Չեմպիոնների լիգան «վերադառնում» է. այսօր Փարիզում մրցելու են «ՊՍԺ»-ը եւ «Բարսելոնան»

Երկամսյա դադարից հետո ֆուտբոլի Չեմպիոնների լիգան «վերադառնում» է. այսօր եւ վաղը կայանալու են Լիգայի 1/8 եզրափակչի առաջին 4 հանդիպումները, ընդ որում, այդ հանդիպումներից առնվազն 2-ը կարող են զարդարել ցանկացած մրցաշարի եզրափակիչ: Այսօր մրցելու են հետեւյալ զույգերը՝ «Բենֆիկա» (Պորտուգալիա) - «Բորուսիա» (Դորտմունդ, Գերմանիա) եւ «ՊՍԺ» (Ֆրանսիա) - «Բարսելոնա» (Իսպանիա), իսկ վաղը Լիգայի գործող գավաթակիր Մադրիդի «Ռեալը» հյուրընկալելու է իտալական «Նապոլիին», Մյունխենում տեղի «Բավարիան» էլ մրցելու է Լոնդոնի «Արսենալի» հետ (բոլոր հանդիպումների սկիզբը՝ Երեւանի ժամանակով 23:45-ին):

Ընդամենը 1 տարի առաջ Դորտմունդի «Բորուսիայի» մասնակցությամբ հանդիպումները հայ ֆուտբոլասերների համար կարեւորագույններն էին, հասկանալի է՝ Հենրիխ Մխիթարյանի շնորհիվ: «Բորուսիայի» հանդիպումները իներցիայով դեռ որոշակի հետաքրքրություն առաջացնում են նաեւ հիմա եւ «Բենֆիկայի» հետ Լիգայի փլեյ-օֆի հանդիպումը, բնականաբար, անչափ կարեւոր է: Սակայն այս խաղը ամբողջապես 2-րդ պլան է մղվելու, քանի որ նույն ժամին մրցելու են Լիգայի վերջին տարիների ֆավորիտներից «ՊՍԺ»-ն եւ «Բարսելոնան»:

Փարիզը պահանջում է

Կարծես արդեն ավանդույթ է դարձել, որ այս թիմերը կենտ տարիներին մրցում են Չեմպիոնների լիգայի փլեյ-օֆում: 2012-13 եւ 2014-15 թթ. մրցաշրջանում «ՊՍԺ»-ն եւ «Բարսելոնան» հանդիպեցին լիգայի քառորդ եզրափակիչում. դիտարժան, գեղեցիկ եւ դրամատիկ այդ դիմակայություններում կատալոնյան ակումբը տոնեց 3 հաղթանակ, 1 խաղ էլ ավարտեց ոչ-ոքի եւ 2 դեպքում էլ կարողացավ առաջ անցնել: 2016-17թթ. մրցաշրջանում «ՊՍԺ» - ն եւ «Բարսելոնան» հանդիպում են մի փոքր ավելի շուտ՝ Լիգայի 1/8 եզրափակիչում եւ հիմա ամբողջ Ֆրանսիան, Փարիզը պահանջում են ռեւանշ նախորդ պարտությունների համար:

«Մրցելու ենք շատ ուժեղ թիմի հետ, բայց մենք էլ պակաս ուժեղ չենք: Մեզ դժվար խաղ է սպասվում, վստահեցնում եմ՝ «Բարսելոնային» էլ հեշտ խաղ չի սպասվում: Մենք այս խաղին նախապատրաստվելով՝ հսկայական աշխատանք են կատարել եւ ֆուտբոլիստները այն ցույց կտան խաղադաշտում», - հայտարարել է «ՊՍԺ»-ի գլխավոր մարզիչ Ունայ Էմերին: Հիշեցնեմ, որ իսպանացի այս մասնագետը նախկինում մարզել է իսպանական «Ալմերիան», «Վալենսիան», «Սեւիլիան» եւ այդ ընթացքում 23 անգամ մրցել է «Բարսելոնայի» հետ. Էմերիի գլխավորած թիմերը այդ խաղերում ընդամենը 1 անգամ են կարողացել հաղթել (2016 թվականին): Նշեմ, նաեւ, որ 2007 թվականից հետո եվրագավաթների խաղարկություններում սեփական հարկի տակ անցկացրած 42 հանդիպումներում «ՊՍԺ»-ը կրել է ընդամենը 1 պարտություն, եւ փարիզյան ակումբին այդ «դառնությունը» պատճառել է հենց «Բարսելոնան»՝ 2 տարի առաջ:

Եվս մեկ հետաքրքիր փաստ: Վերջին 4 տարիների ընթացքում «ՊՍԺ» -ն հասել է մինչեւ լիգայի քառորդ եզրափակիչ, իսկ «Բարսելոնան» նման ցուցանիշ է ցույց տվել վերջին 9 մրցաշրջաններում: Բայց հիմա թիմերից մեկի համար այդ հրաշալի շարքը ընդհատվելու է: Ի դեպ, «ՊՍԺ» - ի եւ «Բարսելոնայի» լավագույն ռմբարկուներ Էդիսոն Կավանին եւ Լուիս Սուարեսը ծնվել են նույն՝ Ուրուգվայի Սալտո քաղաքում:

Լոնդոնը սպասում է

Անգլիական «Արսենալի» մասին ամենահայտնի կատակը կապված է «4» թվի հետ. «Արսենալը» հաղթում է, գեղեցիկ, դիտարժան ֆուտբոլ է ցուցադրում, իր խաղով գերում է շատերին, բայց ի վերջո Անգլիայի առաջնությունում զբաղեցնում է 4-րդ տեղը: Վերջին 12 մրցաշրջաններում «Արսենալը» 6 անգամ զբաղեցրել է 4-րդ տեղը: Բայց էլ ավելի զարմանալի «կայուն» են լոնդոնյան ակումբի ելույթները Չեմպիոնների լիգայում. վերջին 6 մրցաշրջաններում «Արսենալը» դուրս է մնացել 1/8 եզրափակիչից: Ընթացիկ խաղարկությունում էլ այդ չարաբաստիկ, անհաղթահարելի 1/8-ում «Արսենալը» մրցելու է Մյունխենի «Բավարիայի» հետ, որին պարտվել է 21-րդ դարում կայացած բոլոր 5 դիմակայություններում:

Բայց յուրաքանչյուր շարք ի վերջո ավարտվում է, եւ լոնդոնյան թիմի երկրպագուները հույս ունեն, որ հենց այս մրցաշրջանում ի վերջո «Արսենալը» կկարողանա հաղթել «Բավարիային» եւ վերջապես դուրս գալ քառորդ եզրափակիչ:  21 տարի շարունակ «Արսենալը» գլխավորող Արսեն Վենգերը, համաձայն անգլիական մամուլի տեղեկությունների, առաջիկա ամռանը ավարտելու է մարզչական կարիերան, եւ ընթացիկ մրցաշրջանը միգուցե նրա վերջին շանսն է վերջապես նվաճելու Չեմպիոնների լիգայի գավաթը, ինչի համար անհրաժեշտ է հաղթել որպես ֆուտբոլիստ եւ որպես մարզիչ Լիգայի գավաթը նվաճած իտալացի մասնագետ Կառլո Անչելոտիին, որն այժմ գլխավորում է «Բավարիան»:

Տպել
3120 դիտում

Վերջին հաշվառումից հետո Շիրակի մարզի գյուղերից նոր անօթեւան ընտանիքների տվյալներ են ստացվում

7 ոստիկան ազատվել է ծառայությունից, 2 ոստիկանի տրվել է խիստ նկատողություն (տեսանյութ)

Սիրիայի ԱՀ Մեծ Մուֆթին այցելել է Հալեպում տեղակայված հայկական հումանիտար առաքելության խմբի կենտրոն

Մինչ այժմ անտառը ծառայել է գռփելու, թալանելու, ընտրակաշառքի, քաղաքական դիվիդենտների. Տավուշի մարզպետ

Դատավոր Դավիթ Գրիգորյանի իրավունքների խախտման առթիվ փաստաբանը հաղորդում է ներկայացրել

Երևան քաղաքի Խանջյան-Նալբանդյան փողոցների խաչմերուկում այրվում է ավտոմեքենա

Արարատ Միրզոյանը հանդիպումներ է ունեցել ԱՄՆ հայկական կազմակերպությունների ներկայացուցիչների հետ

Անշարժ գույքի կադաստրի պետկոմիտեի 5 ստորաբաժանումները կմիավորվեն մեկի մեջ, որը կտեղակայվի Վանաձորում

Արցախի խորհրդարանը կգումարի արտահերթ նստաշրջան

Հակոբ Արշակյանը Թեհրանում մասնակցում է «Սմարթ Իրան» կոնֆերանսին

ՀԱՕԿ-ը որոշել է էլ ավելի աբսուրդային քայլեր ձեռնարկել. բռնցքամարտի ֆեդերացիայի նախագահ

Մարդու իրավունքների պաշտպանն ընդունել է ՀՀ-ում Ֆրանսիայի արտակարգ և լիազոր դեսպանին

Իջեւանում «բողոքի ակցիաների» հրահրման գործում իր դերն ունի ԱԺ նախկին կարկառուն ՀՀԿ-ական պատգամավորներից մեկը

Առանց միացյալ ջանքերի չեմ պատկերացնում, որ որևէ տեղ կհասնենք. Զարեհ Սինանյանն այցելել է «Ռուսաստանի հայերի միություն»

Այս պահին ոստիկանության տեսադաշտում 36 մարդ կա, որոնցից 22-ը բերման են ենթարկվել. Օսիպյան

ՎՏԲ-Հայաստան Բանկն առաջարկում է դրամական փոխանցումներ կատարել Visa/Mastercard/МИР քարտերին ամբողջ աշխարհով

Նիկոլ Փաշինյանը հյուրընկալել է Ավստրալիայի Նոր Հարավային Ուելս նահանգի վարչապետ Գլեդիս Բերեջիկլյանին

Եվրոպական գրանդ ակումբները չեն թերագնահատում Եվրո 2019. նրանց ամենատես սկաուտները Երեւանում են

Աննա Հակոբյանի նախաձեռնությամբ «Իմ քայլը» կաջակցի «Իմ ուղի» ուսումնավերականգնողական կենտրոնի կառուցմանը (լուսանկարներ)

Երեկվա ակցիան ոչ թե ինքնաբուխ հավաք էր, այլ մի քանի անձանց կողմից կազմակերպված սադրանք. Վանեցյան