Գոռ Վարդանյանը սաների ծնողներին խաբելով գումարներ է վաստակում. Տիգրան Չոբանյան

ՀՀ ավանդական ուշուի ֆեդերացիայի (ՀԱՈՒՖ) նախագահ Տիգրան Չոբանյանը հայտնում է, որ Միջազգային դուքենդոյի եւ ֆուլ կոնտակտ կարատեի ֆեդերացիայի նախագահ Գոռ Վարդանյանը խաբում է իր ֆեդերացիայի սաների ծնողներին: Ըստ նրա՝ Վարդանյանի ֆեդերացիան չունի ճանաչում միջազգային այնպիսի լուրջ կազմակերպության կողմից, որը զբաղվում է ոլորտի կարգավորմամբ: «Հայկական ժամանակ»-ի հետ զրույցում Չոբանյանը խոսեց Վարդանյանի գործունեությունից:

«Դուքենդո ֆեդերացիան բացարձակապես խաբեբայություն է՝ սկսած անվանումից: Այն չունի միջազգային ճանաչում միջազգային որեւէ կազմակերպության կողմից, որն իրավունք ունի համակարգելու այդ ոլորտը: Բառարաններում դուքենդո բառ չկա, հորինված բառ է: Հետեւաբար՝ նշանակում է, որ այդ ֆեդերացիայում գոտիների շնորհում, դաների շնորհում... ամեն ինչ խաբեբայություն է: Գոռ Վարդանյանն իր բոլոր գոտիներով, դաներով խաբեբայություն է, մարզիչները՝ նույնպես: Այսօր նրանք, ծնողներին խաբելով, գումարներ են վաստակում»,- ասաց նա:

Միեւնույն ժամանակ Չոբանյանը նշեց, որ Վարդանյանն աստիճանաբար կորցնում է հանրության վստահությունը: Ըստ Չոբանյանի՝ քանի որ մեր օրերում տեղեկատվական աղբյուրները շատ են, ծնողները սկսում են հասկանալ, որ իրենց խաբում են: Նա ասում է, որ Վարդանյանն ԱՄՆ-ում նույնպես դուքենդոյի խմբակներ ունի, եւ այնտեղ էլ մարդիկ սկսել են չհամակրել նրան: Դրա պատճառներից մեկն այն է, թե վերջերս ինչպես է Վարդանյանն իրեն պահել Երեւանի քաղաքապետարանի նիստի ժամանակ, երբ ուժ գործադրելով Երկիր ծիրանի խմբակցության անդամ Մարինա Խաչատրյանին հանել է նախասրահից: Մյուս պատճառն այն է, որ ԱՄՆ-ում էլ հայերը սկսել են հասկանալ, որ նրա ֆեդերացիայի գործունեությունում ինչ-որ բան այն չէ:

Չոբանյանն ընդգծում է, որ Վարդանյանը վախենում է, որ այս տեմպերով մոտ ապագայում կկորցնի բիզնեսը, եւ այն փրկելու համար սկսել է օգտագործել իր լծակները, որոնք ունի որպես Երեւանի քաղաքապետի սպորտի գծով խորհրդական: Երեւանի ֆեդերացիաները դարձնում է իրավաբանական անձ իր վերահսկողության տակ պահելու համար:

«Կարատեն վերածել է բիզնեսի եւ այսօր զգում է, որ այդ բիզնեսը կարող է կորցնել: Ի՞նչ պետք է անի: Պետք է, օգտագործելով իր պաշտոնական լծակները, հնարավորին չափ ֆեդերացիաներն իրեն ենթարկի ու դառնա թելադրող, հսկող, կարգավորող՝ Ալ Կապոնե կարատեի դաշտում: Նրա իրական նպատակը դա է. մենք նրան շատ լավ ճանաչում ենք՝ փոքր տարիքից: Որեւիցե մեկին օգնելը Գոռ Վարդանյանի կերպարից ընդհանրապես հեռու է: Նրա նպատակն է պառակտել ֆեդերացիաները: Թուլացած ֆեդերացիաներին ինչ-որ ձեւով խաբելով դարձնել իրեն ենթակա, որպեսզի իր վրա աղոթեն: Լիդերի դիրքեր է ուզում հաստատել մարտարվեստների ոլորտում, ուրիշ ոչ մի բան»,- ասում է նա:

Որպես իրավաբանական անձ արդեն ձեւակերպվել է Երեւանի ուշուի ֆեդերացիան: Ըստ Չոբանյանի տեղեկությունների՝ նման կարգավիճակով գոյություն ունեն նաեւ Երեւանի ծանրամարտի ու սեղանի թենիսի ֆեդերացիաներ: Սա, Չոբանյանի պնդմամբ, կհանգեցնի ֆեդերացիաների պառակտմանը ու կվնասի սպորտին:

«Քաղաքային ֆեդերացիաները, հանդիսանալով իրավաբանական անձ, որպես հասարակական կազմակերպություն անկախ են եւ որեւիցե մեկին չեն ենթարկվում, եւ որ պահին քաղաքային ֆեդերացիան խնդիր ունենա հանրապետական ֆեդերացիայի հետ, այդ պահից սկսվելու է ֆեդերացիայի աշխատանքի պառակտումը: Եթե անհրաժեշտ է ունենալ քաղաքային կազմակերպություն, դա կարող է լինել, բայց ոչ որպես իրավաբանական անձ»,- ասաց նա՝ ավելացնելով, որ հանրապետական ֆեդերացիան պետք է միշտ իրավունք ունենա վերահսկելու մասնաճյուղին:

Չոբանյանը թեմայի շուրջ Վարդանյանի հետ նախկինում զրույցներ է ունեցել եւ կարծել է, թե նա հետ կկանգնի իր մտադրություններից, սակայն դա տեղի չի ունեցել: Այժմ նա միջոցներ է ձեռնարկել: ՀԱՈՒՖ-ն իր անդամ բոլոր մարզիկներին ու մարզիչներին արգելել է մասնակցել քաղաքային ֆեդերացիայի առաջնություններին: Ֆեդերացիան հայտարարություն է տարածել, որ բոլոր մասնակցողները կհեռացվեն ՀՀ ֆեդերացիայից:

«Այդ դեպքում ի՞նչ է անելու քաղաքային ֆեդերացիան. դառնում է դատարկ կազմակերպություն կնիքով: Եթե նույնիսկ մարզիկները գնան մասնակցեն, զրկվելու են հանրապետական առաջնություններից, միջազգային՝ Եվրոպայի, աշխարհի առաջնություններից, որտեղ Հայաստանից մարզիկներ ուղարկելը միայն ՀԱՈՒՖ-ի իրավասությունն է»,- ասաց նա՝ ավելացնելով, որ այդ դեպքում քաղաքային ֆեդերացիայի գոյությունը ոչնչով չի արդարացվի, այն կդառնա փուչիկ, որը կօգտագործի քաղաքապետարանի միջոցները:

Բացի նրանից, որ ՀԱՈՒՖ-ը մարզիկներին ու մարզիչներին արգելել է մասնակցել Երեւանի քաղաքային ֆեդերացիայի միջոցառումներին՝ նաեւ պահանջ ունի Գոռ Վարդանյանին: Իր անվստահությունն է հայտնել նրան եւ կոչ արել հրաժարական տալ քաղաքապետի սպորտի գծով խորհրդականի պաշտոնից:

Տպել
9941 դիտում

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկներին, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը

Պարգեւատրվել են ԱՆ քրեակատարողական ծառայության մի շարք աշխատակիցներ (տեսանյութ)

Հանրապետության տարածքում կան դժվարանցանելի և փակ ավտոճանապարհներ

Չարենցավանում մեքենան ընկել է 9 մետր խորությամբ ջրանցքը

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը

Փարիզում «դեղին բաճկոնների» ակցիայի 12 մարդ է ձերբակալվել