Ինչպիսին է Ազգերի լիգայի ձեւաչափը, որը Հայաստանին Եվրո 2020-ի ուղեգրի մեծ շանսեր է տալիս

Ազգերի լիգան ֆուտբոլային փոքր պետություններին, ինչպես օրինակ Հայաստանին, Եվրո 2020-ի ուղեգրի համար պայքարելու մեծ հնարավորություններ է տալիս: Այն ոչ զորեղ հավաքականներին թույլ է տալիս այդ իրավունքի համար պայքարել իրենց հավասար հավաքակնների դեմ: ՈՒԵՖԱ-ի այս նոր մցրաշարի ձեւաչափը դեռ նորություն է եւ շատ հարցեր է առաջացնում երկրպագուների շրջանում: Մասնավորապես հետաքրքրում է, թե ինչ ճանապարհով են թիմերը Եվրոպայի առաջնության ուղեգրեր նվաճելու:

Այստեղ հնարավոր է լինելու նվաճել Եվրո 2020-ի 24 ուղեգրերից 4-ը: Մնացածները խաղարկվելու են ֆուտբոլասերներին հայտնի ձեւաչափում՝ Եվրո 2020-ի ընտրական փուլում:

Ազգերի լիգան բաղկացած է լինելու խմբային փուլից ու փլեյ-օֆից: Մինչեւ խմբային փուլի վիճակահանությունը 55 հավաքականները, ըստ ՈՒԵՖԱ-ի վարկանիշային աղյուսակի, բաժանվել էին 4 լիգաների՝ ուժեղից թույլ A, B, C, D:

Երեկ՝ հունվարի 24-ին, Շվեյցարիայի Լոզան քաղաքում կայացավ խմբային փուլի վիճակահանությունը, որի ընթացքում ձեւավորվեցին լիգաների խմբերը՝ 4-ական խումբ: Լիգաներից յուրաքանչյուրն անցկացնելու է իր առանձին մրցաշարը՝ բաղկացած խմբային փուլից ու փլեյ-օֆից (վերեւի լուսանկարում):

Փլեյ-օֆին մասնակցելու են խմբերի հաղթողները:

Բայց մինչեւ Ազգերի լիգայի փլեյ-օֆ փուլին հասնելը Եվրո 2020-ի ընտրական փուլում 20 երկրներ արդեն ուղեգրեր նվաճած լինելու են:

Եթե տվյալ խմբի հաղթողն արդեն ուղեգիր ձեռք է բերել Եվրոպայի առաջնության ընտրական փուլում, ապա նրա տեղը զբաղեցնելու է իր լիգայի ամենաբարձր ցուցանիշն ունեցող թիմը:

Եթե, օրինակ, արդյունքում այնպես ստացվի, որ A լիգան փլեյ-օֆում մրցելու համար 4 մասնակից չունենա, ապա ազատ տեղը կզբաղեցնի B լիգայի ամենաբարձր ցուցանիշն ունեցող թիմը, որը չի հաղթել լիգայի իր խմբում:

Երբ 16 թիմերը հայտնի դառնան, կբաժանվեն 4-ական մասնակից ունեցող խմբերի, որոնցից յուրաքանչյուրը կանցկացնի իր փլեյ-օֆը:

Փլեյ-օֆը կազմված կլինի 2 կիսաեզրափակչից եւ եզրափակչից: Եթե խմբային փուլում թիմերը մրցակիցների հետ 2-ական հանդիպում են անցկացնելու՝ տանը եւ դրսում, ապա կիսաեզրափակչում ու եզրափակչում ունենալու են 1-ական խաղ:

Կիսաեզրափակչում այդ հանդիպումը կայանալու է տվյալ զույգի այն թիմի հարկի տակ, որն ավելի լավ ցուցանիշներ է ունեցել Ազգերի լիգայում: Եզրափակչի մրցավայրը որոշվելու է վիճակահանությամբ: 4 եզրափակիչների հաղթողները նվաճելու են ուղեգրերը:

Խմբային փուլի խաղերը կայանալու են այս տարվա սեպտեմբեր, հոկտեմբեր եւ նոյեմբեր ամիսներին: Փլեյ-օֆերը, որոնց միջոցով վիճարկվելու են Եվրոյի ուղեգրերը, տեղի կունենա 2020 թ. մարտին:

2019 թ. հունիսին որոշվելու է ազգերի լիգայի հաղթողը: A լիգայի 4 խմբերի հաղթողների միջեւ անցկացվելու են կիսաեզրափակիչները, 3-րդ տեղի համար խաղը եւ եզրափակիչը:

A, B, C լիգաների խմբային փուլից հետո վերջին տեղերը զբաղեցրած թիմերը հաջորդ խաղարկությունում տեղափոխվելու են ավելի ցածր լիգա: B, C, D լիգաների հաղթողները հայտնվելու են ավելի բարձր լիգայում:

Հ.Գ. Ազգերի լիգայի վիճակահանության արդյունքում Հայաստանը հայտնվել է D լիգայի 4-րդ խմբում: Խաղացանկը հետեւյալն է.

06.09.2018 Հայաստան-Լիխտենշտեյն

09.09.2018 ՆՀՀ Մակեդոնիա-Հայաստան

13.10.2018 Հայաստան-Ջիբրալթար

16.10.2018 Հայաստան-ՆՀՀ Մակեդոնիա

16.11.2018 Ջիբրալթար-Հայաստան

19.11.2018 Լիխտենշտեյն-Հայաստան

Տպել
1692 դիտում

Նիկոլ Փաշինյանը արդարադատության նախարարությունում ներկայացրել է նորանշանակ նախարարին (տեսանյութ)

«Թաքնված խաչ» ֆիլմի անձնակազմը դատի է տալու թուրքական ազգայնամոլական թերթին

Վանաձոր-Ալավերդի-Բագրատաշեն ճանապարհահատվածը բեռնատարների եւ ավտոբուսների համար փակ է

Քաղաքացին հայտնել է, որ գյուղապետն իր ընկերների հետ ծեծի է ենթարկել , ապա շանն է «քսի տվել» վրան

Կոտայքի մարզի Արգել համայնքում կարկտավտանգ ամպեր են վնասազերծվել. կատարվել է 152 կրակոց

Հրդեհվել են Սուրբ Հովհաննես եկեղեցու մոտակայքում գտնվող տնակները

Երևանում և 8 մարզերում այսօր էլեկտրաէներգիայի պլանային անջատումներ են սպասվում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց