Նոտարական գաղտնիք է. Հովիկ Աբրահամյանի նոտար դուստրը՝ պատգամավորի թեկնածուի դիմումի մասին

Ինչպես տեղեկացրել էինք՝ վերջերս լրատվամիջոցների տրամադրության տակ էր հայտնվել «Ծառուկյան» դաշինքից ռեյտինգային ընտրակարգով առաջադրված ԱԺ պատգամավորի թեկնածու Նապոլեոն Ազիզյանի դիմումը, որի համաձայն նա հայտնում է ինքնաբացարկ եւ հանում իր անունը «Ծառուկյան» դաշինքի ցուցակից:

Դիմումը ստորագրվել եւ նոտարի կողմից հաստատվել է փետրվարի 14-ին, երբ դեռ նույնիսկ առաջադրումներ չկային եւ ինքնաբացարկի մասին խոսելն ավելորդ էր: Սրանով, սակայն հաստատվեցին տարիներ շարունակ շրջանառվող տեղեկությունները, որ որոշ կուսակցություններ թեկնածուներ առաջադրելիս, նրանցից վերցնում են ինքնաբացարկի դիմում՝ ցանկության դեպքում նրանց խաղից դուրս հանելու համար:

Մի կողմ թողնելով այս հանգամանքը՝ ընդգծենք, որ Նապոլեոն Ազիզյանի դիմումի ստորագրությունը վավերացրել է ՀՀ նախկին վարչապետ Հովիկ Աբրահամյանի դուստրը՝ «Կենտրոն» նոտարական տարածքի նոտար Աննա Աբրահամյանը: Իսկ Հովիկ Աբրահամյանը, ինչպես հայտնի է՝ ապրիլի 2-ի խորհրդարանական ընտրություններում աջակցում էր «Ծառուկյան» դաշինքին:

Այսօր փորձեցինք Աննա Աբրահամյանից պարզել՝ արդյո՞ք պատահականություն է, որ «Ծառուկյան» դաշինքի թեկնածուի դիմումն իր մոտ է վավերացվել: Հարցրեցինք նաեւ՝ քանի՞սն են եղել այդ բովանդակությամբ դիմումների տակ իր վավերացրած ստորագրությունները եւ ինչպե՞ս է ստացվել, որ դիմումներից մեկը հայտնվել է լրատվամիջոցների տրամադրության տակ:

Նապոլեոն Ազիզյանը մեզ հետ զրույցում ասել էր, որ դիմումից 2 օրինակ է եղել՝ մեկն իրենց, մյուսը՝ նոտարի մոտ եւ իր համար պարզ չէ, թե ինչպես է այն հրապարակայնացվել:

Ի պատասխան վերը նշված մեր հարցադրումների՝ Աննա Աբրահամյանն ասաց, որ ինքը պարտավոր չէ պատասխանել:

- Իսկ ես պարտավո՞ր եմ պատասխանել: Դա նոտարական գաղտնիք է, ես իրավունք չունեմ պատասխանելու ձեր հարցերին:

- Տիկին Աբրահամյան, իրենք պնդում են, որ այդ դիմումը միայն ձեզ մոտ կար: Ո՞վ է հրապարակել...

- Բնականաբար, նույն գործը 10 նոտար անել չի կարող, կրկնում եմ, հարցերի շարանը սահմանափակեք, որովհետեւ ես որեւէ հարցի պատասխանել չեմ պատրաստվում:

- Ձեր իրավասությունների մեջ մտնո՞ւմ է...

- Կներեք, քաղաքացիներ են, համեցեք... (այս ասելով Հովիկ Աբրահամյանի դուստրն անջատեց հեռախոսը):

Հիշեցնենք, որ կուսակցությունները դեռեւս չեն հստակեցրել, թե իրենց ցուցակներում ընդգրկված անձանցից ովքեր են պատգամավորի մանդատ ստանալու: Երեւանի Կենտրոն, Նորք Մարաշ, Էրեբունի, Նուբարաշեն վարչական շրջաններն ընդգրկող թիվ 4 ընտրատարածքում «Ծառուկյան» դաշինքից ամենաշատ ձայները ստացել եւ խորհրդարանում հայտնվելու իրավունք է ստացել «Միլլար» ՍՊԸ տնօրեն Նապոլեոն Ազիզյանը (4332 ձայն): Նրան հաջորդում է Վահե Էնֆիաջյանը՝ 3484 ձայնով: Բայց քանի որ այդ ընտրատարածքում «Ծառուկյան» դաշինքին բաժին է ընկնում 1 մանդատ, ուստի այն հավակնում է ստանալ Նապոլեոն Ազիզյանը:

Տպել
14412 դիտում

Փրկարարներն արգելափակումից դուրս են բերել 2 ավտոմեքենա, օգնություն է ցուցաբերվել 2 քաղաքացու. ԱԻՆ

Ով ինչ ուղերձներ հղեց մյունխենյան «հայացքների մենամարտում»

Արման Թաթոյանն այցելել է զորամասեր, հանդիպել զինվորների հետ

Սպիտակում «Nissan» մակնիշի ավտոմեքենան բախվել է բետոնե արգելապատնեշին և շրջվել. կա տուժած

Հրդեհ՝ Վանաձորում. վնասը նյութական է

Գյումրի-Աշոցք ավտոճանապարհին մեքենան ձորն է գլորվել. 5 տուժած տեղափոխվել է «Գյումրի» ԲԿ

Վարդենյաց լեռնանցքը բեռնատարների համար փակ է, Սոթք-Քարվաճառ ավտոճանապարհը՝ դժվարանցանելի

Նոր Նորքում գտնվող 4000 տարեկան ժայռապատկերները վտանգված են. քաղաքագետը ահազանգում է, քաղաքապետի խոսնակը՝ արձագանքում

Շուտով կբեմադրվի փաստավավերագրական ներկայացում՝ նվիրված Մոնթե Մելքոնյանին. նախագիծն իրականացվում է Մոնթեի կնոջ հետ

«Հայի բախտ ասվածն այլևս չար բախտը չէ»

Ակունք համայնքում անցկացվել է «Գեղարքունյաց Ձմեռ -2020» մարզամշակութային միջոցառումը

Արմավիրի ոստիկաններն ապօրինի թմրաշրջանառության դեպք են բացահայտել (տեսանյութ)

Արմավիրի մարզպետը շնորհավորել է եզդիական համայնքին Սուրբ Խըդըր Նաբիի տոնի առթիվ

Իրանի խորհրդարանական ընտրությունները նշմարում են Ռոհանիի իշխանության ավարտը. իշխող ուժի շանսերը փոքր են

Վթար Կապանում. «Հունդայի Սանտաֆե»-ի 46-ամյա ուղևորը մահացել է

Արարատի ծննդօգնության ծառայություններ մատուցող բժշկական հաստատություններում հունվար ամսին ծնվել է 53 տղա եւ 71 աղջիկ

Քաղաքապետարանում տեղյակ չեն, թե Երեւանին նվիրաբերված սեքվոյա հսկա ծառի սերմերը որտեղ են պահվում

Նախագահական նստավայրում կայացել է ռուսական ռոմանսի երեկո՝ նվիրված Մեծ հաղթանակի 75-ամյակին

Նախ ասել են՝ երեխաս աղիքային խնդիր ունի, հետո՝ իբր մահացել է. տարիներ առաջ ծննդաբերած կինը փնտրում է իր աղջկան

Երևան-Սևան ավտոճանապարհին մեքենան բախվել է երկաթե արգելապատնեշներին. 37-ամյա վարորդը մահացել է