Զուսպ պատասխաններ բարդ հարցերին. Սերգեյ Ժելեզնյակը խնամքով ընտրում էր յուրաքանչյուր բառը

Հայ-ռուսական հարաբերությունների ցավոտ կետերից մինչեւ ՀՀ-ԵՄ նոր ստորագրած համաձայնագիր եւ ԵԱՏՄ-ից դուրս գալու վերաբերյալ ՀՀ ԱԺ-ում նախօրեին տեղի ունեցած քննարկումներ. Երեւանում նոյեմբերի 28-ին տեղի ունեցած մամուլի ասուլիսում  այս թեմաներին անդրադարձավ ՌԴ իշխող «Միասնական Ռուսաստան» կուսակցության գլխավոր խորհրդի քարտուղարի տեղակալ, Պետդումայի պատգամավոր Սերգեյ Ժելեզնյակը:

Ասուլիսը հրավիրված էր «Ռեդիսսոն Բլու» հյուրանոցում իշխող ՀՀԿ-ի ներկայացուցիչների հետ անցկացրած կլոր սեղան-քննարկումից հետո: Ժելեզնյակին ուղղված հարցերը հիմնականում վերաբերում էին վերջերս հայկական մեդիա դաշտում «փոթորիկ» առաջացրած ՌԴ ՊՆ-ի պաշտոնական «Զվեզդա» հեռուստաընկերության եթերում ՀՀ-ի, ՀՀԿ-ի եւ Գարեգին Նժդեհի հասցեին հնչած սկանդալային արտահայտություններին, ռուսաստանցի մի խումբ հասարակական-քաղաքական գործիչների՝ ԽՍՀՄ նախկին պետությունների, այդ թվում ՀՀ-ի դեմ Միջազգային դատարան դիմելու նախաձեռնությանը, ՀՀ-ԵՄ նոր ստորագրած համաձայնագրին եւ ԵԱՏՄ-ից դուրս գալու վերաբերյալ Հայաստանում նախաձեռնված քննարկումներին:

Ռուսաստանցի պատգամավորը բավականին զուսպ էր պատասխանում հարցերին՝ խնամքով ընտրելով յուրաքանչյուր բառն ու արտահայտությունը: Պատասխաններից պարզ էր դառնում, որ նա հստակ գիտակցում էր քաղաքական գնահատականի ու խոսքի ուժն ու հետեւանքները: «Հայաստանը, ինչպես եւ յուրաքանչյուր ինքնիշխան պետություն, իրավունք ունի զարգացնել հարաբերություններ թե՛ Ռուսաստանի, թե՛ ԵՄ-ի, թե՛ այլ պետության կամ միավորման հետ», - ասաց նա՝ պատասխանելով «Հայկական ժամանակ»-ի հարցին՝ արդյո՞ք նախագահ Սերժ Սարգսյանի հետ հանդիպման ժամանակ հնչեցրած կարծիքը, թե Ռուսաստանը կողմ է ՀՀ-ի հետ հարաբերությունների զարգացման «և, և» քաղաքականության, ու այլ տեսակետները պաշտոնական չեն կարող համարվել, ուղղված էր Հայաստանում «Զվեզդա»-ի բորբոքած կրքերին:

«Ես վերահաստատում եմ մեր այդ դիրքորոշումը, եւ որպես կուսակցության գլխավոր խորհրդի քարտուղարի տեղակալ դա իմ ուղիղ պարտականությունն է», - ասաց նա՝ հավելելով, որ Սերժ Սարգսյանի հետ քննարկել են նաեւ Բրյուսելում վերջերս ստորագրած Հայաստան-ԵՄ նոր շրջանակային համարաձայնագիրը:

«Դա ՀՀ-ի համար կարեւոր իրադարձություն է, եւ մենք այն քննարկեցինք: Իսկապես Ռուսաստանը միշտ հանդես է գալիս համագործակցության հնարավորությունների մաքսիմալ օգտագործման օգտին: Այս համատեքստում մեզ համար շատ տարօրինակ էր, որ ժամանակին Եվրամիությունն իր հետ համագործակցությանը ձգտում էր հակադրել Ռուսաստանի հետ փոխգործակցությանը», - ասաց նա՝ հավելելով, որ Ռուսաստանը խնդիր չի տեսնում ՀՀ-ԵՄ նոր ստորագրած համաձայնագրում՝ հատկապես հաշվի առնելով այն հանգամանքը, որ փաստաթողթը չի հակասում ԵԱՏՄ-ի շրջանակներում ՀՀ-ի վերցրած պարտավորություններին:

Այս համատեքստում նա անդրադարձավ ՌԴ ՊՆ-ի «Զվեզդա» հեռուստաալիքի սկանդալային հաղորդմանը՝ նշելով, որ այն չի արտահայտում Ռուսաստանի կամ ՌԴ իշխող կուսակցության տեսակետը: Սակայն այստեղ, ցանկանալով որքան հնարավոր է «անմեղ» պատասխան տալ հարցին, ռուսաստանցի պատգամավորը տուրք տվեց դեմագոգիային՝ անվանելով Հայաստանն ու Ռուսաստանը ժողովրդավարական պետություններ:

«Ռուսաստանը, ինչպես եւ Հայաստանը, ժողովրդրավարական պետություններ են, եւ յուրաքանչյուր ոք կարող է ունենալ իր կարծիքը: Սակայն մի բան է, երբ այդ կարծիքը սովորական անհատն է արտահայտում, մեկ այլ, երբ նման կարծիք հայտնում է պետական գործիչը», - ասաց նա՝ խորհուրդ տալով այս կամ այն հարցի վերաբերյալ ՌԴ պաշտոնական դիրքորոշմանը ծանոթանալ միայն ՌԴ նախագահի կամ նրա մամուլի խոսնակի, կառավարության ղեկավարի կամ Դաշնային ժողովի պալատների մամուլի ծառայություններից:

Այս համատեքստում ուշադրությունից չվրիպեց նաեւ ռուսաստանցի մի խումբ հասարակական-քաղաքական գործիչների հայտարարությունը, որ մտադիր են դիմել ՄԱԿ-ի միջազգային դատարան՝ պահանջելով հեռացնել հետխորհրդային տարածքից այն մարդկանց արձանները, ովքեր ֆաշիզմի հետնորդներ են: Խոսքը Գարեգին Նժդեհի արձանի մասին է, որի գաղափարները Հայաստանի Հանրապետական կուսակցության գաղափարախոսության հիմքն են, իսկ նրան ՀՀ-ում ընկալում են որպես ազգային հերոս:

Այս հարցում էլ ռուսաստանցի պատգամավորը ոչ միայն մնաց քաղաքական կոռեկտության սահմաններում, այլեւ խորհուրդ տվեց այդ նախաձեռնության  հեղինակներին ավելի լավ ուսումնասիրել առարկան: «Այդ հայտարարությունները հիմնված են առարկայի ոչ խորքային ուսումնասիրության վրա: Ես խորհուրդ կտայի բոլոր ռուսաստանցի եւ հայաստանցի փորձագետներին մինչ բարձրագոչ հայտարարություններով հանդես գալը համապարփակ ուսումնասիրել խնդիրը եւ սկզբնաղբյուրները, հղում կատարել այն ամենին, ինչն իսկապես եղել է: Ուստի ոչ մի միջազգային դատարան դիմելու կարիք չկա, որպեսզի այն դիտարկի հայ ժողովրդի վերաբերմունքն իր հերոսներին», - ասաց Սերգեյ Ժելեզնյակը:

Թեմայով հետաքրքրվողներին նաեւ խորհուրդ տվեց ուսումնասիրել Նժդեհի նամակները Ստալինի, Վորոշիլովի հետ, որոնք դարձել են հանրային սեփականություն: Նաեւ հավելեց, որ ՀՀԿ-ի գաղափարախոսությանը ծանոթ են եւ այն «արմատականության հետ առնչություն» չունի:

Վերջում Ժելեզնյակը զգուշորեն անդրադարձավ նաեւ ՀՀ-ում ընդդիմադիր «Ելք» դաշինքի նախաձեռնած ԵԱՏՄ-ից դուրս գալու մասին քննարկումներին՝ նշելով, որ չի կարող հայաստանցիներին կամ ՀՀ իշխանություններին խորհուրդ տալ՝ դուրս գա՞լ ԵԱՏՄ-ից, թե՞ ոչ: «Կարող եմ միայն ասել, որ 21-րդ դարում պետք է ձգտել մաքսիմալ փոխշահավետ համագործակցության, որը հնարավորություն կտա լուծել կոնֆլիկտները կամ խուսափել դրանցից», - ասաց նա՝ հիշեցնելով, որ հատկապես Կովկասում Ռուսաստանը ներդնում է ահռելի խաղաղարար ջանքեր, որպեսզի անգամ ամենաբարդ խնդիրները լուծվեն բանակցությունների սեղանի շուրջ:

Տպել
4691 դիտում

Մարտաֆիլմ հիշեցնող կրակոցներ Էջմիածնում․ վիրավոր վարորդը մեքենան վարել է դեպի հիվանդանոց ու վթարվել, կա զոհ

Մեր ծնողները գնացել են շուկաներ, հիմա էլ պետք է այդպես լինի. ավագանու անդամները՝ փողոցային առևտուրը արգելելու մասին

Չենք խնայել ու չենք խնայի մեր ուժերը ամեն ինչ անելու և Վանիկ Ամիրխանյանին հայտնաբերելու համար․ ԱԻ նախարար

Եթե ահազանգը ՀՀ տարածքից է՝ արագ բացահայտվում է, եթե էլեկտրոնային է և ենթադրաբար այլ երկրից, որոշակի դժվարություններ կան

Մենք մեծ չենք մտածում, չենք կարողանում դիմացինի հաջողությունը հանդուրժել, մեր անձնական շահի ետեւից ենք ընկած․ Խառատյան

Հորդորում ենք չանհանգստանալ և խուճապի չմատնվել․ Արցախի ԱԻՊԾ

Նինո Կոբախիձեն խոսել է գյուղատնտեսության և տուրիզմի ոլորտում ներդրումների ու համագործակցության պատրաստակամության մասին

«Խնդրում եմ, մամայիս նկարը մի տարածեք»․ որքանո՞վ է իրավաչափ մահացած անձանց լուսանկարներն ու անձնական տվյալները տարածելը

«Սուրմալու»-ում դեպքի երկրորդ օրը ևս կայանված ավտոմեքենայից գողություն է կատարվել

Երեխայի բժշկական քարտը` նախկին 026 Ձևը, կթվայնացվի

«Սուրմալու»-ում այս գիշեր ևս աշխատանքը կդադարեցվի, բայց դրանք կշարունակվեն այնքան, մինչև որոնվող քաղաքացին հայտնաբերվի

Նախաձեռնվել է քրեական վարույթ՝ սպանության և ինքնասպանության հասցնելու հատկանիշներով

Ջրափրկարարներն օգնել են ափ վերադառնալ չկարողացող քաղաքացուն

ՀՀ ԶՈՒ գլխավոր շտաբի պետն այցելել է զինվորական հոսպիտալ

Հայաստան է ժամանել Բելառուսի ՆԳՆ պատվիրակությունը

Կողբ գյուղում 300 հա խոտածածկույթ է այրվել

Խոշոր հրդեհ Գեղարքունիքի մարզում. «Հայփոստ»-ի նախկին շենքը վերածվել է մոխրակույտի

Որոշվել է «Աթլետ» մրցաձևի հաղթողը

Դոլարի եւ եվրոյի փոխարժեքները նվազել են. ՀՀ կենտրոնական բանկը հրապարակել է նոր փոխարժեքներ

ՀՀ ԱԳ նախարար Արարատ Միրզոյանը հեռախոսազրույց է ունեցել Կիպրոսի ԱԳ նախարարի հետ

Առողջապահության նախարարի տեղակալը Թեհրանում քննարկել է դեղերի ներկրման և արտահանման հեռանկարային հարցեր

Զորամասերում շարունակվում են մարտավարաշարային պարապմունքները

Կարեն Նալբանդյանը՝ ՈՒԵՖԱ Եվրոպա Կոնֆերենցիաների լիգայի փլել-օֆֆ փուլի հանդիպման մրցավարների տեսուչ

Արմեն Դանիելյանը՝ վարչապետի աշխատակազմի տեսչական մարմինների աշխատանքների համակարգման գրասենյակի ղեկավարի տեղակալ

«Սուրմալու»-ի տարածքում կոտրել են նախարարի խորհրդականի մեքենայի ապակին և գողացել դրամապանակը. ԱԻՆ մամուլի խոսնակ

Հրշեջ-փրկարարները մարել են ընդհանուր մոտ 110,2 հա տարածքում բռնկված հրդեհները

Հանդիսության սրահներից մեկում վիճաբանությունն ավարտվել է դանակահարությամբ. 4 տղամարդ է հոսպիտալացվել

49-ամյա Ալվարդ Դիլբարյանը որոնվում է որպես անհետ կորած

ԱԱԾ նախագծով անցակետեր կստեղծվեն հայ-ադրբեջանական սահմանի որոշ հատվածներում

Լուսագյուղ-Երասխահուն ճանապարհահատվածի երթևեկությունն իրականացվում է մեկ գոտիով

Մինչև 9 ժամ վթարային ջրաջատումներ Երևանում ու մարզերում

Նոր նշանակում Քննչական կոմիտեում

Հայաստանի ֆուտբոլի Մ-19 հավաքականը մարզական հավաք կանցկացնի

Բարձր ջերմային ֆոնը կպահպանվի. օգոստոսի 18-23-ի եղանակային կանխատեսումը

ՌԴ ներկայացուցիչները «Սուրմալուի» պայթյունի հետևանքով ցավակցական հեռագրեր են հղել ԱԺ նախագահ Ալեն Սիմոնյանին

Նարինե Ավագյանը ազատվել է կադաստրի կոմիտեի ղեկավարի տեղակալի պաշտոնից․ վարչապետը որոշում է ստորագրել

Երևանում ԱՄԷ դեսպանությունը ցավակցություն է հայտնել «Սուրմալուի» պայթյունի հետևանքով 16 զոհվածների համար

Ստեփանակերտում բռնկված հրդեհի վայրում հայտնաբերվել է նռնականետի 2 նռնակ. Արցախի ԱԻՊԾ

Դավիթ Տոնոյանի փաստաբանական խումբը հայտարարություն է տարածել

Երուսաղեմի հայոց պատրիարքը ցավակցական ուղերձ է հղել «Սուրմալուի» պայթյունի հետևանքով զոհվածների հարազատներին