Ավագ դպրոցի կուրսը հնարավոր է ավարտվի 11-րդ դասարանում

ՀՀ կրթության եւ գիտության նախարար Լեւոն Մկրտչյանն այսօր ամփոփեց ընթացիկ տարին, որի մեկնարկն, ըստ էության, համընկել էր իր պաշտոնավարման սկզբի հետ:

Հատկապես հանրակրթության ոլորտում օրացուցային տարին սկսվեց բուռն ու արմատական փոփոխություններով: Նախարարի պաշտոնում իր նշանակումից կարճ ժամանակ անց Լեւոն Մկրտչյանը հայտարարեց ավագ դպրոցում 12-րդ դասարանը բեռնաթափելու անհրաժեշտության մասին, որն արդեն իսկ իրողություն է եւ աշակերտները հնարավորություն են ստացել ավարտական քննությունները հանձնել առաջին կիսամյակի վերջում, իսկ երկրորդ կիսամյակում ուսումնասիրել միայն իրենց նախընտրած առարկաները` միասնական քննություններին նախապատրաստվելով: Այդ փոփոխությունների առավելություններն ու թերություններն ուսումնասիրելուց-կշռադատելուց հետո հնարավոր է, որ հետագայում ավագ դպրոցի կուրսն ավարտվի 11-րդ դասարանում` ներկայիս 12-րդ դասարանի առաջին կիսամյակի փոխարեն:

«Հնարավորինս փորձել ենք ավագ դպրոցի հիմնախնդիրները մոտեցնել լուծմանը` բեռնաթափելով 12-րդ դասարանը եւ փորձելով որակապես նոր ձեւաչափ տալ չափորոշիչներին ու առարկայական տրամաբանությսնը: Ինձ թվում է` մեզ բավականին հաջողվել է արմատավորել այն տրամաբանությունը, որ հիմնական կրթության ավարտից հետո ավագ դպրոցում երիտասարդը, որն արդեն դեպի կյանք է գնում, պետք է բեռնաթափվի այդ մեծ ծանրություն ներկայացնող առարկայախմբերից, ընտրի իր հետագա կյանքի համար անհրաժեշտ չորս-հինգ ուղղվածությունը: 10-րդ դասարանը մի քիչ ծանրաբեռնված է, որովհետեւ դեռեւս հիմնական դպրոցի որոշակի ծրագրեր շարունակվում են: Մենք պիտի փորձենք այսօրվա փորձարկումը` դեկտեմբերի քննությունները ամփոփել, տեսնել` ինչ խնդիրներ ունենք, ինչ դրական-բացասական արդյունք է ստացվել, որից հետո, եթե հաջողվի, իմ մտածելով ճիշտ կլինի, որ մենք արդեն հաջորդ տարի 11-րդ դասարանով կուրսը ավարտենք ու հնարավորություն տանք երեխաներին ամբողջ 12-րդ դասարանում առարկաներն ընտրել ըստ իրենց մտածածի եւ հայեցակարգի»,- ասաց Լեւոն Մկրտչյանը:  

Նախարարն անդրադարձավ նաեւ դպրոցների կառավարման մեխանիզմներին, նկատեց, որ դպրոցների խորհուրդները, պետք է լիարժեք աշխատեն, տնօրենի պաշտոնում ընտրեն արժանավոր մարդու: Խոսեց միեւնույն դպրոցում միեւնույն տնօրենի պաշտոնավարումը սահմանափակելու անհրաժեշտության մասին: Անդրադարձավ կրթական հաստատություններում ազգակցական կապերին ու պաշտոնի ժառանգաբար փոխանցմանը: Ասաց, որ նախարարությունը կառավարություն է ներկայացրել օրինակելի կանոնադրություն, որտեղ փորձ է արվել կարգավորել այս բոլոր հիմնախնդիրները:

«Կանոնադրության մեջ, որը ներկայացրել ենք կառավարության հաստատմանը, ուղղակի արգելք ենք դրել ուղղահայաց հարաբերություններում: Խոսքը չի վերաբերում, որ դպրոցի տնօրենի աղջիկը կամ տղան չեն կարող նույն դպրոցում աշխատել որպես ուսուցիչ, որովհետեւ ի վերջո հատկապես գյուղերում կան ընտանեկան ավանդույթներ: Խոսքը վերաբերում է ուղղահայաց կապին` երկու մակարդակով. երբ որ ուղիղ իրար ենթակայությամբ են աշխատում, եւ երկրորդը` երբ տնօրենը հեռանում է, պաշտոնը թողնում է ժառանգություն: Տարբերակ ունենք նաեւ սահմանափակել տնօրենի տվյալ դպրոցում գործունեություն ծավալելու ժամկետը: Քանի՞ անգամ կարող է նույն մարդը իրար հետեւից ընտրվել տնօրեն: Ունենք տնօրեններ, որոնք շատ բազմավաստակ են, բայց նրանք կարող են մրցույթի մասնակցել եւ տնօրեն աշխատել մեկ այլ դպրոցում»,- ասաց Լեւոն Մկրտչյանը:

Նախարարությունն ու կառավարությունը, սակայն, կարծում ենք սխալ տեղ են փնտրում դպրոցների տնօրենների հետ կապված խնդիրների լուծումը: Այդ ճանապարհին նախ եւ առաջ պետք է դպրոցների խորհուրդներին ուղղակի տալ ընտրություն կատարելու ազատություն եւ դպրոցներում ու առհասարակ բոլոր տիպի կրթական հաստատություններում բացառել միայն վերեւների «դաբրոն» ստացած թեկնածուների ընտրությունները, քանզի այսօր այդ մրցույթ կոչվածը զուտ ձեւական բնույթ է կրում, հաճախ նույնիսկ առանց մրցակցության: Ու երբ ուսումնական հաստատությունների տնօրենների ընտրության գործընթացներին ուղղակիորեն միջամտող իշխանությունները, որպես խնդրի լուծման առաջին քայլ, չեն հրաժարվում իրենց այդ գործելաոճից, մեղմ ասած անհասկանալի է իրավիճակը շտկելու նպատակի մասին նրանց վստահեցումները:

Ի դեպ, վաղը Երեւանի պետական համալսարանի բժշկական համալսարանում նշանակված են ռեկտորի ընտրություններ: Օրենքով ռեկտորին պետք է ընտրի բուհի հոգաբարձուների խորհուրդը, բայց նա, ըստ էության, արդեն իսկ ընտրված ու նշանակված է եւ վաղն ընդամենը ձեւական մասը կապահովվի: Առողջապահության նախկին նախարար Արմեն Մուրադյանը միառժամանակ առաջ նշանակվեց ռեկտորի ժամանակավոր պաշտոնակատար,  ինչը նշանակում էր, որ որեւէ այլ հավակնորդ ուղղակի իմաստ չպետք է տեսներ առաջադրելու իր թեկնածությունը, ինչը եւ տեղի ունեցավ, իսկ վաղը Մուրադյանը «կընտրվի»:

Կրթության եւ գիտության նախարարն անդրադարձավ նաեւ միջին մասնագիտական կրթության ոլորտին, մասնավորապես նշեց, որ համապատասխան հաստատություններում կան բավական թվով ինքնանպատակ մասնագիտություններ եւ այդ խնդիրը լուծման կարիք ունի: Անդրադարձավ բարձրագույն կրթության ոլորտը կարգավորող «Բարձրագույն կրթության մասին» օրենքի նախագծին: Հիշատակեց «Հորիզոն-2020» միջազգային ծրագրին Հայաստանի անդամակցությունը, որի ընձեռած հնարավորություններից մեր երկրի գիւտնականները ստացել են լիարժեք օգտվելու հնարավորություն եւ այլն: Կրթության եւ գիտության ոլորտներում այս տարի իրականացված քայլերի մի մասը շարունակությունն էին նախորդ տարիների նախաձեռնությունների:

Տպել
14486 դիտում

Բանգլադեշում ցուցարարների հետ բախումների ժամանակ առնվազն 300 ոստիկան է տուժել

Հատուկ օպերացիա Վանաձորում. բերման է ենթարկվել «Խիմզավոդցի կարատեիստ» Արսենը

Պուտինը շնորհավորել է Լուկաշենկոյին 30 տարի Բելառուսը ղեկավարելու կապակցությամբ

Զելենսկին ու Թրամփը հեռախոսազրույց են ունեցել

Քրոջը նեղացնելու պատճառով վիճաբանել են մի խումբ տղաների հետ, հայհոյել միմյանց, ծեծել իրար. կան ձերբակալվածներ

Ինքնասպանության նպատակով վերցրել է սեղանի տակի ինքնաձիգը. ոստիկանության բաժնում կրակոցների դեպքով նախաձեռնվել է վարույթ

ՀՀ տարածքում փակ և դժվարանցանելի ավտոճանապարհներ չկան

Նոր մանրամասներ ոստիկանության Կոտայքի բաժնում տեղի ունեցած կրակոցներից. ինչ է կատարվել

Օտարերկրացին ինքնաձիգով ներխուժել է ոստիկանության Կոտայքի բաժին և կրակոցներ արձակել․ կան վիրավորներ

Ազգային փոքրամասնությունների իրավունքների հետ կապված՝ պետությունն ունի կոնկրետ պոզիտիվ պարտավորություններ. Մանասյան

Լիլիթ Մակունցը ներկա է գտնվել ԱՄՆ Հանրապետական կուսակցության ազգային համաժողովին

Հիմնանորոգվում է Վանաձոր-Դիլիջան միջպետական նշանակության ճանապարհի մի հատվածը

Հանրային քննարկման է ներկայացվել ՀՀ ժողովրդագրական իրավիճակի բարելավման 2024-2040թ. ռազմավարությունը հաստատելու նախագիծը

21 տարեկանում կյանքից հեռացել է ՀՀ կարատեի առաջնությունների բազմակի չեմպիոն, մրցավար Ալիսա Ասոյանը

Ակնկալում եմ հաջորդ շաբաթ վերադառնալ քարոզարշավին. Ջո Բայդեն

Եթե վաղը «Մանչեսթեր Յունայթեդ»-ի ղեկավարները ավելի լավ մարզիչ գտնեն, ես կլքեմ ակումբը. Տեն Հագ

Հունաստանում քննարկվել են «Խաղաղության խաչմերուկ»-ն ու Գյումու «չոր նավահանգստի» նախագիծը

Դատարանը հրապարակել է Ստեփանակերտի նախկին քաղաքապետի գործով որոշումը

Վերանայվում են Երևանում վարձակալությամբ տրված այգիների պայմանագրերը (տեսանյութ)

Ինչու Ալիևը հրաժարվեց հանդիպել Նիկոլ Փաշինյանի հետ. ինչ նոր նենգ մարտավարություն է նա ընտրել

Հանգստի կենտրոնում վիճաբանությանը տասնյակից ավելի մարդ է մասնակցել․ դանակահարող աղջիկը և ևս 3 անձ ձերբակալվել են

Գլոբալ տեխնիկական խափանումը հաքերային հարձակման հետևանք չէ. Բլինկեն

The Wall Street Journal-ի լրագրող Գերշկովիչն ազատազրկվել է 16 տարով. ինչ մեղադրանք է ներկայացրել Ռուսաստանը

ԲԿ-ներ դիմողների թիվը շատ է. ինչու են ամռանը սրվում մաշկային հիվանդությունները, և ինչպես պայքարել դրանց դեմ

Բագրատաշենի հանրային սննդի օբյեկտի գործունեության կասեցումը վերացվել է

Նախագահը պետական բարձր պարգևներ է շնորհել. ովքեր են արժանացել Մովսես Խորենացու և Երախտագիտության մեդալների (տեսանյութ)

Արտաշատի շենքերից մեկում հրդեհ է բռնկվել. 6 հոգի, այդ թվում՝ երեխաներ, տեղափոխվել են հիվանդանոց

Պետությունը ձեր կողքին է. ԿԳՄՍ նախարարն ընդունել է Հայաստանի օլիմպիական հավաքականի մարզիկներին

Ներկայացվել են Ոստիկանության բարեփոխումների ռազմավարական ծրագրի նախագծային լուծումները. հանրային քննարկում է կայացել

Գևորգ Պապոյանը Զանգեզուրի պղնձամոլիբդենային կոմբինատում մասնակցել է Հանքագործի և մետալուրգի օրվան նվիրված միջոցառմանը

Քրեական ենթամշակույթ կրող խմբավորման անդամին մեղադրանք է ներկայացվել. վարույթի նախաքննությունն ավարտվել է

ՔՊ-ն Գյումրիում թեժ աշնա՞ն է պատրաստվում. վաղաժամ դադարել է Գյումրու ավագանու 5 անդամի լիազորությունը. ովքեր կփոխարինեն

Սարչապետ գյուղի հայ-վրացական մասում որևէ նոր սահմանային նշան չի տեղակայվել. Բորիս Բարոյան

Լոնդոնի ամենակենտրոնում. Նիկոլ Փաշինյանն այցելել է Միացյալ Թագավորությունում ՀՀ դեսպանատան նոր գնված շենք (տեսանյութ)

Խորապես վշտացած եմ ավիավթարի ողբերգական լուրից. Վասիլիս Մարագոսը ցավակցություն է հայտնել զոհերի ընտանիքներին

Եվրոպան կաջակցի Հայաստանին և Ադրբեջանին, 2024-ը կարող է դառնալ խաղաղության տարի. Օլաֆ Շոլց

Պետությունը մշտապես սահմանամերձ համայնքների բնակիչների կողքին է. Գևորգ Պապոյանն այցելել է Սյունիքի մարզ

«Հայկական Ավիաուղիներ»-ը Երևան-Կազան-Երևան երթուղով կանոնավոր չվերթ կգործարկի

Մետրոպոլիտենում Վասիլիս Մարագոսի մասնակցությամբ դրենաժային թունելի բացման արարողությանը վերաբերող հարցեր են քննարկվել

Կադրը անցած գիշեր ֆիքսել են Չարենցավանում. Գագիկ Սուրենյանը լուսանկար է հրապարակել