«Բոլորն ասում են՝ ճնշում են, ստիպված ենք». Անդրեյ Ղուկասյանը՝ նախընտրական իրավիճակի մասին

Ապրիլի 2-ին կայանալիք ընտրություններում առաջադրված թեկնածուների թվում ատամնաբույժերը շատ են: Նրանցից մեկը «Ելք» դաշինքի ռեյտինգային ցուցակով առաջադրվել է Լոռու մարզն ընդգրկող թիվ 9 ընտրատարածքում: Խոսքն իմպլանտոլոգ, «Օպտիմում Դենտ» ՍՊԸ տնօրեն Անդրեյ Ղուկասյանի մասին է: Վերջինս այսօր պատասխանել է մեր հարցերին.

- Պարոն Ղուկասյան, մասնագիտությամբ բժիշկ եք, ատամնաբուժական կենտրոնի տնօրեն, ինչո՞ւ եք որոշել պատգամավոր դառնալ, ի՞նչն է ձեզ գրավում այդ աշխատանքում:

- Քաղաքականությամբ ես ինչ-որ տեղ ստիպված կամ ինչ-որ բաներից դրդված եմ զբաղվում: Ատամնաբույժի գործը շատ եմ սիրում եւ ամբողջ ժամանակս դրան եմ նվիրում: Ես կուզենայի քաղաքականությամբ զբաղվելու ժամանակը հատկացնել իմ կենտրոնը զարգացնելուն, մյուս պլաններս իրագործելուն: Բայց քանի որ տեսնում եմ, որ երկիրը ճիշտ ուղղությամբ չի զարգանում՝ որպես քաղաքացի, պատասխանատվություն ունեցող մարդ ես չեմ կարող կողքից նայել, ուժերիս ներածին չափով այնպես չանել, որ ամեն ինչ ընկնի օրինական հունի մեջ, ժողովրդավարությունը զարգանա, կոռուպցիան վերանա: Բացի այդ, ես ինձ համարում եմ մեր երկրի 3 միլիոն սեփականատերերից մեկը: Ես դիտորդի կարգավիճակով չեմ կարող նայել, բողոքել ու ոչինչ չանել: Ես գտել եմ, որ իմ փոքրիկ ներդրումը կարող եմ այդ ձեւով ունենալ՝ քաղաքականության մեջ մտնելով ու պայքարելով: Հենց դրա համար է, որ ընտրել եմ «Քաղաքացիական պայմանագիրը» կամ «Ելք» դաշինքը: Ես հավատացել եմ նրանց, կապ հաստատել այդ մարդկանց հետ, ինքս առաջարկել իմ ծառայությունները:

- «Ելք» դաշինքի ընտրական ցուցակը գլխավորող Էդմոն Մարուքյանը երեկ հայտարարում էր, որ իշխանական տարբեր թեկնածուներ վարսավիրանոցներում «մազեր են սարքում», ասում են՝ մեզ ընտրեք, ձեր մազերը սարքենք: Չե՞ք առաջարկում ձեր ատամանաբուժական ծառայությունները:

- Չէ, գիտե՞ք ինչու չեմ առաջարկում, որովհետեւ ինձ պատիվ չեն բերում նման բաները: Ընտրողի ձայնը առնելու համար նման բան անելը իմ արժեհամակարգի մեջ չկա: Ես քաղաքացուն չեմ կարող նման ձեւով վարկաբեկել: Ճիշտ է՝ ունեմ այդ հնարավորությունը, կարող եմ ատամնաբուժարանն էլ օգտագործել, բայց ինձ թույլ չեմ տա: Մենք նման երեւույթների դեմ ենք պայքարում եւ նման մեթոդներով աշխատելով չենք տարբերվի ՀՀԿ-ից: Ւնձ ձայն տվողը առանց դրա էլ կտա, ես կընդունեմ եւ դա ինձ համար պատիվ կլինի, բայց նման ձեւով ձայն հավաքելը պետք չի ինձ:

- Վանաձորում օրերս «Ելք» դաշինքի պաստառն էին պոկել: Ի՞նչ եք կարծում՝ ո՞վ է նման քայլ անում «Ելք»-ի դեմ:

- Ինձ թվում է դա այն կուսակցության ներկայացուցիչներն են անում, որոնք ագրեսիվ են տրամադրված: Հավանականությունը շատ մեծ է, որ դա ՀՀԿ-ի երիտասարդներն են: Տեսաձայնագրության մեջ երեւում է, որ 15-16 տարեկան երիտասարդներ են պաստառները պատռում, որոնք իրենց պատկերացմամբ իրենց ծառայությունն են մատուցում ՀՀԿ-ին: Ասեմ, որ դա լրիվ հակառակ էֆեկտն է թողել. բոլորը խոսում են այն մասին, թե ինչպե՞ս կարելի է Էդմոն Մարուքյանի պաստառը պատռել, դա ի՞նչ անշնորհքություն է: Այսինքն այդ քայլը մեր օգտին գովազդի էֆեկտ թողեց: Բացի այդ մեծ պաստառները՝ պոկում են նաեւ փոքրերը. նման դեպքեր եղել են եւ Սպիտակում, Վանաձորում,  Ստեփանավանում եւ այլն: Ես նկատել եմ, որ «Ելք» դաշինքի պաստառներն ավելի շատ են պոկում, քան մյուսներինը: Դա ինձ թվում է նրանից է, որ ուժ են տեսնում մեր մեջ, որոշակի վախ կա իրենց մեջ, դրա համար ավելի ագրեսիվ են տրամադրված:

- Ձեր ընտրատարածքում ՀՀԿ ցուցակով առաջադրված է խմբակցության ղեկավար Վարամ Բաղդասարյանը, գործարար Արկադի Համբարձումյանը, ռուսաստանաբնակ գործարար Սամվել Կարապետյանի եղբայրը՝ Կարեն Կարապետյանը, «Հայկական վերածնունդ» կուսակցությունից Վանաձորի ավագանու անդամ Արկադի Փելեշյանը եւ ուրիշներ: Քաղաքական առումով ինչպե՞ս են իրենց դրսեւորում ձեր մրցակիցները, ինչպե՞ս են անցկացնում քարոզարշավը:

- Մի դրվագ ասեմ ՀՀԿ-ի թեկնածուների կեցվածքի մասին. մեծ պաստառներում այդ թեկնածուների շա~տ մեծադիր նկարն է եւ շատ փոքրիկ մի հատվածում ՀՀԿ-ի լոգոտիպը: Դա նշանակում է, որ իրենք գիտակցում են, որ ՀՀԿ-ն շանս չունի եւ համամասնական ընտրությունների մասին խոսք չի կարող լինել: Այստեղ ավելի շատ անձերն են առաջ մղվում, բայց իրենք էլ իրենց հերթին են վարկաբեկված: Ձեր նշած անձանցից շատ մարդկանց անուններ տարբեր ժամանակներում տարբեր քրեական եւ այլ պատմությունների մեջ է շրջանառվել: Ինչպե՞ս կարող են այս մարդիկ տանել իրենց քարոզարշավը: Օրինակ Վահրամ Բաղդասարյանն օրերս Վանաձորի սպորտի պալատում հանդիպում էր կազմակերպել, որին ներկա էին գազի ոլորտի աշխատակիցները: Վարչական ռեսուրսները շատ կոպիտ ձեւով են օգտագործում, ես օրինակ ուսուցիչների հետ եմ խոսում, բոլորն ասում են, որ մեզ ճնշում են, մենք ստիպված ենք: Նման բաներ հատկապես Վանաձորում շատ են լինում, բոլորը հրահանգավորված են, որ ընտրեն Հանրապետականին:

- Իսկ ընտրակաշառքի վերաբերյալ ահազանգեր կա՞ն:

- Կաշառք բաժանում են ընտրություններից մեկ շաբաթ առաջ: Հիմա ցուցակներով են զբաղված այդ մարդիկ, խոստումներ շատ-շատ են տալիս, բայց ընտրություններից մի քանի օր առաջ կսկսեն կաշառք բաժանել, հիմա դա չի արվում:

- Ամփոփելով մեր զրույցը՝ ի՞նչ կփոխի «Ելքը»՝ իշխանության գալու դեպքում: Իհարկե կա ծրագիր, որի միջոցով ընտրողը կարող է դա իմանալ, բայց դուք ո՞րն եք համարում ամենաառաջնային կետը, որոնք մարդու կյանքի փոփոխություն են բերելու:

- Ինձ համար ամենակարեւոր փոփոխությունը, որ «Ելքը» խոստանում է ապահովել իշխանության գալու դեպքում՝ դա պետական կառավարման համակարգի փիլիսոփայության եւ մոտեցումների փոփոխությունն է: Պաշտոնյաների մոտ չպետք է լինի ժողովրդին վերեւից նայելու, տերն ու ծառայի կարգավիճակ: Համոզված եմ, որ «Ելք»-ի իշխանության գալու դեպքում նման վերաբերմունք հաստատ չի լինի, եւ այդ ամենը ինքնըստինքյան հույս ու հավատ կներշնչեն ապագայի նկատմամբ: Եթե պետությունը ճիշտ կառավարվի, ռեսուրսները ճիշտ բաշխվեն, մոնոպոլիաները վերանան, դատական համակարգը անկախ լինի՝ առաջընթաց ապահովելը հեշտ կլինի ժողովրդի կենսամակարդակում: Հիմա նայում եմ մեր թեկնածուներին, նրանց երազած հայրենիքն այն չի, որ իրենք ինչ-որ պաշտոնի գան, օգտվեն արտոնություններից եւ այլն: Նպատակն այլ է: Օրինակ, ես չեմ երազում որ պատգամավոր դառնամ՝ նյութական ապահովության հասնեմ: Ես ուզում եմ մարդկանց մեջ հավատ առաջանա պաշտոնյայի նկատմամբ, պատգամավորի նկատմամբ, որ նրանք ընկալվեն որպես հանրային ծառայողներ եւ ոչ թե տերն ու ծառա: Ես երազում եմ նորմալ, զարգացող, մաքուր, սիրուն երկրում ապրելու մասին: Երազում եմ, որ իմ երեխան ապրի ավելի լավ երկրում: Ես 6 տարեկան տղա ունեմ, բայց արդեն անհանգստանում եմ նրա ծառայության համար: Պետք է այնպես անել, որ սահմանի վիճակը չշարունակվի այսպես մնալ:

Այս տարիների ընթացքում ընտրական պրոցեսի նկատմամբ թերհավատություն է ձեւավորվել, որն իր պատճառներն ունի. 20 տարի է ընտրական պրոցեսի միջոցով իշխանություն չի փոխվել: Դա է պատճառը, որ մարդիկ չեն գիտակցում՝ ընտրությունը եւ առկա վիճակը իրար շաղկապված են: Նրանց թվում է, թե այդ երկուսը տարանջատված են, իսկ իրականում դրանց մեջ անմիջական կապ կա: Ամենավատ բանը, որ ձեւավորվել է՝ դա է եւ իմ պայքարը լինելու է այդ մտածելակերպի դեմ: Ես պայքարելու եմ հուսահատության դեմ՝ հանուն ապագայի նկատմամբ հավատի: Կա ընտրություն՝ կա ելք, կա խելք՝ կա ելք:

Տպել
6341 դիտում

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն