Սարգսյանի եւ Գասպարյանի դեմ Էթիկայի հանձնաժողովը կարող է տարիներով որոշում չկայացնել

ՀՀ պաշտպանության նախարար Վիգեն Սարգսյանի կողմից քաղաքացուն բոշա անվանելու հարցով էթիկայի հանձնաժողովում դեռեւս նախնախան ուսումնասիրություն է կատարվում: Այս մասին «Հայկական ժամանակ»-ի հետ զրույցում ասաց բարձրաստիճան պաշտոնատար անձան էթիկայի հանձնաժողովի նախագահ Սիրանուշ Սահակյանը: Ֆեյսբուքյան օգտատեր Պետրոս Սարգսյանը, ում հասցեին վիրավորական արտահայտություն էր արել Վիգեն Սարգսյանը շաբաթներ առաջ դիմել էր էթիկայի հանձնաժողով:

-Տիկին Սահակյան, Վիգեն Սարգսյանի դեմ դիմումի ուսումնասիրությունը ո՞ր փուլում է:

-Մենք հաստատել ենք, որ քաղաքացուց դիմում որոշակի վարքագծի խախտման վերաբերյալ ստացել ենք: Դիմումում վկայակոչված փաստերը ապացուցման են ենթակա եւ նախնական ուսումնասիրության պետք է ենթարկվեն: Դիմումի քննությունը գտնվում է նախնական ուսումնասիրության փուլում, որի արդյունքներով հանձնաժողովը կամ որոշում է կայացնում վարույթ ընդունելու վերաբերյալ կամ մերժում է վարույթի ընդունում: Եթե մերժում է, դրա մասին տեղեկացնում է քաղաքացուն: Եթե վարույթ է հարուցում, ապա հարուցելու որոշումը հրապարակվում է մեր կայքում: Դրանից հետո այլ ընթացակարգեր են տեղի ունենում, որտեղ այն պաշտոնատար անձը դիրքորոշում ներկայացնելու իրավունք ունի, այլ փաստեր, ապացույցներ ներկայացնելու իրավունք ունի: Այդ գործընթացի ավարտից հետո կայացվում է եզրակացություն:

-Քաղաքացին այդ դիմումով գտնում է, որ իր հասցեին վիրավուրանք է եղել:

-Փաստը, որ վիրավորանք է եղել, պետք է ապացուցի դիմող կողմը:

-Նախնական ուսումնասիրման փուլում, դիմող կողմից պարզաբանումներ վերցվե՞լ են:

-Ոչ, որովհետեւ դիմող կողմն իր դիտարկումները ներկայացրել է, հիմնավորող փաստաթղթերը կցել է:

-Նախնական ուսումնասիրության փուլի համար օրենքով ժամկետ նախատեսվա՞ծ է:

-Ոչ, օրենքով ժամկետ չկա, որովհետեւ ուսումնասիրություները տարբեր հարցերի է վերաբերվում, բարդությունը, ժամանակատարությունը կարող է տարբեր լինել: Օրենքը ինչ-որ ժամկետով չի սահմանափակել պետական մարմնին:

-Ձեզ ուզում եմ հիշեցնել, որ 2016 թվականին ոստիկանապետ Վլադիմիր Գասպարյանի դեմ լրագրող Սիրանույշ Պապյանը դիմում էր ներկայացրել: Կարծեմ այդ դիմումն էլ է նախնական ուսումանսիրության փուլում:

-Ճիշտ է, այո, որովհետեւ այնտեղ վկայակոչվում են փաստեր, որը վերաբերվում է վիրավորական արտահայտությանը: Իսկ արտահայտության վիրավորական բնույթը գնահատողը ոչ թե էթիկայի հանձնաժողովն է, այլ դատարանն է եւ ընթանում են դատական գործընթացներ, որոնցում հաստատվող փաստերը չեն կարող նշանակություն չունենալ այս գործընթացի վրա: Կա փոխկապակցված գործընթաց եւ առանց մեր կողմից որոշում կայացնելու էական նշանակություն ունեցող փաստերի հաստատվածության, որը գտնվում է այլ վարույթների շրջանակներում, մենք չենք կարող դիրքորոշում արտահայտել: Դրանից դուրս ստուգելու, պարզելու վերաբերյալ հանձնաժողովը ջանքեր գործադրել է, որոնք որ կախյալ են այլ գործընթացներից հանձնաժողովն իր ուշադրության կենտրոնում պահում է նաեւ այդ գործընթացները, դրանցում հաստատվող, հաստատվելիք հանգամանքները, որոնց լույսի ներքո կտա նաեւ իր գնահատականը:

-Առաջին ատյանի դատարանը վճիռ ունի Սիրանուշ Պապյանի եւ Վլադիմիր Գասպարյանի գործով…:

-Այո, որտեղ վիրավորական բնույթը չի հաստատվել եւ նաեւ տեղյակ ենք, որ բողոքարկման գործընթաց կա:

-Տեսականորեն կարող է վերաքննիչ դատարանի որոշումն էլ բեկանելու համար դիմեն Վճռաբեկ դատարան: Այս ամբողջ փուլում էթիկայի հանձնաժողովը ոչ մի գործողություն չի՞ ձեռնարկելու:

-Կարծում եմ՝ ոչ: Այլ գործողությունների մասով մի գուցե, բայց այդ դատական գործընթացում հաստատվող հանգամանքները նշանակություն ունեն եւ դրանք դատարանների գնահատման իրավասության ներքո են: Բայց դատարանի գնահատկանները չեն կարող մարմնի կողմից անտեսվել, հետեւաբար մարմինը պետք է ունենա դատարանի գնահատականները, դրանք ելակետ ընդունելով պարզի իր կողմից գնահատման ենթակա հանգամանքները եւ նոր արտահայտի իր դիրքորոշումները: Բայց եթե հարցը վիրավորական արտահայտության միջոցով էթիկայի կանոններ խախտելուն  է վերաբերվում, իսկ վիրավորանքը գնահատվում է դատարանի կողմից, մենք չենք կարող ուշադրության մեջ չպահել այդ գործընթացը:

-Հանձնաժողովը կաշկանդվա՞ծ է ինքնուրույն, առանց դատարանի որոշման վիրավորանքը որակելու փաստով որոշում կայացնել:

-Գործի հանգամանները կարող են տարբեր լինել: Եթե էթիկայի կանոնի խախտումը պայմանավորում են վիրավորական արտահայտությամբ, կարծում եմ՝ այո: Եթե էթիկայի խախտումը պայմանավորում են այլ վարքագծով, որը թեեւ վիրավորական չի, բայց կարող է համահունչ չլինել հանրային էթիկային, այս դեպքում՝ ոչ: Պետք է դիտարկել յուրաքանչյուր գործի հանգամանների ներքո եւ այն հարցադրումների, որ դիմողը ներկայացնում է էթիկայի հանձնաժողովին:

-Արդյո՞ք տպավորություն չի ստեղծվում, որ Էթիկայի հանձնաժողովը բարձրաստիճան պաշտոնատար անձանց դեպքում գործերը քնեցնում է:

-Կարծում եմ այս դիտարկումը փաստական հիմքեր չունի: Հանձնաժողովը նախկին նախարար Արամ Հարությունյանի վերեբերյալ գնահատական է տվել: Կարծում եմ՝ բարձրաստիճան պաշտոնատար անձ լինելը չի կաշկանդել հանձնաժողովին, որպեսզի էթիկայի հետ կապված իր ստանդարտները տա, կիրառի եւ եզրակացություն ներկայացնի: Եթե դուք հետեւեք դատական ընթացակարգերին՝ քաղաքացիական-քրեական-գործերին, քաղաքացիական-սահամանադրական գործերին, կտեսնեք, որ գործընթացները կարող են կասեցնել մինչեւ այլ մարմինների կողմիցիրենց իրավասության ենթակա հարցերում դիտարկումներ ներկայացնելը, որովհետեւ դրանք նախադատելիության տարրեր ունեն: Որեւէ մասնագիտական լսարան չի կարող կիսել այն մոտեցումը, որ եթե մեր գործընթացն առնչություն ունի այլ գործընթացների հետ եւ մենք սպասում ենք, պարզապես պաշտոնատար անձանցից կաշկանդվածություն ունենալով քնեցնում ենք: Դա ոչ պրոֆեսիոնալ եւ ոչ իրավական մոտեցում է:

-Տեղի՞ն է համեմատել է էթիկայի հանձնաժողովի գործունեությունը դատարանների գործունեության հետ, երբ քաղաքացիական գործը կարող է կասեցվել, մինչեւ նույն հարցով քրեական գործի քննության ավարտը:

-Էթիկայի հանձնաժողովը քվազի-դատական (ոչ դատական մարմնի) ֆունկցիա է իրականացնում, գործընթաց, որն ունի իր կանոնակարգումները, ունի ապացուցման շրջանակը, թույլատրելիությունը եւ այս գործընթացների հետ կապված կան նույնանման կարգավորումներ ինչպիսիք բնորոշ են դատական գործընթացներին: Մենք իրականացնում ենք քվազի-դատական գործընթացներ, հետեւաբար այն մոտեցումները, որոնք կիրառվում են դատական գործընթացներում, իրենց էությամբ կիրառելի են այս գործընթացների նկատմամբ:

-Կոնկրետ Վիգեն Սարգսյանի դեմ գործով տեսականորեն 2 տարվա ընթացքում հնարավո՞ր է ունենալ դիրքրոշում: Նկատի ունեմ վարույթի եզրակացությունը:

-Վարույթ ընդունելու որոշումից հետո մեկամսյա ժամկետում պետք է տրվի եզրակացություն:

-Իսկ վարույթ ընդունելու մասո՞վ:

-Տեսականորեն կարող է լինել մեկ ամիս, կարող է, ինչպես դուք օրինակը բերեցիք, լինի 2 տարի: Բայց մեկ ամսում կամ երկու տարում ավարտելու դեպքում վերացական կերպով չենք կարող ասել, որ գործընթացը ձգձգվում է: Մենք պետք է հասկանանք՝ ինչ է ուսումնասիրվում, ինչ փոխկապակցված գործընթաց կա, եւ այդ գործընթացները իրականացնելու համար ողջամի՞տ էր ծախսված ժամանակը, թե ոչ: Երբ որ այս հարցերի պատասխանը կտանք, նոր կարելի է հանձնաժողովի գործունեությանը գնահատակն տալ, բայց առաջին հարցերին պետք է պատասխանենք:

Պաշտպանության նախարար Վիգեն Սարգսյանը հունվարի 13-ին ֆեյսբուք սոցիալական ցանցի իր էջում գրառում էր կատարել՝ առաջարկելով մարդկանց գումար հավաքել վիրավոր զինվոր Ալբերտ Դալլաքյանի վիրահատության համար: Նախարարը հայտարարել էր, որ Դալլաքյանին հնարավոր չի օրենքով սահմանված կարգով  արտերկրում վիրահատելու համար փոխհատուցում տալ: Ֆեյսբուքյան օգտատեր Պետրոս Սարգսյանը նախարարի գրառման տակ մեկնաբանություն էր թողել՝ որակում տալով դրամահավաք նախաձեռնելու երեւույթին. «1000 դրամները պրծան, թե թազա բոշության ձեւ է»: Վիգեն Սարգսյանը վիրավորական պատասխան էր տվել օգտատիրոջը. «Բոշան դու ես»: Որոշ ժամանակ անց նախարարը հեռացրել է ե՛ւ օգտատիրոջ, ե՛ւ իր մեկնաբանությունը, սակայն սոցիալական ցանցում բուռն քննարկում էր ծավալվել նախարարի կողմից արված վիրավորական արտահայտության շուրջ:

Հարցազրույցը տպագրվել է «Հայկական ժամանակ» օրաթերթի մարտի 8-ի համարում:

Տպել
2643 դիտում

Թուրքիան, Վրաստանը և Ադրբեջանը համատեղ զորավարժություն են պլանավորում

Լարսի ավտոճանապարհով երթևեկությունը վերականգնված է բոլոր տեսակի տրանսպորտային միջոցների համար

Երկար ժամանակով լույս չի լինելու Երևանի և 7 մարզերի մի շարք հասցեներում

Տեղեր գյուղի վանքին հարակից ժայռից 2 քաղաքացի ընկել է ձորակը. նրանց վիճակը միջին ծանրության է

«Հանրապետություն» կուսակցությունը մասնակցելու է Քաջարանի ՏԻՄ ընտրություններին

Քիչ առաջ Լարսում վերականգնվել է երթևեկությունը

Դատական համակարգում կան կլաններ, խմբավորումներ. Փաշինյանը՝ Ջհանգիրյանի և Վարդազարյանի մասնակցությամբ ձայնագրության մասին

Ավտոճանապարհային կապը ՌԴ-ի հետ կվերականգնվի երկու ժամվա ընթացքում. Վահան Քերոբյան

Քննարկվել են հոկտեմբերին Երևանում կայանալիք սամբոյի աշխարհի պատանիների և երիտասարդների առաջնությանն առնչվող հարցերը

Տեղի է ունեցել «ԿԱՆԱՉ Հայաստան» համատեղ հարթակի առաջին՝ քաղաքականությունների երկխոսությունը

Ինչ դիրքորոշում ունի վարչապետը ընդդիմադիր որոշ պատգամավորների մանդատից զրկելու վերաբերյալ

Միայն վերջին 3 ամսում էլեկտրական ինքնագլորից տուժած շուրջ 40 քաղաքացի է տեղափոխվել համալսարանական հիվանդանոց

Փոփոխություններ` «Ղարաբաղ Տելեկոմ» ցանցում ռոումինգ ծառայության պայմաններում

ԱԻ նախարարությունում քննարկվել են Հայաստանում սեյսմոլոգիական դպրոց կազմակերպելու հնարավորությունները

Նիկոլ Փաշինյանը հայտնեց, թե ովքեր են Արցախի հարցի նշաձողի իջեցման կոչ ներկայացնողները

Աննա Հակոբյանը այցելել է Ալպ-Մարիտիմի տարածաշրջանի «Սոֆիա Անտիպոլիս» տեխնոպարկ

Հունաստանում քննարկվել են «Պարսից ծոց-Սև ծով միջազգային տրանսպորտային միջանցքի» ստեղծման ուղղությամբ տարվող աշխատանքները

Վարչապետը նշեց պատճառները, թե ինչու Ադրբեջանը չի վերադարձնում հայ ռազմագերիներին

Խորհրդարանն ընտրել է Վճռաբեկ դատարանի վարչական պալատի դատավորների թեկնածուներ

Ադրբեջանը կաթիլ-կաթիլ փորձում է կուտակել նոր պատերազմի լեգիտիմություն. Նիկոլ Փաշինյան

Եթե առցանց չլիներ, կրկին առիթ կգտնեին բոյկոտելու. վարչապետի արձագանքը՝ որոշ լրատվամիջոցների՝ առցանց ասուլիսը բոյկոտելուն

«Վանաձոր» ՔԿՀ տեսակցության գնացած քաղաքացին կալանավորված անձին կասկածելի իր է փոխանցել

ՀԲ ներկայացուցիչները Գնել Սանոսյանին են ներկայացրել ջրային ոլորտում ենթակառուցվածքների զարգացման իրենց հետազոտությունը

Պետությանը պատկանող բնակելի տարածքներ են նվիրատվություն արվել ՀՀ քաղաքացիներին

Ծնողը գումարի պատճառով երեխային չէր տանում ստուգման․ ինչ անվճար հետազոտություններից կարող են օգտվել 0-18 տարեկանները

Արարատ Միրզոյանը Հունաստանի վարչապետին է ներկայացրել Հայաստան-Թուրքիա կարգավորման գործընթացի զարգացումները

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

Բուհերի ընդունելության երկրորդ փուլի քննությունները տեղի կունենան հուլիսի 4-ից 9-ը

Թունիսի նորանշանակ դեսպանն իր հավատարմագրերի պատճենն է հանձնել Հայաստանի ԱԳ նախարարի տեղակալին

Զվարթնոց թաղամասի մոտակայքում ավտոմեքենան բախվել է հեղուկ գազի լիցքավորման վահանակին

Անահիտ Ավանեսյանը և Նաթիա Նացվլիշվիլին անդրադարձել են առողջության ապահովագրության հայեցակարգի ներդրման հարցերին

Խաղաղությունը մեր սկզբունքը, մեր քաղաքականությունն ու ռազմավարությունն է. ՀՀ ԱԳ նախարար

«ՔոնթուրԳլոբալ Հիդրո կասկադ» ՓԲԸ-ն հայտարարում է մրցույթ

Քաղաքաշինության կոմիտեի ղեկավարը հետևել է մարզական կառույցների շինարարության ընթացքին

Անցած 3 օրում հանրապետությունում արձանագրվել է 48 ՃՏՊ. 2 մարդ զոհվել է

Յունիբանկի Բաժնետերերի տարեկան ընդհանուր ժողովն ամփոփեց 2021թ.-ի արդյունքները

Հայ երիտասարդները մասնակցել են «Eurasia Global» միջազգային երիտասարդական 7-րդ համաժողովին

Համբարձում Մաթևոսյանի գլխավորությամբ շարունակվում են համայնքներից ստացված սուբվենցիայի ծրագրային հայտերի քննարկումները

Մեկնարկել է Հայաստանի և Հունաստանի ԱԳ նախարարների հանդիպումը

Լիանա Հակոբյանը՝ Վճռաբեկ դատարանի վարչական պալատի դատավոր