Նոր օրենքը հետադարձ ուժ չի ունենա և տարկետման իրավունք ստացած ուսանողները դրանից չեն զրկվի

Չնայած ուսանողների բողոքի ալիքին, դասադուլներին ու հացադուլին՝ «Զինվորական ծառայության եւ զինծառայողի կարգավիճակի մասին» օրինագիծն Ազգային ժողովում երեկ ընդունվեց:

Դա նշանակում է, որ նոր օրենքը նախագահի հրամանագրով վավերացվելուց եւ ուժի մեջ մտնելուց հետո ուսումնառության նպատակով պարտադիր զինծառայությունից տարկետման իրավունք կստանան միայն այն դիմորդները կամ ուսանողները, որոնք պայմանագիր կկնքեն պաշտպանության նախարարության հետ եւ կպարտավորվեն ընդգրկվել «Պատիվ ունեմ» ծրագրում: Այսինքն՝ բակալավրիական կրթություն ստանալուց հետո կմեկնեն առաջնագիծ՝ որպես սպա եւ կծառայեն ոչ թե երկու, այլ երեք տարի ժամկետով՝ ստանալով նաեւ աշխատավարձ:

Սակայն, լուրեր են տարածվել, թե նոր օրենքը հետադարձ ուժ է ունենալու, եւ ոչ միայն բուհ ընդունվողները նախկին կարգով այլեւս տարկետում չեն ստանա, այլեւ այդ իրավունքից կզրկվեն ու բանակ կզորակոչվեն արդեն կրթական այս կամ այն համակարգ ընդունված եւ տարկետում ստացած ուսանողները:

ՀՀ պաշտպանության նախարարի խոսնակ Արծրուն Հովհաննիսյանը մեր հարցմանն ի պատասխան հերքեց այդ տեղեկությունը:

Նրա փոխանցմամբ, այն ուսանողները, որոնք արդեն ընդունվել են բակալավրիական կրթական համակարգում սովորելու եւ ունեն տարկետման իրավունք, չեն զրկվի դրանից: Բայց արդեն մագիստրատուրայում նրանց տարկետում չի տրամադրվի եւ արական սեռի ներկայացուցիչները կզորակոչվեն բանակ:

Տարկետում չեն ստանա նաեւ այժմ մագիստրատուրայում սովորող ուսանողները, եթե նրանք որոշեն կրթությունը շարունակել ասպիրանտական համակարգում: Ասել է թե՝ մագիստրատուրան ավարտելուց հետո տղաները կմեկնեն զինծառայության:

Իսկ ինչ վերաբերում է արդեն ասպիրանտուրա ընդունված արական սեռի ուսանողներին, նրանք նույնպես բանակ կգնան, եթե թեկնածուական ատենախոսություն չպաշտպանեն:

Օրինագծին դեմ արտահայտվող եւ յոթ օր շարունակ դասադուլ հայտարարած ուսանողները, իրենց դժգոհությունները հիմնավորելիս, նաեւ ընդգծում էին այն հանգամանքը, որ բակալավրիատ ընդունվելիս իրենք պլանավորել էին, որ տարկետման իրավունք կստանան նաեւ մագիտրատուրայում, հետո ասպիրանտուրայում, ինչի հնարավորություն, փաստորեն, նոր օրենքը չի թողնում: Այդքանով այն նրանց համար հետադարձ ուժ է ստանում:

Հ.Գ. Նոր օրենքի ընդունումից հետո բողոքի ցույցեր անցկացնող ուսանողներին Ազգային ժողովի ղեկավարությունը հրավիրել է կլոր սեղան-քննարկման, որը նախատեսվում է նոյեմբերի 22-ին: Նրանց խոստացել են, որ եթե կարողանան հիմնավորել, որ տարկետման իրավունքի վերոնշյալ կարգով սահմանափակումը սխալ է, օրենքը փոփոխությունների կենթարկվի: 

Տպել
3602 դիտում

Եթե սննդամթերքի մանրածախ վաճառք իրականացնող խանութում ՀԴՄ տպելու հաճախականությունը ժամը մեկ է՝ կասկածելի է․ Դ․Անանյան

ԵԱՏՄ տարածքում ռոումինգը կչեղարկվի. Տիգրան Սարգսյան

«ՀՀ քաղաքացու օրը», որ պիտի նշենք, երկրորդ ամենահիշարժան օրն է մեր նորանկախ պետության պատմության ընթացքում․ ԿԳ նախարար

ՀՀ-ն, Ադրբեջանն ու Արցախը կնքում են փակ համաձայնագիր․ Արցախի հիմնախնդրի կարգավորման Սամվել Բաբայանի պատկերացումները

Նոյեմբերյան-Երևան միկրոավտոբուսները տաքսիների հետ անահավասար պայքարից հետո դադարեցին աշխատել

Դանակով զինված տղամարդը հարձակվել է նախկին զոքանչի վրա, գլուխը հարվածել պատերին, հափշտակել ոսկեղեն ու փախել․ ՔԿ

ԱՄՆ-ն Իրանին հակազդելու ուղիներ է փնտրում․ պետքարտուղար Մայք Պոմպեոն մեկնել է Մերձավոր Արևելք

Հայտարարություն մրցույթի մասին

Յուրա Մովսիսյանը կմեկնի հավաքականի հետ, բայց խաղին չի մասնակցի

Արմեն Սարգսյանը հեռախոսազրույց է ունեցել Նուրսուլթան Նազարբաևի հետ

Եվրիմաժը 140 հազար եվրո կհատկացնի Ավրորա Մարտիկյանի մասին հայ–գերմանական կինոնախագծին

Ինչպիսին է Եվրո 2020-ի որակավորման փուլի ձեւաչափը

ԵՊՀ ուսանողներն այսուհետ կարող են կիսամյակի համար սահմանված ուսման վարձերը վճարել հավասարաչափ 4 ամիսների ընթացքում

Քննարկել է վիզաների ազատականացման բանակցություններ սկսելու կարեւորությունը․ Միրզոյանի հանդիպումները Գերմանիայում

«Հայինկասացիա»-ի պահոցից 20.000 ԱՄՆ դոլար գողացած անձի ինքնությունը պարզվել է․ ՔԿ

Անձնազոհության համար․ Աննա Հակոբյանը Հաց բերողի մորը հանձնել է «Տիգրան Հայրապետյան»-ի անվան մրցանակը (լուսանկարներ)

ՎՏԲ-Հայաստան Բանկը առաջարկում է Mastercard քարտերով գնումներ կատարել  ակնթարթորեն առանց PIN- ի

Դատախազությունն ուսումնասիրում է Վահան Շիրխանյանի նամակը, որն ուղղված էր Ռոբերտ Քոչարյանին

ԱՄՆ նախագահի թեկնածուն Հայոց ցեղասպանության հարցում արդարության կոչ է արել (տեսանյութ)

Տարածքների զիջումը ուղիղ ճանապարհ է Արցախի եւ Հայաստանի անվտանգության համակարգի ոչնչացման․ Մայիլյան