Տ. Մարգարյանի շտաբի անդամները խլել են «Հժ»-ի լրագրողի հեռախոսը, ջնջել կաշառքի ապացույցները

«Հայկական ժամանակ» օրաթերթի լրագրող Աննա Զախարյանն այսօր երեկոյան տուն գնալիս տեսել է, թե ինչպես են Արարատյան զանգվածի Կուրղինյան փողոցում գտնվող Տարոն Մարգարյանի նախընտրական շտաբում 20 հազարական դրամ ու քվեարկած թերթիկներ բաժանում:

Երբ «ՀԺ»-ի լրագրողը սկսել է տեսանկարահանել գործընթացը, «թաղի լավ տղաները» բռնությամբ նրանից խլել են հեռախոսն ու ջնջել ամբողջ պարունակությունը. ջնջել են ոչ միայն այդ պահին արված տեսագրությունները, այլ նաեւ կարճ հաղորդագրությունները, համարները: Աննա Զախարյանին հեռախոսը վերադարձրել են միայն այն ժամանակ, երբ անձեռոցիկով մաքրել են հեռախոսի վրա թողնված մատնահետքերը:

«Տուն գնալիս, Կուրղինյան փողոցում  գտնվող Տարոն Մարգարյանի շտաբում քաղաքացիների կուտակումներ տեսա, ինձ թվաց, որ կաշառք  բաժանելու գործընթաց է տեղի ունենում: Մոտեցա շտաբին, տեսնելու, թե ինչ է կատարվում. հեռախոսս միացրի, որ տեսանկարահանեմ: Տեսնեմ՝ քաղաքացիները շտաբից դուրս էին գալիս ձեռքներին մի-մի քվեաթերթիկ՝ երրորդ համարի դիմաց քվեարկած (Տարոն Մարգարյանի ներկայացրած քաղաքական ուժը երրորդ համարն է,-հեղ. ): Բացի քվեարկած քվեաթերթիկներից, քաղաքացիներն իրենց հետ դուրս էին բերում նաեւ գումար, դնում գրպաններն ու գնում: Այդ ընթացքում հասկացան, որ տեսանկարահանում եմ գործընթացը, հեռախոսս բռնի ուժով վերցրին եւ բավական ժամանակ տարան, չիմացա թե ուր: Այն վերադարձրեցին անձեռոցիկով՝ հասկանալի է մատնահետքերը վերացված էին հեռախոսի վրայից, ես հրաժարվեցի այլեւս վերցնել հեռախոսը եւ գնացի տուն: Նրանք իմ ետեւից եկան տուն, դուռը բացեցին, հեռախոսը գցեցին տան մեջ, էլի՝ անձեռոցիկով:

- Այն, ինչ տեսանկարահանել էիր, ջնջե՞լ են:

- Այո: Հեռախոսի մեջ ամեն ինչ ջնջված էր, չէի սպասվում, որ հաղորդագրությունները, կատարված ու ստացած զանգերը, բոլոր հեռախոսահամարները ջնջված կլինեն:

- Ինչքա՞ն գումար էին շտաբում բաժանում:

- Ես տեսա մի հատ 20 հազար դրամանոց, բայց ենթադրում եմ, որ էլի գումար կար, բայց չեմ կարող պնդել, որովհետեւ ինձ թվաց՝ մի թղթադրամ չի, այլ էլի կա: Շտաբում սեղանի շուրջ մի քանի հոգի նստած էին, քաղաքացիների անուն ազգանունները կարդում էին, նրանք մոտենում էին, գումարն ու քվեաթերթիկը վերցնում եւ հեռանում:

- Քաղաքացիները շա՞տ էին:

- Այո, շատ էին, մի երեք տասնյակի չափ՝ առնվազն:

- Երբեւէ տեսե՞լ ես այն քաղաքացիներին, ովքեր շտաբում էին ու խլել են հեռախոսդ:

 - Նախկինում մյուս ընտրությունների առիթով որպես վստահված անձ, տեղամասերում որպես «թաղի լավ տղաների»՝ տեսել եմ:

- Այս պահին նրանք կրկին շտաբո՞ւմ են:

- Այո, հավաքված են, բայց այս ընթացքում հասցրին շտաբի վրայից հանել Տարոն Մարգարյանին մեծադիր պաստառը. այն արդեն չկա:

Տպել
23627 դիտում

547 նոր դեպք և 207 առողջացած. կորոնավիրուսից անցած 1 օրում 4 կին եւ 3 տղամարդ է մահացել

Խնդիր ունենք, որ կորոնավիրուսով հիվանդների թիվը համապատասխանի հիվանդանոցային կարողությունների թվին. վարչապետ (տեսանյութ)

Գյումրիում երկհարկանի տուն է հրդեհվել. Բարդության «թիվ 2» կանչ դեպքի վայր է մեկնել 5 մարտական հաշվարկ

Դեռ շատ կհանդիպեն պետականությունից խոսող պետական դավաճաններ. Հակոբ Արշակյան

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան