Եթե ես իշխանություններին ծառայություն մատուցեի, ինձ պաշտոն կտային. Հրանտ Թոխատյան

2017 թվականի հոկտեմբերին Երեւանի քաղաքապետարանը Հրանտ Թոխատյանի «Արվեստի այբուբեն» հիմնադրամին է փոխանցել «Կանազ» մշակույթի կենտրոնը: Այս կապակցությամբ Երկիր ծիրանին հաղորդագրություն էր տարածել, նշելով. «Հերթական նվերը գավառական վերնախավի արյունոտ և կեղտոտ ձեռքերից` ժողովրդական արտիստի պատվավոր կոչում ստացած, գավառական հարսանիքների թամադա Հրանտ Թոխատյանին»: Երկիր ծիրանին «Կանազ»-ի մշակութային կենտրոնի տրամադրումը Թոխատյանին՝ որակել էր ևս մեկ հոյակապ կոռուպցիոն գործարք:

«Հայկական ժամանակ»-ը զրուցել է հիմնադրամի տնօրեն, ՀՀ ժողովրդական արտիստ Հրանտ Թոխատյանի հետ, որը որոշակիորեն մանրամասնել է մշակույթի կենտրոնի հետ կապված մոտակա ծրագրերը, իրականացված աշխատանքներն ու ընթացքը: Թոխատյանն անդրադարձավ նաև իր հասցեին հնչեցրած որոշ հայտարարությունների:

Թոխատյանը նաև նշեց, որ փետրվարին 25–ին ընկերների՝ Հարութ Փամբուկյանի, Սերժ Թանկյանի, Վահե Պերպերյանի և այլոց հետ մեծ համերգային ծրագրով հանդես են գալու Միացյալ նահանգներում, իսկ համերգի ողջ հասույթը տրամադրվելու է «Կանազ» մշակույթի կենտրոնի վերանորոգմանը:

- Պարոն Թոխատյան, 2017 թվականի հոկտեմբերից «Կանազ» մշակութային կենտրոնը ձեզ են տրամադրել: Շենքն արդեն շահագործվու՞մ է, ակտիվ գործունեություն ծավալու՞մ եք, ի՞նչ ծրագրեր եք իրականցրել այս ընթացքում:

-Այժմ «Կանազ» մշակութային կենտրոնում կատարվում են նախագծային աշխատանքներ, որովհետև այնտեղ ավերակ է տիրում: Մոտավորապես մեկ տարուց ավել կպահանջվի, որ ամեն ինչ վերականգնվի և դարձվի էն, ինչ ես եմ ուզում: Դուք հիմա չեք պատկերացնի շենքի վիճակը, նախ, այն չի ջեռուցվում, որևէ բան հիմա անել այնտեղ անհնար է: Գարուն կգա, գոնե մի քիչ կտաքանա, այնտեղ արդեն փորձեր կլինեն: Մանկական խմբակը կսկսի իր առաջին քայլերը, մինչև պատրաստ կլինեն բեմերը:

Հարցազրույցներից մեկում ասել էիք, որ 99 տարով եք դիմել՝ շենքը վարձակալելու համար, որովհետեւ դա մաքսիմալ ժամկետն է. այն ծրագիրը, որը ներկայացրել եք եւ ուզում եք կյանքի կոչել, անհրաժեշտ է երկար ժամանակ ու բավականին մեծ ներդրումներԻ՞նչ ծրագրի մասին է խոսքը, ի՞նչ եք նախատեսել իրականացնել:

- Ուզում եմ, որպեսզի այնտեղ լինի թատերական դպրոց, դպրոց՝ շատ լայն իմաստով, որովհետև երեք տարիքային կատեգոիրա է լինելու՝ 4-ից մինչև 8,9 տարեկան երեխաներ, 10-15 տարեկաններ և դրանից բարձր: Երեխաները սովորելու են տարբեր թատերական մասնագիտություններ, սկսած դերասանի վարպետությունից վերջացրած ձայնից, ինտոնացիայից: Դերասանը պետք է փոքրուց բեմական շարժում իմանա, պարել, նկարել, խեցեգործություն և այլն: Ես չգիտեմ՝ վաղը այդ երեխաներից ինչ-որ մեկը կընտրի դերասանի մասնագիտությունը, թե՝ ոչ, բայց կլինի կիրթ և բազմակողմանի մարդ:

- Շենքը մնում է պետական, և դուք վարձավճար ե՞ք տալիս, թե՞ անվարձահատույց է:

- Դա անվարձահատույց է, չէ՞ որ այնտեղ ես ծախսեր եմ կատարում: Վարձի դիմաց կատարում եմ ծախսեր, ինչպես որ ընդունված է  անվարձահատույց շենքեր վերցնելու դեպքում: Փետրվարին 25–ին ընկերներիս օգնությամբ Միացյալ նահանգներում մեծ համերգային ծրագրով հանդես կգանք, որին կմասնակցեն այնտեղ գտնվող ինձ մտերիմ դերասաննները, երգիչները, կլինի Հարութ Փամբուկյանը, Սերժը Թանկյանը, Վահե Պերպերյանը: Համերգի ամբողջ հասույթը բերելու եմ շենքի ծախսերն իրականացնելու համար:

- Զարուհի Փոստանջյանը հայտարարություն էր արել, որ «Կանազ» մշակույթի պալատը 99 տարով ձեզ են տվել` լռելու և իշխանություններին ծառայելու համար: 

- Եթե ես իշխանություններին ծառայություն մատուցեի, ինձ պաշտոն կտային, կտային որևէ հնարավորություն մեծ գումարներ վաստակելու, կտային վերանորոգված, լավ վիճակում գտնվող թատրոնի շենք, ոչ թե քանդված: Ո՞րն է իմ ծառայությունը իշխանություններին, կխնդրեի՝ գոնե մեկ օրինակ բերեիք: Եթե ես այնտեղ փորձեի կառուցել հանրախանութ, բենզալցակայն կամ բիզնեսի հետ առնչվող որևէ բան, այդ դեպքում քննադատությունը կարող է ընդունեի: Սարքում եմ մշակութային կենտրոն, որի ներդրումային ծրագիրը մոտավորապես մեկ միլիոն դոլար է, դուք համարում եք, որ դա լավությու՞ն է ինձ: Նման քննադատություններին շատ սառն եմ վերաբերվում: Որպես 60 տարեկան մարդ, ես կարող եմ դրա մասին խոսել և ասել, որ առաջին անգամ Երևանում կլինի մի շենք, որը «օբյեկտ» չի դառնա, այլ կդառնա մշակութային կենտրոն հատուկ երեխաների համար: Կենտրոնը ինձ համար եկամտաբեր չի կարող լինել:

- Բայց չէ՞ որ կենտրոնը վճարովի է լինելու, երեխաներն այնտեղ անվճար չեն սովորելու:

- Մեկ միլիոն դոլար է ծախսվելու, որքան էլ վճարովի լինեն դասերը և այլն, միևնույն է, մանկական մշակութային կենտրոնը և դպրոցը չեն կարող այդ գումարը վերադարձնել: Իսկ թե ինչի են ինձ տրամադրել, ես չգիտեմ, ես եմ դիմել, ինձ են տրամադրել, ուրիշը դիմեր, գուցե իրեն տրամադրեին: Երևի թե տարիների իմ փորձը և արածս աշխատանքը թույլ են տվել ինձ դիմել նման հարցով, որովհետև մանկական թատրոն ունենալը իմ երազանքն էր: Չէր ստացվում, որովհետև տեղ չկար:

 Աղունիկ Հովհաննիսյան

Հարցազրույցը հրապարակվել է «Հայկական ժամանակ» օրաթերթի հունվաի 25-ի համարում: 

 

Տպել
2376 դիտում

«Քաղաքացիական պայմանագրի» վարչության փոխնախագահներ են ընտրվել Ռուբեն Ռուբինյանն ու Հակոբ Սիմիդյանը

ՀՀ անվտանգության խորհրդի քարտուղարը հանդիպել է իրանցի գործընկերոջը, հրավիրել նրան Երեւան

Ներկայացվել է ՊԵԿ 2020-2024 թվականների ռազմավարական գործունեության ծրագրի նախագիծը

Ըմբիշ Վիգեն Նազարյանը՝ Եվրոպայի պատանեկան առաջնության փոխչեմպիոն

Գեւորգ Ղազարյանը կարող է հայտնվել ղազախական թիմում

Համահայկական խաղերի կոմիտեն կոչ չի արել ՀՀ նախագահներին մասնակցել Արցախում խաղերի բացման արարողությանը

ՀՀ մարզերում բաժիններ են բերվել «օրենքով գողեր» (տեսանյութ)

Ռոբերտ Քոչարյանի եւ մյուսների գործով վաղը դատարան կգան Մարտի 1-ի 10 զոհերի իրավահաջորդները

Եղեգնաձորում բենզալցակայանին կից տեղի է ունեցել գազի բալոնի պայթյուն (տեսանյութ)

Սերժ Թանկյանը, հայտնի ֆուտբոլիստները եւ ուրիշներ շնորհավորել են Մխիթարյանին ամուսնության կապակցությամբ

Սասստեքսն իր աշխատակիցներից մի քանիսին է ներս մտնելու իրավունք տվել

Պաշտպանության նախարարն ընդունել է Գերմանիայի դեսպանին

Սննդամթերքում՝ սալմոնելլայի մանրէ, շեղումներ՝ շրջակա մակերեսներին. «Ծիրանի»-ի դեպքի փորձաքննությունը

Մխիթարյանը շնորհակալություն է հայտնում մաղթանքների համար

ՊՆ-ն առաջարկում է բարձրացնել ժամկետային զինծառայողների դրամական ապահովության ամսական չափերը

Եկեղեցական համագումարը հունիսի 27-ին կընտրի Պոլսո Հայոց պատրիարքի տեղապահի

Հանրահայտ Դել Բոսկեն Երեւանում սեմինար է անցկացրել ֆուտբոլային 180 մարզիչների համար

Երևանի աղբահանության նոր հիմնարկը 200 եւ 290 հազար դրամով հրավիրում է բանվորների ու վարորդների

Մինչեւ 19 տարեկանների Եվրոպայի առաջնության տոմսերը 200-500 դրամ են

Հետախուզման մեջ գտնվող Արամ Հարությունյանը հրապարակել է իր տարեկան հայտարարագիրը