Մնջախաղի պետական թատրոնը 43 տարվա անհասցե դեգերումներից հետո հիմնական շենք կունենա

Երեւանի Մնջախաղի պետական թատրոնը 43 տարվա անհասցե դեգերումներից հետո հիմնական հասցե ու շենք կունենա: Թատրոնն այսուհետ Գեւորգ Քոչար 21 հասցեում է լինելու: Հայաստանի Ազգային գրապալատի տարածքը, հիշեցնենք, տրվել է Մնջախաղի պետական թատրոնին:

Թատրոնի գեղարվեստական ղեկավար Ժիրայր Դադասյանն ընդգծեց, որ քսան տարի բարձրացրել է թատրոնի շենքի խնդիրը եւ չէր կարող ենթադրել, որ մի քանի ամսվա ընթացքում այն լուծում կստանա: «Երբ անվանի ճարտարապետները հավաքվեցին, ինչպիսիք են՝ Մկրտիչ Մինասյանը, Նարեկ Սարգսյանը, Հրաչյա Պողոսյանը եւ այլոք, ես շատ պատմական զգացողություններ ունեի, անգամ ֆոտոներ արեցի»,- ասաց Դադասյանը:

Նա նշեց, որ շենքի արտաքին տեսքի հետ կապված քննարկում է եղել ճարտարապետերի հետ, ընդհանուր եզրակացության համար հաշվի են առնվել բոլորի կարծիքները, եւ բացի այն, որ տարածքը վերանորոգման լուրջ կարիք ուներ, նաեւ պետք է համապատասխանեցվեր թատերական միջավայրին: Մշակույթի նախարար Արմեն Ամիրյանի խոսքով, այս տարվա մայիս ամսից կսկսվեն թատրոնի շինարարական աշխատանքները եւ կավարտվեն հաջորդ՝ 2019 թվականի մայիս ամսին:

Մնջախաղի թատրոնի ապագա շենքը ունենալու է այս տեսքը՝

2019 թվականին Մնջախաղի թատրոնի բացումն ազդարարվելու է նոր շենքում, նոր տարածքում: Ամիրյանի խոսքով՝ նախագիծն իրականացնելու համար պետբյուջեից 260 միլիոն դրամ է հատկացվելու, իսկ շինարարական աշխատանքներն իրականացնող կազմակերպությունների միջեւ նախապես հայտարարվելու է մրցույթ:

«Այս տարի կիրականանա 60 միլիոն դրամի չափով աշխատանքներ, մնացածը կմնա հաջորդ տարվան»,-ասաց Արմեն Ամիրյանը, նշելով, որ եկող տարվա սկզբում կտրամադրվի նախատեսված գումարի մեծ մասը, պայմանով, որ պետք է ավարտին հասցվեն ողջ շինարարական աշխատանքները: Ըստ նախարարի՝ հաջորդ տարվա բյուջեով են լուծվելու նաեւ թատրոնի գույքի եւ լուսային տեխնիկայի հետ կապված խնդիրները: Լինելու է մոտ 120-123 տեղանոց դահլիճ:

Մնջախաղի թատրոնի գեղարվեստական ղեկավարն ասաց, որ հաջորդ տարի մայիսի 18-ին լրանում է թատրոնի 45-ամյակը, որը մեծ շուքով կնշվի, մեկ տարում կլինի երկու տոն թատրոնի համար: 2019-ի մայիսին թատրոնի բացումը կազդարարվի «Պիերոյի երազը» նոր ներկայացմամբ: «Մնջախաղային թեմա է, բայց ժամանակակից խնդիրների է անդրադառնալու, որը նաեւ վերաբերվելու է մեզ, լիրիկական, կոմիկական էլեմենտներ ունի»,- ասաց Ժիրայր Դադասյանը:

«Մի քանի օրից լրանում է նաեւ թատրոնում իմ պաշտոնավարման 20 տարին, դա մեծ բավականություն է ինձ պատճառում, որը հաշվետվության նման մի բան է, որ 20 տարիների ընթացքում ի վերջո եկանք, հասանք այս կետին, որ կունենանք մեր հիմնական տարածքը»,- ասաց Դադասյանը:

Ժիրայր Դադասյանի խոսքով՝ թատրոնի շենքի ներքին գծագիրն էլ արդեն կա, որին անմիջական մասնակցություն է ունեցել ինքը: «Թատրոնն ունի իր առանձնահատկությունները, թե ինչպիսի մուտք պետք է լինի, որտեղ պիտի բաց լինի, որտեղ՝ փակ, ինչպիսին պիտի լինեն դիմահարդարման, մյուս վարչական սենյակները եւ այլն:

Մնջախաղի պետական թատրոնի նախագծված շենքը

Հաշվի առնելով, որ շենքը հին է եւ երրորդ հարկում ենք լինելու, նաեւ հաշվի առնելով խնդիրները ներքեւի երկու հարեւանների հետ, նմանատիպ հարցերը, կարծես թե, լուծվել են»,- ասաց Դադասյանը, որը, սակայն ներքեւի առաջին եւ երկրորդ հարկերի հարեւանների հետ կապված խնդրի մասին չմանրամասնեց, միայն ասաց, որ մասնավոր սեփականատերեր են:

Նախկին տպարանի առաջին եւ երկրորդ հարկերը

Հրատարակչության եւ տպարանի շենք է եղել նախկինում, «Ազգային գրապալատը միացավ Ազգային գրադարանին, եւ մենք որոշեցինք գրապալատի տարածքը տրամադրել Երեւանի մնջախաղի պետական թատրոնին, որը տարիներ շարունակ չի ունեցել իր սեփական շենքը»,- ասաց Ամիրյանը: Անդրադառնալով Ազգային գրապալատին` Արմեն Ամիրյանը եւս մեկ անգամ շեշտեց, որ այն միանում է Ազգային գրադարանին` պահպանելով իր գործառույթները, անվանումը:

«Բոլոր աշխատակիցները կշարունակեն կատարել իրենց պարտականությունները, հավելյալ թվայնացման գործընթացը»,- նշեց Ամիրյանը: Առաջին երկու հարկերը մասնավոր են, երրորդը՝ Մնջախաղի թատրոնինը՝ պետական սեփականություն: Արմեն Ամիրյանն էլ հաստատեց, որ շենքի առաջին երկու հարկերում լքված վիճակ է:

Վերջինս հույս հայտնեց, որ հենց թատրոնը սկսի գործել, մասնավորը եւս ուշադրություն կդարձնի իր տարածքին եւ այդ տարածքները եւս մշակութային նպատակի կծառայեցվեն, կամ որեւիցե այնպիսի նախաձեռնություն կլինի, որը համահունչ կլինի թատրոնի հետ:

Ամիրյանի խոսքով՝ անկախության վերջին երեք-չորս տարիներին 4 թատրոնի շենքի հարց են կարողացել լուծել՝ Կամերային թատրոնի շենքն է, որը շուտով պատրաստ կլինի, Գավառի թատրոնը, Մնջախաղի թատրոնը եւ Համազգային թատրոնը, որն այս պահին դեռ նախագծման փուլում է եւ շուտով ազդարարվելու է շինարարության մեկնարկը՝ ֆինանսավարկային քոլեջի տեղում՝ ներկայիս Համազգայինի հարեւանությամբ:

Մշակույթի նախարարը վստահեցրեց, որ այս տարի պլանավորված է, որ թատրոնը շաբաթը երեք ներկայացում պիտի ունենա, պլանավորված է նաեւ որոշ թատրոնների ամբողջ տարվա խաղացանկը: «Ոչ մի բան չի խախտվելու, կաշիները քերում ենք»,- ասաց նախարարը:

Քաղաքաշինական ծրագրերի իրականացման վարչության պետ Մարտին Քյուրքչյանն ասաց, որ նախագծում փորձել են համատեղել դասական եւ ժամանակակից ճարտարապետությունը: «Դասական շենք՝ կողքը լեդ էկրանով, դիմացի պատը՝ ապակեպատ, լինելու է նաեւ ժամանակակից վերելակ՝ նախատեսված սակավաշարժ խմբերի համար»,- ասաց նա:

Խոսելով ծրագրերի մասին՝ նշեց, որ բազմաթիվ ծրագրեր ունեն, հենց երեկ էլ նոր փառատոնի հրավեր են ստացել, Վոլոգդայում իրականացվող «Գոլոսա իստորիի»՝ պատմության ձայները, պատմական դրամաների փառատոն է լինելու: Նմանատիպ մի շարք պրոյեկտներ, առանձին նախագիծ «Գորիսը ԱՊՀ մշակութային կենտրոն» ծրագրի հետ կապված:

 Նաեւ միջին հաշվով չորս տարին մեկ ընդունվում է 8-ից 10 ուսանող, (չորս տարին մեկ է ընդունելությունները): Խոսելով ուսանողների թվի մասին՝ Դադասյանը նշեց. «Պահանջարկին բավարարող քանակ է»: Նշենք, որ թատրոնին տարածք հատկացնելու որոշումը եղել է 2017 թվականի փետրվարի 15-ին՝ ՀՀ մշակույթի նախարար Արմեն Ամիրյանի հրամանով:

                                                                                                       Աղունիկ Հովհաննիսյան

Տպել
5392 դիտում

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով