առաջնությունում Հայաստանի մասնակցությունը հաստատվելու դեպքում Նազարյանը մրցավայր կտանի միայն 1 մարզիկի՝ Երոպայի 2018 թ. չեմպիոն Ֆերդինանդ Կարապետյանին (73 կգ քաշային կարգ): Ավելի վաղ ցանկացել է տանել նաեւ նույն քաշային կարգում հանդես եկող Արսեն Ղազարյանին, սակայն նա առողջական խնդիրների պատճառով չի հասցրել լավ մարզավիճակ հավաքել: Հավաքականի մյուս անդամները, ըստ Նազարյանի, նույնպես անհրաժեշտ մարզավիճակում չեն:

Կարապետյանը այս տարի Իսրայելում կայացած Եվրոպայի առաջնությունում ոսկե մեդալը նվաճել էր՝ եզրափակչում հաղթելով ադրբեջանցու՝ Հիդայաթ Հեյդարովին: Հաջողությունից հետո ՀԺ-ի հետ զրույցում նա Բաքվի մրցաշարին մեկնելու պատրաստակամություն էր հայտնել: Նշել էր, որ ցանկանում է այնտեղ հնչեցնել Հայաստանի հիմնը ու բարձրացնել դրոշը:

Տպել
1028 դիտում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)

Մովսիսյանը Ազգերի լիգայի լավագույն ռմբարկուներից է. ՀՀ ընտրանին ամենաշատ հարվածներ կատարածը

Մշակույթի նախարարությունը Վահագն Մարգարյանի հիշատակին հուշ երեկո է կազմակերպելու

Արտակ Զեյնալյանը խորհրդակցություն է անցկացրել Քրեակատարողական ծառայության ղեկավարների հետ

Թաեքվոնդոյի ֆեդերացիայում հնարավոր իրավախախտումների վերաբերյալ քրգործ է հարուցվել. Խաչիկյան

Հնարավոր է ԳԹԿ-ն շտեմարաններ տպագրի. պահանջարկը մեծ է