Երևան
26 °C
Օրերս Ազգային ժողովի արտահերթ նիստերից մեկի ժամանակ քննարկվում էին Դատական օրենսգրքի մասին օրենքի փոփոխությունները: Քվեարկության ժամանակ բացահայտ ապօրինի կերպով ապահովվեց 63 ձայն, որի արդյունքում օրենքն ընդունվեց: ԵԼՔ դաշինքի պատգամավորները լքեցին նիստերի դահլիճը:
Թեմայի և այլ հարցերի մասին զրուցեցինք Ազգային ժողովի ԵԼՔ խմբակցության անդամ Արարատ Միրզոյանի հետ:
-Պարոն Միրզոյան, ԱԺ արտահերթ նիստերից մեկի ժամանակ Դատական օրենսգրքի մասին օրենքի նախագծի վերաքվեարկություն անելու ձեր պահանջը չիրականացվեց, և ստացվեց, որ օրենքը բացահայտ ապօրինաբար ընդունվեց: Ի՞նչ եք պատրաստվում անել:
-Մենք լսեցինք տարբեր մեկնաբանություններ: Ես լուր ստացա, որ Նապոլեոն Ազիզյանը գրություն էր գրել, որով հավաստում էր, որ ինքը ադպես չէր ուզում քվեարկել, կողմ չէր, որից հետո Նիկոլ Փաշինյանը ԱԺ ամբիոնից ելույթ ունեցավ: Հիմա ես տեսնում եմ հարցազրույց, որտեղ Նապոլեոն Ազիզյանն ասում է, որ իրենց խմբակցությունը կողմ էր, և ինքն ուզում էր կողմ քվեարկել: Այսինքն, այնուամենայնիվ, մի քիչ խուճուճ է այս ամենը: Մենք որպես գործողություն դուրս ենք եկել դահլիճից, իսկ ապագան արդեն ընթացքում կերևա:
-Նիկոլ Փաշինյանն իր ֆեյսբուքյան էջում գրել է, որ Ազգային ժողովի կանոնակարգով չկա այդպիսի ինստիտուտ, երբ էլեկտրոնային համակարգով չքվեարկած պատգամավորը հայտարարում է, որ ինքը կողմ է քվեարկել ու նրա ձայնը հաշվվում է՝ նկատի ունենալով Ռուստամ Մախմուդյանին: Այսինքն՝ միայն Նապոլեոն Ազիզյանի քվեարկության խնդիրը չէր:
-Այո, այստեղ այդ խնդիրն էլ կա: Ռուստամ Մախմուդյանի քվեարկությունը չէր կարող հաշվվել, որովհետև նա էլեկտրոնային եղանակով չի քվեարկել կամ գոնե ծրարով թողած գրությամբ: Ուրեմն տեղից արված հայտարարությունը նաև արձանագրության մեջ նշվում է որպես հայտարարություն դիրքորոշման մասին: Դա քվեարկություն չէ: Եվ եթե Ռուստամ Մախմուդյանը ո՛չ ծրարով է թողել, ո՛չ էլ տեխնիկապես կարողացել է էլեկտրոնային տարբերակով քվեարկել, դա նշանակում է, որ ինքը չի՛ քվեարկել, բայց այս մասին դահլիճում չխոսվեց: Իսկ թե ինչու Նապոլեոն Ազիզյանը վարման կարգով չի հայտարարել իր սխալ քվեարկության մասին, այլ քարտուղարությունում է դիմում գրել, դա արդեն միայն իրենց խմբակցությունը կարող է ասել:
-Պարոն Միրզոյան, ԵԱՏՄ-ից դուրս գալու ձեր առաջարկը ևս չընդունվեց: Հիմա կարող ենք ասել, որ այդ հարցի պտուղներն են երևան գալիս՝ շարունակական թանկացումներ և այլն: ԵԼՔ դաշինքն ի՞նչ զսպող օղակ կարող է ունենալ այս ամենի դեմ:
-Իսկ ի՞նչ զսպող օղակ կարող է ունենալ: ԵԼՔ դաշինքը գործադիր կառավարման համակարգի անդա՞մ է, ԵԼՔ դաշինքը ինչ-որ գործադիր պաշտոննե՞ր ունի, մեծամասնությո՞ւն է Ազգային ժողովում: Մենք կարող ենք միայն քաղաքական դիրքորոշում հայտնել, նշել պատճառները, հետևանքները և դա հասցնել հանրությանը: Եթե հանրությունը ինչ-որ բան ձեռնարկում է, այդ ժամանակ հնարավոր է, եթե չի ձեռնարկում՝ մնում է ԵԼՔ դաշինքի 9 մանդատը: Մենք քվեարկում ենք, հարցադրումներ ենք անում: Գործադիր լծակ չունի ԵԼՔ դաշինքը:
-Վերջապես այս ութ ամիսների ընթացքում ձեր խմբակցությունը ի՞նչ հաջողություն է գրանցել:
-ԵԼՔ դաշինքի հաջողությունը նախևառաջ հասարակությանը այլընտրանք ներկայացնելն է: Հիմա մարդիկ պիտի տեսնեն, թե ինչպիսին կարող է լինել Հայաստանը, եթե ԵԼՔ դաշինքին խորհրդարանական քվեարկությունների ժամանակ օժտեն մեծամասնությամբ: Ահա այս տեսլականն է, և այս տեսլականի մատուցումն է մարդկանց, որ, կարծում եմ, ԵԼՔ դաշինքի մեծագույն նվաճումն է: Կարող ենք նաև տեխնիկական բաներ քննարկել և արձանագրել: Օրինակ՝ մեր երեք կուսակցությունների ավելի ու ավելի մերձեցումը, մեկ կուսակցություն դառնալու հեռանկարը, գաղափարական ընդդիմություն լինելը, ընդդիմության գործելաոճի փոփոխությունը և այլն: Բայց ամենաէականը այլ Հայաստան ունենալու հեռանկարն է, որ մենք առաջարկում ենք:
-Պարոն Միրզոյան, անդրադառնանք նաև «Հանուն գիտության զարգացման» նախաձեռնության անդամների վերսկսած հացադուլին: Նախաձեռնության երկու անդամներ արդեն երրորդ օրն է (հարցազրույցի պահին-խմբ.)՝ հացադուլ են անում: Դուք ի՞նչ առաջարկներ ունեք, ինչպիսի՞ աջակցություն եք ցույց տալու այս անգամ:
-Հացադուլ անող մարդուն, ընդհանրապես, բարոյականից բացի ի՞նչ աջակցություն կարող ես ցույց տալ: Երբ տղաներն առաջին անգամ հացադուլ էին անում, դեռ այն ժամանակ ասել եմ, որ հացադուլը որպես պայքարի մեթոդ չեմ ընդունում, համարում եմ անարդյունք և միայն հուսահատ քայլ՝ ոչ կառուցողական պայքարի համար: Հիմա էլ կարծում եմ, որ այդքան էլ լավ մեթոդ չէ, իրենց առողջության վրա է ազդելու, արդյունք չի տալու: Ես միայն կարող եմ բարոյական աջակցություն ցույց տալ:
-Իսկ Ազգային ժողովում այս թեմայով որևէ առաջարկ կամ պահանջ դուք կներկայացնե՞ք:
-Երբ մենք առաջարկություն էինք ներկայացնում, օրակարգում օրենքի նախագիծ կար: Քննարկումներ էինք անում և սերտորեն համագործակցում «Հանուն գիտության զարգացման» նախաձեռնության խմբի հետ Հիմա օրենքն ընդունվել է և ընդունման պահին խումբը որոշեց ինչ-որ բանակցությունների գնալ իշխանությունների հետ: Ես մանրամասներին չեմ տիրապետում, թե ինչի հանգեցրին բանակցությունները: Այսինքն՝ առաջնային շահառուները, պայքարի առաջամարտիկներն էին բանակցում իշխանությունների հետ: Այդ պահից սկսած տեղեկացվածությանս մակարդակը կտրուկ նվազել է: Մենք հավանական է տարկետման ինստիտուտը վերականգնող օրենքի նախագիծ ներկայացնենք, բայց, հանրապետականների վճռականությունը և ՀԳԶ անդամների՝ ենթաօրենսդրական ակտերի շուրջ բանակցությունները ամենևին էլ չեն նպաստում, որ օրենքի նախագիծը լուրջ կշրջանառվի:
ՀայԱրփի Բաղդասարյան
Չհանդիպելու պլաններ չունենք․ Փաշինյանը՝ ՌԴ նախագահի հետ հանդիպման հավանականության մասին
Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել
Տեղի է ունեցել «Քաղաքացիական պայմանագիր» կուսակցության Լոռու մարզի նախաձեռնող խմբի նիստ․ վարչապետը ելույթ է ունեցել
ԱՄՆ դեսպանատան հարևանությամբ «BMW» է այրվել
Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)
37-ամյա կինը շենքում գտնվող տղային իր փոխանցելիս ընկել է հորը
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
© 2024 Հայկական ժամանակ