139 տուն Առափիում սողանքի ակտիվ գոտում է. տները սահում են սարն ի վար, մարդիկ՝ արտագաղթում

13/03/2018 schedule13:22

Շիրակի մարզի Առափի համայնքում տները շարունակում են սահել սարն ի վար: Սողանքային գոտին ակտիվ է: Խնդիրը, սակայն լուծում չունի: 

Տարին 12 ամիս առափեցի տղամարդիկ արտագնա աշխատանքի են մեկնում, վաստակած գումարով տների պատերն ու հատակները կարկատում: Օգուտ չկա: Պատերն այստեղ ճաքում են վայրկյանը մեկ, հատակը քայքայվում՝ ամեն քայլափոխի:

Մանվել Զիրոյանը նոր է վերադարձել ՌԴ-ից: Այս տարի քիչ է վաստակել: Ոչ այն է՝ տանեցիների կարիքները հոգա, ոչ այն է՝ տունը կրկին նորոգի: Հնարավոր է, այս տարի ոչ մի աշխատանք չձեռնարկի: Խնդիրը գնալով խորանում, ճաքերն արդեն դառնում են անկառավարելի:Առափիի շատ տներում են պատերը միմյանցից հեռացած, պատուհանները կամ չեն բացվում, կամ չեն փակվում: Սողանքային գոտու կառույցները դեֆորմացիայի են ենթարկվում՝ քայքայելով նաեւ բնակիչների առողջությունը: Առանց բացառությունների, բոլորի տները խոնավ են:

«Սաղ ձմեռը մեր լուսամուտները բաց են եղել, առավոտը կբանանք, գիշերվան կփակենք, թե չէ հնարավոր չէ շնչել: Էս սենյակները էլ չեն օգտագործվի, սաղս մե տեղըմ ենք հավաքվե, էն դրսի սենյակը կմնանք ու կքնինք: Տիա էգուց թոռներս բանակից գուկան, ինչ բդի էղնի, չիդեմ, ըսիգ ապրելու տուն չէ»,- ասում է Հասմիկ տատիկը:

Խնդրի լուծմանը ՀՀ կառավարությունն առաջին ու վերջին անգամ ձեռնամուխ է եղել 2011 թվականին: Այդ տարիներին սողանքի ակտիվ հատվածում 150 տուն էր հաշվվում: Երբ միանգամից մի քանի տուն մնաց հողի հաստ շերտի տակ, որոշվեց դրանց տերերին ու եւս մի քանիսին, թվով 11 ընտանիքի նոր տուն գնելու համար գումար հատկացնել: Թե ինչ չափորոշիչով է գումարը հատկացվել այդ ընտանիքներին, պարզ չէ: Արտաշ Ասատրյանն, օրինակ, պնդում է, որ իր տունը եւս գտնվում է նույն սողանքի գոտում, բայց հարեւանների նման ինքը փոխհատուցում չի ստացել: «Մենք էլ մանրամասները չգիտենք, թե ընչի, ու չիդենք, թե ինչ պետք է անի կառավարությունը: Կսպասեմ մյուս տղես էլ գա բանակից, մեկն արդեն եկել է, ու հայդե, ստեղից էրտանք»,-ասում է նա: Գումարն ընտանիքիներին տրվել է անձերի քանակով: «Ճիշտ է, բավարար չէ, բայց իրանք էլ վրեն դրեցին, տներ առան: Կան որ գյուղի մեջն են տուն առե, եղան մարդիկ, որ գնացին Գյումրի, ընդեղ տուն առան: Բայց մյուսների մասին դեռ նորություն չկա»,- բացատրում է փոխհամայնքապետ Աշոտ Պոլեյանը:

Այս պահին հայկական սողանքը ճապոնացիներին է շատ հետաքրքրում: Նրանց ջանքերով առափեցիները 10 րոպեն մեկ գետնի տակից լուրեր են ստանում իրենց անհանգստացնող սողանքի վերաբերյալ: 30 մետր խորությամբ տեղադրված սարքերն ինտերնետ կապով միացված են ե՛ւ ՇՄ  Ճգնաժամային կառավարման կենտրոնին, եւ համայնքապետարանին:

Գյուղի տարբեր հատվածներում, հատկապես սողանքի օջախային գոտիներում են ճապոնացիները սարքերը տեղադրել, որոնք ինֆորմացիա են հաղորդում ընդերքի շարժի, անգամ աննշան փոփոխության մասին:

Սա առափեցիներին քիչ է հետաքրքրում, ասում են՝ մեկ է չափեն, չչափեն, իրենց տունն իրենց գլխին է փուլ գալիս, ուրիշ ոչ մեկի: Բայց ճապոնացիների կառուցած ջրհորներն, այնուամենայնիվ, մեծ կարեւորություն ունեն: Հստակ հաշվարկ կա, ամեն օր դրանց միջոցով մոտ 50 տոննա ջուր է հեռանում: Նախկինում այդ քանակությամբ ջուրը ողողել է տների հիմքերն ու առավել ակտիվացրել սողանքի շարժը:

Գյուղում ասում են, ինչ էլ անեն, օգուտ չի լինի: Նաեւ մտաբերում են հեռավոր 70-ականները, երբ սովետական միությունը հստակ որոշել էր սպառնացող սողանքի պատճառով  թույլ չտալ նոր տների կառուցումն ու Օջաղուլին, այսօրվա նույն Առափին տեղափոխել, դիմացի հարթավայրում նոր գյուղ հիմնել: Սովետը, սակայն իր ծրագրով մնաց 88-ի փլատակների տակ, իսկ առափեցիները դեռ շարունակում են իրենց սահքը, արդեն հայրենի իշխանությունների պատասխանատվությամբ:

Նյութը տպագրվել է «Հայկական ժամանակ» օրաթերթի մարտի 7-ի համարում:

Տպել
1227 դիտում

Ավշարի դպրոցում ստեղծված իրավիճակը խաթարում է երեխաների կրթության իրավունքը․ ՄԻՊ

Գյումրու քաղաքապետարանը ՀԷՑ-ին չի վճարի 188 մլն դրամ. Սամվել Բալասանյան

Ջերմուկի ոստիկանները բացահայտել են 9 տարի առաջ կատարված գողությունները

Տիգրան Խաչատրյանն ընդունել է «Arton Capital» կազմակերպության ներկայացուցիչներին

ԵԱՏՄ տարածքում գյուղատնտեսական արտադրանքի ծավալն աճել է 19 տոկոսով

Միշտ կարիք կա զարգացնելու մոր եւ մանկան առողջության պահպանմանն ուղղված քայլերը. Թորոսյանն այցելել է «Շենգավիթ» ԲԿ

Գորիսի և Մեղրիի ավտոճանապարհներին ձյուն է տեղում

ԵԽ-ում ՀՀ ներկայացուցիչը մասնակցել է կրթության քաղաքականության և պրակտիկայի հարցերով ղեկավար կոմիտեի նիստին

34-ամյա տղամարդուն մեղադրանք է առաջադրվել՝ ապօրինի թմրամիջոց իրացնելու համար. գործը դատարանում է

Ինձ թվում է՝ երազ է. բռնցքամարտիկ Անուշ Գրիգորյանը՝ երկար սպասված ԵԱ ոսկե մեդալի մասին

Ռոբերտ Քոչարյանը կոպիտ սխալ է թույլ տվել իմ նկատմամբ հայց ներկայացնելով. Արամ Մանուկյանը մանրամասներ է ներկայացնում

ԱՄՆ Ալաբամա նահանգը ճանաչել է Հայոց Ցեղասպանությունը

Մարգարյան-Ֆուչիկ խաչմերուկից մինչև Աբելյան-Ֆուչիկ կբարեկարգվի փողոցը, նստարանները, ցանկապատները

Նիկոլ Փաշինյանը շնորհավորել է Կասիմ-Ժոմարտ Տոկաևին՝ Ղազախստանի Հանրապետության նախագահի պաշտոնը ստանձնելու կապակցությամբ

Բախում չի լինի. Սամվել Բալասանյանը կազատագրի Գյումրու զավթված մայթերն ու կանաչ գոտիները

Գրավատների ու փոխանակման կետերի տուրքի բարձրացումը մի շարք բացասական հետեւանքների կհանգեցնի. պատգամավոր

Տիգրան Ավինյանի գլխավորությամբ կայացել է Համահայկական յոթերորդ խաղերի կազմկոմիտեի նիստը

Բժշկական հրաշք. գանգուղեղի ծանր վնասվածքով 2-ամյա Նարեկի փրկության պատմությունը (տեսանյութ)

Արմավիր քաղաքը հայտ է ներկայացրել՝ ամբողջությամբ նորոգելու-ասֆալտապատելու 2 փողոցներ՝ մայթերով

Դատախազությունը պետական շահերի պաշտպանության ուսումնասիրությամբ 36 միլիարդ դրամի վնաս է հայտնաբերել