Ներդրումային ծրագրեր, որ թթվել են քաղաքապետարանի վրա. փողերն ընտրակաշառքի վրա՞ են ծախսվել

Թե որքան ընտրակաշառք բաժանվեց Երեւանում անցած ընտրությունների շրջանակում, դժվար է ասել: Բայց որ այդ գումարը հաշվվում է միլիոնավոր դոլարներով, թերեւս ոչ ոքի մեջ կասկած չի առաջացնում:

Ովքե՞ր են ծախսում այդ փողերը, ինչո՞ւ են ծախսում...: Այդ գումարները չկան որեւէ լեգալ աղբյուրում: Ոչ քաղաքապետարանի բյուջեում, ոչ Հայաստանի պետական բյուջեում, ոչ էլ որեւէ օրինական արտաբյուջետային հաշվում: Այդ գումարները հիմնականում օլիգարխների մոտ են, որոնցից յուրաքանչյուրը իր «պատասխանատվության տակ գտնվող» թաղամասում ստանձնում է «ձեն բերելու» պարտականությունը: Իսկ «ձեն բերելու» ամենաէֆեկտիվ միջոցը հենց փողն է` ընտրակաշառքը:

Մի խոսքով, կան մարդիկ, որոնք ունեն շատ փող եւ այդ փողը ընտրակաշառքի տեսքով բաժանում են իշխող խմբավորմանը «ձեն բերելու» համար: Սա, ըստ էության, ներդրում է: Ըտրակաշառքի համար գումարներ հատկացնող մեծահարուստները այդ գումարով «ինդուլգենցիա» են ձեռք բերում իրենց հետագա «բեսպրեդելի» համար: Հերթական սուպերմարկետը, էլիտար շենքը, հերթական այգին բետոնապատելը...: Այս ամենի թույլտվությունը նա չի ստանա, եթե ընտրությունների ժամանակ «ներդրում» չի արել «ձեն բերելու» համար: 

Մյուս կողմից, հենց Երեւանում կան բազմաթիվ ներդրումային ծրագրեր, որոնք չեն իրականացվում ներդրող չլինելու պատճառով. «փող չկա»` ասում են: Այդ ներդրումային ծրագրերը զետեղված են քաղաքապետարանի պաշտոնական կայքում (https://www.yerevan.am/am/investment-proposal/): Հիմա նայենք դրանցից մի քանիսը:

Օրինակ, «Հեքիաթային քաղաք», որը, ըստ ծրագրի հեղինակների, պետք է տեղակայվի Երեւանյան լճի մոտակայքում: Արժեքը` 28 միլիոն դոլար: Սա, ի դեպ, նախատեսված է Երեւանի գլխավոր հատակագծով: Այն պետք է զբաղեցնի 26 հեկտար տարածք: «Հեքիաթային քաղաքում» պետք է լինեն տոնավաճառ ցուցադրությունների փողոց, հանգստի գոտի, զվարճանքների գոտի երեխաների համար, Ջրային աշխարհ, «Հեքիաթային ամրոցի» գոտի եւ այլն: Ծրագիրը արդեն «թթվել է»  քաղաքապետարանի պաշտոնական կայքէջում, ու դրանով ոչ ոք չի հետաքրքրվում:

Մյուս «թթված» ծրագրերից է «Նոյլենդ» պատմահնագիտական եւ զբոսաշրջության կենտրոնը: Ծրագրի արժեքը մոտ 40 միլիոն դոլար է: Սա մի հսկայական շինություն է Նոյան տապանի նմանությամբ: Ամբողջ տարածքը կլինի 7 հեկտար: Որտեղ է այն տեղակայվելու, նշված չէ:

Էլի մի ներդրումային ծրագիր: Հրազդանի կիրճում հյուրանոց, մոտ 6 միլիոն դոլար արժողությամբ: Հրազդանի կիրճի մեկ այլ հատվածի հարեւանությամբ մոտ 114 հեկտար տարածքի վրա մի հսկայական թաղամաս կառուցելու ներդրումային ծրագիր էլ կա: Արժեքը նշված չէ, բայց այդտեղ լինելու են ամբողջական թաղամասեր, որոնք նախատեսված են դիվանագիտական ներկայացուցչությունների, միջազգային կազմակերպությունների գրասենյակների համար, լինելու են նաեւ բնակելի թաղամաս, հանգստի գոտի եւ այլն: Սրանք էլ «թթված» ծրագրեր են:

Հիմա կասեք, թե այս ներդրումային ծրագրերը թանկ են, եւ այդքան փող չկա: Շատ լավ: Բայց ներդրումային ծրագրերի ցանկում են նաեւ շատ ավելի էժան առաջարկներ: Օրինակ, քաղաքապետարանի ենթակայության տակ գտնվող նախկին կաթսայատների շենքերը վերակառուցելը: Դրանցից մեկը գտնվում է Իսակովի պողոտայում, երկհարկանի, 158 քմ մակերեսով շինություն է, որի վերակառուցման համար պահանջվում է ընդամենը 15 միլիոն դրամ: Մեկ այլ նմանատիպ կաթսայատուն էլ գտնվում է Էրեբունի փողոցում, որի վերակառուցումը, ըստ ծրագրի, կարժենա 12 միլիոն դրամ:

Այսպիսի պուճուր ներդրումային ծրագրեր էլ կան, որոնք ոչ մի հետաքրքրություն չեն ներկայացնում: Ի՞նչ է, սրանց համա՞ր էլ փող չկա: Եթե հաշվի առնենք, որ Երեւանի ավագանու ընտրությունների ժամանակ ընտրակաշառքի չափը հասնում էր 20 հազար դրամի, ապա 12 միլիոն դրամը ընդամենը 600 ընտրողի կաշառելու փող է: 15 միլիոն դրամը` 750 ընտրողի «փայ է»: Եթե սրանց գումարենք ընտրակաշառք բաժանողների փայը, ընտրակաշառք բաժանողներին փող «հասցնող» միջնորդների փողը, ուտուշ- խմուշների, սալյուտների ծախսերը եւ այլն, կստացվի, որ յուրաքանչյուր ընտրության վրա ՀՀԿ-ի ծախսած փողը կբավարարեր մի քանի թանկ ներդրումային ծրագիր իրականացնելու համար:

Բայց այդ ծրագրերը ոչ միայն ընտրակաշառքների գումարներ տրամադրողները չեն իրականացնում, այլ ըստ էության հենց նրանց գործողությունների, նրանց ստեղծած մթնոլորտի պատճառով նաեւ ուրիշներին դա չի հետաքրքրում: Նույն այս մթնոլորտն է տիրում նաեւ ամբողջ Հայաստանում: Այսքանից հետո արժե՞ արդյոք զարմանալ, որ Հայաստանում ընդհանրապես եւ Երեւանում մասնավորապես ներդրումներ չեն լինում: Ընտրակաշառքի համար իրականացված «ներդրումները» անհամատեղելի են տնտեսության զարգացմանը ուղղված ներդրումների հետ: Իրականությունը ապացուցում է այս պնդումը:

«Հայկական Ժամանակ»-ը Telegram-ում
Տպել
22240 դիտում

Հասնել վերջնակետին՝ Ադրբեջանի վրա բարեկամական ճնշում գործադրելով. Բերսեն՝ համաձայնագրի ստորագրման մասին

Խորին ցավակցություն ենք հայտնում Ճամբարակում պայթյունի հետևանքով զոհերի հարազատներին․ ՀՀ-ում ՌԴ դեսպանություն

Առինջ գյուղում մեքենաներ են բախվել, մեկը այրվել է. տուժածներ կան

Քաղցկեղը դատավճիռ չէ. 32-ամյա կինը հաղթահարել է հիվանդությունն ու մայրացել է

Հորիզոններ դուալ կրթական ծրագիրը շահառու ընտանիքները` նորարար գյուղատնտեսության ճանապարհով. լուսանկարներ

Հունահռոմեական ոճի ըմբշամարտի Հայաստանի պատանեկան հավաքականը առաջինն է թիմային հաշվարկում

«Մարտի 1»-ին Լևոն Տեր-Պետրոսյանը մենակ թողեց ժողովրդին կրակի դեմ, ոչ մի հոգևորական չկանգնեց մարդկանց կողքին

Ուժեղացված ծառայություն Լոռիում և Տավուշում․ պարեկները 458 խախտում են արձանագրել. տեսանյութ

Վարչապետը ողջունել է ՀՀ-ում AI ենթակառուցվածքների կառուցման NVIDIA-ի աջակցությունն ու Firebird-ի հետ աշխատանքը

Երևանում շարունակվում է համայնքային հողերը քաղաքին վերադարձնելու գործընթացը. տեսանյութ

Երևանում 31 համարի ավտոբուսի վարորդը բռնության է ենթարկվել. հաղորդում է ներկայացվել ոստիկանություն. Կոստանյան

Ըմբշամարտի ԵԱ. Հայկ Մանուկյանը հաղթել է ադրբեջանցի մրցակցին և դարձել չեմպիոն

Կապ ունեմ մի հոգևորականի հետ, որը իշխանությանը մեղադրում է, որ Գարեգին Բ-ի հարցը վաղուց չենք լուծել. տեսանյութ

Մխիթար Հայրապետյանն ընդունել է Nokia ընկերության ներկայացուցիչներին. ձեռք են բերվել պայմանավորվածություններ

Ըմբշամարտի ԵԱ. Մարատ Աճեմյանը՝ Եվրոպայի չեմպիոն

Ռուսաստանը և Ուկրաինան զոհված զինվորների մարմիններ են փոխանակել

12 տարվա դադարից հետո Դամասկոս-Ստամբուլ չվերթ է իրականացվել. վերսկսվել է Թուրքիա-Սիրիա ավիահաղորդակցությունը

Կառուցվող էլիտար թաղամասում 31-ամյա աշխատակիցը բարձրությունից ընկել է. բժիշկները պայքարում են նրա կյանքի համար

Ճամբարակում որոնողափրկարարական աշխատանքները դադարեցվել են․ սահմանվել է հերթապահություն

ՀՀ-ում կկառուցվի 500 մլն դոլար արժողությամբ AL գործարան. տարածաշրջանի խոշորագույն տեխնոլոգիական նախագիծը

Կրթվելը նորաձև է Երևանում. վարչապետը տեսանյութ է հրապարակել

Երբ «սառեցվածը» թրև էր գալիս փողոցներում, անկարգություններ հրահրում, Սահմանադրություն չէ՞ր խախտվում. տեսանյութ

Ճամբարակի շենքի փլատակներում հայտնաբերվել է 5-րդ դին

Ճամբարակում պայթյունի հետևանքով զոհվածների և որոնվող տղամարդու ինքնությունները հայտնի են. անուններ

Ամերիաբանկը միացել է Մոսկվայում առաջին անգամ անցկացվող TOON EXPO-ին

Վստահաբար գնալու ենք առողջության համապարփակ ապահովագրության ներդրման ուղիով. Անահիտ Ավանեսյան

Գերիների, պատանդների և անհետ կորածների հարցերով զբաղվող միջգերատեսչական հանձնաժողովի նիստ է տեղի ունեցել. ԱԱԾ

Դսեղը կունենա Աթանի հետ կապող բարեկարգ ճանապարհ. հիմնանորոգում է իրականացվում

Լավ եմ անում, հարց կա՞. Վարդան Ղուկասյանը Լիլիթ Աղեկյանին պաշտոն է տվել

Ճամբարակում կատարվում է դեպքի վայրի զննություն 5-րդ անձին հայտնաբերելու ուղղությամբ

Ճամբարակի շենքի պայթյունի հետևանքով տարհանվածները դրսում չեն մնա, կապահովվեն կացարաններով. Խուդաթյան

Ալեն Սիմոնյանն ու Մեհդի Սոբհանին քննարկել են հայ-իրանական հարաբերությունների օրակարգի առանցքային թեմաները

Հնդկաստանի ազգային պաշտպանական քոլեջի պատվիրակությունն այցելել է Հայոց ցեղասպանության հուշահամալիր

Վահագն Խաչատուրյանն այցելել է «Sophia Antipolis» տեխնոպարկ, ծանոթացել ինովացիոն հնարավորություններին

Ճշտված տվյալներով՝ 5-րդ անձը եղել է շենքում. Ցուցուլյանը՝ Ճամբարակում պայթյունի հետևանքով անհետ կորածի մասին

ԱԳ նախարարի տեղակալ Վահան Կոստանյանի գլխավորած պատվիրակությանն ընդունել է Եթովպիայի նախագահ Թայե Ացկե Սելասին

Պաշտոնական Երևանից որևէ ազդակ չենք ստացել ռուսական ռազմաբազայի դուրսբերման մասին. Զախարովա

Ադրբեջանական կողմը Բերդի ուղղությամբ 1 ամիս առաջ անկանոն կրակոցներ է արձակել, հիմա հանգիստ է. մարզպետ

Արայիկ Հարությունյանն այցելել է Երևանի բուսաբանական այգի, ծանոթացել «Կյանքի պուրակ»-ի կառուցման աշխատանքներին

Երկու տղամարդ անհետ կորած է. Գեղարքունիքի մարզպետը՝ Ճամբարակում պայթյունի հետևանքների մասին