10 անձինք Մարտի 1-ին սպանվել են՝ անհրաժեշտությունից ելնելով. ՀԱԿ-ն ու ՀԺԿ-ն երթ են անում

01/03/2017 schedule19:17

Ազատության հրապարակից մեկնարկել է Հայ ազգային կոնգրես, Հայաստանի ժողովրդական կուսակցությունների համատեղ երթը՝ ի հիշատակ Մարտի 1-ի զոհերի: Մինչ երթը՝ տեղի ունեցավ հանրահավաք, որի ընթացքում հնչեցին ելույթներ: ՀԱԿ առաջնորդ Լեւոն Տեր-Պետրոսյանը հանրահավաքին չէր մասնակցում:

Հանրահավաքի սկզբում ԱԺ պատգամավոր Արամ Մանուկյանը թվեց 9 տարի առաջ այս օրը տեղի ունեցած դեպքերի ընթացքում զոհված 10 անձանց անունները, որից հետո հավաքի մասնակիցները մեկ րոպե լռությամբ հարգեցին նրանց հիշատակը: «Մենք հավաքվելու ենք այնքան, քանի դեռ չի բացահայտվել Մարտի 1-ի ոճրագործությունը, քանի դեռ իշխանությունները ոչինչ չեն անելու դրա բացահայտման համար»,- հայտարարեց Մանուկյանը՝ ընդգծելով, որ եթե Մարտի 1-ը չբացահայտվի, մշտապես լինելու են նմանատիպ իրադարձություններ:

Մանուկյանը հավաքվածներին տեղեկացրեց, որ Մարտի 1-ի զոհերի հարազատների կողմից ՄԻԵԴ-ում հարուցված գործն ամբողջությամբ ավարտված է: «Ես խոսել եմ մեր փաստաբանների հետ, կողմերը (զոհերի հարազատներ եւ կառավարություն) փոխանակել են իրենց ամբողջ ինֆորմացիան եւ մնում է գործը քննվի ՄԻԵԴ-ում եւ վճիռ կայացվի: Փաստաբանները վստահեցնում են, որ վճիռը շուտ կլինի»,- տեղեկացրեց Մանուկյանը՝ հավելելով. «Ես ընդամենը մեկ նախադասություն կարդամ, թե կառավարությունը ինչ է ներկայացրել Եվրոպական դատարանին: Ներկայացրել են, որ իրենք այդ սպանությունները կատարել են՝ ելնելով ծայրահեղ անհրաժեշտությունից: Սա լկտիության, ցինիկության գագաթ է»:

Մանուկյանը հույս հայտնեց, որ ՄԻԵԴ վճիռը արդար կլինի՝ ընդգծելով, որ դա անհրաժեշտ է բոլորին: «Անցավ 9 տարի, 9 դաժան տարի, այսօր մարտի 1-ն է, ում համար երջանկության օր, մեզ համար սեւ ու սգո օր»,- Ազատության հրապարակի հարթակից հայտարարեց Մարտի 1-ի զոհերից Գոռ Քլոյանի հայրը՝ Սարգիս Քլոյանը:

Կոնգրեսի հետ դաշինքով առաջիկա ընտրություններին մասնակցելու մասին հայտարարած ՀԺԿ առաջնորդ Ստեփան Դեմիրճյանը խոսեց Մարտի 1-ի պատճառների մասին. «Մարտի 1-ի ողբերգական իրադարձությունները ընտրությունները կեղծելու, իշխանությունը ամեն կերպ պահելու գործելակերպի հետեւանքն էին: Մարդիկ դուրս էին եկել փողոց եւ բողոքում էին ընտրությունների ժամանակ իրականացված կեղծիքների դեմ: Ընդ որում ցույցերը կրում էին խաղաղ բնույթ: Սակայն իշխանությունը, հավատարիմ իր գործելակերպին, դիմեց բռնության: Մարտի 1-ի իրադարձությունները ամենաթողության հետեւանք էին: Մարտի 1-ը չէր լինի, եթե ժամանակին պատժվեին 2004 թվականի ապրիլի 12-ի բռնությունների համար պատասխանատու պաշտոնյաները»,- հայտարարեց Դեմիրճյանը՝ հավելելով, որ նոր մարտիմեկերը բացառելու համար երկրում պետք է անցկացվեն ժողովրդավարական ընտրություններ:

Հայ ազգային կոնգրես կուսակցության փոխնախագահ Լեւոն Զուրաբյանը խոսեց Ազատության հրապարակում ամեն տարի մարտի 1-ին հավաքվելու նպատակների մասին: Ըստ նրա՝ նպատակներից մեկը իշխանություններին, միջազգային կառույցներին, աշխարհին ցույց տալն է, որ հայ ժողովուրդն այլեւս երբեք թույլ չի տա Մարտի 1-ի նման հանցագործություն, երբ իշխանությունը ձեռք է բարձրացնում սեփական ժողովրդի վրա եւ հեղում նրա արյունը:

«Ազատության հրապարակը կհառնի Հայաստանի քաղաքացիների հոգիներում միայն այն ժամանակ, երբ արդարադատությունը հնարավորինս արագ մատուցվի մեր զոհերի հարազատներին ու մեր ժողովրդին...Մեր երթով ամբողջ ժողովրդին ասում ենք հետեւյալը, որ մենք գնում ենք երթի՝ արդարության վերականգնման համար, մենք գնում ենք երթի՝ ժողովրդավարության վերականգնման համար, գնում ենք երթի՝ Ազատության հրապարակը մեր հոգիներում վերականգնելու համար: Ուրեմն առաջ երթի՝ դեպի արդարություն եւ ժողովրդավարություն»,- իր խոսքում ասաց Զուրաբյանը:

Երթը մեկնարկեց Հայաստանում ժողովրդավարության հաստատման համար պայքարում նահատակվածների՝ Մարտի 1-ի 10 զոհերի հիշատակին նվիրված ծափերով: «Պայքար, պայքար մինչեւ վերջ», «Ազատ, անկախ Հայաստան». այս եւ նմանատիպ կարգախոսներ վանկարկելով երթի մասնակիցները հասան Մյասնիկյանի արձան, որտեղ ծաղիկներ խոնարհեցին զոհերի հիշատակը խորհրդանշող արձանի մոտ:

Հիշեցնենք, որ մարտի 1-ին տեղի ունեցած իրադարձությունների հետեւանքով զոհվեցին Գոռ Քլոյանը, Դավիթ Պետրոսյանը, Տիգրան Աբգարյանը, Զաքար Հովհաննիսյանը, Տիգրան Խաչատրյանը, Արմեն Ֆարմանյանը, Հովհաննես Հովհաննիսյանը, Համլետ Թադեւոսյանը, Գրիգոր Գեւորգյանը եւ Սամվել Հարությունյանը:

Տպել
3215 դիտում

Երկար ժամանակով լույս չի լինելու Երևանի և 7 մարզերի մի շարք հասցեներում

Տեղեր գյուղի վանքին հարակից ժայռից 2 քաղաքացի ընկել է ձորակը. նրանց վիճակը միջին ծանրության է

«Հանրապետություն» կուսակցությունը մասնակցելու է Քաջարանի ՏԻՄ ընտրություններին

Քիչ առաջ Լարսում վերականգնվել է երթևեկությունը

Դատական համակարգում կան կլաններ, խմբավորումներ. Փաշինյանը՝ Ջհանգիրյանի և Վարդազարյանի մասնակցությամբ ձայնագրության մասին

Ավտոճանապարհային կապը ՌԴ-ի հետ կվերականգնվի երկու ժամվա ընթացքում. Վահան Քերոբյան

Քննարկվել են հոկտեմբերին Երևանում կայանալիք սամբոյի աշխարհի պատանիների և երիտասարդների առաջնությանն առնչվող հարցերը

Տեղի է ունեցել «ԿԱՆԱՉ Հայաստան» համատեղ հարթակի առաջին՝ քաղաքականությունների երկխոսությունը

Ինչ դիրքորոշում ունի վարչապետը ընդդիմադիր որոշ պատգամավորների մանդատից զրկելու վերաբերյալ

Միայն վերջին 3 ամսում էլեկտրական ինքնագլորից տուժած շուրջ 40 քաղաքացի է տեղափոխվել համալսարանական հիվանդանոց

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

ԱԻ նախարարությունում քննարկվել են Հայաստանում սեյսմոլոգիական դպրոց կազմակերպելու հնարավորությունները

Նիկոլ Փաշինյանը հայտնեց, թե ովքեր են Արցախի հարցի նշաձողի իջեցման կոչ ներկայացնողները

Աննա Հակոբյանը այցելել է Ալպ-Մարիտիմի տարածաշրջանի «Սոֆիա Անտիպոլիս» տեխնոպարկ

Հունաստանում քննարկվել են «Պարսից ծոց-Սև ծով միջազգային տրանսպորտային միջանցքի» ստեղծման ուղղությամբ տարվող աշխատանքները

Վարչապետը նշեց պատճառները, թե ինչու Ադրբեջանը չի վերադարձնում հայ ռազմագերիներին

Խորհրդարանն ընտրել է Վճռաբեկ դատարանի վարչական պալատի դատավորների թեկնածուներ

Ադրբեջանը կաթիլ-կաթիլ փորձում է կուտակել նոր պատերազմի լեգիտիմություն. Նիկոլ Փաշինյան

Եթե առցանց չլիներ, կրկին առիթ կգտնեին բոյկոտելու. վարչապետի արձագանքը՝ որոշ լրատվամիջոցների՝ առցանց ասուլիսը բոյկոտելուն

«Վանաձոր» ՔԿՀ տեսակցության գնացած քաղաքացին կալանավորված անձին կասկածելի իր է փոխանցել

ՀԲ ներկայացուցիչները Գնել Սանոսյանին են ներկայացրել ջրային ոլորտում ենթակառուցվածքների զարգացման իրենց հետազոտությունը

Պետությանը պատկանող բնակելի տարածքներ են նվիրատվություն արվել ՀՀ քաղաքացիներին

Ծնողը գումարի պատճառով երեխային չէր տանում ստուգման․ ինչ անվճար հետազոտություններից կարող են օգտվել 0-18 տարեկանները

Արարատ Միրզոյանը Հունաստանի վարչապետին է ներկայացրել Հայաստան-Թուրքիա կարգավորման գործընթացի զարգացումները

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

Բուհերի ընդունելության երկրորդ փուլի քննությունները տեղի կունենան հուլիսի 4-ից 9-ը

Թունիսի նորանշանակ դեսպանն իր հավատարմագրերի պատճենն է հանձնել Հայաստանի ԱԳ նախարարի տեղակալին

Զվարթնոց թաղամասի մոտակայքում ավտոմեքենան բախվել է հեղուկ գազի լիցքավորման վահանակին

Անահիտ Ավանեսյանը և Նաթիա Նացվլիշվիլին անդրադարձել են առողջության ապահովագրության հայեցակարգի ներդրման հարցերին

Խաղաղությունը մեր սկզբունքը, մեր քաղաքականությունն ու ռազմավարությունն է. ՀՀ ԱԳ նախարար

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Քաղաքաշինության կոմիտեի ղեկավարը հետևել է մարզական կառույցների շինարարության ընթացքին

Անցած 3 օրում հանրապետությունում արձանագրվել է 48 ՃՏՊ. 2 մարդ զոհվել է

Յունիբանկի Բաժնետերերի տարեկան ընդհանուր ժողովն ամփոփեց 2021թ.-ի արդյունքները

Հայ երիտասարդները մասնակցել են «Eurasia Global» միջազգային երիտասարդական 7-րդ համաժողովին

Համբարձում Մաթևոսյանի գլխավորությամբ շարունակվում են համայնքներից ստացված սուբվենցիայի ծրագրային հայտերի քննարկումները

Մեկնարկել է Հայաստանի և Հունաստանի ԱԳ նախարարների հանդիպումը

Լիանա Հակոբյանը՝ Վճռաբեկ դատարանի վարչական պալատի դատավոր

Կենտրոնում ապօրինի շինարարություն չի լինելու, այս հարցում զիջումները բացառվում են. Սամվել Ղուկասյան (լուսանկարներ)

Սուրեն Պապիկյանը ներկա է գտնվել ԶՈՒ ավիացիայի կազմավորման 30-ամյակի առթիվ անցկացված հանդիսավոր միջոցառմանը (տեսանյութ)