Ադրբեջանի ԱԳՆ-ն չի նշում Նալբանդյան-Մամեդյարով քննարկումների հստակ առարկան

Ադրբեջանի ԱԳՆ-ն հաստատել է, որ Հայաստանի ԱԳ նախարար Էդվարդ Նալբանդյանի եւ արտգործնախարար Էլմար Մամեդյարովի հաջորդ հանդիպումը տեղի կունենա 2018 թ-ի սկզբին: Միեւնույն ժամանակ ադրբեջանական կողմը հստակ նշում է, որ հանդիպումը տեղի է ունենալու հունվարին, ավելին՝ այդ ամսվա երկրորդ կեսին, մինչդեռ հաղորդագրության հայկական տարբերակում միայն նշվում է «2018 թ-ի սկիզբը»:

Ադրբեջանի ԱԳՆ-ի հայտարարության մեջ, սակայն մեկ կարեւոր փաստ բացակայում է կամ ուղղակի միտումնավոր չի հիշատակվում: Խոսքը Վիեննայի, Սանկտ Պետերբուրգի եւ Ժնեւի գագաթաժողովներին ձեռք բերված պայմանավորվածությունների իրագործման մասին է, որն ըստ հայկական կողմի տարածած մամուլի հաղորդագրության՝ եղել է նախօրեին Վիեննայում երկու արտգործնախարարների քննարկման օրակարգում:

«Հայաստանի եւ Ադրբեջանի արտգործնախարարների հանդիպման օրակարգում էին երկու երկրների ղեկավարների Վիեննայի, Սանկտ Պետերբուրգի եւ Ժնեւի գագաթաժողովներին ձեռք բերված պայմանավորվածությունների իրագործման ուղիները»,- ասված է ՀՀ ԱԳՆ-ի տարածած հաղորդագրության մեջ։

Վիեննայում եւ Սանկտ-Պետերբուրգում 2016 թ-ի ապրիլյան ռազմական բախումներից հետո Հայաստանի եւ Ադրբեջանի նախագահները պայմանավորվել էին անվերապահորեն հետեւել հրադադարի պահպանման ռեժիմին, մեծացնել առաջնագծում Անջեյ Կասպշիկի ղեկավարության տակ գործող դիտորդների քանակը եւ հրադադարի խախտման հետաքննության մեխանիզմներ ներդնել շփման գծում:

Այդ հանդիպումներից գրեթե անմիջապես հետո Բաքուն հրաժարվեց հետաքննության մեխանիզմների ներդրումից, իսկ ըստ ԵԱՀԿ Մինսկի ռուսաստանցի համանախագահ Իգոր Պոպովի՝ համաձայնեց մեծացնել միջազգային դիտորդների թիվը, սակայն դեռեւս համաձայնեցված չեն նրանց տեղակայման վայրի հետ կապված հարցերը:

Ժնեւում այս տարվա նոյեմբերի 16-ին տեղի ունեցած Սարգսյան-Ալիեւ գագաթաժողովին պայմանավորվածություն ձեռք բերվեց «միջոցներ ձեռնարկել բանակցային գործընթացն առաջ մղելու եւ հավելյալ քայլեր կատարել շփման գծում լարվածությունը նվազեցնելու նպատակով»: Մինչդեռ հանդիպումից երեք օր անց՝ հոկտեմբերի 19-ին, Արցախում ադրբեջանական կողմի կրակոցից 19-ամյա զինծառայող զոհվեց:

Ադրբեջանի արտաքին գործերի նախարարության պաշտոնական ներկայացուցչ Հիքմեթ Հաջիեւը ոչ հստակ է ներկայացնում Վիեննայում կայացած Նալբանդյան-Մամեդյարով հանդիպման ժամանակ տեղի ունեցած քննարկումների առարկան: Համաձայն Հաջիեւի հայտարարության, որը մեջբերում է ադրբեջանական Թրենդ գործակալությունը, այս անգամ Վիեննայում նախարարները ինտենսիվ կերպով քննարկել են հակամարտության կարգավորմանն ուղղված առկա առաջարկները:

«Ինտենսիվ բանակցությունների արդյունքնում համաձայնություն է ձեռք բերվել նախարարների մակարդակով եւս մեկ հանդիպում անցկացնել 2018 թ-ի հունվար ամսի երկրորդ կեսին», - տեղեկացրել է Հաջիեւը եւ մեջբերել Մամեդյարովի խոսքերը. «Տեղի է ունեցել պոզիտիվ եւ կառուցողական հանդիպում»:

Տպել
2289 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան