Անկախ ավագանու ընտրության արդյունքներից՝ «ԵԼՔ»-ը, ՀՀԿ-ն, «Երկիր ծիրանին» մանդատներ կստանան

Նոր ընտրական օրենսգրքի համաձայն Երեւանի քաղաքային իշխանությունը ձեւավորվում է առնվազն 3 քաղաքական ուժից: Հաշվի առնելով, որ մայիսի 14-ին սպասվող Երեւանի ավագանու ընտրություններին մասնակցելու հայտ է ներկայացրել 3 քաղաքական ուժ՝ սպասվում է, որ նրանցից յուրաքանչյուրը ավագանու 65 մանդատներից իր բաժինն է ունենալու:

Բացառություն կարող է լինել միայն մանդատների բաշխման կարգով պայմանավորված: ՀՀ ընտրական օրենսգրքի 141-րդ հոդվածի 4-րդ կետի համաձայն՝ «Յուրաքանչյուր ընտրական ցուցակին հասանելիք մանդատների թվի հաշվարկը կատարվում է հետեւյալ կերպ. յուրաքանչյուր ընտրական ցուցակին կողմ քվեարկված քվեաթերթիկների թիվը բազմապատկվում է ընտրական ցուցակներին հասանելիք մանդատների թվով, արդյունքը բաժանվում է մանդատների բաշխմանը մասնակցող ընտրական ցուցակներին կողմ քվեարկված քվեաթերթիկների ընդհանուր թվի վրա, եւ առանձնացվում են ամբողջ թվերը, որոնք յուրաքանչյուր կուսակցության (կուսակցությունների դաշինքի) ընտրական ցուցակին հասանելիք մանդատների թվերն են»:

Եթե ենթադրենք, որ Երեւանի ավագանու ընտրությունների արդյունքում «կողմ» քվեարկած քվեաթերթիկների ընդհանուր թիվը լինելու է առնվազն 400 հազար, ապա Երեւանի ավագանու մանդատ ստանալու համար քաղաքական ուժերից յուրաքանչյուրին անհրաժեշտ է լինելու առնվազն 6000 ձայն:

6000 * 65 : 400.000 = 0.9

Սրանից քիչ ստանալու դեպքում մանդատ ստանալու հավանականությունը նվազում է:

Քվեաթերթիկների բաշխման կարգում մեկ հետաքրքիր դրույթ եւս կա, որը մասնագետների կողմից ժամանակին որակվել է որպես «ՀՀԿ-ի համար կարված դրույթ»:

Խոսքը Ընտրական օրենսգրքի 141-րդ հոդվածի 5-րդ կետին է վերաբերում: Այդ կետում ասվում է. «5. Եթե սույն հոդվածի 4-րդ մասով սահմանված կարգով մանդատների բաշխման արդյունքով կուսակցություններից (կուսակցությունների դաշինքներից) մեկը ստանում է տեղերի 40 տոկոսից ավելին, սակայն ոչ բացարձակ մեծամասնությունը, ապա տեղերի բացարձակ մեծամասնությունը տրվում է այդ կուսակցությանը (կուսակցությունների դաշինքին): Եթե տեղերի 40 տոկոսից ավելին ստանում է երկու կուսակցություն (կուսակցությունների դաշինք), սակայն ոչ բացարձակ մեծամասնությունը, ապա տեղերի բացարձակ մեծամասնությունը տրվում է այն կուսակցությանը (կուսակցությունների դաշինքին), որն ստացել է առավել թվով մանդատներ: Մնացած մանդատները բաշխվում են մանդատների բաշխմանը մասնակցելու իրավունք ստացած մյուս կուսակցությունների (կուսակցությունների դաշինքների) ընտրական ցուցակների միջեւ»:

ՀՀԿ-ն, փաստորեն, ձգտելու է ստանալ 40 տոկոսից ավելի քվեներ, որպեսզի բոնուսային կարգով ավագանիում մեծամասնություն ստանալու հնարավորություն ունենա: Բոնուսը չի աշխատի, եթե ընտրություններին մասնակից ուժերից որեւէ մեկը 40 տոկոսից ավելին չստանա: Առնվազն 400 հազար մասնակցության դեպքում մեծամասնություն ստանալու է այն ուժը, որ ստանալու է 210 հազարից ավելի ձայն:

40 տոկոս ստանալու դեպքում քաղաքական ուժը ստանում է 26 մանդատ, իսկ երբ գումարվում են բոնուսները՝ մանդատների թիվը դառնում է 33: Մյուս 32 մանդատները բաշխվում են մյուս 2 ուժերի միջեւ:

Տպել
5753 դիտում

«Gazprom»-ը սկսել է գազով լցնել «Թուրքական հոսքի» խողովակաշարը

Փրկարարները Երեւանում եւ Եղվարդում հայտնաբերված օձերին տեղափոխել են անվտանգ տարածք

Աշտարակի ոստիկանները ապօրինի թմրաշրջանառության դեպքեր են բացահայտել (տեսանյութ)

ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը

Երևանի պատվավոր քաղաքացու կոչումը ստանալուց հետո Մանարյանը հուզմունքից համբուրում էր մեդալը

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է