«Քեթրին գրուպից» հաստատում են` հարկայինից «հյուրեր» են ունեցել

Հունիսի 9-ին հայաստանյան լրատվամիջոցները էլեկտրոնային նամակ ստացան, համաձայն որի, ՊԵԿ զինված աշխատակիցները մուտք են գործել «Քեթրին Գրուպ» ընկերության տարածք: Նամակում, մասնավորապես, ասված էր. «Մեր աղբյուրների փոխանցմամբ՝ հունիսի 9-ի առավոտյան ՊԵԿ շուրջ 50 զինված աշխատակից մուտք են գործել «Քեթրին Գրուպ» ՍՊԸ տարածք։ Առանց անհրաժեշտ հիմնավորումների՝ առգրավվել են ընկերության բոլոր համակարգիչները, չհրկիզվող պահարաններն ու ամբողջ փաստաթղթերը»։

Armtimes.com-ը գրավոր հարցում է ուղարկել ՊԵԿ նախագահին՝ պարզաբանում ստանալու նպատակով, եւ պատասխանը ստանալուն պես կներկայացնենք ընթերցողին:

Հրապարակված տեղեկատվությունը ստուգելու նպատակով armtimes.com-ը զրուցեց «Քեթրին Գրուպ» ՍՊԸ-ի գործադիր տնօրեն Գագիկ Բադալյանի հետ:

- Պարոն Բադալյան,  տեղյա՞կ եք, որ էլեկտրոնային լրատվամիջոցներում տեղեկություն է հրապարակվել այն մասին, որ պետեկամուտների կոմիտեի մոտ 50 զինված աշխատակից մուտք է գործել «Քեթրին Գրուպ» ՍՊԸ-ին պատկանող տարածք, եւ առգրավել համակարգիչներ, փաստաթղթեր եւ չհրկիզվող պահարաններ: Նման միջադեպ եղե՞լ է վերջին մեկ շաբաթվա ընթացքում:

- Ընդհանուր առմամբ՝ հարկային ստուգումները պարբերաբար լինում են: Այդպիսի գործառույթ, որ 50 հոգով… իհարկե, նման դեպք չի եղել մեզ մոտ: Ընդամենը հարկային պարբերական ստուգումների նման որոշակի ստուգում է իրականացվել, որը շատ նորմալ է, ոչ մի այդպիսի միջադեպի, առգրավելու խնդիրներ չի արձանագրվել մեզ մոտ: Ընդամենը հարկային ստուգում է եղել, որը սովորաբար լինում է: Ձեր ասած տեղեկատվության մասին ես էլ եմ կարդացել, ճիշտն ասած, իմ համար զարմանալի էր շատ:

- Ասում եք հարկային ստուգումները պարբերաբար լինում են, վերջին անգամ ե՞րբ են եղել:

- Նախորդ տարի էլ է եղել, մի քանի օր առաջ էլ է եղել: Նորմալ է հարկային ստուգումներ լինելը: Ես կարծում եմ՝ յուրաքանչյուր կազմակերպությունում էլ տարին գոնե մեկ անգամ հարկային ստուգում է լինում՝ բյուջեի հետ փոխհարաբերություններ եւ նմանատիպ այլ ստուգումներ:

- Այսինքն՝ դուք ստուգումների դինամիկայի փոփոխություն չե՞ք նկատում պետեկամուտների կոմիտեի նոր նախագահի գործողություններով պայմանավորված, հաշվի առնելով նաեւ այն հանգամանքը, որ ձեր ընկերությունը մամուլի հրապարակումների համաձայն՝ շուկայում մենաշնորհային դիրք է զբաղեցնում (բանանի մենաշնորհ):

- Ճիշտն ասած, չեմ կարծում, որ դա պետք է քաղաքականացնել, ինչ-որ մենաշնորհային հարցեր առաջ քաշել, առավել եւս, որ վաղուց մենաշնորհային  հարցեր չի շոշափվում, որովհետեւ բազմաթիվ ընկերություններ ու անհատ ձեռներեցներ կան, որոնք նույնպես ներկրում են կոնկրետ բանան եւ այլ տեսակի մրգեր հա՛մ Վրաստանից, հա՛մ Ռուսաստանից, հա՛մ տարբեր երկրներից: Այնպես, որ խստացումներ, փաստաթղթաշրջանառության վերաբերյալ մենք հարկայինից պարբերաբար ստացել ենք հիշեցումներ, առաջարկներ, որ փաստաթղթաշրջանառությունն ավելի պարզեցնել, մաքսիմալ հասանելի դարձնել բոլորի համար: Իհարկե, մենք այդ ուղղություններով աշխատում ենք ու անում ենք առավելագույնը, որպեսզի այդպես լինի:

- Բոլոր դեպքերում դուք հերքո՞ւմ եք, որ վերջին մեկ շաբաթվա ընթացքում ավելի խիստ է եղել հարկային ստուգումը:

-Ես, իհարկե, հերքում եմ նման ինֆորմացիան, որը տարածվել էր, այսպիսի ստուգում մեզ մոտ չի իրականացվել: Ինչ-որ 50 հոգի զինված, բան… նմանատիպ բաներ չեն եղել, բայց մեր մոտ այցելություն է եղել հարկային մարմիններից: Եկել են մի քանի՝ 4-5, կարող է 6 հոգի, քաղաքացիական համազգեստով մարդիկ, որոնք իրականացրել են իրենց գործառույթը: Թե ինչու է նման արձագանք ստացել իմ համար էլ է զարմանալի:

- Այդ ստուգումների արդյունքներն ամփոփվե՞լ է, խախտումներ հայտնաբերվե՞լ են:

-Առայժմ ոչ մի բան չի ամփոփվել, չի հայտնաբերվել: Կարծում եմ՝ եթե ինչ-որ բան ամփոփվի եւ հայտնաբերվի, արդեն ՊԵԿ-ի կողմից կլուսաբանվի:

«Քեթրին Գրուպ» ընկերությունը 1997 թվականին հիմնադրել է ներկայումս ԱԺ պատգամավոր, նախկինում ՀՀ ԱՆ դատական ակտերի հարկադիր կատարման ծառայության ղեկավար Միհրան Պողոսյանը: Որպես հիմնական գործունեություն հանդիսացել է մրգերի ներկրումն ու իրացումը սեփական դիստրիբուցիոն ցանցի միջոցով: Տարիներ շարունակ հայաստանյան մամուլը գրում է, որ Միհրան Պողոսյանի կողմից հավատարմագրային կառավարման հանձնված այս ընկերությունը բանանի ներկրման մենաշնորհ ունի: ՊԵԿ նոր նախագահը՝ Վարդան Հարությունյանը՝ հայտարարել էր, որ բանանի մենաշնորհ չկա, որից հետո բանանի մանրածախ գինը նվազեց եւ հասավ 630 դրամի: Դրանից առաջ էլ ՊԵԿ-ը հայտարարեց, որ բանան ներկրող քաղաքացին խոչընդոտների է հանդիպել եւ ՊԵԿ-ի աջակցությամբ կարողացել է ներմուծում իրականացնել, որը սակայն հետագայում պարզվեց, որ բեմականացում էր:

Տպել
6064 դիտում

28-ամյա վարորդը Mercedes-ով տապալել է ծառն ու բախվել բնակելի շենքի պատին

Նիկոլ Փաշինյանը շնորհավորական ուղերձ է հղել Վրաստանի վարչապետին՝ երկրի ազգային տոնի առթիվ

Վերին Լարսի անցակետը բեռնատար տրանսպորտային միջոցների համար փակ կլինի մինչև 19.00-ն

«Para TV» կայքի աշխատակիցը հավաքի ժամանակ չի դանակահարվել, այլ կենցաղային վեճի արդյունքում. Ջանոյան

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան