Մանվել Գրիգորյանը չի ցանկանում կրկին պատգամավոր դառնալ

Երկրապահ կամավորականների միության նախագահ Մանվել Գրիգորյանն ապրիլի 2-ին կայանալիք խորհրդարանական ընտրություններին առաջադրվելու ցանկություն չունի:

Մեր հարցին ի պատասխան այդ մասին ասաց Երկրապահ կամավորականների միության մամուլի խոսնակ Վարդան Վարդանյանը՝ հերքելով մամուլի այն հրապարակումը, որի համաձայն Սերժ Սարգսյանը չի ցանկանում, որ Գրիգորյանը պատգամավոր դառնա:

«Մանվել Գրիգորյանը դեռ 2012-ին համաձայնեց առաջադրվել միայն այն նպատակով, որ աշխատի երկրապահ կամավորականի մասին օրենքի ընդունման ուղղությամբ: Նա հասավ նրան, որ երկրապահ կամավորականությունը պետական ճանաչում ունենա: Այդ օրենքի ընդունումից հետո բազմիցս հայտարարել է, որ մտադրություն չունի նորից Ազգային ժողով գալ: Հիմա էլ չունի նման ցանկություն, բայց կլինի ՀՀԿ համամասնական ցուցակում, թե՝ ոչ, չեմ կարող ասել»,- ընդգծեց Վարդանյանը:

Նա բացառեց, որ Գրիգորյանը կարող է ռեյտինգային կարգով առաջադրվել. «Ինքը ե՞րբ է առաջադրվել ռեյտինգայինով: ԵԿՄ նախագահն ամբողջ Հայաստանի ԵԿՄ նախագահն է, չի կարելի փոքրացնել: Նա էջմիածնինը չի, Արմավիրի մարզինը չի, ամբողջ Հայաստանինն է, չի կարող որեւէ տարածքում առաջադրվել, նորմալ չի»,- ասաց նա:

Վարդան Վարդանյանից հետաքրքրվեցինք, թե հնարավոր համարո՞ւմ է, որ պաշտպանության նախկին նախարար Սեյրան Օհանյանը հեռացվի ԵԿՄ-ից:

«Հասարակական կազմակերպությունից մարդուն հեռացնում են կանոնադրական ինչ-որ խախտման համար: Բայց Սեյրան Օհանյանի հետ կապված, ընդհանրապես քննարկում չի եղել՝ հեռացնել, չհեռացնել»,- վստահեցրեց Վարդանյանը՝ հավելելով, որ ընդդիմադիր դիրքերից հանդես գալը չի կարող ԵԿՄ-ից հեռացման հիմք լինել, նման նախադեպ չկա:

Հարցը փորձեցինք ճշտել նաեւ հայտնի ԵԿՄ-ական Սեյրան Սարոյանից, որը վերջերս հայտարարել էր, թե ցավում է, որ Սեյրան Օհանյանն ընդդիմադիր է դարձել: «Չեմ լսել, տեղյակ չեմ»,- պատասխանեց նա:

Խոսելով ապրիլի 2-ին կայանալիք ընտրություններին իր առաջադրվելու հավանականության մասին՝ Սարոյանն ասաց, որ որոշել է կրկին առաջադրվել իր հայրենի Արմավիրի մարզն ընդգրկող ընտրատարածքից՝ ռեյտինգային կարգով: «Ոտքս վիրահատել են, տնից չեմ կարողանում դուրս գալ, այդ ուղղությամբ դեռ չեմ աշխատում, բայց երեւի առաջադրվեմ»,- ասաց նա:

Տպել
9118 դիտում

200 ժամ հարկադիր աշխատանք. դատարանն անփոփոխ է թողել Արմեն Ջիգարխանյանի նախկին կնոջ դատավճիռը

Հեռացավ՝ իր հետ տանելով ավանդապաշտության ողջ դարաշրջան. Հասմիկ Պապյանը՝ Լագերֆելդի մասին

Կյանքից հեռացել է բարերար Ալեք Մանուկյանի դուստրը՝ Լուիզ Մանուկյան-Սիմոնը

Պատահական անցորդներին գրքեր են նվիրում նախարարներն ու վարչապետը (տեսանյութ)

Դատախազությունը բողոք կներկայացնի քրեական հեղինակություններ Նորատուցի Ալիկի եւ Չարբախցի Գեղամի դատավճռի դեմ

Արգենտինայի փոխնախագահը հայտնել է ՀՀ պաշտոնական այց կատարելու ցանկության մասին

Սեդրակ Քոչարյանին առաջարկել են ցուցմունք տալ, սակայն նա չի ցանկացել

Ղազարավան գյուղում բռնկված հրդեհը մեծ վնասներ է պատճառել

12-ամյա Հրաչյա Բադասյանը որոնվում է որպես անհետ կորած (տեսանյութ)

ԵՊՀ ռեկտորը չարաշահում է իր պաշտոնը. Restart

Փակ են Շիրակի ու Արագածոտնի մարզի շուրջ 20 գյուղերի միջհամայնքային ճանապարհներ

Նիկոլ Փաշինյանն ու Աննա Հակոբյանը գրքեր են նվիրում քաղաքացիներին (տեսանյութ)

Ոստիկանությունը նախկին պատգամավորին խորհուրդ է տալիս ձեռնպահ մնալ զուտ «ցնցող» բան գրած լինելու գայթակղությունից

Վճարեք կասեմ. Ֆլեշի Բարսեղը Սերժ Սարգսյանի հետ վերջին անգամ հանդիպելու մասին հարցին ի պատասխան

Գյումրու 2 մարզաուսումնական հաստատություններում 32.4 մլն դրամի վատնում կատարելու դեպքերով հարուցվել են քրգործեր

Մարտի 4-ից կհայտարարվի Հանրային հեռուստառադիոընկերության նախագահի մրցույթը. «Ա1+»-ի տնօրենը՝ իսկական Հանրայինի մասին

Հանդիպել են Լիբանանում ՀՀ դեսպանն ու երկրի վարչապետը

Աշտարակ քաղաքում վագոն-տնակ է հրդեհվել

«Արարատ» ակումբը դատական կարգով թիմի բժշկի պարտքը վերադարձրել է, ֆուտբոլիստը դեռ սպասում է

Ռուս սահմանապահն իր շան օգնությամբ գտել է Սյունիքում կորած քաղաքացու մարմինը