Սերժ Սարգսյանի «գործիքներն» ու նրա «մտերիմների» անձեռնմխելիությունը. խմբագրական

Լուսանկարում՝ Սերժ Սարգսյանը ընդունել է «Ռոսնեֆտ» ընկերության ղեկավար Իգոր Սեչինին

Վերջին շրջանում Սերժ Սարգսյանը երկրի սոցիալ-տնտեսական ոլորտին վերաբերող երկու թեմա է առաջադրել: Մեկը՝ արտագաղթը, մյուսը՝ գների աճը: Դե հիշում եք, որ մինչեւ 2040 թվականը Հայաստանի բնակչությունը, ըստ Սերժ Սարգսյանի, պետք է դառնա 4 միլիոն, իսկ ապրանքների գների տատանումը պետք է միշտ լինի պատկան մարմինների մշտադիտարկման առարկա:

Իրոք, ցավոտ ու զգայուն թեմաներ են: Բայց որքանով է Սերժ Սարգսյանը իսկապես մտահոգված այդ հարցերով եւ որքանով է նա, իր ունեցած ազդեցության սահմաններում քայլեր ձեռնարկում արտագաղթի ու գնաճի դեմն առնելու ուղղությամբ:

«Մենք ունենք ամբողջական գործիքակազմ շուկայում գերիշխող դիրք ունեցող տնտեսավարողների գործունեությունը ուսումնասիրելու»,- հայտարարեց Սերժ Սարգսյանը գնաճի թեմայով հունվարի 10-ին իր մոտ հրավիրած խորհրդակցության ժամանակ: «Մենք ունենք բազմաթիվ լծակներ՝ պարզելու, թե շուկաներում տատանումներն իրոք օբյեկտիվ գործընթացների արդյունք են, թե տնտեսավարողների ագահության պատճառ»,- ավելացրեց նա:

Շատ ճիշտ է ասում Սերժ Սարգսյանը՝ գործիքներն էլ կան, լծակներն էլ կան: Հիմնական գերատեսչությունը, որ ունի նշված «գործիքակազմը» եւ կարող է պարզել՝ որքանով են գների փոփոխությունները «օբյեկտիվ» կամ «տնտեսվարողների ագահության պատճառ, ՀՀ Տնտեսական մրցակցության պաշտպանության պետական հանձնաժողովն է՝ ՏՄՊՊՀ-ն, որի նախագահ Արտակ Շաբոյանը եւս մասնակցում էր խորհրդակցությանը: Ճակատագրի բերումով խորհրդակցությունից հետո այդ հանձնաժողովը հրապարակավ ներկայացրեց իր ուսումնասիրությունները բենզինի, դիզվառելիքի եւ ավտոգազի շուկաներում: Ուսումնասիրել էր ու պարզել, որ այդ շուկաներում գների աճը լրիվ «օբյեկտիվ է» եւ պայմանավորված է հարկերի աճով: Բայց ամենակարեւորն այն է, որ այդքան ուսումնասիրությունների ընթացքում հանձնաժողովը գտել էր շուկայի բոլոր մասնակիցներին, բացի մեկից: Ընդ որում, ամենաընդգծված խաղացողից՝ «Ռոսնեֆտ Արմենիայից»: Այս ընկերությունը ստանում է Ռուսաստանի կողմից իբր Հայաստանին տրվող բենզինի ամբողջ քվոտան եւ վաճառում շուկայի մյուս մասնակիցներին: Բենզինը «Ռոսնեֆտ Արմենիան» ձեռք է բերում Ռուսաստանի ներքին գներով, բայց վաճառում է իր գործընկերներին գրեթե միջազգային գներով: Ու հանկարծ ՏՄՊՊՀ-ն Սերժ Սարգսյանի ելույթից ու նրա տված «հանձնարարություններից» հետո, չի նկատում այս ընկերությանը:

Ուշագրավն այն է, որ այս ընկերությանը չնկատել պարզապես հնարավոր չէ: Նույնիսկ պաշտոնական փաստաթղթերով ռուսական «Ռոսնեֆտի»՝ Հայաստանում գրանցած այս ընկերությունը տարօրինակ ցուցանիշներ ունի: Այս ընկերությունը, ունենալով ընդամենը 87 աշխատակից, տարեկան վճարում է  ավելի քան 2 միլիարդ դրամ գումար: Ընդ որում, «Ռոսնեֆտ Արմենիան» ինքը բենզին չի ներկրում Հայաստան, այլ հենց ՌԴ-ում փաստաթղթերով ստանում է քվոտայով տրամադրած բենզինը, այն թանկ գնով վերավաճառում մյուս ընկերություններին ու վերջ՝ ընդամենը գրասենյակային աշխատանք: Ու ՏՄՊՊՀ-ին բոլորովին, ընդհանրապես, բացարձակապես չի հետաքրքրում, թե դա ինչպես է լինում: Հանձնաժողովը չի նկատում դա ու վերջ:

Ճիշտ այնպես, ինչպես ՏՄՊՊՀ-ն երբեք չի նկատել շաքարի շուկայի հիմնական խաղացողին՝ Սամվել Ալեքսանյանին, հետեւողականորեն չի նկատել բանանի շուկայի հիմնական խաղացող Միհրան Պողոսյանին...: Ակնհայտ է, որ հանձնաժողովը չի նկատում միայն այն ընկերություններին, որոնք առանձնապես ագահ են, բայց միեւնույն ժամանակ սերտ կապեր ունեն հենց Սերժ Սարգսյանի հետ: Այսպես ասած, մտերիմներ են: «Ռոսնեֆտ Արմենիան» մտերիմ է իր սիրելի ու պաշտելի ԵՏՄ-ի գծով, մյուսների դեպքում՝ լրիվ անձնական իմաստով:

Ու այս մտերմության արդյունքում ստացվում է, որ Հայաստանում լայն սպառման ապրանքների գները 10, 20 30, երբեմն նույնիսկ 50 տոկոսով ավելի թանկ են, քան միասնական տնտեսական տարածքում գտնվող Ռուսաստանում: Ու այստեղ հիշենք Սերժ Սարգսյանի բարձրացրած մյուս թեման՝ «ծրագիրը», ըստ որի, 2040 թվականին ՀՀ բնակչությունը պետք է լինի 4 միլիոն: Ըստ այդ «ծրագրի»՝ բնակչության աճը պետք է իրականանա ներգաղթի շնորհիվ:

Սերժ Սարգսյանի՝ ՀՀ նախագահի պաշտոնում եղած այս տասը տարիներին Հայաստանում ոչ միայն ներգաղթ չի եղել, այլ տարեկան 45-50 հազար մարդ անվերադարձ լքել է Հայաստանը: Նրանց հիմնական մասը գնացել է Ռուսաստան: Ինչո՞ւ: Շատ պարզ պատճառով: Հայաստանում կյանքը շատ ավելի թանկ է, քան Ռուսաստանում: Հայաստանում նորմալ վճարվող աշխատանք գտնելը շատ ավելի դժվար է, քան Ռուսաստանում: Այս ֆոնին արտագաղթը ոչ միայն ցավալի ու վտանգավոր երեւույթ է, այլ նաեւ բնական՝ խիստ բնական:

Հնարավո՞ր է կանխել արտագաղթը եւ ապահովել ներգաղթ: Տեսականորեն կարելի է, գործնականում՝ ոչ: Սերժ Սարգսյանի մտերիմ «տնտեսվարողները» ամեն ինչ անում են, որ Հայաստանում կյանքը լինի ավելի թանկ: Ամեն ինչ անում են, որ նորմալ աշխատավարձով աշխատանք գտնելը մարդկանց համար լինի դժվար: Հետեւաբար ամեն ինչ անում են, որ Հայաստանից արտագաղթը շարունակվի: Ու քանի որ վերը նշված «գործիքներ» ու «լծակներ» ունեցող գերատեսչությունները ոչ մի կերպ չեն նկատում այդ «տնտեսվարողներին», նշանակում է վերջիններս գործում են հենց Սերժ Սարգսյանի բարձր հովանու ներքո:

Մի քանի ամսից Սերժ Սարգսյանը կթողնի իր այսօրվա պաշտոնը, կստանձնի ՀՀ վարչապետի պաշտոնը եւ ոչինչ, բացարձակապես ոչինչ չի փոխվի: Նրա մտերիմ «տնտեսվարողները» կշարունակեն իրենց խիստ «ազգանպաստ» գործունեությունը, կյանքը կշարունակի թանկանալ, արտագաղթը կշարունակվի, Սերժ Սարգսյանն էլ կշարունակի խորհրդակցություններ հրավիրել ու ելույթներ ունենալ տարատեսակ թեմաներով:

Տպել
4995 դիտում

Դավիթ Տոնոյանի փաստաբանական խումբը նոր հայտարարությամբ է հանդես եկել

Մհեր Գրիգորյանի գլխավորած պատվիրակությունը կմեկնի Մոսկվա

Վարդանյան եղբայրների՝ 300 մլն դրամ աջակցության շնորհիվ Հայաստանում 150 անապահով ընտանիք կերջանկանա (տեսանյութ)

Ռուսաստանը Հայաստանի հիմնական առևտրային գործընկերն է. ՀՀ վարչապետը ուղերձ է հղել հայ-ռուսական համաժողովի բացմանը

Ստեփանակերտ-Ասկերան ճանապարհին մարդատարը բախվել է համընթաց մեքենային, այնուհետև՝ արգելապատնեշին. կա տուժած

Հանրային քննարկման է ներկայացվել նախադպրոցական հաստատությունների տնօրենների հավաստագրման կարգը. ԿԳՄՍՆ

Արթուր Ղազինյանը 8-րդ անգամ չընտրվեց պաշտպանության և անվտանգության հանձնաժողովի փոխնախագահի պաշտոնում

Նորվեգիայի Թագավորության նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալին

Ողբերգական դեպք Կոտայքում. ննջարանում հայտնաբերվել են ամուսինների դիերը, ինչպես նաև երկտող

Կորոնավիրուսի մեկօրյա մահերի թիվը դարձյալ բարձր է. գրանցվել է մահվան 37 նոր դեպք

Վրաերթ Երևան-Արմավիր ճանապարհին. տղամարդը հիվանդանոցում մահացել է

Ալբերտ Հովհաննիսյանին հետմահու շնորհվել է «Արցախի հերոս» բարձրագույն կոչում

ԱԱԾ-ն բերման է ենթարկել ՊԵԿ 4 պաշտոնատար անձի և նրանց 1 միլիոն դրամ կաշառք տված ևս 3 մարդու (տեսանյութ)

ՊԵԿ նախագահն ու վրաց պաշտոնյան քննարկել են հարկային և մաքսային ոլորտներին առնչվող հարցեր

Ոստիկանությունը պարզաբանում է անձնագրերի հետ կապված՝ օրենքներում նախատեսվող փոփոխությունները (տեսանյութ)

Մեքենաներից ազատ ևս մեկ հրապարակ. որպես ավտոկայանատեղի և գյուղմթերքի շուկա ծառայող տարածքը բարեկարգվում է (տեսանյութ)

ՀՀ կառավարությունը հաստատել է Արցախի տեղահանված կամ տունը կորցրած քաղաքացիներին դրամական օգնություն տրամադրելու որոշումը

Ռուսաստանը դադարեցնում է ՆԱՏՕ-ում իր առաքելության աշխատանքը. սառեցվում են դիվանագիտական բոլոր կապերը

Մի քանի ժամ լույս չի լինելու Երևանի և 5 մարզերի մի շարք հասցեներում

Էջմիածնից Մասիս տանող ավտոճանապարհին տրակտորը շրջվել է մոտակա փոսը. վարորդին հոսպիտալացրել են

Վաղը Երևանի, Կոտայքի և Արմավիրի մարզերի մի շարք հասցեներում 36 ժամով կդադարեցվի ջրամատակարարումը

ՄԱԿ-ի Արդարադատության միջազգային դատարանում մեկնարկել են Ադրբեջանն ընդդեմ Հայաստանի գործով լսումները

Կամարիս համայնքում ավարտվել են կառավարության 2021 թվականի 3 սուբվենցիոն ծրագրերը

Կորոնավիրուսից մահացել է ԵՊՀ պրոֆեսոր Յուրիկ Գաբրիելյանը

Ջիլ գյուղում մոտ 8 տոննա անասնակեր է այրվել

ԱԱՏՄ-ն բազմապատկված ուժերով խստացված ստուգայցեր է իրականցրել․ վերահսկողություն է կատարվել 478 տնտեսավարողների մոտ

Դալարիկում մարզի առաջնահերթ խնդիրների լուծման ծրագրով փոխվել են մանկապարտեզի դռներն ու պատուհանները

Արշակ Կարապետյանը հանդիպել է զոհված, անհայտ կորած, գերության մեջ հայտված զինծառայողների և կամավորականների հարազատներին

Շուշիում այսօր տեղի ունեցած բանակցությունների արդյունքում Ադրբեջանը հայկական կողմին է փոխանցել ևս մեկ աճյուն

ԵԽ նախարարների կոմիտեի ժողովրդավարության հարցերով զեկուցողների խմբի պատվիրակությունն այցելել է Զինվորի տուն

Սառնաղբյուր գյուղում այրվել է պահեստավորած անասնակերը

ՊՆ ռազմական ոստիկանությունում ամփոփվել են կատարված աշխատանքները

Նորվեգիան «Մոդեռնա» պատվաստանյութի զգալի խմբաքանակ կտրամադրի Հայաստանին․ Նորվեգիայի նորանշանակ դեսպան

Արտակ Դավթյանն ընդունել է ԿԽՄԿ պատվիրակության ղեկավարին․ քննարկվել են փոխգործակցության նոր ուղղությունները

Ալեն Սիմոնյանն ընդունել է ռուս պաշտոնյաների պատվիրակությանը․ անդրադարձել են տարածաշրջանային առաջնահերթություններին

ՊՆ վարչական համալիրում անցկացվել է միջգերատեսչական հանձնաժողովի նիստ (լուսանկարներ)

ԱԳ փոխնախարարն ընդունել է Միջազգային էներգետիկ խարտիայի գլխավոր քարտուղարին․ քննարկվել է Երևանում կայանալիք հանդիպումը

Հայաստան է ժամանել Ուկրաինայի Գերագույն ռադայի մարդու իրավունքների հանձնակատարը (լուսանկարներ)

Առողջապահության փոխնախարարը խորհրդակցություն է անցկացրել Սյունիքի մարզպետարանում, քննարկվել է պատվաստումների ընթացքը

Կորոնավիրուսի հետեւանքով մահացել Է Ամերիկայի նախկին պետքարտուղար Քոլին Փաուելը