Արդյո՞ք Ծառուկյանը Լապշինի հարցով միջնորդել էր բարեկամ Լուկաշենկոյին

Այսօր հայտնի դարձավ, որ Բելառուսի գլխավոր դատախազությունը որոշում է կայացրել բավարարել Արցախ այցելած բլոգեր Ալեքսանդր Լապշինին Ադրբեջանին արտահանձնելու մասին դիմումը: Սերգեյ Լավրովին հունվարի 17-ի հայտնի ասուլիսում հարց էր ուղղվել Լապշինի շուրջ ստեղծված իրավիճակի մասին: ՌԴ ԱԳ նախարարն ասել էր, որ իրենք դեմ են, որ քրեականացվի լրագրողի կամ մասնավոր անձի այցն այս կամ այն տարածք: Եւ բացի այդ, իրենք դեմ են, որ այս կամ այն երկրում ձերբակալված Ռուսաստանի քաղաքացիներն արտահանձնվեն երրորդ երկիր:

Ալեքսանդր Լապշինն, ինչպես հայտնի է, Ռուսաստանի եւ Իսրայելի քաղաքացի է: Լավրովն ասել է, որ իրենք ամեն ինչ կանեն, որ իրավիճակը հանգուցալուծվի ՌԴ քաղաքացու իրավունքների ամբողջական պաշտպանությամբ եւ իսրայելական կողմի հետ սերտորեն համագործակցում են այս հարցում:

Կարիք չկա նկարագրելու, թե ինչ ծանր հումանիտար, քաղաքական եւ տնտեսական հետեւանքներ կունենա Լապշինի արտահանձնումը: Դրանից հետո ջանքերը՝ Արցախն ինտեգրել միջազգային հանրությանն ու աշխարհին, շատ լուրջ խոչընդոտների առաջ կկանգնեն: Բոլոր այն օտարերկրացիները, ում միջոցով դա պետք է արվեր, Արցախ այցելելուց առաջ շատ երկար կմտածեն եւ ավելի հավանական է` պարզապես հրաժարվեն այդ մտքից:

Սա է պատճառը, որ Հայաստանը Ռուսաստանից եւ Իսրայելից շատ ավելի մտահոգ է եւ ամեն կերպ փորձում էր կանխել Լապշինի արտահանձնումը: Բայց, փաստորեն, դա ոչ մեկին չհաջողվեց. Ռուսաստանը չկարողացավ լծակներ բանեցնել Բելառուսի վրա, Իսրայելը`Ադրբեջանի վրա: Հայաստանն էլ, իհարկե, որեւէ լծակ չուներ:

Թեեւ պետք է հիշել, որ Բելառուսի նախագահ Ալեքսանդր Լուկաշենկոն Հայաստանում մեծ բարեկամ ունի, որի հետ այնպիսի եղբայրական հարաբերությունների մեջ է, որ Երեւան ժամանելիս գիշերում է նրա տանը: Գագիկ Ծառուկյանի եւ Ալեքսանդր Լուկաշենկոյի ջերմ հարաբերությունները որեւէ մեկի համար գաղտնիք չեն: Արդյո՞ք փորձ արվել է այս խողովակն օգտագործել Լապշինի գործում, դժվար է ասել: Թեեւ էդվարդ Նալբանդյանին նման չէ, որ նա նման իրավիճակում կդիմեր Գագիկ Ծառուկյանի ծառայություններին: 

Լավրովի դատարկ փամփուշտն ու ՀՀ ԱԳՆ-ի ոգեւորությունը

Հայաստանի դիվանագիտական եւ քաղաքական շրջանակներում մեծ ոգեւորություն էր առաջացրել Ռուսաստանի արտաքին գործերի նախարար Սերգեյ Լավրովի պատասխանն ադրբեջանցի լրագրողի հարցին նույն հունվարի 17-ի ասուլիսի ժամանակ: Լրագրողը հարցրել էր` եթե Ադրբեջանը սկսի «ազատել իր օկուպացված տարածքները», արդյոք Մոսկվան ա՞չք կփակի, թե՞ «կմիջամտի Ադրբեջանի ներքին գործերին»: Լավրովը պատասխանել էր, որ ղարաբաղյան հակամարտության կարգավորումը «բացառապես Ադրբեջանի ներքին գործերի թեմա չէ»: Խոսել էր ՄԱԿ-ի ԱԽ-ում ընդունված փաստաթղթերի մասին, ԵԱՀԿ ՄԽ-ի ձեւաչափով ընդունված փաստաթղթերի, Հայաստանի եւ Ադրբեջանի նախագահների ստորագրած փաստաթղթերի մասին, որոնք բոլորը բացառում են հակամարտության կարգավորման ռազմական ճանապարհը:

Ադրբեջանի լրագրողի հարցը, սակայն, այն մասին էր, թե արդյո՞ք Ռուսաստանը կմիջամտի, եթե Բաքուն նոր լայնամասշտաբ հարձակում նախաձեռնի Արցախի ուղղությամբ: Ամենայն ուշադրությամբ մի քանի անգամ ընթերցեցինք Լավրովի պատասխանը, սակայն սույն հարցի պատասխանն այստեղ չգտանք: Փոքրիկ թրեյնինգն առ այն, թե ինչու չի կարելի ղարաբաղյան հակամարտությունը Ադրբեջանի ներքին գործ համարել, բոլորովին չի ենթադրում, որ նոր հարձակման վրա ՌԴ-ն աչք չի փակի:

Հասկանալու համար, թե ինչու է ադրբեջանցի լրագրողն այս հարցը հնչեցրել, արժե հիշել, որ ապրիլյան պատերազմի օրերին բազմաթիվ վերլուծաբաններ կարծիք էին հայտնում, որ Ադրբեջանի հարձակումը համաձայնեցված է եղել ՌԴ-ի հետ: Ըստ որոշ գնահատականների, Ալիեւին 5 օր ժամանակ է տրվել՝ հարձակվելու եւ ռազմի դաշտում իր ուժերը փորձարկելու համար: Եւ հիմա ադրբեջանցի լրագրողի լեգիտիմ իրավունքն է հետաքրքրվել՝ արդյո՞ք այդպիսի եւս մեկ հնարավորություն իր երկիրը կունենա, թե՝ ոչ: Ռուսաստանի արտգործնախարարը հարցն, ըստ էության, բաց թողեց: Դիվանագիտական հնարքներով իր պատասխանում նա այդպես էլ չբացառեց, որ նման բան կարող է լինել:

Հայկական ԶԼՄ-ների ներկայացմամբ՝ Ադրբեջանում հիստերիա է առաջացրել Լավրովի պատասխանը: Եթե նույնիսկ այդպես է, չի հասկացվում, թե ինչու: Ինչպես չի հասկացվում, թե Հայաստանում ինչու է այն ոգեւորություն առաջացրել:

Միջազգային հարաբերություններում արտաքին գործերի նախարարների հայտարարություններն, իհարկե, շատ կարեւոր են, բայց միայն այնքանով, որքանով ցույց են տալիս որեւէ խնդրի վերաբերյալ տվյալ երկրի քաղաքականության, մտադրությունների վեկտորը: Դիվանագիտության մեջ քիչ չեն նաեւ հայտարարություններ, որոնք դատարկ փամփուշտ են եւ ընդամենը: Կարծում ենք, ադրբեջանցի լրագրողին Սերգեյ Լավրովի պատասխանը, դրան հետեւած պաշտոնական Բաքվի եւ Երեւանի արձագանքները, այս վերջին կատեգորիայից են:

Տպել
10523 դիտում

Այսքան բացահայտ իրար ուտու՞մ են. Ստյոպա Սաֆարյանը Սաղաթելյան-Վանեցյան փոխհարաբերությունների մասին

ԱՄՆ դեսպանի հետ կապված հայտարարությունները և ակցիաները ունեն միայն ներքաղաքական շարժառիթ. քաղաքագետ

Ընդդիմության ակցիաներում ոստիկանների դեմ եղած հաղորդումներով ծառայողական 47 քննություն, 5 ուսումնասիրություն է կատարվում

Հիշողությանս մեջ վառ է Մարտի 1-ը, այն սարսափը, որով հայ հասարակությունն անցավ, մենք կոչ էինք արել չցրել հավաքը. Վիկտորին

ՊՆ-ն հայտարարում է երաժիշտ և պարող զորակոչիկների մասնագիտական լսումներ և դիտումներ

Որոշ տարածաշրջաններում և Վարդենյաց լեռնանցքում թույլ ձյուն է տեղում

Շարունակվում է Սուրեն Պապիկյանի այցը 3-րդ բանակային զորամիավորում

Ամենայն հայոց կաթողիկոսն ընդունել է Լիտվայի Հանրապետության նախագահին

Երևանում կայացել է Հայաստան-Իրաքյան Քուրդիստան գործարար համաժողով

Դաշնակցությունը ցանկանում է վիժեցնել ՀՀ իշխանությունների ջանքերը՝ ուղղված երկրի անվտանգությանը. քաղաքագետ

Ինչ ունեցվածք են հայտարարագրել ընդդիմադիր պատգամավոր Ագնեսա Խամոյանը և նրա ամուսինը՝ Արթուր Մուրադյանը

Եղանակային անբարենպաստ պայմանների պատճառով ընդդիմությունն այսօր հանրահավաք չի անցկացնի

Աննա Հակոբյանը հյուրընկալել է Դիանա Նաուսեդիենեին. վերջինս ՀՀ վարչապետի կնոջը հրավիրել է Լիտվա

Ջավադյանին բնորոշ էին համեստությունը, ուշադրությունը մարդկանց հոգսերի հանդեպ. ՀՀ նախագահը ցավակցական հեռագիր է հղել

Ես՝ որպես իշխանական ուժի պատգամավոր, ավելի հաշտ եմ ընդդիմության մի շարք անհատների հետ, քան իրենք իրար հետ. Աղազարյան

«Հայրենիք» կինոթատրոնի մոտ մեքենաներ են բախվել. կա զոհ

«Առանց բոթաս Հայաստան». Անահիտ Մութաֆյանի գրառումը ծաղրանքի առարկա է դարձել համացանցում (լուսանկարներ)

Ռուբինյանն Իրանի դեսպանին է ներկայացրել հայ-թուրքական հարաբերությունների կարգավորման գործընթացում ՀՀ-ի դիրքորոշումը

Կայացել է ԱՀ ՄԻՊ-ին առընթեր բռնի տեղահանված և փախստական անձանց իրավունքների պաշտպանության հարցերով խորհրդի առաջին նիստը

Ատելության խոսքը, վիրավորանքը, թշնամանքի հրահրումը բարիք չեն կարող լինել. Գերագույն հոգևոր խորհրդի հայտարարությունը

Դոլարի փոխարժեքը մի փոքր նվազել է. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ

Ամառային սուրդլիմպիկ խաղերում հայ մարզիկները 5 բրոնզե մեդալ են նվաճել

Գնել Սանոսյանն ու Չեխիայի դեսպանը քննարկել են չեխական ընկերության կողմից Ստեփանավանում փոքր օդանավերի արտադրության հարցը

Սկսել ենք կարևոր երկխոսություն, որը պետք է շարունակվի. ՀՀ վարչապետը՝ Լիտվայի նախագահին

«Մարիոթ»-ի ֆորումին հրավիրված բոլոր պատգամավորների ու այլ հյուրերի մուտքը եղել է անխոչընդոտ. Դանիել Իոաննիսյան

Իրացման ցանցում հայտնաբերվել է ժամկետանց սննդամթերք (լուսանկարներ)

Արարատ Միրզոյանը հանդիպում է ունեցել Իսպանիայի ԱԳ նախարարի հետ. անդրադարձել են տարածաշրջանային նշանակության հարցերի

Թատրոնում աշխատելով՝ մի բոթասով ահագին մարդու սոցիալական ապահովություն է ստեղծում. Սաֆարյանը՝ Մութաֆյանի գրառման մասին

Արայիկ Հարությունյանն ընդունել է Նարեկ Մկրտչյանին. կարևորվել է երկու հայկական պետությունների փոխգործակցության սերտացումը

Պատերազմի քննիչ հանձնաժողովն աշխատանքը չի համապատասխանեցնելու որոշ թերթերի խարդավանքների տրամաբանությանը. Քոչարյան

Ատեստավորման նպատակով այս տարի կվերապատրաստվեն ավելի քան 14 հազար ուսուցիչներ

Անձնագիր ձեռք բերելիս անձի նույնականացման գործիքակազմը բարելավման կարիք ունի. ՀՀ գլխավոր դատախազը միջնորդագիր է հղել

ՀՀ ոստիկանությունը պարզաբանում է տարածել համակարգի աշխատողներին պարգևատրումներ տրամադրելու վերաբերյալ

Վրաստանի ՊՆ ներկայացուցիչներն այցելել են Վազգեն Սարգսյանի անվան ռազմական համալսարան

Ալեն Սիմոնյանն ընդունել է Գիտանաս Նաուսեդային. անդրադարձ է կատարվել տարածաշրջանային անվտանգության խնդիրներին

Վահագն Խաչատուրյանը հյուրընկալել Լիտվայի Հանրապետության նախագահին. նրանք հանդես են եկել հայտարարություններով (տեսանյութ)

ՀՀ ԱԳ նախարար Արարատ Միրզոյանը մասնակցել է ԵԽ նախարարների կոմիտեի նիստին (տեսանյութ)

Միացյալ Նահանգները լավ գործընկեր է ձեռք բերել՝ ի դեմս Հայաստանի կառավարության. Լին Թրեյսի

Ավտովթար Երևանի «Հայրենիք» կինոթատրոնի մոտակայքում. կա զոհ