ՀՅԴ-ն ուզում է, ՀՀԿ-ն՝ ոչ. անհամաձայնություն կոալիցիոն գործընկերների մեջ, սկանդալ է ծնվում

Մի քանի օր առաջ ՀՅԴ ԳՄ-ն եւ ՀՅԴ Բյուրոն համատեղ նիստ էր հրավիրել, որի ընթացքում քննարկել էին մի շարք հարցեր, ամփոփել էին ՀՀԿ-ի հետ համագործակցության մեկ տարին: Առաջարկ էր եղել  Ընտրական օրենսգրքում վերանայել գործող տարածքային ռեյտինգային ընտրակարգը, խոշորացված համայնքներում ներդնել համայնքի ղեկավարի անուղղակի ընտրության մոդելը եւ ավագանիների ձեւավորման համամասնական ընտրակարգ: Այս թեմայի շուրջ ԱԺ-ում լրագրողների հետ զրույցում ՀՅԴ խմբակցության ղեկավար Արմեն Ռուստամյանը նշեց, որ Դաշնակցությունը հստակ օրակարգ է սահմանել, առանձնացրել, թե իրենց համար ինչն է գոհացնող, ինչը՝ ոչ:

«Սա ներկայացրել ենք հրապարակային՝ մեր ժողովրդին: Պետք է ակնկալել, որ սրանից հետո կհետեւեն համատեղ քննարկումներ, որովհետեւ հայտարարության մեջ մեր գործընկեր ՀՀԿ-ին կոչ ենք անում՝ քանի դեռ ժամանակ ունենք նոր համակարգի հիմնադրման մեկ տարին լրանալու, ճիշտ կլինի, որ ամբողջական կոալիցիան եւս հանդես գա կոալիցիոն հուշագրի գնահատմամբ»,- ասաց նա:

Ռուստամյանը նաեւ ընդգծեց, որ իրենք նշել են այն բացասական կետերը, որոնք թուլացնում են իրենց թափը:

«Շատ լավ հասկանում ենք, որ այդ դրական ակնկալիքները, որ պետք է անեինք, եթե տեմպերը չհամապատասխանեն մեր պատկերացրած բարեփոխումների խորությանը, մասշտաբային իրականությանը, ժողովրդի մոտ դրական ակնկալիքներ չեն ձեւավորվի»,- նկատեց նա, ապա հավելեց, որ իրենք հստակ ասել են` ինչին են կողմ, ինչից են դժգոհ:

Անդրադառնալով ռեյտինգային ընտրակարգը հանելու վերաբերյալ Ծառուկյան դաշինքի նախաձեռնությանը միանալուն, Ռուստամյանը նշեց, որ կցանկանար թարմացնել որոշ քաղաքական գործիչների հիշողությունը:

«Ընտրական օրենսգրքի փոփոխության հետ կապված առաջամարտիկը միշտ եղել է Դաշնակցությունը: Մենք ենք միշտ խոսել համամասնական ընտրակարգի անցնելու խնդրի մասին եւ սրանով էլ ձեւավորվեց քառյակը եւ այլն: Մենք երբեք չենք հրաժարվել մեր մոտեցումներից, բայց տուրք տալով նրան, որ պետք է ի վերջո ձեւավորվի համախոհություն, երբ որ 4+4+4 ֆորմատով աշխատում էինք, ասացինք, որ մենք հանուն համախոհության համաձայն ենք այս տարբերակին, բայց ռեյտինգային այս ձեւը, որ առաջարկվում է, մեզ համար անընդունելի է»,- շեշտեց նա:

Նա նաեւ նկատեց, որ միշտ են խոսել այս մասին եւ իրենց կոալիցիոն գործընկերոջ համար իրենց այս մոտեցումը զարմանալի չէ:

«Հիմա հարցը հետեւյալին է վերաբերում՝ անցում կատարել ինչպիսի՞ կարգի, այստեղ է, որ խնդիրները տարբեր են»,- ասաց նա:

Ռուստամյանի խոսքով` կոալիցիոն հուշագրով էլ նախատեսված է, որ իրենք պետք է շարունակեն կատարելագործել ընտրական օրենսգիրքը, բարեփոխել այն:

«Մենք այստեղ է, որ ունենք խնդիր մեր հանրապետական գործընկերոջ հետ, իրենք առայժմ այս ռեյտինգային համակարգը ուզում են պահպանել, մենք սրան դեմ ենք»,- հայտարարեց նա: Ռուստամյանը նշեց, որ իրենք դեմ չեն ռեյտինգային ընտրակարգին, բայց դա չպետք է լինի այս ձեւով:

«Սա դասական համամասնական ընտրակարգից շեղում է, եթե ռեյտինգային տարբերակն է ընդունվում` բաց ցանկերով քվեարկությունն է ենթադրում ռեյտինգը, պետք է վերաբերի անձանց, ոչ թե տարածքների, մեզ մոտ տեղի է ունենում հակառակը. սկզբից տարածքների ռեյտինգավորում, հետո մանդատների բաշխում՝ ըստ տարածքների ձեռք բերված ձայների, որը առաջացնում է այնպիսի անարդարություն, որն այսօր տեսանք»,- նկատեց նա:

Նա ընդգծեց, որ համամասնական ընտրակարգի երկու տարբերակ կա, եւ որ պետք է լիարժեք տեղավորվենք այդ երկու տարբերակների մեջ:

«Մենք էլի ռեյտինգին համաձայն ենք, բայց այդ ռեյտինգը պետք է որոշվի ամբողջ հանրապետությունով մեկ»,- ասաց նա:

Ռուստամյանը տեղեկացրեց, որ պետք է բերեն փոփոխությունների ամբողջական փաթեթ եւ որ դրա վրա են աշխատում:

«Միայն մեկ կետով պետք չէ այս հարցին անդրադառնալ, այսպես «գալչկայի» համար պետք չէ այս խնդիրը լուծել, մենք պետք է բերենք փոփոխությունների ամբողջական փաթեթ, դրա վրա ենք աշխատում, եւ մեր հանրապետական գործընկերներին էլ ներկայացնենք, որպես պահանջ՝ ընտրական օրենսգիրքը բարեփոխելու, որովհետեւ ինքնանպատակ պրոցես սկսելը, եթե գիտես տեղ չի հասնի, ոչ մեկին պետք չէ: Մենք պետք է իմանանք նախապես, որ այն գործընթացը որ սկսել ենք արժեւորվելու է. սա նշանակում է քննարկել, համաձայնեցնել, բանավիճել եւ հասնել ընդհանուր հայտարարի»,- եզրափակեց նա:

Արմեն Ռուստամյանը նաեւ ընդգծեց, որ ճիշտ կլինի, եթե կոալիցիոն գործընկերներն էլ մինչեւ համագործակցության մեկ տարվա լրանալը քննարկեն կատարված աշխատանքները, գնահատական տան արդյունքներին եւ հասարակությանն իրազեկեն իրենց աշխատանքի մասին:

Տպել
1675 դիտում

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ

Վալերի Օսիպյանը կրկին սահմանապահ ոստիկանների է ճանապարհել դիրքեր

Մոնտեբելոյում վնասել ու կոտրել են Հայոց ցեղասպանության հուշարձանի մասին ազդարարող ցուցատախտակը

Առողջապահության փոխնախարարի հետ կապված կոռուպցիոն գործը շոկ էր նախարարության անձնակազմի եւ ողջ համակարգի համար․ Թորոսյան

Անբարենպաստ եղանակի պատճառով վթարվել է Իջեւանի հեռուստակայանը սնող էլեկտրահաղորդման գիծը

Հայաստանն ու Ռուսաստանը քննարկում են զինուժի մարտական պատրաստության համատեղ միջոցառումների կազմակերպման հարցեր

Ձյուն է տեղացել նաեւ Հայաստանի ամենատաք վայրում՝ Մեղրիում․ Գագիկ Սուրենյան

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 250 անգամ

ԵՄ-Հայաստան. եկան, քլնգեցին, գնացին