Զարուհի Փոստանջյանը նոր կուսակցությո՞ւն կստեղծի

«Ժառանգություն» կուսակցության այն անդամները, ովքեր չեն ընդունում Սեյրան Օհանյանի շուրջ համախմբված ուժերին միանալու՝ Րաֆֆի Հովհաննիսյանի եւ Արմեն Մարտիրոսյանի որոշումը, կարող է հետեւեն Զարուհի Փոստանջյանի օրինակին, դուրս գան կուսակցությունից ու նոր կուսակցություն կամ այլ կազմակերպություն հիմնադրեն:

Այս մասին մեզ հետ զրույցում ասաց «Ժառանգության» Կապանի կառույցի աշխատանքները համակարգող Աննա Հակոբյանը:

Փոստանջյանն արդեն երեկ հայտարարություն էր տարածել, որ դադարեցնում է իր անդամակցությունը «Ժառանգությանը», քանի որ «կուսակցության սկզբունքային, գաղափարական եւ ծրագրային խզումն իր հռչակած եւ անցած քաղաքական ուղու հետ հանգեցրել է հրաժարման կուսակցության կողմից ընդունված սկզբունքներից, գաղափարախոսությունից եւ ծրագրից»: Զ. Փոստանջյանն ինքը հրաժարվում է այլ մեկնաբանություններ տալ՝ խոստանալով, որ առաջիկայում հանդես կգա բազմակողմանի մեկնաբանություններով: Իսկ «Ժառանգության» անդամների մի մասը շարունակում է ընդդիմանալ Սեյրան Օհանյան-Վարդան Օսկանյան դաշինքին իրենց կուսակցության միանալուն: Ա. Հակոբյանն անգամ գտնում է, որ այդ որոշումն ապօրինի է:

Բանն այն է, որ «Ժառանգության» վարչությունը պետք է ձեւավորվի համագումարի արդյունքում, իսկ կուսակցության կանոնադրության համաձայն, համագումար պետք է հրավիրվի յուրաքանչյուր երկու տարին մեկ անգամ: Վերջին համագումարը տեղի է ունեցել 2014թ. հունիսին, այսինքն կուսակցության հերթական համագումարը պետք է տեղի ունենար 2016թ հունիսին: Այդ ժամկետից անցել է մոտ վեց ամիս, «Ժառանգությունը» դեռ համագումար չի անցկացրել: Իսկ սա նշանակում է, որ կուսակցությունը օրինական կերպով ձեւավորված վարչություն չունի, որ այդ վարչությունն էլ որոշում ընդունի: Եվ Օհանյան-Օսկանյան դաշինքին մասնակցելու վերաբերյալ որոշումը կայացրել է իր լիազորությունները դեռեւս ութ ամիս առաջ կորցրած վարչությունը: Հավանաբար այդ որոշումն էլ ընտրություններին մասնակցելու վերաբերյալ այլ փաստաթղթերի հետ միասին դաշինքը ներկայացել է ԿԸՀ: Իսկ կուսակցությունը համագումար չի հրավիրել հավանաբար այն պատճառով, որ Րաֆֆի Հովհաննիսյանը 2013թ. նախագահական ընտրություններից հետո մեծամասամբ արտերկրում էր լինում:

«Ժառանգության» վարչության անդամ Սուսաննա Մուրադյանն էլ մեզ հետ զրույցում ասաց, որ կուսակցությունը դեռեւս անցած տարվա մայիսին էր որոշել համագումար անցկացնել, բայց ապրիլյան պատերազմի պատճառով այն հետաձգվեց: Կուսակցության 19 առանցքային անդամներ Հովսեփ Խուրշուդյանի հետ միասին մեկնել են Արցախ: Այնուհետեւ նա հիշեցնում է «Սասնա ծռերի» դեպքը, որի արդյունքում ձերբակալվեցին «Ժառանգության» փոխնախագահ Արմեն Մարտիրոսյանը, նույն Հ. Խուրշուդյանն ու մամուլի խոսնակ Դավիթ Սանասարյանը: Բայց չէ որ «Սասնա ծռերի» դեպքից հետո մինչեւ դաշինք կազմելը ավելի քան հինգ ամիս ժամանակ կար, եւ կուսակցությունն այդ ընթացքում կարող էր համագումար հրավիրել եւ վարչություն ընտրել, ու արդեն լեգիտիմ վարչությունն էլ ընտրություններին մասնակցելու ձեւաչափի վերաբերյալ որոշում կայացներ: «Մենք ունենք կուսակցության խորհուրդ, որն էլ ամբողջությամբ արտացոլում է կուսակցականների կարծիքը, մենք կարող ենք խորհրդով որոշել ու համագումար հետաձգել: Խորհուրդը բաղկացած է տարածքային կառույցների ղեկավարներից: Մեր տարածքային կառույցների ղեկավարներն ու կազմերը նոր են ընտրվել, եւ այդ խորհուրդն է քվեարկել դաշինքին միանալու օգտին: Մյուս կողմից էլ, եթե այդ վարչությունը լեգիտիմ չէ, որոշ մարդիկ այս կամ այն հարցով ինչու են դիմում դրան»,- ասում է Սուսաննա Մուրադյանը:

«Մենք դեմ ենք այդ միացմանը եւ ճիշտ չենք համարում, որ «Ժառանգությունը» լինի այդ դաշինքում կամ ընդհանրապես որեւէ դաշինքում: Մենք գտնում ենք, որ «Ժառանգությունը» պետք է մենակ ներկայանար ընտրություններին: Եթե մեզ չեն հասկանում, մեր այսքան տարիների աշխատանքը համարում են ոչինչ ու գնում են ինչ-որ դաշինքի հետեւից, որտեղ ավելի շուտ հանցագործներ են տեղ գտել, քան թե իրական քաղաքական գործիչներ, մենք ճիշտ չենք համարում միանալ նրանց: Եվ ինչու ոչ, կարող ենք որոշել ու նորը հիմնել»,- հակադարձում է Աննա Հակոբյանը:

Վերջինս նաեւ շեշտում է, որ ինքն ու այդ դաշինքին ընդդիմացողներն ի սկզբանե գնացել են կուսակցության գաղափարախոսության եւ ոչ թե անհատների հետեւից: «Ինչ-որ մարդիկ ասում են, թե ես գնում եմ Րաֆֆու հետեւից: Ինչո՞ւ, Րաֆֆին ինչ է, հայկական դրո՞շն է, վրան երկու աստղ: Մեզ նման սովորական մարդ է, էլի: Նա կուսակցության նախագահ է ընտրվել մեր որոշմամբ: Մենք ենք որոշում, թե ում ընտրենք կուսակցության նախագահ, ում՝ փոխնախագահ կամ վարչության անդամ: Այնպես որ, այդ մարդիկ պարտավոր են մեզ հետ էլ հաշվի նստել»,- ասում է Ա.Հակոբյանը:

Վերջինս գտնում է, որ «Ժառանգության» այն անդամները, որոնք Օհանյան-Օսկանյան դաշինքին միանալու որոշում են կայացրել, դավաճանել են կուսակցության գաղափարախոսությանը: Հատկապես որ, նրա խոսքերով, դաշինք են կազմել Արցախյան հարցում մեղքեր ունեցող գործիչների հետ : «Իսկ ո՞ւմ հետ գնացին դաշինք կազմելու: Ապրիլյան պատերազմի ժամանակ Սեյրան Օհանյանը որտե՞ղ էր: Իր աթոռի վրա նստած էր, իսկ մեր երեխաներն արյան գնով հայրենիք են պաշտպանել: Ինչո՞ւ պիտի թուրքը կարողանար մտնել մեր հողը ու տարածք վերցներ: Ո՞վ էր կրակելու կամ չկրակելու հրամանը տալիս: Ես համարում եմ, որ դա Սեյրան Օհանյանի մեղավորությունն է: Ես՝ որպես հայ կին, որպես մայր, այդպես եմ մտածում: Ո՞վ է Վարդան Օսկանյանը: Նա՞ չէր Ռոբերտ Քոչարյանի հետ միասին ԼՂՀ հարցով որոշումներ կայացնում: Եվ հիմա այդ դաշինքի հետեւում Քոչարյանն է կանգնած»,- ասում է Ս. Մուրադյանը:

Եվ վերջապես նրա կարծիքով «Ժառանգության»՝ Օհանյան-Օսկանյան դաշինքին միանալուն կողմ արտահայտված անդամներն այդպիսով ցանկացել են խորհրդարանում հայտնվել:

Տպել
5698 դիտում

Մարտի 1-ի գործով մեկը չկա, ասի՝ Բաղրամյան 26, բոլորը կառավարության շենքից են խոսում, իսկ ո՞վ էր այնտեղ նստած. Բաբայան

ՊԵԿ-ը օպերատիվ-հետախուզական միջոցառումներ է իրականացնում 71 գազալցակայաններում

Հեղափոխությունից հետո տեղական ցեմենտի գնի նվազեցումը «Արարատցեմենտ»-ի բարի կամքի դրսեւորում է եղել․ Արման Աբովյան

Զելենսկին խոստացել է ընտրվելու դեպքում հանրաքվե անցկացնել ՆԱՏՕ-ին երկրի անդամակցության հարցով

Շախմատի կանանց անհատական ԵԱ-ի 7-րդ տուրից հետո Էլինա Դանիելյանը 7-րդն է

Հումանիտարն ու պատժիչը իրար հետ չեն բռնում. Ցոլակյանը՝ ԱԻՆ-ը Ոստիկանությանը միացնելու ԼՀԿ-ի առաջարկի մասին

Թուրքիայի քաղաքացին ձերբակալվել է ՀՀ սահմանը հատելիս

Հոկտեմբերի 27-ի գլխավոր անձը նստած ա. Սամվել Բաբայան

Եթե «Իմ քայլը» որոշում ա, որ կլինկերը չհարկվի, շինարարությունը կէժանանա, պատասխանատուն իրանք են, թող անեն․ Ծառուկյան

51-ամյա տղամարդու սպանության համար մեղադրանք է առաջադրվել որդուն. գործը դատարանում է

Ցեմենտի ներկրման 22000 դրամ պետտուրքի դեպքում 1 տարվա ընթացքում պետբյուջեն կունենա 4 մլրդ դրամի մուտք․ Հայկ Սարգսյան

Արցախի ՄԻՊ-ի միջամտությամբ փախստական ընտանիքին տրամադրվել է վարձավճարի փոխհատուցում

Ստամբուլի քաղաքապետարանը Բեյքոզի հայկական եկեղեցու հիմնադրամին 4 մլն դոլարի փոխհատուցում կվճարի

«Արսենալը» ԵԼ կիսաեզրափակչում է. Մխիթարյանը խաղաց, որովհետեւ Ռեմզին վնասվածք ստացավ (տեսանյութ)

Ռուսաստանը մեղավոր է, Թրամփը՝ ոչ. Մյուլլերի զեկույցը

ԱԺ-ն այսօր առաջին եւ երկրորդ ընթերցումներով մի շարք օրենքներ է ընդունել

Մեկնարկեց Մարտի 1-ի գործով դատապարտված Գրիգոր Ոսկերչյանի գործը վերանայելու բողոքի քննությունը

Նախկին իշխանության քարոզիչներն, իբր ինձ պաշտպանելով, փորձում են իշխանությանը թուլացնել. Սանասարյան

ESMT բիզնես դպրոցի ուսանողները գաղափարներ կառաջարկեն Գյումրիի համար

Լույս չի լինի Լեւոն Տեր-Պետրոսյանի տանը, «Նաիրի» եւ «Արամյանց» Բ/Կ-ներում, Շտապ օգնության հիվանդանոցում