Լավրովը լավ գիտի, որ հայկական կողմը տարածքներ չի հանձնելու, ՀՀԿ-ի բարբաջանքն է. Վ Բադասյան

Լեռնային Ղարաբաղի Հանրապետության Ազգային ժողովի նախկին պատգամավոր, Մարտական խաչի ասպետ Վահան Բադասյանը «Հայկական ժամանակ»-ին տված հարցազրույցում անդրադառնալով տարածաշրջանային այցով Երեւանում գտնվող ՌԴ ԱԳ նախարար Սերգեյ Լավրովի հայտարարություններին՝ կարծիք հայտնեց, որ ՌԴ-ն միտված է ԼՂ-ի ստատուս քվոյի պահպանմանը:

- Պարոն Բադասյան, ՌԴ ԱԳ նախարար Սերգեյ Լավրովը Երեւանում այսօր հայտարարել է, որ Մոսկվան լավատես չէ մոտ ապագայում ԼՂ հակամարտության արագ կարգավորման հարցում: Ձեր կարծիքով ինչո՞վ է պայմանավորված այս զգուշավորությունը:

- Ես կարծում եմ եւ համոզված եմ, որ այս տարածաշրջանում, որ կոնֆլիկտ են ասում, դա այդպես չէ: Դա կոնֆլիկտ չէ, դա ՌԴ-ի եւ ԵՄ-ի մի շարք երկրների կողմից ստեղծված կոնֆլիկտ է: Հարցը բնականորեն լուծված է: Դա լավ գիտի ե՛ւ ամերիկյան համանախագահը, ե՛ւ Ֆրանսիայի, ե՛ւ ՌԴ-ի: Թուրքիան եւ Ադրբեջանն էլ դա լավ գիտեն: Մնացածը խաբեություն է սեփական ժողովրդի նկատմամբ: Տարածքները չեն հանձնվելու, դա շատ լավ գիտի Լավրովը, որ հայկական կողմը տարածքներ չի հանձնելու: Իրենց ձեռքը հիմա շատ կարճ է, որ միանգամից «կարմիր բանակ» մտցնեն այստեղ, չեն կարող դա անել եւ իրենց շահերից էլ չի բխում, որ դա անեն:

Հարցը պետք է ձգձգվի, ստատուս քվոն պետք է պահպանվի միառժամանակ, մինչեւ որ Ադրբեջանը հաշտվի այն մտքի հետ, որ Արցախն իր կազմում երբեք չի եղել: Ինչ վերաբերվում է ազատագրված տարածքներին, դրանք պատերազմի արդյունքում ձեւավորված բնական սահմաններ են: Ինչ վերաբերվում է տարածքները զիջելուն, ապա դա ՀՀԿ-ականներն են բարբաջում, հարակից կուսակցություններն են դա ասում, դա տեղի չի ունենալու: Ի վերջո, գալու է մի պահ, երբ ժողովուրդը դրանց պատին է սեղմելու, դրանք տհաս քաղաքական գործիչներ են: Լավրովը լավ գիտի հայ ժողովրդի կամքը եւ գիտի, թե ինչ է նշանակում Արցախի հարցը: Ես կարող եմ ողջունել, որ նա նման դիրքորոշում ունի:

- Երեկ էլ Լավրովը Բաքվում հայտարարեց, որ հակամարտության կարգավորման մենյուն բանակցային սեղանին է դրված: Սա ինչպե՞ս կմեկնաբանեք:

- Դա էլ է ճիշտ, տրամաբանորեն հակառակ կարծիքը չի: Այո՛, սեղանի վրա է դրված, դուք պատերազմից հեռու մնացեք:

- ՌԴ արտգործնախարարի այցը դուք կարծում եք միտված է ստատուս քվոյի պահպանմա՞նը:

- Այո, ստատուս քվոն պետք է պահպանվի:

- Սերգեյ Լավրովի այցին զուգահեռ Ադրբեջանը զորավարժություններ էր անցկացնում նաեւ Նախիջեւանի հատվածում: Ադրբեջանը Նախիջեւանի հատվածում նաեւ կործանիչ ավիացիա է կուտակել: Կապ տեսնո՞ւմ եք Լավրովի այցի եւ զորավարժությունների ժամանակահատվածի միջեւ:

- Կարծում եմ հնարավոր է կապ ունենա Լավրովի այցի հետ, որովհետեւ նրանք նախօրոք գիտեին՝ Լավրովն ինչ այցով է գալու: Այստեղ մի խնդիր էլ կա, որ Ռուսաստանն Ադրբեջանին ուզում է ներքաշի Եվրասիական տնտեսական միության մեջ, որից Ադրբեջանը, իհարկե, փախուստ է տալիս: Ադրբեջանը կարող է այսօրվա դրությամբ մի շրջան էլ հանձնի, բայց ԵԱՏՄ-ի կազմում չի մտնի:

Ինչ վերաբերվում է նոր զինատեսակների գործածությանը զորավարժություններում, ես չեմ կարծում, թե դա ինչ-որ բան նշանակում է: Եթե դա Ադրբեջանի համար ինչ-որ բան նշանակում է, ես չեմ կարծում, որ Հայաստանի համար դա ինչ-որ բան նշանակում է, որովհետեւ տարածաշրջանի քաղաքականությունը չի տանում մեր տարածքի վրա պատերազմի վերսկսման: Թուրքիայի իրավիճակն է դա ասում, Քուրդիստանի հարցը կա, Ադրբեջանն Իրանի հետ չունի բարենպաստ հարաբերություններ: Կարծում եմ՝ նման դեպքում հայկական պետության հետ պատերազմելն Ադրբեջանին ձեռնտու չէ: Ադրբեջանի լայնամասշտաբ հարձակումը ապրիլին նույնպես բերում է այդ տեսակետին:

Որպես ռազմական ոլորտում փորձ ունեցող մարդ, ես ասում եմ՝ պատերազմի ելքը զինատեսակները չեն որոշում, շատ ուրիշ բնութագրիչներ կան, որոնք որոշում ենք ելքը: Մենք այդ բնութագրիչներն ունենք: Մենք միայն նորմալ ղեկավարման պակաս ունենք, հայրենասեր ղեկավարման պակաս ունենք եւ կոնկրետ նայեք ԱԺ-ի քաղաքական ուժերին, անհատներին: Այդ կազմը խոստումնալից չէ, կառավարության կազմը նայեք, շատ քաղաքական գործիչներ իրենց տեղում չեն:

- Իր տեղում չի նաեւ պաշտպանության նախարար Վիգեն Սարգսյա՞նը:

- Ոչ, ես նկատի չունեմ Վիգեն Սարգսյանին, որովհետեւ բանակն այսօր մեր միակ անվտանգության երաշխիքն է եւ գոնե բանակն ամեն ինչ անում է, որ առաջնագիծը նորմալ պահվի, թե՛ Նախիջեւանի, թե՛ Նոյեմբերյանի եւ թե՛ Արցախի հատվածում:

- 2018 թվականի ապրիլին Հայաստանում բեկումնային քաղաքական իրադարձություններ են սպասվում: Հավանականություն կա՞, որ Ադրբեջանը կարող է առիթն օգտագործել:

- Չեմ կարծում, որ Ադրբեջանը դրանից կարող է օգտվել:

- Արցախում ի՞նչ իրավիճակ է այժմ:

-Ես այս պահին առաջնագծից մի քանի կիլոմետր հեռավորության վրա աշխատում եմ, նորմալ է, խաղաղ, երկինքը պարզ է, արեւոտ հաճելի եղանակ է: Մեր տրամադրություններն էլ՝ նորմալ, աշխատում ենք:

- Վերջին շաբաթվա ընթացքում հրադադարի խախտման դեպք եղե՞լ է:

-Մեր՝ հարավային շրջանում, չի եղել:

Տպել
9246 դիտում

Գյումրիում կախված վիճակում ռուս զինծառայողի դի է հայտնաբերվել. հարուցվել է քր. գործ, դեպքով զբաղվում է հայկական կողմը

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»

ԲԴԽ և ՀՀ դատարանների պահուստային ֆոնդից կորոնավիրւսի դեմ պայքարի միջոցառումների համար հատկացվել է 14 մլն 740.000 դրամ

Հրազդանի կիրճում հետախուզվող է հայտնաբերվել և բերման ենթարկվել

ՍԱՏՄ-ն Երևանում 72 ժամով 3 հանրային սննդի օբյեկտի աշխատանք է կասեցրել. խախտվել է պարետի՝ նարգիլե օգտագործելու արգելքը

Վերահսկողական աշխատանքներ են իրականացրել Գեղարքունիքի մարզի Վարդենիս և Մարտունի քաղաքներում

Սարսանգի ջրամբարում 11 և 14-ամյա երեխաներ են ջրահեղձ եղել. գտնվել է նրանցից մեկի դին. «Արցախպրես»

Հրդեհ է բռնկվել Երևանի ամառանոցներից մեկում

Կասեցվել է «Սուրմալու» և «Փեթակ» առևտրի կենտրոների աշխատանքը. ՇՎՏՄ

Նախկին «սահմանադրական կարգի» շահառուները

Երևանի բնակարաններից մեկում տեղի է ունեցել գազի արտահոսք՝ հրդեհի բռնկմամբ

Հուլիսի 3-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 3028 դեպք (տեսանյութ)

Գոշավանքի մոտակայքում մեքենան գլխիվայր շրջվել է. 28-ամյա տուժածը հոսպիտալացվել է

Ինձ ձեզնից միայն ծափեր են պետք, այնքան, մինչև ափերդ թմրի. այսօր Մհեր Մկրտչյանի ծննդյան օրն է

ԱՀ պաշտպանության նախարար Ջալալ Հարությունյանն ամփոփել է անցկացված մարտավարական զորավարժությունների արդյունքները

Արտակարգ դրության իրավական ռեժիմի կանոնները խախտելու փաստերով արդեն 63 հազար արձանագրություն է կազմվել (տեսանյութ)

Արցախի ժողովրդի կողմից ընտրված իշխանությունները լիազորված են անհրաժեշտ մանդատով՝ առաջ տանելու խաղաղ գործընթացը

Աճառյան փողոցում մեքենաներ են բախվել. հոսպիտալացվել է վարորդներից մեկը